- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
باسقالارعا باستاماشى بولۋدىڭ ءوزىءبىر باقىت
نۇراش جاجىك ۇلى
2015.12.14 16:44
مەن باسقالارعا باستاماشى بولۋدى ارماندايمىن، سول ارمان جولىندا تىنباي ىزدەنىس جاساپ كەلەمىن. باسقالارعا باستاماشى بولۋ-جاپالى دا، داڭىقتى جۇمىس. ماۋ زىدۇڭ باستاعان پارتيامىز جاڭا جۇڭگوعا باتىلدىقپەن باستاماشىلدىق ەتىپ، جاپالى كۇرەس جاساپ جۇڭگو حالقىن ازات ەتىپ، حالىقارادا اتى-زاتىنا ساي پارتيا بولىپ قۇرىلىپ، داڭىققا بولەنىپ وتىر. جاستارىمىزعا پارتيامىزدىڭ ىزگى ىستەرىن، ءابزال ساياساتتارىن، جۇڭگوشا ەرەكشەلىككە يە سوتسياليزىمنىڭ ەرەكشەلىكتەرىن، تىنىش، ىنتىماقتى جاراسىمدى قوعامنىڭ، باياشات تۇرمىستىڭ وڭاي قولعا كەلمەگەندىگىن ايتا كەتۋدىءجون كورىپ وتىرمىن.
بۇگىنگى باقىتتى ءومىرىمىزدىڭ، شات-شادىمان تۇرمىسىمىزدىڭ، تىنىش ىنتىماقتى جاراسىمدى قوعامىمىزدىڭ قادىرىن تۇسىنىڭدەر، پارتيامىزدىڭ ءابزال ساياساتىنا، سوتسياليستىك قوعامعا العىس ايتىڭدار. ۇيتكەنى جۇڭگو كوممۋنيستىك پارتيامىز اسا باتىلدىقپەن، شىنايى كورەگەندىكپەن تاريحتان بەرى جۇڭگو حالقىنىڭ موينىنداعى ءۇش ۇلكەن تاۋدى اۋدارىپ تاستاپ ازاتتىققا قول جەتكىزدى، ەزىپ - قاناۋدان قۇتىلدىردى، بەيبىت ومىرگە اكەلدى، بۇكىل حالىق ەكى تىزگىن، ءبىر شىلبىردى قولدارىنا الىپ ەركىن ءومىر ءسۇردى. ىشەر اس، كيەر كيىمگە جارىدى. بۇدا پارتيامىزدىڭ، سوتسياليىستىك قوعامنىڭ ءدانىشپان شەشىمى. ازاتتىققا قول جەتكىزۋ جۇڭگو حالقىنىڭ ۇزاق ۋاقىت اڭساعان ارمانى ەدى، سول ارمانعا قول جەتكىزۋدىڭ ءوزىءبىر باقىت.
