جۇڭگو - قازاقستان شەكاراسىندا قالىڭ قار جاۋىپ، قار قالىڭدىعى 20 ميلليمەترگە جەتتى

2015.12.01 14:12   كەلۋ قاينارى : حالىق تورابى

　　حالىق تورابى، 1 - جەلتوقسان، بەيجيڭ. 30 - قاراشا كۇنى جۇڭگو - قازاقستان شەكارالاسقان وڭىردە قالىڭ قار جاۋىپ، قار قالىڭدىعى 20 ميلليمەترگە جەتتى. جۋىق جىلداردان بەرى مۇنداي قالىڭ قار سيرەك جاۋعان ەدى. 186 – تۋانداعى جۇمىسشى - قىزمەتكەرلەر قار كۇرەۋ اۆتوموبيلىن ىسكە قوسىپ، قار كۇرەۋگە كىرىستى.

　　حابارعا قاراعاندا، قاراشا ايىنىڭ باسىنان بەرى، 186 - تۋاندا 5 رەت قار جاۋعان. اتالعان تۋان ورتا مەكتەبىنىڭ پارتيا ياچەيكا شۋجيى ۋاڭ ماۋتاڭ: «بىيل قار وتكەن جىلدارعا قاراعاندا كوپ جاۋىپ جاتىر، قاردىڭ كوپتىگى قاتىناسقا قولايسىزدىق تۋدىرعانىمەن، ىرىس قارى ــ جاقسى جىلدىڭ جارشسى»، - دەدى.

　　186 - تۋان ساۋىر تاۋىنىڭ سولتۇستىك باۋارايىنداعى مايقاپشاعايعا تاياۋ جەرگە ورنالاسقان. باتىس وڭتۇستىگى ۇلكەن ۇلاستىمەن جانە قازاقىستانمەن شەكارالاسادى، شەكارا جەلىسىنىڭ جالپى ۇزىندىعى 72 كيلومەتر. مەملەكەتتىك ءبىرىنشى تيپتەگى جەمەنەي وتكەلى وسى اتالعان تۋاننىڭ شتابىنا ورنالاسقان. 186 - تۋانى شينجياڭ بيڭتۋانى 10 - ديۆەزياسىنىڭ باس شتابى – بەيتۇننەن 200 كيلومەتر قاشىقتىققا، جەمەنەي اۋدانىنان 24 كيلومەتر قاشىقتىققا ورنالاسقان.

　　كەلۋ قاينارى: حالىق تورابى