بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

حۋاڭ چۇنچاۋ جولداستان ۇيرەنىپ، شينجياڭعا كومەككە كەلگەن، شينجياڭ ەرەكشەلىگى بار جاقسى كادر بولۋعا قۇلشىنايىق

2015.12.21 13:49     كەلۋ قاينارى : شينجياڭ گازەتى

  جىجياڭ ولكەسىنەن 8 - توپتا شينجياڭعا كومەككە كەلگەن كادر، كەلپىن اۋداندىق پارتكومنىڭ ورىنباسار شۋجيى، جىجياڭ ولكەسى حۋجوۋ قالاسىنىڭ شينجياڭعا باعىتتامالى كومەكتەسۋ جۇمىسى بويىنشا الدىڭعى شەپ قولباسشىلىق شتابىنىڭ قولباسشىسى حۋاڭ چۇنچاۋ جولداس ۇزاق ۋاقىت زورىعۋدان ناۋقاسقا شالدىعىپ، تۇتقيىل جۇرەك اۋرۋىنان قىزمەت ۇستىندە قايتىس بولدى. جۋىقتا اۆتونوميالى رايوندىق پارتكوم حۋاڭ چۇنچاۋ جولداستى «اۆتونوميالى رايون بويىنشا تاڭداۋلى كوممۋنيست» دەپ تانۋدى ۇيعاردى، جاڭ چۇنشيان شۋجي حۋاڭ چۇنچاۋ جولداستىڭ ىزگى ىستەرىنەن ىشكەرىلەي ۇيرەنۋ تۋرالى ايقىن تالاپ قويدى.

  حۋاڭ چۇنچاۋ جولداستىڭ ىزگى ىستەرى ونىڭ پارتيالى باسشى كادر رەتىندە پارتيا مەن حالىقتىڭ ءىسىن بارىنەن جوعارى قويۋدان جازباي، عۇمىر بويى كۇرەس جۇرگىزگەن مۇرات تالپىنىسى مەن اسىل قاسيەتىن شوعىرلى تۇردە بەينەلەدى؛ شينجياڭعا كومەككە كەلگەن كادر رەتىندە زيالى جۇرەك، ۇلتتىڭ ۇلى مۇراتى مەن شينجياڭداعى ءار ۇلت حالقىنىڭ باقىتىن تىعىز بىرلەستىرىپ، بورىشتى جادىندا بەرىك ساقتاپ، قالتقىسىز ۇلەس قوسقان رۋحاني بەينەسى مەن جارقىن وبرازىن شوعىرلى تۇردە بەينەلەدى. ول ءوزىنىڭ ءومىرى، ونەگەلى ىستەرى ارقىلى «ۇشتە قاتاڭ، ۇشتە شىنايى بولۋ» تالابى مەن «ساياسيدا تاباندى، قابىلەتى كۇشتى، ستيلى جاقسى، كوڭىل كۇيى ورنىقتى»، «ءتۇسىنۋ قابىلەتى، اتقارۋ قابىلەتى، تياناقتاندىرۋ قابىلەتى جوعارى» شينجياڭ ەرەكشەلىگىنە يە جاقسى كادر بولۋ ولشەمىن ءىس جۇزىندە ايگىلەپ، پارتيانىڭ اتى زاتىنا ساي جاقسى كادرى، حالىقتىڭ قالاۋلى قىزمەتكەرى، شينجياڭعا كومەككە كەلگەن كادرلاردىڭ تاڭداۋلى ونەگەسى بولا ءبىلدى، ول ءبىزدىڭ ۇيرەنۋگە ءتيىستى تاڭداۋلى ۇلگىمىز.