ازاتتىق سوعىس كەزىندە مەملەكەت كوسەمدەرى كورەگەندىك ىستەپ، بارلىق اقىل-پاراساتىن، زەيىن- زەردەسىن، جۇرەك قاندارىن سارقا جۇمسادى، قانشاما كوممۋنيستەر، سانسىزداعان وپەسسەر- جاۋىنگەرلەر ولىمنەن قورىقپاي جاۋ الدىندا قايسارلىقپەن كۇرەس جاساپ قىرشىن جاندارىن قيدى. نەشە مىڭ اسكەر باستارىنا سار شاپكى، ۇستەرىنە جاماۋ-جاسقاۋ كونە توز اسكەري كيىم، اياعىنا ءشوپ شاقاي كيىپ قاڭتاردىڭ قاقاعان ايازىندا، شىلدەنىڭ شىلىڭگىر ىستىعىندا تاۋ اسىپ، تاس باسىپ دەگەندەي تارجول، تايعاق كەشۋلەردى باستارىنان كەشىردى، ولارءشوپ-شالاڭدى، بوتقانى تاماق ەتە وتىرىپ مىڭ ماشاقاتپەن تۇرمىس كەشىردى، ءشوپ كۇركەدە جاتىپ دالا سوعىسىنا قاتىناسىپ، جانقيارلىقپەن جاپالى كۇرەس جاسادى. ازاتتىق سوعىس جىلدارىندا قانشاما جاۋىنگەرلەر قىرشىن جاندارىنان قيىلىپ قۇربان بولدى، قانشاما اسكەرلەر قول- اياقتارىنان ايرىلىپ مۇگەدەك بولىپ قالدى، قانشاما شارۋا ديحاندار ۇل- قىزدارىنان ايرىلىپ كوز جاستارى كول بولدى دەشى! جۇڭگو ۇلاندارىنان قۇرام تاپقان قىزىل ارميا جاۋىنگەرلەرى پارتيزاندىق سوعىس جۇرگىزدى، ولار بەلۋاردان سۋ، تولارساقتان قان كەشىپ ءجۇرىپ، اقىرىندا جەڭىسكە جەتتى. قولدارىندا سىنىق تەمىردەي قۇرالدارى جوق قىزىل ارميا قالاي جەڭىسكە جەتتى؟ ولاردىڭ سوعىسى قالىڭ حالىق بۇقاراسىنىڭ مۇددەسىنە ۇيلەسەتىن ادىلەتتى سوعىس بولعاندىعىندا. سوعىس جىلدارىنداعى اعا بۋىن قىزىل ارميانىڭ ازاتتىق جولىندا سىڭىرگەن ەرشىمدى ەڭبەكتەرىن، ولاردىڭ ىزگى ىستەرىن، وبىرازدى بەينەلەرىن ساعىنا ەسكە الىپ، كوڭىل كۇيىمىزدە، جۇرەگىمىزدە كەتپەستەي ورىن الدىرۋىمىز كەرەك.
بۇگىنگى تىنىشتا، ىنتىماقتى، بەيبىت ءومىردىڭ، جاراسىمدى قوعامدا باياشات جاقسى تۇرمىسىمىزدىڭ، باقىت-بايلىعىمىزدىڭ قولعا كەلۋى جۇڭگو كوممۋنيستىك پارتياسىنىڭ، ەلىمىز ءابزال ساياساتىنىڭ، جۇڭگوشا ەرەكشەلىككە يە سوتسياليىستىك ءتۇزىمنىڭ ارقاسى ەكەندىگىن قالىڭ حالىق بۇقاراسىنا اسىرەسە جاستارعا شىنايى سەزىندىرۋىمىز كەرەك.
بۇل ومىردە ادام بولىپ جاراتىلىپ كەلگەنىڭە دە، ادامشا ءومىر ءسۇرىپ جۇرگەنىڭە دە شۇكىرشىلىك. ەڭ الدىمەن جاراتۋشىعا، ونان قالسا اناعا شىنايى راحىمەت ايتقىڭ كەلەدى. اسىرەسە اناعا دەگەن راحىمەتىڭ بولەكشە. ۇيتكەنى 9 اي، 9 كۇن كوتەرىپ، بۇل دۇنيەگە الىپ كەلگەن سول انا ەمەسپە. ەس جيىپ، ەتەك جاپقاننان، قوعامنىڭ جارامدى ازاماتى بولعانعا دەيىن اتا - اناڭ ىستىق- سۋىعىڭا كۇيىپ سەنى اسىراپ باقتى، تالاي-تالاي قيىنشىلىقتاردى كورە ءجۇرىپ قاتارعا قوستى. جاستار اتا - انانىڭ ماپەلەۋىندە ەرجەتتى، وڭ-سولىن بايقادى، قايناعان ءومىر بازارىنا ارالاستى، پىسىپ - جەتىلدى، بۇل ءومىردىڭ ىستىق - سۋىعىن، باقىتتى كۇندەرىن، قىلىقتى قىزىقتارىن، ءلازاتتى شاقتارىن باستارىنان كەشىردى، اسىر سالىپ ويناعان بالالىق شاقتارىڭ، مازداعان وتتاي جالىنداعان جاستىق داۋىرلەرىڭ تاماشا ءوتتى، جار ءسۇيىپ باستارىنا وتاۋ كوتەردى، ۇيلى باراندى بولىپ بالا ءسۇيدى. ەندى وزدەرىڭ دە اتا - انا بولدىڭ، وزدەرىڭ بالالى بولعان كەزدە اتا - انانىڭ قادىرىن ءتۇسىندىڭ، ۇيلەنۋ وڭاي ءۇي بولۋ قيىن دەگەندەي بالا شاعاڭدى اسىراۋ ءۇشىن جالعاستى قۇلشىنىس جاساپ جاتىرسىڭدار. ۇيتپەسكە دە امال جوق، ءتىرى ادامعا تىرشىلىك كەرەك، كاسىپ ىستەۋ جولىندا بارىڭدى ارنايسىڭ،ءتىرى جۇرگەننىڭ ءوزى ءبىر باقىت ەكەنعوي دەپ بارىندە كورە ءجۇرىپ تۇسىنەسىڭ، ىستەي ءجۇرىپ جەڭەسىڭ. ەكى قولعا ءبىر جۇمىس دەگەندەي ون ەكى مۇشەڭ ساۋ بولسا، وزدەرىڭدە كۇرەسشەڭدىك رۋحىڭ تاسقىنداپ تۇرسا الىنبايتىن قامال جوق، اقىرىندا جەڭىسكە جەتەسىڭ. تىلەكتەرىڭ قابىل بولىپ باقىت، بايلىققا كەنەلەسىڭ، ءومىرىڭدى شات - شادىمان، تۇرمىسىڭدى جاقسى وتكىزەسىڭ. بۇل اتام زاماننان جالعاسىپ كەلە جاتقان ءومىر زاڭدىلىعى، ەشبىر ادام وزگەرتە المايدى، وزگەرتۋگە دە كەلمەيدى.
ءومىردىڭ وسىنداي كۇردەلىگىن، ءومىردىڭ ءوزى ءبىر ءتۇرلى كۇرەس مايدانى ەكەنىن، وسى كۇرەس مايدانى اينالىپ كەلىپ ادامدارعا باقىت - بايلىق سيلايتىندىعىن ۇعىنىڭدار. ءومىردىڭ وسىنداي اسىل قاسيەتىن، قادىر، قىمباتىن تۇسىنە بىلىڭدەر. ءومىر ەكى كەلمەيدى، جەلگەن اتتاي وتە شىعادى، بۇگىن باردا، ەرتەڭ جوق الدامشى دۇنيە. ادامداردا بۇل دۇنيەگە كەلىپ - قايتقان قوناق سياقتى، قامشىنىڭ سابىنداي قىسقا عۇمىرىڭدىءمان-ماعانالى وتكىزىڭدەر، ءومىردىڭ ساعان بەرگەن ىرىزدىعىنان تولىق پايدالانا بىلىڭدەر، اتتەگەن - اي دەپ قاپىدا قالىپ جۇرمەڭدەر، ورنى تولماس وكىنىشتەن اۋلاق بولىڭدار. سول ءۇشىن وزدەرىڭە قاتاڭ تالاپ قويىپ ءومىردى قادىرلەڭدەر، بەيبىت ءومىر جاراتىپ بەرگەن پارتيا، ۇكىمەتكە بورىشتارسىڭدار، بۇل بورىشتى ادال نيەتپەن، اسىل قاسيەتتەرىڭمەن ونەرلى ىستەرىڭمەن، العىسقا تولى ادامگەرشىلىكپەن قايتارۋىڭ كەرەك. ءوزىڭدى دە، وزگەنى دە تۇسىنە بىلىڭدەر، " ءتۇسى جىلىدان تۇڭىلمە " دەگەندەي جىلى شىرايلى، اشىق- جارقىن بولىڭدار، ەسىگىڭ اشىق، ءتورىڭ دايىن، داستارقاننىڭ جايۋلى بولسىن، كەلىپ - كەتكەندەردى جىلى قاباقپەن قارسى الىپ، شايىڭدى قۇي، " كەڭ بولساڭ كەم بولمايسىڭ" دەگەندەي كەڭ پەيىلدىلىك كورسەتىڭدەر.
