بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

اۆتونوميالى رايوندىق پارتكومنىڭ وزەكتى ۇيرەنۋ گرۋپپاسى «ۇشتە قاتاڭ، ۇشتە شىنايى بولۋ» تاربيەسى بويىنشا 3 - رەت ارناۋلى ۇيرەنۋ - تالقى وتكىزدى

بيلىكتى قاتاڭ جۇرگىزۋدىڭ سانالى باستاماشىسى بولايىق، جاڭ چۇنشيان ۇيرەنۋدى باسقاردى جانە ءسوز سويلەدى

2015.12.07 13:26     كەلۋ قاينارى : ءتاڭىرتاۋ تورابى

  اۆتونوميالى رايوندىق پارتكومنىڭ وزەكتى نازاريا ۇيرەنۋ گرۋپپاسى 5 - جەلتوقساندا «بيلىكتى قاتاڭ اتقارىپ، شىنايى يگەرىپ، ناقتى ىستەپ، قىزمەت جۇرگىزۋدە، شارۋاشىلىق قۇرۋدا، ادام بولۋدا شىنايى بولىپ، ادال، پاك، جاۋاپكەر بولۋدىڭ تىڭ وبرازىن ورناتايىق» تاقىرىبى بويىنشا 3 - رەت ارناۋلى ۇيرەنۋ - تالقى وتكىزدى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان ۇيرەنۋدى باسقاردى جانە ءسوز سويلەدى.

  اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر باس شۋجي شي جينپيڭنىڭ 18 - كەزەكتى ورتالىق كوميتەتى بەسىنشى جالپى ءماجىلىسىنىڭ ەكىنشى جالپى جيىنىندا سويلەگەن ءسوزىنىڭ «جوعارى دارەجەلى كادرلار قوسىن قۇرىلىسىن كۇشەيتەيىك» دەگەن 5 - ءبولىمىن وقىدى؛ اۆتونوميالى رايوندىق پارتكومنىڭ ورىنباسار شۋجيى چى جۇن «شي جينپيڭ ەل باسقارۋ جونىندە» كىتابىنداعى «بيلىكتى ءتۇزىمنىڭ قاپاسىنا ەنگىزەيىك» دەگەن ماقالانى وقىدى. وزەكتى گرۋپپانىڭ مۇشەلەرى باي جىجيە، ەركىنجان تۇراحۇن، عانيبات سابىكەي ۇلى، لي شۋەجۇن، ەركىن تۇنياز قاتارلىلار ۇيرەنۋ تاقىرىبىن ارقاۋ ەتە وتىرىپ ءسوز سويلەدى. ۇيرەنۋ - تالقىدان سوڭ وزەكتى گرۋپپانىڭ مۇشەلەرى: ۇيرەنۋ - تالقى ارقىلى كوممۋنيستەردىڭ بيلىگىنىڭ قايدان كەلگەندىگى، بيلىكتى قالاي ىستەۋ جونىندە اناعۇرلىم ايقىن، تەرەڭ تانىمعا يە بولدىق، - دەستى.

  جاڭ چۇنشيان بىلاي دەدى: باس شۋجي شي جينپيڭ «ماركستىك بيلىك كوزقاراسىن تۇجىرىمداي كەلگەندە مىنا 2 اۋىز سوزبەن قورىتىندىلاۋعا بولادى، ياعني بيلىكتى حالىق بەرگەن، بيلىكتى حالىق ءۇشىن ىستەتۋ كەرەك» دەپ اتاپ كورسەتتى. وسى ءبىر سارالى تۇسىندىرمە بيلىكتىڭ يەسى حالىق، بيلىكتى جالپى حالىق ءۇشىن ىستەتۋ كەرەك دەگەن نەگىزگى سيپاتتى ايقىن كورسەتىپ بەرىپ، پارتيالى كادرلارعا بيلىككە قالاي قاراۋ، بيلىكتى قالاي ويداعىداي جۇرگىزۋ جونىندە ايقىن تالاپ قويدى. شينجياڭداعى ءاربىر باسشى كادر بيلىكتى قاتاڭ جۇرگىزۋ تانىمىن كۇشەيتۋى كەرەك. بيلىكتى ءوز مۇددەسى ءۇشىن ەمەس قايتا حالىق ءۇشىن جۇرگىزۋ، تەك پارتيانىڭ جۇگىن جەڭىلدەتۋگە، مەملەكەت ءۇشىن ءىس ىستەۋگە، حالىققا پايدا جەتكىزۋگە ىستەتۋ، استە جەكە پايداعا قول جەتكىزۋدىڭ قۇرالىنا اينالدىرماۋ كەرەك. قاشاندا كوڭىلىندە تيىم، سوزىندە ساقتىق، ارەكەتىندە شەك بولۋ، پرينسيپتى دارىپتەۋ، تومەنگى شەكتەن اتتاماۋ، ءادىل دە پاك بولۋ كەرەك. باقىلاۋدى سانالىلىقپەن قابىلداپ، قولداعى بيلىكتى ىستەتۋدە باعىتتان اۋىتقىماۋ، جولدان تايماۋ، ابەستىك ىستەمەۋ كەرەك. جاڭادان وزگەرتىلىپ قۇراستىرىلعان «جۇڭگو كوممۋنيستىك پارتياسىنىڭ پاك، تارتىپشەك بولۋ ولشەمى» مەن «جۇڭگو كوممۋنيستىك پارتياسىنىڭ ءتارتىپ جازاسى ەرەجەسىن» ۇيرەنۋ، ۇگىتتەۋ، دايەكتىلەندىرۋدى كەلەلى ساياسي مىندەت رەتىندە «ۇشتە قاتاڭ، ۇشتە شىنايى بولۋ» ارناۋلى تاربيەسىنىڭ مازمۇنىنا ەنگىزۋ كەرەك.

  جاڭ چۇنشيان مىنانى باسا دارىپتەدى: شينجياڭداعى پارتيالى باسشى كادرلار، ءسوز جوق، وزىنە قاتاڭ تالاپ قويىپ، بيلىكتى دۇرىس جۇرگىزۋى، بيلىكتى قاتاڭ جۇرگىزۋدىڭ سانالى باستاماشىسى بولۋلارى كەرەك. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.