  چۋاڭ چۇنچاۋ جولداس وزىنە جۇكتەلگەن بورىشتى، پارتياعا ادال بولۋدى ەسىندە بەرىك ساقتادى. ول پارتيا ۇزاق جىل تاربيەلەگەن، نەگىزگى ساتىدان باسقىش - باسقىش بويىنشا ورلەپ ەسەيگەن، پارتيا مەن ۇيىمعا تەرەڭ سۇيىسپەنشىلىك ورناتقان كادر. 20 نەشە جىلدان بەرى، ول قاشاندا ۇيىمنىڭ ورنالاستىرۋىنا بويسۇنىپ، قيىنشىلىق تۋرالى، شارت - جاعداي تۋرالى ءتىس جارمادى. 2013- جىلى تامىز ايىندا ۇيىم ودان شينجياڭعا كومەككە بارۋ تۋرالى پىكىر سۇراعان كەزدە، ول وتباسى مەن كاسىبىنىڭ قايشىلىقتى تاڭداۋى الدىندا، باتىل تۇردە شينجياڭعا كومەككە كەلۋدى ۇيعاردى. 2 جىلدان بەرى، ول كەلپىن اۋدانىنىڭ دامۋىن جەبەپ، كەدەيلىك كەلبەتىن وزگەرتۋدى كومەك بەرۋدىڭ باستى مىندەتى دەپ ءبىلىپ، شىنايى سۇيىسپەنشىلىكپەن بۇقارامەن ەتەنە ارالاسىپ، جەرگىلىكتى ورىنمەن تەرەڭ توعىسىپ، كەلپىن اۋدانىنىڭ تاۋ - تاسىن تۇگەل ارالاپ، شينجياڭعا كومەككە كەلگەن كادرلاردىڭ تەرەڭ سۇيىسپەنشىلىگى مەن ۇلى ماحابباتىن ايگىلەدى. 2 جىلدان بەرى، ول جەرگىلىكتى پارتكومنىڭ باسشىلىعىندا جۇمىس جۇرگىزۋگە تاباندى بولىپ، جەرگىلىكتى ورىننىڭ قىزمەتىنە ىرىقتى تۇردە ارالاسىپ، بەلسەندىلىكپەن وي - پىكىرلەرىن ورتاعا قويىپ، ءادىس-شارا قاراستىرىپ، تياناقتاندىرۋدى مىقتى يگەرىپ، قوس باسشىلىق جاۋاپكەرشىلىگىن ەداۋىر جاقسى وتەدى. ول پارتيانىڭ شينجياڭداعى ءار ۇلت حالقىنا دەگەن قامقورلىعىن تيانشان باۋرايىنداعى قىزىلقۇم وزەنى الابىنا توگىپ، ءوز ومىرىمەن شينجياڭعا كومەكتەسۋ ءىسى ءۇشىن وشپەس ەڭبەك جازىپ كەتتى. ول پارتياعا ادال، پارتيا ىستەرىنە ىقىلاسى تەرەڭ جاقسى كادر.