مەن قانداي مىنەزدەگى اداممىن؟ ەل مەنى جاقتىراما؟ قالاي تۇسىنەدى؟ دەپ ءجۇز ويلانىپ، مىڭ تولعانىپ ءوزىڭدى - ءوزىڭ بورشالاپ تەكسەرىپ باعالاڭدار. جاقسىلىق جاقتارىڭنان گورى، جامانشىلىق ىستەرىڭدى، جەتەرسىز جەرلەرىڭدى، كەمشىلىك - قاتەلىكتەرىڭ بولسا تەكسەرىپ - زەرتتەپ، ۋاقىتىندا ۇلعايتپاي تۇزەتىڭدەر. ەگەر تۇزەتپەسەڭدەر مىنەز قۇلىقتارىڭ وزگەرىپ، ءون بويىڭداعى پەندەشىلىكتەرىڭ ءورشىپ، دەرت بولىپ جابىسىپ باستارىڭنان قايعى - قاسىرەت بۇلتى ايىقپايتىن بولادى، " ءۇرىنىڭ ارتى قۋىس " دەگەندەي قاراداي قۋىستانىپ جابىرقاڭقى كوڭىل كۇيدە بولاسىڭدار. اسپانىم اشىق، كۇندەرىم جاقسى بولسىن دەسەڭىز اق كوڭىل، اشىق - جارقىن مىنەز - قۇلىق، جاقسى ادەت، تاماشا سالت - سانا قالىپتاستىرساڭدار، پەندەشىلىكتەن اۋلاق بولىپ، باسقالارعا قامقورشى بولا بىلسەڭدەر مۇنىڭ ءوزى ءبىر باقىت سانالادى. كوڭىلى ءتۇزۋ، كوكىرەگى وياۋ ەستى ازاماتتارىمىز اسىرەسە جاستارىمىز بالعانىڭ سابىنداي قىسقا عۇمىرىڭدا باسقالارعا قامقورشى بولا بىلىڭدەر، ەلدىڭ ىقىلاس، باتاسىن الىڭدار، قاي - قاشاندا جاقسىلىق ىستەڭدەر، ەلگە ىستەگەن جاقسىلىقتارىڭ قاشاندا جاقسىلىقپەن قايتاتىن بولادى.
ءارقانداي جامانشىلىقتان، جاۋىزدىقتان، قارانيەتتىلىكتەن، پاسىقتىقتان اۋلاق بولىپ، جاقسى سالت - سانا قالىپتاستىرساڭدار ومىرلەرىڭ الاڭسىز، وتباستارىڭ ىرىزدىققا تولادى، بەرەكە - بىرلىك، باقىت - بايلىق ورنايدى، بەرەكەلى دە مەرەكەلى وتباسى بولىپ، ورتاڭنان ويىپ وتىرىپ ورىن الاسىڭدار. مۇنىڭ ءوزى ءتاڭىردىڭ سەندەرگە سيلاعان سي - سياپاتى. ءارقانداي ادامعا قاراتقان سالەمدەرىڭ ءتۇزۋ بولسىن، قادىرلە، قۇرمەتتەپ جۇرىڭدەر. ۇلكەندى قۇرمەتتەپ، كىشىنى ايالايتىن، جارلى- جاقپايلارعا جاردامداساتىن، قولدان كەلگەن كومەكتى ايامايتىن ادامگەرشىلىك قاسيەتتى قالىپتاستىرىڭدار. كىشپەيىل دە، بايسالدى، ساباز دا، سالماقتى مىنەزدى اسىل قاسيەتتەرىڭدى كورسەتە بىلىڭدەر.
