- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايوننىڭ ۇگىت - لەكسيا ۇيىرمەسى 6 ايماق، وبلىس، قالا، اۋدانعا بارىپ ەكى ءماجىلىستىڭ رۋحى جونىندە ۇگىت - لەكسيا جاسادى
2015.12.14 16:37 كەلۋ قاينارى : شينجياڭ گازەتى
گازەتىمىزدىڭ جيناق حابارى. 10- جەلتوقساندا اۆتونوميالى رايوننىڭ «ج ك پ 18- كەزەكتى ورتالىق كوميتەتىنىڭ بەسىنشى جالپى ءم−اجىلىسى مەن ج ك پ اۆتونوميالى رايوندىق 8 - كەزەكتى كوميتەتىنىڭ ونىنشى جالپى (كەڭەيتىلگەن) ءماجىلىسىنىڭ رۋحى» جونىندە ۇگىت - لەكسيا جاساۋ ۇيىرمەسى ءۇرىمجى، قىزىلسۋ قىرعىز اۆتونوميالى وبلىسى، بۇراتالا موڭعۇل اۆتونوميالى وبلىسى، التاي ايماعى، تۇرپان قالاسى، ياركەن اۋدانى سياقتى ايماق، وبلىس، قالا، اۋداندارعا بارىپ ۇگىت - لەكسيا جاسادى، 11 مامان جەكە - جەكە ۇيعۇرشا، حانزۋشا، قازاقشا لەكسيا جاسادى، اۆتونوميالى رايوننىڭ ءارقايسى تاراۋلارى،كوميتەتتەرى،كەڭسەلەرىندەگى،مەڭگەرمەلەرىندەگى، مەكەمەلەرىندەگى، حالىقتىق ۇيىمدارداعى، ورتالىقتىڭ شينجياڭدا تۇراتىن ورىندارىنداعى ءبىر ءبولىم كادرلار مەن جۇرتشىلىق، شينجياڭ ۋنيۆەرسيتەتى، شينجياڭ پەداگوگيكا ۋنيۆەرسيتەتى قاتارلى 6 جوعارى وقۋ ورىندارىنان 900دەن استام وقىتۋشى، وقۋشى، ءارقايسى ايماق، وبلىس، قالا، اۋدانداردىڭ باسشىلارى جانە ورگاندارداعى پارتيالى كادرلار، ءارقايسى اۋىلدىڭ (قالاشىق، ەگىنشىلىك الاڭى، ءمالى) كادرلارى، وتانشىل ءدىني قايراتكەرلەر لەكسيانى تىڭدادى.ماماندار ج ك پ اۆتونوميالى رايوندىق 8 - كەزەكتى كوميتەتىنىڭ ونىنشى جالپى (كەڭەيتىلگەن) ءماجىلىسىنىڭ ماڭىزدى ءمانىن ءتۇسىندىرىپ، ستراتەگيالىق ورنالاستىرۋدى ۇگىتتەپ، اۆتونوميالى رايوندىق پارتكومنىڭ العا قويعان ءبىر قىدىرۋ جاڭا كوزقاراستارى، جاڭا وي تولعامدارى، جاڭا تالاپتارى جانە اۆتونوميالى رايوننىڭ «13- بەسجىلدىقتاعى» ەكونوميكانى دامىتۋ وي جەلىسى، بەتالىسى، كۇش سالۋ ءتۇيىنى سياقتى مازمۇندار جونىندە تەرەڭ تۇسىنىك بەردى. لەكسيانىڭ نازاريالىق دەڭگەيى جوعارى بولۋمەن بىرگە، مازمۇنى امالياتپەن تىعىز ۇشتاستىرىلعان، ءتىلى ۇعىنىقتى، جاي سوزبەن تەرەڭ ويدى ءتۇسىندىرىپ، تانىمدى جوعارىلاتتى. اۆتونوميالى رايوندىق پارتكوم پارتيا مەكتەبىنىڭ ءماجىلىس زالىندا ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق پارتكوم ۇيىمداستىرۋ ءبولىمىنىڭ ورىنباسار باستىعى، اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى پارتيا باسشىلىق گرۋپپاسىنىڭ شۋجيى ياڭ يۇڭ «13- بەسجىلدىق» مەزگىلىندەگى ەكونوميكالىق، قوعامدىق دامۋدىڭ جەتەكشى يدەياسىن، نەگىزگى نىساناسىن جانە جاپپاي دوڭگەلەك داۋلەتتى قوعام قۇرۋعا تۇساۋ بولاتىن ءتۇيىندى، قيىن ماسەلەلەردى شەشۋ سياقتى مازمۇنداردى توڭىرەكتەي وتىرىپ، ەكى ءماجىلىستىڭ رۋحىن تەرەڭ بايىمدادى.