  حۋاڭ چۇنچاۋ جولداس ناقتى ىسكەرلىكپەن شينجياڭعا كومەكتەسىپ، جەرگىلىكتى ورىننىڭ سۇرانىسىن ماڭداي الدى ورىنعا قويدى. ول قولباسشىلىق شتاپتاعى جولداستارمەن بىرگە تولىق تەكسەرىپ - زەرتتەۋ جۇرگىزۋ نەگىزىندە، كەلپىن اۋدانىنىڭ كوكەي تەستى سۇرانىسى مەن حۋجوۋدىڭ قۋات - كۇشىن بىرلەستىرىپ، شينجياڭعا باعىتتامالى كومەكتەسۋ قىزمەتىنىڭ ءتۇيىنىن كاسىپ سالالارى، جۇمىسقا ورنالاستىرۋ، ءبىلىم بەرۋ، حالىق تۇرمىسى، اقىل - پاراساتپەن كومەكتەسۋ سياقتى سالالارعا اۋداردى. جەرگىلىكتى ورىننىڭ قوي ءوسىرۋ كاسىبىن كۇشەيتىپ، كولەمىن ۇلعايتتى، ول ءبىر جولدا كوپ قوزىلايتىن تايحۋ قويىن كەلپىن اۋدانىنا ەنگىزىپ، كاسىپ سالالاندىرا دامىتۋ ۇلگىسىن بار كۇشپەن جالپىلاستىرىپ، كۇشتى ءدال جۇمساۋ، باياندى كۇش جۇمساۋ ارقىلى تايحۋ قويى كاسىبى نىسانىن شارۋالاردىڭ كىرىسىن مولايتىپ، بايۋ جولىنا تۇسىرەتىن جاڭا ارناعا اينالدىردى. 2 جىلدان بەرى، ول «دۇرىس دەپ بىلگەن ءىستى اياعىنا دەيىن جەتكىزەتىن، كۇشتى كەرەك جەرىنە جۇمسايتىن» ىسكەرلىك ستيلىن شينجياڭعا باعىتتامالى كومەكتەسۋدىڭ ءاربىر قىزمەتىنە ءسىڭىرىپ، شينجياڭعا كومەكتەسۋ بويىنشا 37نىسان جۇرگىزدى، ول اتقارعان ءاربىر نىسان تامىر تارتىپ، وركەن جايىپ، ايتارلىقتاي ءونىم بەردى، نىسانداردىڭ بارلىعى حالىق تىلەگىن توعىستىرىپ، بۇقارانىڭ القاۋىنا بولەندى. ونىڭ ىسكەرلىك رۋحى، سىندارلى ستيلى، كورنەكتى ناتيجەسى جەرگىلىكتى كادرلار مەن بۇقارانىڭ سەنىمى مەن قولداۋىن الدى. ول جۇمىسقا دەن قوياتىن، شينجياڭعا كومەكتەسۋ قىزمەتىنە ايرىقشا ىنتالى جاقسى كادر.

  حۋاڭ چۇنچاۋ جولداس توعىسۋدى ىلگەرىلەتىپ، ۇلتتار ىنتىماعىن قاشاندا ءار ىسكە ساباقتاستىرىپ وتىردى. ۇلتتار ىنتىماعى − شينجياڭداعى ءار ۇلت حالقىنىڭ جان تامىرى، سونداي - اق شينجياڭعا باعىتتامالى كومەكتەسۋ قىزمەتىنىڭ كۇش سالۋ ءتۇيىنى. ول شينجياڭعا كومەكتەسۋ نىسانىن ۇلتتار ىنتىماعى ينجەنەرياسىنا اينالدىرۋعا ءمان بەرىپ،

  ءار ۇلتتىڭ ارالاسۋىن، ىشتەسۋىن، توعىسۋىن بەلسەنە ىلگەرىلەتتى، بۇل تۋرالى ول ءوز ولەڭىندە: «بۇگىن سەپسەك دوستىقتىڭ ىزگى تۇقىمىن، قوجا شوپتەي اشىلار ىنتىماقتىڭ ءبىر گۇلى» دەپ جازدى. 2 جىلدان بەرى، ول كەلپىن اۋدانىن تۋعان جەرىنە بالاپ، ءار ۇلت حالقىن جاقىنىم، تۋىسىم دەپ