قازىر پارتيا، ۇكىمەتىمىز پاناسىز قارتتارعا، مۇگەدەكتەرگە، جەتىمدەرگە، اۋىرۋ - سىرقاۋلارعا، ەرەكشە قيىنشىلىقتى وتباستارىنا ءتيىمدى ساياسات قولدانىپ، قامقورلىق جاساپ وتىر. مۇندا، قارتتار كۇتىمحاناسىن، مۇگەدەكتەر قوعامىن، جەتىمحانا قۇرىپ، ولاردى ارناۋلى باعىپ - قاعىپ كەلەدى. بۇدان باسقا، اۋىرۋ - سىرقاۋلارعا كومەكتەسۋ، جاسى 60 تان اسقان قارتتاردىڭ تۇرمىسىن قامتاماسىز ەتۋ، ەرەكشە قيىنشىلىقتى وتباستارىنا قارجى جاقتان كومەكتەسۋ، بەيقۇت ءۇي سالىپ بەرۋ، قيىنشىلىعى بار سەميانىڭ وزات وقۋشىلارىنا جان- جاقتىلى قامقورلىق جاساۋدى ءتۇيىندى قىزمەت رەتىندە ۇستاپ كەلەدى. ەستى ازاماتتارىمىز بىزدە قاراپ وتىرماي باسقالارعا باستاماشى بولۋىمىز كەرەك. اسىرەسە ايىقپاس دەرتكە تاپ بولىپ توسەك تارتىپ جاتىپ قالعاندارعا، ەكى كوزى سۋ قاراڭعى بولعان عارىپتارعا، قول- اياعىنان بىردەي ايرىلىپ ءمۇساپىر قالگە تۇسكەندەرگە، قۇداي قوسقان قوساعىنان، بالاسىنان ايرىلىپ جالعىز قالعان پاناسىز قارتتارعا قولدان كەلگەنشە قامقورلىق جاسايىق. قانداي قاربىلاس جۇمىس بولسادا ولارمەن ۇنەمى بارىس- كەلىس جاساپ قابارلاس، مۇڭ - مۇقتاجىن ءتۇسىن، سىرلاس دوستاي ارالاس، كوڭىل - كۇيىنە ورتاقتاس، ولارعا زاتتىق جاقتان، قاراجات جاقتان كومەكتەسۋدەن سىرت، رۋحاني جاقتان شابىت بەر، ولارمەن شىنايى اڭگىمەلەسىپ، بۇكپەسىز سىرلاسىپ كوڭىل - كۇيىندەگى تۇيىنشەكتى شەشۋگە كومەكتەس. ۇيتكەنى ولار باسقالارعا ۇقسامايدى، بۇل ءومىردىڭ قايعى - قاسىرەتىنە تاپ بولعاندار، كوزدەرىنەن جاس كەتپەگەن، كوڭىلدەرى شەرلى بولعان مۇڭلى جاندار. وسىنداي عارىپتاعى جاندارعا جانارشىلىق ىستەپ، رۋحي جاقتان جىگەر - قايرات بەرىپ شابىتتاندىرا الساڭ، كوڭىل - كۇيىندەگى قاياۋدى ازدا بولسادا تازارتىپ كوڭىلدەندىرە الساڭ سەن ناعىز كىسىلىگىڭدى وتەپ، ادامگەرشىلىكتى ادا ەتكەن القاۋلى ازامات بولاسىڭ. ولاردا ومىرگە ءۇمىتتى كوزبەن قاراپ، كوڭىلدەنىپ قالادى، جۇزدەرىنەن كۇلكى ءۇيىرلىپ ءبىر جاساپ قالعانداي بولادى. بۇل ومىردە ءبىزدى دە تۇسىنەتىن، مۇڭ - مۇقتاجىمىزعا، كوڭىل - كۇيىمىزگە ورتاقتاساتىن جاقسى ادامدار جانىمىزدا بار ەكەنعوي دەپ رازى بولادى.