شينجياڭ ۋنيۆەرسيتەتىندە ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق پارتكومنىڭ رەفورما كەڭسەسىنىڭ ورىنباسار مەڭگەرۋشىسى، اۆتونوميالى رايوندىق ەگىن شارۋاشىلىق مەڭگەرمەسى پارتيا باسشىلىق گرۋپپاسىنىڭ شۋجيى جۋ گاڭ ەكى ءماجىلىستىڭ رۋحىن جەتكىزىپ، اۆتونوميالى رايوننىڭ «13- بەسجىلدىق» جوبا پروگرامماسىنىڭ مازمۇنى مەن ءمانىن ءتۇسىندىردى، سونداي - اق لەكسيانى تىڭداۋعا كەلگەن ستۋدەنتتەرمەن پىكىر اۋىستىردى.قىزىلسۋ قىرعىز اۆتونوميالى وبلىسىندا ۇگىت-لەكسيا ۇيىرمەسىنىڭ مۇشەسى، اۆتونوميالى رايوندىق دامۋ - رەفورما كوميتەتىنىڭ ورىنباسار مەڭگەرۋشىسى، شينجياڭعا باعىتتامالى كومەكتەسۋ كەڭسەسىنىڭ ارناۋلى مىندەتتەگى ورىنباسار مەڭگەرۋشىسى گان چاڭچۇن جانە شينجياڭ پەداگوگيكا ۋنيۆەرسيتەتىنىڭ باستىعى ۋالي باراتتار جەكە - جەكە حانزۋشا جانە ۇيعۇرشا لەكسيا جاسادى.تۇرپان قالاسىندا ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق ەكونوميكا جانە ينفورماتسيالاندىرۋ كوميتەتى پارتيا باسشىلىق گرۋپپاسىنىڭ شۋجيى، مەڭگەرۋشىسى حۋ كايجياڭ جانە اۆتونوميالى رايوندىق قوعامدىق عىلىمدار بىرلەستىگىنىڭ ورىنباسار ءتوراعاسى ابدىرەيىم حالىق جەكە - جەكە حانزۋشا، ۇيعۇرشا لەكسيا جاساپ، ەكى ءماجىلىستىڭ رۋحىن جان - جاقتى ءتۇسىندىردى.تۇرپان قالاسىندا ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق قوعامدىق عىلىمدار اكادەمياسىنىڭ باستىعى گاۋ جيانلۇڭ جانە التاي ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى تالعات ۇسەن ۇلى جەكە - جەكە حانزۋشا، قازاقشا لەكسيا جاساپ، شينجياڭنىڭ «13-بەسجىلدىق» كەزىندەگى ەكونوميكالىق، قوعامدىق دامۋىنىڭ جەتەكشى يدەياسىن، ارقاۋىن، ءۇشتى جەتەكشى ەتۋدى جانە نەگىزگى نىساناسىن ەگجەي - تەگجەيلى باياندادى.بۇراتالادا ۇگىت - لەكسيا ۇيىرمەسىنىڭ مۇشەلەرى، اۆتونوميالى رايوندىق عىلىم - تەحنيكا مەڭگەرمەسىنىڭ باستىعى جاڭ شياۋلەي، اۆتونوميالى رايوندىق پارتكوم پارتيا مەكتەبىنىڭ ورىنباسار باستىعى ابەيبوللا ابدىسالام حانزۋ جانە ۇيعۇر تىلىندە جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلەتىن دامۋ سىندى 5 دامۋ يدەياسىن ارقاۋ ەتىپ، ەلىمىزدىڭ دۇنيەدەگى كورديناتاسىن، دامۋ بەتالىسىن، ءدوپ كەلگەن وراي مەن سىن - سايىستارىن بايىمدادى.