  ءبىلىپ، ىرىقتى تۇردە ۇيعۇر ءتىلىن ۇيرەنىپ، جەرگىلىكتى

  ورىنداعى قيىنشىلىعى بار بۇقارامەن دوستىق بايلانىس ورناتىپ، شينجياڭعا كومەككە كەلگەن كادرلاردى «ۇلتتار ىنتىماعى تاربيەسى» قيمىلىن ورىستەتۋگە ۇيىمداستىرىپ، 2 جەردىڭ مادەنيەت اۋىس - كۇيىسىن بەلسەنە ىلگەرىلەتىپ، اۋداندىق راديو - تەلەۆيزيا ۇگىت ورتالىعى جانە 6 اۋىل - قىستاق مادەنيەت ءۇيىن قۇرۋعا قارجى قوستى. 2 جىلدان بەرى، ول ناقتى ارەكەتىمەن «حالىق تىلەگىن» توعىستىراتىن تۇقىم سەۋىپ، اقجارما ادال كوڭىلمەن ۇلتتار ىنتىماعىنىڭ گۇلىن ماپەلەپ ءوسىردى، ونىڭ سانسىز «ميكرو ارەكەتتەرى» ۇلتتار ىنتىماعى ءۇشىن قۇدىرەتتى وڭ ەنەرگيا توپتادى، ونىڭ جەرگىلىكتى جۇرتشىلىقتىڭ كوڭىلىندەگى «ۇلانعا» اينالعانى دا سودان. ول بار ىقىلاسىن حالىققا ارناعان، ءار ۇلت بۇقاراسىنا قويۋ سۇيىسپەنشىلىك ورناتقان جاقسى كادر.

  حۋاڭ چۇنچاۋ جولداس قاتەردەن قورىقپاي، ورنىقتىلىقتى قورعاۋ جاۋاپكەرشىلىگىن ارقالادى. «3 مەزگىل قاباتتاسقان» قاتاڭ كۇرەس الدىندا، ول ۇنەمى ءوزى بايلانىس جاسايتىن قۇمجار قىستاعىنا بارىپ، پارتيانىڭ ۇلت، ءدىن ساياساتتارىن ۇگىتتەپ، «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قىزمەت گرۋپپاسىنداعى جولداستارمەن بىرگە «بۇركەنشىگىن الۋ، پەردە ارتىنداعىلاردى تابۋ، ۋلى وسپەنى سىلىپ تاستاۋ» ارناۋلى وڭاۋ قيمىلىن جۇرگىزىپ، كەشتە جاپپاي اداقتاۋ - تەكسەرۋ سياقتى ورنىقتىلىقتى قورعاۋ قىزمەتىنىڭ 1 - شەبىندە شايقاس جاساپ، پارتيالى باسشى كادرلاردىڭ قاتەردەن قورىقپايتىن، جاۋاپكەرشىلىكتى باتىلدىقپەن ارقالايتىن ساياسي قاسيەتىن ايگىلەدى. ول ورنىقتىلىقتى قورعاۋدى بۇقاراعا قىزمەت كورسەتۋمەن، حالىق سەنىمىنە بولەنۋمەن بىرلەستىرىپ، قىستاقتاردى، وتباسىلارىن ءوزى باستاپ ارالاپ، تۇرعىنداردىڭ نە ويلايتىنىن، نەنى كۇتەتىنىن، نەگە زارۋلىگىن ۇعىسىپ، بايلانىس جاسايتىن قىستاقتىڭ ەكونوميكاسىن دامىتۋعا بەلسەنە قولداۋ كورسەتىپ، بۇقارانىڭ قيىنشىلىقتى شەشۋىنە شىن پەيىلىمەن كومەكتەسىپ، ءار ۇلت بۇقاراسىنا ۇلى وتان شاڭىراعىنىڭ شۋاقتى مەيىرىن، شينجياڭعا كومەكتەسۋ ۇلى سۇيىسپەنشىلىگىن سەزىندىردى. 2 جىلدان بەرى، ول ءوڭىردىڭ ورنىقتىلىعىن قورعايتىن، «3 ءتۇرلى كۇشكە» سوققى بەرەتىن «جاۋاپكەرشىلىك ءتىزىمىن»، ءار ۇلت بۇقاراسىنا قىزمەت كورسەتەتىن «زارۋلىك ءتىزىمىن» قاشاندا جادىنان شىعارماي، نەگىز قالاۋدى، ۇزاق بولاشاققا ءتيىمدى بولۋدى، حالىق تىلەگىن توعىستىرۋدى ناقتى تياناقتاندىردى. ول سۇيىسپەنشىلىگى مەن وشپەندىلىگى ايقىن، «3 ءتۇرلى كۇشكە» اياۋسىز قارسى تۇرعان جاقسى كادر.