بالنيساعا جاتىپ اۋىرىپ جاتقانداردان ۇنەمى كوڭىل سۇراۋدى ادەتكە اينالدىر. بارىپ امانداسىپ قايت، حال-جايىن ۇعىس، كوڭىل كوتەرەتىن جاقسى اڭگىمەلەر ايتىپ رۋحاني جاقتان شابىت بەر. از بولسادا اقشا ۇستات نەمەسە تاماق الىپ بەرىپ كوڭىل - كۇيىڭدى ءبىلدىر، ولار سەنىڭ بولماشى اقشاڭعا قاراپ وتىرعان جوق، باستىسى كوڭىلىن اۋلاۋ. قانداي قاربىلاس جۇمىس بولسادا ولىمنەن قالما، ارناۋلى بارىپ كوڭىل ايت، " جاقسى ءسوز جارىم ىرىس " دەگەندەي جۇباتۋلار ايتىپ، بەت كورىسىپ قايت. ۇيتكەنى ولار باستارىنا قايعى- قاسىرەت ءتۇسىپ كوڭىل - كۇي جاقتان كۇڭىرەنىپ وتىرعاندار، سەنىڭ ءبىر اۋىز جاقسى ءسوزىڭدى ەستۋگە مۇقتاج بولعاندار. شاماڭ كەلسە جەتىسىندە، قىرقىندا، جىلدىعىنا دەيىن قالماي قاتىناس، ۇنەمى بارىس- كەلىس جاساپ، ولاردىڭ مۇڭ - مۇقتاجىنا ورتاقتاس، ولاردىڭ باسىنا تونگەن قايعى- قاسىرەتتىڭ قارا بۇلتى ەرتەڭ سەنىڭ باسىڭادا تونەتىندىگىن ءتۇسىن، دۇنيە دوڭگەلەك، بۇگىن وعان كەلگەن ءولىم ەرتەڭ ساعاندا كەلەتىنىن ءبىل.
ادامدار انادان تۋىلعاندا تەڭ دارەجەدە بولادى، سوقپاعى كوپ تىرشىلىك جولىندا، قايناعان ءومىر بازارىندا، جاساعان ورتاسىنىڭ ىقپالىنا قاراي مىنەز-قۇلىقتارى،ءبىلىم-قابىلەتتەرى، العان دارەجەلەرى ۇقساماعاندىقتان ولاردىڭ ۇستانعان ءومىر جولدارى دا، كوزعاراستارى دا تۇرلىشە بولادى. سوندا بۇل دۇنيەدەگى شەكتى ومىرىندە قانشالىق پەندەشىلىك ىستەسە دە، جاعىمپازدىقپەن جاعالايءجۇرىپ ءمانساپتى بولسا دا، كەۋدە كەرىپ كەرەمەتىن كورسەتسە دە، قانشالىقتى باقىت-بايلىققا كەنەلسە دە، جوعارىعا جاعاتسىپ، تومەنگىنى مەنسىنبەسە دە و دۇنيەگە بارعاندا كەبىن كيىپ تويىمسىز قارا جەر قوينىنا كىرگەندەءبارى تەڭ دارەجەگە تۇسەدى، قاراشادا، پاتشادا تەڭ دارەجەلى بولادى. بۇل دۇنيەدەن وزبىرلىقپەن تاپقان بوقشىلىق دۇنيەڭ، جاعىمپازدىقپەن يە بولعان مارتەبەڭ قولدىڭ كىرى، جۋساڭ كەتىپ قالادى. قايتا باسقالارعا كوڭىلدەن كەتپەستەي ماڭگى ساقتالاتىن جاقسىلىق ىستە. پارتيا، ۇكىمەتتىڭ جىلۋ اتاۋ قيمىلدارىنا ۇزبەي قاتىناس، جاراتىلىستىق اپاتقا تاپ بولعان جاندارعا جانارشىلىق ءبىلدىرىپ، ازدا بولسا دا جىلۋ اتا، بۇل قاعيدانى ەستى ازاماتتارىمىز بىلۋگە ءتيىستى. شەكتى ءومىرىڭدى، شەكسىز باسقالارعا ارناي بىلسەڭ بۇل دۇنيەدەگى ءومىرىڭ ءمان- ماعانالى باقىتتى وتەدى. مەن سولاي دەپ ويلايمىن، سونداي بولسا ەكەن دەپ تىلەيمىن، شەكتى ءومىرىمدى شەكسىز حالىققا ارناعىم كەلەدى، قالىڭ حالىق بۇقاراسى ءۇشىن قىزمەت ەتىپ، ولاردىڭ كومپيست وگىزى بولسام ەكەن دەپ ويلايمىن.
