بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

اۆتونوميالى رايوننىڭ ۇگىت - لەكسيا ۇيىرمەسى 7 ايماق، وبلىستا ەكى ءماجىلىستىڭ رۋحىن ۇگىتتەدى

جاناسىمدىلىق، باعىتتامالىلىق سيپاتى كۇشتى ۇگىت - لەكسيانى كادر - جۇرتشىلىق قىزۋ قارسى الدى

2015.12.10 13:13    

  اۆتونوميالى رايوننىڭ «پارتيا 18 - كەزەكتى ورتالىق كوميتەتىنىڭ بەسىنشى جالپى ءماجىلىسى مەن ج ك پ اۆتونوميالى رايوندىق 8 - كەزەكتى كوميتەتى ونىنشى جالپى (كەڭەيتىلگەن) ءماجىلىسىنىڭ رۋحىن» ۇگىتتەيتىن 7 ۇگىت - لەكسيا ۇيىرمەسىنىڭ قۇرامىنداعى 14 مامان 9 - جەلتوقسان تۇستەن بۇرىن، ءۇرىمجى، ىلە، تارباعاتاي، قۇمىل، اقسۋ، قاشقار، حوتان سەكىلدى ايماق، وبلىس، قالادا ۇيعۇر، حانزۋ، قازاق تىلدەرىندە ۇگىت - لەكسيا جاسادى، ايماق، وبلىس، قالالاردىڭ باسشىلارى، مەكەمە - ورىنداردىڭ باسشىلارى، ۇگىت بولىمدەرىنىڭ تىرەكتى ۇگىتشىلەرى، اۋىل - قالاشىقتار مەن ءمالى باسقارمالارىنىڭ ۋاكىلدەرى باياندامانى تىڭدادى.

  ماماندار پارتيا 18 - كەزەكتى ورتالىق كوميتەتىنىڭ بەسىنشى جالپى ءماجىلىسى مەن ج ك پ اۆتونوميالى رايوندىق 8 - كەزەكتى كوميتەتى ونىنشى جالپى (كەڭەيتىلگەن) ءماجىلىسىنىڭ رۋحى جونىندە تەرەڭ تۇسىنىك جاساپ، ورتالىق پەن اۆتونوميالى رايوندىق پارتكومنىڭ «13 - بەسجىلدىق» مەزگىلدەگى ەكونوميكالىق، قوعامدىق دامۋىنىڭ باعىتتىق، پرينسيپتىك كەلەلى ماسەلەلەرىن تەرەڭدەي پايىمدادى، باياندامانىڭ مازمۇنى باي، مازمۇنى انىق، لوگيكالىعى كۇشتى بولدى، قۇزىرلى تۇسىنىك بەرۋ مەن ءدۇدامال ماسەلەلەرگە تۇسىنىك جاساۋ، شەشىم - ورنالاستىرۋلاردى ۇگىتتەۋ مەن بۇقارا نازار اۋدارىپ وتىرعان ماسەلەلەرگە جاۋاپ بەرۋ جاندى ۇشتاستىرىلدى، سونداي - اق نازاريالىق تەرەڭدىك تە، كەڭ ءورىستى كوز ايا دا، تاريحي ىزدەنىستەر دە، ناقتى باعىتتامالىلىق تا بولعاندىقتان تىڭداۋشىلارعا زور شابىت سيلاپ، كومەك كورسەتتى.

  ءۇرىمجى قالاسىندا، ۇگىت - لەكسيا ۇيىرمەسىنىڭ مۇشەسى اۆتونوميالى رايوندىق دامۋ جانە رەفورما كوميتەتىنىڭ مەڭگەرۋشىسى، شينجياڭعا باعىتتامالى كومەكتەسۋ كەڭسەسىنىڭ مەڭگەرۋشىسى جاڭ چۇنلين ەكى ءماجىلىستىڭ كەلەلى ءمانى مەن باستى رۋحىن ءتۇيىندى تۇردە پايىمدادى، سونداي - اق اۆتونوميالى رايوننىڭ «31 - بەسجىلدىق» مەزگىلدەگى ەكونوميكالىق، قوعامدىق دامۋى جونىندەگى باس تالاپ جانە ونى قالاي دايەكتى تياناقتاندىرۋ تۋرالى ىشكەرىلەي تالداۋ جۇرگىزدى.