  حۋاڭ چۇنچاۋ جولداس باستاماشىلدىقپەن ونەگە بولىپ، قوسىن قۇرىلىسىن مىقتاپ ۇستادى. باسشى رەتىندە، ول ءوزى ونەگە بولىپ، ساياسي ءتارتىپ پەن ساياسي قاعيدادان جازباي، يدەيادا بەرىك قامال ورناتىپ، قىزمەتتە قىزىل سىزىقتان اتتاماي، تۇرمىستا تومەنگى شەكتى ساقتاپ، ونەگەلىك، باستاماشىلدىق رول اتقاردى. ول شينجياڭعا كومەككە كەلگەن كادرلار مەن دارىندىلاردى تاربيەلەۋدى، باسقارۋدى مىقتاپ ۇستاۋعا ءمان بەرىپ، شينجياڭعا كومەككە كەلگەن كادرلار مەن دارىندىلاردان جياۋ يۇيلۋ قاتارلى جاپالى ورتادان قورىقپاي، كەلپىنگە ىزگى نيەتپەن ۇلەس قوسىپ، قابىلەت قۇرىلىسىندا، جاۋاپكەرلىك ارقالاۋدا، ءتارتىپ پەن قاعيداعا بويسۇنۋدا اعالاپ الدا جۇرۋگە قۇلشىنۋدى تالاپ ەتۋمەن قاتار، شينجياڭعا كومەككە كەلگەن كادرلار مەن دارىندىلارعا كوڭىل ءبولىپ جانە مەيىر باعىشتاپ، «شينجياڭعا ىزگى نيەتپەن ناقتى ىستەر ىستەپ، كوڭىلدى، الاڭسىز كومەكتەسەتىن» قوسىندى بەلسەنە قۇرىپ، شينجياڭعا كومەككە كەلگەن كادرلار مەن دارىندىلاردىڭ قامسىز قىزمەت جۇرگىزۋىنە، كوڭىلدى تۇرمىس كەشىرۋىنە، وتباسىنداعىلاردىڭ الاڭسىز بولۋىنا مۇمكىندىك جاسادى. شينجياڭعا كومەككە كەلگەن كادرلار مەن دارىندىلاردىڭ نازارىندا، ول «قاتاڭ اكە»، سونداي - اق اعا، دوس ىسپەتتى، ول ءوزىنىڭ دۇرىس ستيلىمەن مىعىم ءبىر قوسىنعا ىقپال جاسادى جانە جەتەكشىلىك ەتتى. ول ءوزى اتويلاپ الدا جۇرەتىن، جولداستارىنا قايىرىمدى جاقسى كادر.

  حۋاڭ چۇنچاۋ جولداستىڭ ءومىرى اسقاق ارمانمەن سۇيىسپەنشىلىكتى، كۇرەس ارقىلى جاۋاپكەرلىكتى بەينەلەگەن ءومىر، بۇل شينجياڭعا كومەككە كەلگەن كادرلار مەن دارىندىلاردىڭ وزىندىك جاۋاپكەرلىگىن جانە وتانعا دەگەن مەيىرىن بەينەلەيدى. ول شينجياڭعا كومەككە كەلگەن كادر - دارىندىلاردىڭ تاڭداۋلى ۋاكىلى، جاڭا داۋىردەگى پارتيالى باسشى كادرلاردىڭ ۇلگىسى. تۇتاس رايونىمىزداعى پارتيالى كادرلار، اسىرەسە، شينجياڭعا كومەككە كەلگەن كادر - دارىندىلار حۋاڭ چۇنچاۋ جولداستان سانالى تۇردە ۇيرەنىپ، ساياسي جاۋاپكەرلىك پەن تاريحي بورىشتىلىقتى اناعۇرلىم كۇشەيتىپ، قۇلاشتى كەڭگە سەرمەپ، دەڭگەيدى جوعارىلاتىپ، حۋاڭ چۇنچاۋ جولداستى ونەگە ەتىپ، وسكەلەڭ ءمورالدى، كەڭ پەيىلدى بولىپ، جاۋاپكەرلىكتى باتىلدىقپەن ارقالاپ، پارتيا مەن مەملەكەتتىڭ جۇگىن جەڭىلدەتىپ، شينجياڭنىڭ ورنىقتىلىعى مەن دامۋى ءۇشىن ۇلەس قوسۋى، ءوز ومىرىنە ءنار بەرۋى، تاريح پەن حالىق رازى بولارلىق ناتيجە جاراتۋى كەرەك.