ياركەن اۋدانىندا ۇگىت - لەكسيا ۇيىرمەسىنىڭ مۇشەسى، قاشقار ايماقتىق پارتكومنىڭ ورىنباسار شۋجيى، قاشقار ايماعىنىڭ ءۋاليى پارھات روزى «13- بەسجىلدىق» مەزگىلىندەگى ەكونوميكالىق، قوعامدىق دامۋدىڭ نىساناسى، مىندەتتەرى، كەلەلى شارالارى، پرينسيپتىك كەلەلى ماسەلەلەر جونىندە جان - جاقتى تۇسىنىك جاسادى؛ وڭتۇستىك شينجياڭ مەن سولتۇستىك شينجياڭنىڭ پارقىن قالاي ازايتۋ، وقۋ - اعارتۋدى الدىمەن ويلاسۋ، حالىق تۇرمىسى، نەگىزدىك قۇرىلعىلار قۇرىلىسى، ەكولوگيالىق ورتانى قورعاۋ، كەدەيلەردى دالمە - ءدال سۇيەمەلدەۋ سياقتى بۇقارا نازار اۋدارعان ماسەلەلەردى باعىتتامالى ءتۇسىندىردى.پارتيالى كادرلار لەكسيانى تىڭداعاننان كەيىن، لەكسيانىڭ ءماجىلىس رۋحىن ىشكەرىلەي بايىمداپ تۇسىندىرگەنىن، لەكسيانىڭ مازمۇنىن جەتە ۇعىنىپ، زور شابىت العاندىقتارىن ايتتى.اۆتونوميالى رايوندىق ەكونوميكا جانە
ينفورماتسيالاندىرۋ كوميتەتىنە قاراستى ورگان پارتكومىنىڭ ارناۋلى مىندەتتەگى ورىنباسار شۋجيى تاۋ شينشىڭ بىلاي دەدى: بايانداما الداعى قىزمەتتەرگە ايقىن جول نۇسقادى. ءماجىلىستىڭ رۋحىن قىزمەتكە قوزعاۋشى كۇش ەتىپ، ناقتى ناتيجەلەر جاراتۋىمىز كەرەك.شينجياڭ ۋنيۆەرسيتەتىنىڭ وقۋشىسى ناۋدار ءماتتۇرسىن بىلاي دەدى: زامانىمىزدىڭ ستۋدەنتى ساناتىندا اتا مەكەننىڭ دامۋىنا ۇلەس قوسۋعا مىندەتتىمىن. جاستىق ورالىمدى وتان ەڭ قاجەت ەتكەن جەرگە ارناۋ مەنىڭ ارمانىم. لەكسيانى تىڭداعاننان كەيىن، بۇل ارمانىم كۇشەيە
ءتۇستى. مەملەكەتتىڭ، اۆتونوميالى رايوننىڭ وسى ساياساتتارى مەن كوزقاراستارى ماعان رۋحاني كۇش بەرىپ، باتىلدىقپەن قادام تاستاپ، ارمانعا قانات قاعۋىما مۇمكىندىك جاسادى.تۇرپان قالالىق ەگىن شارۋاشىلىق مەكەمەسى پارتيا باسشىلىق گرۋپپاسىنىڭ شۋجيى يۋان شياۋحۋا بىلاي دەدى: ەگىن شارۋاشىلىعى سالاسىنىڭ كادرى ساناتىندا تۇتاس جۇيەدە ەكى ءماجىلىس رۋحىن كۇش سالا ۇگىتتەيمىن. ورتالىقتىڭ، اۆتونوميالى رايوندىق پارتكومنىڭ كورسەتكەن باعىتى بويىنشا ەگىن شارۋاشىلىعىندا ونىمدىلىكتى ارتتىرۋدى، شارۋالاردىڭ كىرىسىن مولايتۋدى ارقاۋ ەتىپ، تۇرپاننىڭ ەگىن شارۋاشىلىق قوسىمشا ونىمدەرى ماركاسىن جاراتۋعا بەلسەنە كىرىسەمىن.ياركەن اۋدانى ەلىشحۇ قالاشىعى توعراقلاڭگار قىستاعى پارتيا ياچەيكاسىنىڭ شۋجيى ابلەت امەت باياندامانى تىڭداعاننان كەيىن، تەبىرەنە بىلاي دەدى: مەن دە، قىستاق كادرلارى مەن بۇقارا دا لەكسيانى تىڭداپ زور شابىت الدىق. بۇل بىزگە اۋقاتتانىپ، دوڭگەلەك داۋلەتتى ورەگە جەتۋدىڭ ءۇمىت ۇشقىنىن كورسەتتى. اۆتونوميالى رايوندىق پارتكوم وڭتۇستىك شينجياڭنىڭ دامۋىنا باسا ءمان بەرىپ، اۋىل شارۋاشىلىعىنا، اۋىل - قىستاققا قولداۋ كورسەتۋ سەرپىنىن ارتتىرىپ، دالمە - ءدال سۇيەمەلدەۋدى اتقارىپ،
قالا - قالاشىقتاندىرۋ مەن جاڭاشا اۋىل - قىستاق قۇرىلىسىن جاپپاي ىلگەرىلەتىپ، شارۋالاردىڭ كىرىسىن ارتتىردى. بولاشاقتا تۇرمىسىمىزدىڭ تاماشا بولاتىنىنا سەنىمىمىز نىعايا ءتۇستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
