- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ ءتوراعا مەن زۇڭتۇڭ پۋتين سۋرەتتەر توپتاماسىنا ارناۋ ءسوز جازدى
«تاريحتى ەستە بەرىك ساقتاپ، بەيبىتشىلىكتى بىرگە قورعاۋ - دۇنيە جۇزىلىك فاشيزمگە قارسى سوعىس جەڭىسىنىڭ 70 جىلدىعىن اتاپ ءوتۋ» اتتى سۋرەتتەر توپتاماسى باسپادان شىقتى
2015.12.07 13:33
جۇڭگو حالقىنىڭ جاپون شاپقىنشىلارىنا قارسى سوعىس جانە دۇنيە جۇزىلىك فاشيزمگە قارسى سوعىس جەڭىسىنىڭ 70 جىلدىعى قارساڭىندا مەملەكەت ءتوراعاسى شي جينپيڭ مەن رەسەيدىڭ زۇڭتۇڭى پۋتين جۋىردا «تاريحتى ەستە بەرىك ساقتاپ، بەيبىتشىلىكتى بىرگە قورعاۋ – دۇنيە جۇزىلىك فاشيزمگە قارسى سوعىس جەڭىسىنىڭ 70 جىلدىعىن اتاپ ءوتۋ» اتتى سۋرەتتەر توپتاماسىنا جەكە ـ جەكە ارناۋ ءسوز جازدى.
شي جينپيڭ ارناۋ سوزىندە بىلاي دەدى: جۇڭگو مەن رەسەي دۇنيە جۇزىلىك 2 ـ سوعىستىڭ ازيا جانە ەۆروپاداعى ەكى نەگىزگى سوعىس مايدانى بولدى، جۇڭگو حالقى مەن رەسەي حالقى ازيا مەن ەۆروپا سوعىس مايدانىنداعى نەگىزگى كۇش رەتىندە دۇنيە جۇزىلىك فاشيزمگە قارسى سوعىس جەڭىسى ءۇشىن وشپەس تاريح ۇلەس قوستى. جۇڭگوعا شاپقىنشىلىق جاساعان جاپون ميليتاريستەرىن جەڭۋ ءۇشىن وراسان زور ۇلتتىق قۇرباندىق بەردى، سوعىستا اسكەرلەر مەن بۇقارادان 35 ميلليون ادام قۇربان بولدى. رەسەيدىڭ وتان قورعاۋ سوعىسىنىڭ ەڭ ماشاقاتتى كەزدەرىندە ءتوراعا ماۋ زىدۇڭنىڭ ۇلى مان انيىڭ باستاعان كوپتەگەن جۇڭحۋا پەرزەنتتەرى گەرمانيا فاشيزمىنىڭ شاپقىنشىلىعىنا قارسى ەرلىكپەن شايقاس جۇرگىزدى. رەسەي ارمياسى مەن حالقى دا جۇڭگو حالقىنىڭ جاپون شاپقىنشىلارىنا قارسى سوعىسىنا قۇندى قولداۋ كورسەتتى. جۇڭگو حالقى ولاردىڭ بەيبىتشىلىك پەن ەركىندىك ءۇشىن قوسقان ەلەۋلى ەڭبەگىن ماڭگى ەستە ساقتايدى. جۇڭگو حالقى مەن رەسەي حالقى دۇنيە جۇزىلىك فاشيزمگە قارسى تۇرۋ ورتاق ىستەرىندە ىستىق قاندارى مەن ومىرلەرى ارقىلى جاۋىنگەرلىك دوستىق ورناتتى.
شي جينپيڭ بىلاي دەدى: جۇڭگو مەن رەسەي حالقى بەينەت پەن زەينەتتە بىرگە بولادى. جۇڭگو حالقى رەسەي حالقىمەن بىرلىكتە بەيبىتشىلىكتى ورتاق قورعاپ، دامۋدى ورتاق جەبەپ، ىستىق قاندارى مەن قىمباتتى ومىرلەرى ارقىلى جازىپ قالتىرعان تاريحتى باتىل قورعايدى ءارى ادامزاتتىڭ تاعدىرلاستىق ورتاق تۇلعاسىن قۇرىپ، دۇنيەنىڭ بەيبىتشىلىگى مەن دامۋىن جەبەۋ ءۇشىن زور ۇلەستەر قوسادى.
پۋتين ارناۋ سوزىندە بىلاي دەدى: سۋرەتتەر توپتاماسىندا ەكى ەل حالقىنىڭ حاۋىپ ـ قاتەردەن جاسقانباي راقىمسىز جاۋلارعا ورتاق سوققى بەرگەن تاريحى ەستەلىككە الىنعان ءارى سوۆەت وداعى مەن جۇڭگونىڭ كوماندير ـ جاۋىنگەرلەرىنىڭ ەرلىكپەن سوعىس جۇرگىزگەن كورىنىسى، سونداي ـ اق بەيبىتشىلىكتى سۇيەتىن ءبىزدىڭ ءوزىن قۇربان ەتۋدەن تايىنبايتىن اسقاق رۋحىمىز بەينەلەنگەن.
پۋتين بىلاي دەدى: بۇگىنگى تاڭدا كەيبىر مەملەكەتتەر تاريحتى بۇرمالاپ، ناتسيستەر مەن ولاردىڭ قولشوقپارلارى وتكىزگەن كەشىرگىسىز قىلمىستارىن تەرىسكە شىعارۋعا ۇرىنىپ وتىر. مۇنداي ارسىزدىق ارەكەتتىڭ حاۋىپى - ارانداتۋشىلىق جانە جاڭا وشپەندىلىك تۋدىرۋ. سوندىقتان دا ءبىز ورتاق تاريحي ەستەمەنى اناعۇرلىم قاستەرلەپ، سوعىستىڭ شىن سىرىن ويداعىداي قورعاۋىمىز كەرەك. مەن وسى سۋرەتتەر توپتاماسىنىڭ قوعامنىڭ كەڭ كولەمدە نازارىن اۋدارىپ، جۇڭگو مەن رەسەيدىڭ مادەنيەت جانە گۋمانيتارلىق سالاداعى ىستەستىگىن اناعۇرلىم جەبەيتىندىگىنە كامىل سەنەمىن.
سۋرەتتەر توپتاماسىن جۇڭگو شەتەل باسپا ءسوز، تاراتۋ ىستەرى مەكەمەسىنىڭ حالىق سۋرەتتى جۋرنالى مەن رەسەي مەملەكەتتىك اقپارات اگەنتتىگى بىرلىكتە باسپادان شىعارعان. مۇندا قۇندى تاريحي سۋرەتتەردەن 200 دەن استام پارشاسى بار بولىپ، جۇڭگو مەن رەسەيدىڭ دۇنيە جۇزىلىك فاشيزمگە قارسى سوعىسىندا تىزە قوسا سەلبەسە وتىرىپ كۇرەس جۇرگىزگەن تاريحى جازىلىپ، ەكى ەل حالقىنىڭ دۇنيەنىڭ بەيبىتشىلىگى مەن ادىلدىگىن قورعاۋ بەكىمى بەينەلەنگەن. (شينحۋا اگەنتتىگى)
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