  حۋاڭ چۇنچاۋ جولداستىڭ پارتياعا ادالدىعىنان، باتىلدىقپەن جاۋاپكەرلىك ارقالايتىن اسىل قاسيەتىنەن ۇيرەنۋ كەرەك. پارتيا مەن حالىقتىڭ ءىسىن ەڭ ماڭىزدى ورىنعا قويىپ، شينجياڭعا كومەكتەسۋدى وسكەلەڭ مۇرات تۇتىپ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋدىڭ تاريحي جاۋاپكەرلىگىن باتىلدىقپەن سانالى تۇردە ارقالاۋ كەرەك. ۇلتتار ىنتىماعى ۇلى تۋىن بيىك ۇستاپ، شينجياڭداعى ءار ۇلت جۇرتشىلىعىمەن بايلانىستى كۇشەيتىپ، ۇلكەن دۇرىس پەن ۇلكەن بۇرىستى پارىقتاۋدا ەرەكشە سەرگەك بولۋ، ۇلتتار ىنتىماعىن قورعاۋ ارەكەتىندە ەرەكشە تاباندى بولۋ، ءار ۇلت جۇرتشىلىعىن ىزگى نيەتپەن قىزۋ ءسۇيۋ قاجەت. تالعامدى بەكەمدەپ، العاشقى ماقساتتى ەستەن شىعارماي، ءتۇسىنۋ قابىلەتىن، اتقارۋ قابىلەتىن، تياناقتاندىرۋ قابىلەتىن قۇلشىنا ءوسىرۋ، شينجياڭ ەرەكشەلىگىنە يە «ساياسيدا تاباندى، قابىلەتى كۇشتى، ستيلى جاقسى، كوڭىل كۇيى ورنىقتى» شينجياڭعا كومەكتەسۋشى كادر بولۋ كەرەك.

  حۋاڭ چۇنچاۋ جولداستىڭ حالىقتى ەستەن شىعارمايتىن، حالىقتىڭ عانا قامىن جەيتىن قىزمەتكەر بولۋداي اسىل قاسيەتىنەن ۇيرەنۋ كەرەك. بۇقارانىڭ مۇڭ - مۇقتاجىن قاشاندا ەستەن شىعارماي، حالىقپەن ەتەنە بولۋ، حالىقتى قىزۋ ءسۇيۋ، حالىققا قىزمەت ەتۋ كەرەك. ءار ۇلت جۇرتشىلىعىن «ءوز جاقىنىنا» بالاپ، حالىق تۇرمىسىن «ءوز جۇمىسى» ساناپ، حالىقتىڭ قالاۋىنان شىعاتىن، حالىقتىڭ قيىنشىلىعىن شەشەتىن، حالىق تۇرمىسىنا تيىمدىلىك جەتكىزەتىن، حالىقتىڭ تىلەگىن توعىستىراتىن جاقسى، ناقتى ىستەردى كوبىرەك ىستەپ، ءار ۇلت جۇرتشىلىعىنا پارتيا ورتالىق كوميتەتىنىڭ مەيىرىن، شينجياڭعا كومەكتەسەتىن ولكە، قالالاردىڭ قولداۋىن شىنايى سەزىندىرۋ قاجەت. ءار ۇلت جۇرتشىلىعىنىڭ ارالاسۋىن، ىشتەسۋىن، توعىسۋىن زور كۇشپەن ىلگەرىلەتىپ، شينجياڭعا كومەكتەسۋ نىساندارىن تومەنگە شوعىرلاندىرىپ، بۇقاراعا جاناستىرۋ، نەگىزگى ساتىعا، حالىق تۇرمىسىنا، ءتۇيىندى وڭىرلەرگە بەيىمدەۋ، شينجياڭعا شەشۋشى ورىندا كومەكتەسۋ، قىزمەتتى تىڭعىلىقتى ىستەپ، حالىقتىڭ قالاۋىنان شىعۋ كەرەك. قاجىماي - تالماي قۇلشىنىپ، شينجياڭعا باعىتتامالى كومەكتەسۋدى حالىق تىلەگى ينجەنەرياسى، حالىق تۇرمىسى ينجەنەرياسى، ۇلتتار ىنتىماعى ينجەنەرياسى ەتۋ كەرەك.