  ىلە قازاق اۆتونوميالى وبلىسىندا، ۇگىت - لەكسيا ۇيىرمەسىنىڭ مۇشەلەرى اۆتونوميالى رايوندىق عىلىم - تەحنيكا مەڭگەرمەسىنىڭ باستىعى جاڭ شياۋلەي، اۆتونوميالى رايوندىق پارتيا مەكتەبىنىڭ ورىنباسار باستىعى ابەيبۇللا ابدۇسالام جانە ىلە قازاق اۆتونوميالى وبلىستىق پارتكومنىڭ ورىنباسار شۋجيى، وبلىس باستىعى مانەن زەينەل ۇلى جەكە - جەكە حانزۋ، ۇيعۇر، قازاق تىلدەرىندە ەكى ءماجىلىستىڭ رۋحى جونىندە تەرەڭدەي تۇسىنىك جاسادى.

  تارباعاتاي ايماعىندا، ۇگىت - لەكسيا ۇيىرمەسىنىڭ مۇشەلەرى شينجياڭ قوعامدىق عىلىمدار اكادەمياسىنىڭ باستىعى گاۋ جيانلۇڭ، تارباعاتاي ايماقتىق پارتكومنىڭ ورىنباسار شۋجيى، ايماق ءۋاليى سارقىت اقان ۇلى جەكە - جەكە حانزۋ، قازاق تىلدەرىندە ەكى ءماجىلىستىڭ رۋحى جونىندە جان - جاقتى پىسىقتاۋ جاسادى.

  قۇمىل ايماعىندا، ۇگىت - لەكسيا ۇيىرمەسىنىڭ مۇشەلەرى اۆتونوميالى رايوندىق ەكونوميكا جانە ينفورماتسيالاندىرۋ كوميتەتى پارتيا باسشىلىق گرۋپپاسىنىڭ شۋجيى، مەڭگەرۋشىسى حۋ كايجاڭ، اۆتونوميالى رايوندىق قوعامدىق عىلىم سالاسىنداعىلار بىرلەستىگىنىڭ ورىنباسار ءتوراعاسى ابدىرەيىم حالىق جەكە - جەكە حانزۋ، ۇيعۇر تىلدەرىندە، ەكى ءماجىلىستىڭ تىڭ تالاپتارى مەن كەلەلى ورنالاستىرۋلارى جونىندە جان - جاقتى تۇسىنىك جاسادى.

  اقسۋ ايماعىندا، ۇگىت - لەكسيا ۇيىرمەسىنىڭ مۇشەلەرى اۆتونوميالى رايوندىق ەگىن شارۋاشىلىق مەڭگەرمەسى پارتيا باسشىلىق گرۋپپاسىنىڭ شۋجيى جۋ گاڭ، اقسۋ ايماقتىق پارتكومنىڭ ورىنباسار شۋجيى، ايماق ءۋاليى ماردان مۇگايت ەكى ءماجىلىستىڭ رۋحىن تىعىز ارقاۋ ەتە وتىرىپ، ەلىمىزدىڭ دامۋ تاريحي ورنى مەن دۇنيە كورديناتاسى، ەلىمىزدىڭ «12 - بەسجىلدىق» مەزگىلدەگى ەلەۋلى جەتىستىكتەرى، «13 - بەسجىلدىق» مەزگىلدەگى ەكونوميكالىق، قوعامدىق دامۋدىڭ جەتەكشى يدەياسى جانە باستى نىساناسى، نەگىزگى يدەياسى، سونداي - اق جاپپاي دوڭگەلەك داۋلەتتى قوعام قۇرۋدىڭ ماڭىزدى، قيىن تۇيىندەرى مەن ساياسي كەپىلى، ت.ب جونىندە حانزۋ، ۇيعۇر تىلدەرىندە جان - جاقتى تۇسىنىك جاسادى.

  قاشقار ايماعىندا، ۇگىت - لەكسيا ۇيىرمەسىنىڭ مۇشەلەرى اۆتونوميالى رايوندىق دامۋ جانە رەفورما كوميتەتىنىڭ ورىنباسار مەڭگەرۋشى، شينجياڭعا باعىتتامالى كومەكتەسۋ كەڭسەسىنىڭ ارناۋلى ورىنباسار مەڭگەرۋشىسى گان شۇيچۇن، قاشقار ايماقتىق پارتكومنىڭ ورىنباسار شۋجيى، ايماق ءۋاليى پارحات روزى جەكە - جەكە حانزۋ، ۇيعۇر تىلدەرىندە ەكى ءماجىلىستىڭ كەلەلى ءمانى جانە نەگىزگى رۋحى، اۆتونوميالى رايوننىڭ «13 - بەسجىلدىق» جوبا باعدارلاماسىنىڭ نەگىزگى مازمۇنى جونىندە جاپپاي، ىشكەرىلەي پايىمداۋ جاسادى.