ءومىرىڭدىءمان-ماعانالى،ءساندى وتكىز، باسقالارعا پەندەشىلىك كورسەتپە، جامانشىلىق ىستەمە. اسىرەسە ارامدىقتان، اتاقعۇمارلىقتان، ءناپسىعۇمارلىقتان،ءمانساپ عۇمارلىقتان، تورەشىلدىكتەن، قيانات جاساۋدان،ءىرىپ-شىرۋدەن، پاسىقتىقتان، قاسكۇنەمدىكتەن، قارا نيەتتىلىكتەن، جىكشىلدىكتەن، ۇلتشىلدىقتان، رۋشىلدىقتان، كۇنشىلدىكتەن، ۇرلىقتان، وسەك-اياڭنان، پەندەشىلىك سياقتى بارلىق جامانشىلىقتان اۋلاق بولساق جاقسى مىنەزدەر، تاماشا قوعامدىق سالت - سانالار وزدىگىنەن قالىپتاسادى. زاڭ الدىندا بارلىق ادام تەڭ، جامانشىلىق ىستەسەڭ دە زاڭ بويىنشا جازاعا تارتىلاسىڭ، پاتشا دا، قاراشا دا زاڭ قۇرىعىنان قۇتىلمايدى. ىستەگەنءىسىڭ ءادىل دە، پاك بولسا بەتىڭ اشىق، ءومىرىڭ الاڭسىز وتەدى.
ادامدار ءومىر ەسىگىن اشىپ بۇل دۇنيەگە كەلگەندە ون ەكى مۇشەسى ساۋ بولىپ ( تۋما كەمدىك سىرتىندا ) كەلەدى. انادان تۋىلعاندا بارلىق ادام تەڭ. ءبىراق قايناعان ءومىر بازارىندا، سوقپاعى كوپ، قاتەرى مول تىرشىلىك جولىندا، تار جول، تايعاق كەشۋلەردە قاتىگەز تاعدىردىڭ تالكەگىمەن جارلى-جاقپايلار جارىققا شىعادى. ولار باسقالارعا ۇقسامايدى، ولاردىڭ بەت - بەينەسى توزىڭقى، رۋحى جۇتاڭقى، كوڭىل-كۇيى قالىپسىز، يدەياسى كۇڭىرت، ارمانى سونگەن، ومىردەن تۇڭىلگەن، بولاشاققا سەنىمسىز قارايتىندار. بۇلار ادامداردىڭ ويلاعاننان تىسقارى بولىپ تۇراتىن ءومىر زاڭدىلىعى، ەشكىمدە قاشىپ قۇتىلا المايدى، قۇتىلادا المايسىڭ، اللا-تاعالانىڭ سولاردىڭ ماڭدايىنا جازعان قاسىرەت تاۋقىمەتى سول شىعار، اللانىڭ ىسىنە امال جوق، كورەسىڭ دە كونەسىڭ. ءبىر جاعىنان ولاردىڭ جارىق دۇنيەگە دەگەن ۇمىتكەرلىك سەزىمدەرىنە بايلانىستى. ولارعا ايتارىمىز ءتىرى جاساۋ، ومىرگە ۇمىتپەن قاراۋ، وزىڭە - ءوزىڭ شابىت، جىگەر - قايرات بەرۋ، ءبىر كۇن بولسادا ءومىردىءمان-ماعانالى ەل قاتارىندا ءومىرءسۇرۋ، تىربىنىپ تىرشىلىك ەتۋ، ءومىردىڭ قايناعان بازارىندا العان بەتتەن قايتپاي قايسارلىقپەن كۇرەس جاساي بىلسەڭدەر، تۇرمىستا