  حوتان ايماعىندا، ۇگىت - لەكسيا ۇيىرمەسىنىڭ مۇشەلەرى اۆتونوميالى رايوندىق پارتكوم ۇيىمداستىرۋ ءبولىمىنىڭ ورىنباسار باستىعى، اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى پارتيا باسشىلىق گرۋپپاسىنىڭ شۋجيى ياڭ يۇڭ، حوتان ايماقتىق پارتكومنىڭ ورىنباسار شۋجيى، ايماق ءۋاليى ءازىز مۇسا جەكە - جەكە، حانزۋ، ۇيعۇر تىلدەرىندە ەكى ءماجىلىستىڭ رۋحى جونىندە ۇگىت - لەكسيا جاسادى.

  قالىڭ پارتيالى كادرلار لەكسيانى تىڭداعاننان كەيىن، لەكسيانىڭ مازمۇنى ءىس جۇزىندىك جاعدايعا جاناسىمدى، ۇعىنىقتى ەكەندىگىن، ونان تەرەڭ اسەر العاندىعىن ايتتى.

  ىلە قازاق اۆتونوميالى وبلىستىق پارتكوم بىرلىكساپ ءبولىمىنىڭ ورىنباسار باستىعى، وبلىستىق سوتسياليزم ينستيتۋتى پارتيا باسشىلىق گرۋپپاسىنىڭ شۋجيى مەدەتقان ماۋلىقان ۇلى بىلاي دەدى: لەكسيانى ۇيىپ تىڭداپ، تەرەڭ اسەر الدىم. از ۇلتتان شىققان كادر رەتىندە، «ساياسيدا تاباندى، قابىلەتى مىقتى، ستيلى جاقسى، كوڭىل كۇيى ورنىقتى» كادر بولۋ تالابىنا ساي، ارەكەتتە جانە يدەيادا، ءسوز جوق، پارتيا ورتالىق كوميتەتىمەن جانە اۆتونوميالى رايوندىق پارتكوممەن وسكەلەڭ بىردەيلىكتى ساقتاپ، ۇلكەن دۇرىس پەن ۇلكەن بۇرىس ماسەلەسىندە بەرىك تۇرعى ۇستانىپ، قوعام ورنىقتىلىعى مەن باياندى تىنىشتىقتى قورعاۋدا ايقىن پوزيتسيا ءبىلدىرىپ، ءماجىلىس رۋحىن ۇيرەنۋ، دايەكتىلەندىرۋدى ءار سالالى قىزمەتتىڭ بارىسىنا توعىستىرۋعا كۇش سالامىن.

  شاۋەشەك قالاسى ابدىرا اۋىلدىق پارتكومنىڭ ورىنباسار شۋجيى، اۋىل باستىعى ماقسات كاتيمان ۇلى بىلاي دەدى: «13 - بەسجىلدىق» مەزگىلىندە اۆتونوميالى رايوندىق پارتكومنىڭ ورنالاستىرۋىنا ساي وسى زامانعى ەگىن، مال شارۋاشىلىعىن دامىتۋدى بەلسەندىلىكپەن ىلگەرىلەتىپ، حالىقتى شارۋاشىلىق قۇرىپ، كىرىستى مولايۋعا ءتۇرلى ارنالارمەن جەتەكتەپ، ولاردى رەفورمانىڭ، دامۋدىڭ تابىسىنان قاتار يگىلىكتەندىرۋگە قۇلشىنامىن.

  قۇمىل قالاسى تاۋجياگۇڭ قالاشىعىنىڭ ورىنباسار باستىعى رابيگۇل امەت بىلاي دەدى: لەكسيانى تىڭداپ، تەرەڭ شابىت الدىم، ءبىز ارتىق ەڭبەككۇشتەردى باسقا كاسىپكە ويىسۋعا جەتەكشىلىك ەتىپ، اۋقاتتانۋدىڭ جاڭا جولى مەن ءورىسىن اشىپ، شارۋالاردىڭ كەدەيلىكتەن قۇتىلۋىنا، اۋقاتتانۋىنا مۇمكىندىك جاسايمىز.

  لەكسيانى تىڭداعاننان كەيىن، بەيجيڭنىڭ شينجياڭعا باعىتتامالى كومەكتەسۋ قىزمەتى بويىنشا حوتانداعى قولباسشىلىق شتابىنىڭ كادرى دۇڭ جىيۇي: «13 - بەسجىلدىق» مەزگىلىندە حوتاننىڭ ءىس جۇزىندىك جاعدايىنا ساي، قالا جوباسى قىزمەتىن ۇزدىكسىز ايتارلىقتاي جاقسى ىستەپ، جاپپاي دوڭگەلەك داۋلەتتى قوعام قۇرۋعا ۇلەس قوسامىز، - دەدى. («شينجياڭ گازەتىنەن»)

  كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.