ويلاعان ماقسات - ارمانعا جەتەالاسىڭ دەپ اقىل- كەڭەس ايتقىم كەلەدى. ەندى ءبىر جاعىنان ولار مەيرىمدىلىككە مۇقتاج، شىنايى سۇيىسپەنشىلىككەءزارۋ. ولاردىڭ كوڭىل-كۇيىن ءتۇسىنىپ، زاتتىق جاقتان، رۋحاني جاقتان شابىتتاندىرا الساڭ سەن ادامگەرشىلىك ىستەپ، ازاماتتىق بورىشىڭدى وتەگەن بولاسىڭ. ۇيتكەنى ولار ون-ەكى مۇشەسى ساۋ ادامدارعا ۇقسامايدى، قالايدا وزدەرىن تومەن سانايدى، وزدەرىن كەمىسىتەدى، رۋحاني جاقتان جۇتاڭقى كەلەدى، ءتىپتى كەيبىرى ومىردەن ءتۇڭىلىپ وزدەرىن مەرت قىلادى. سونىمەن ولار زاتتىق، رۋحاني جاقتان شابىتتاندىرۋعا يە بولۋدى ارماندايدى. ولاردىڭ وسىنداي مۇقتاجدىعىن ەرەكشە ءتۇسىنىپ، ولارمەن كوبىرەك بارىس- كەلىس جاساپ، ۇنەمى اڭگىمەلەسىپ تۇرۋىمىز، بۇكپەسىز سىرلاسۋىمىز، اقىل - كەڭەس ايتۋىمىز، ءتىرى جۇرگەننىڭ ءوزى ءبىر باقىت ەكەنىن ۇعىندىرۋىمىز، پارتيا، ۇكىمەتتىڭ قامقورلىعىن شىنايى سەزىندىرۋىمىز قاجەت. ولارمەن كوبىرەك بىرگە بولىپ، جاقىن دوستاي ارالاسىپ كەتسەك، كوڭىل - كۇيىنەن، جۇرەگىنەن كەتپەستەي ورىن الساق ولار رۋحاني جاقتان سەرپىلىپ ءبىر جاساپ قالادى. سەنى جاقسى كورەدى، ءبىزدى تۇسىنەتىن جاقسى ادامدار بار ەكەن، بۇل ومىردە ءبىزدىڭ شىنايى دوستارىمىز كوپ ەكەن دەپ ومىرگە ءۇمىتتى كوزبەن قارايدى، پارتيا، ۇكىمەتتىڭ مەيرىمدىلىگىن شىنايى سەزىنىپ، وزدەرىنە رۋحاني جاقتان شابىت بەرەدى، ءومىردى ءماندى دە، ماعانالى وتكىزۋگە تالپىنادى.
بۇقارا مەملەكەتتىڭ تىرەگى، قوزعاۋشى كۇشى. قاراپايىم حالىق بۇقاراسىنان شىققان قىزىل ارميا جۇڭگو حالقىن ازات ەتتى. پارتيانىڭ دۇرىس جەتەكشىلىگى، قالىڭ حالىق بۇقاراسىنىڭ كۇش سالۋىندا توقشىلىق تۇرمىستان دوڭگەلەك داۋلەتتى تۇرمىسقا قول جەتكىزىپ وتىرمىز، بۇدان بىلايدا بۇقارالىق لۋشياندى نەگىز ەتىپ ۇدىرە العا تارتا بەرەمىز.
باسقالارعا باستاماشى، جارلى - جاقپايلارعا جان- جاقتىلى جاردامشى بولۋدىڭ ءوزىءبىر باقىت. كەلۋ قاينارى:ەرتىس تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