  حۋاڭ چۇنچاۋ جولداستىڭ كاسىپكە شوگەل، ناقتى ىستەرمەن شۇعىلداناتىن، جاڭاشىل كۇرەسكەرلىك رۋحىنان ۇيرەنۋ كەرەك. شينجياڭعا عىلمي، باياندى، شىنايى سۇيىسپەنشىلىكپەن كومەكتەسۋ يدەياسىن بەكەمدەپ، جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلەتىن دامۋ يدەياسىن شينجياڭعا باعىتتامالى كومەكتەسۋ قىزمەتىمەن توعىستىرىپ، جالپىلىق ونىمدىلىكتى مۇمكىندىكتىڭ بارىنشا بەينەلەۋ كەرەك. ماڭىزدى ءتۇيىندى كورنەكتىلەندىرىپ، ىشكەرىلەي كۇش سالىپ، كۇشتى ءدال جۇمساپ، باياندى كۇش قوسىپ، قىزمەتتىڭ كۇش سالۋ ءتۇيىنىن كاسىپتەنۋ كولەمىن كەڭەيتۋگە شوعىرلاندىرىپ، وقۋ - اعارتۋدى مىقتاپ ۇستاۋعا، شينجياڭعا دارىندىلار جاعىندا كومەكتەسۋگە، نەگىزگى ساتىعا، اسىرەسە، ەگىن، مال شارۋاشىلىق وڭىرلەرىنە بەيىمدەۋگە، ۇلتتار ىنتىماعىن جەبەۋگە، لاڭكەستىككە قارسى تۇرىپ، ورنىقتىلىقتى قورعاۋ قابىلەتى قۇرىلىسىن قولداۋعا ايرىقشا ءمان بەرىپ، ەڭبەگىن بۇلدامايتىن كەڭ پەيىل بولۋ، شينجياڭعا كومەكتەسكەندە حالىققا يگىلىك اكەلۋ كەرەك. ماسەلەنى نىشان ەتۋدەن جازباي، قايشىلىقتاردان قاشقالاقتاماي، قيىندىقتاردان تايسالماي، العا ىلگەرىلەۋ بارىسىنداعى قيىندىقتاردى كۇرەسۋ رۋحىمەن جەڭۋ، شينجياڭعا باعىتتامالى كومەكتەسۋ قىزمەتىنىڭ جاڭا جاعدايىن كۇرەسۋ رۋحىمەن اشۋ كەرەك.

  حۋاڭ چۇنچاۋ جولداستىڭ وزىنە قاتاڭ تالاپ قوياتىن، باستاماشىلدىقپەن ونەگە بولاتىن وسكەلەڭ قاسيەتىنەن ۇيرەنۋ كەرەك. ساياسي ءتارتىپ پەن ساياسي قاعيداعا قاتاڭ بويسۇنىپ، «ۇشتە قاتاڭ، ۇشتە شىنايى بولۋ» تالابىن سانالى تۇردە كوكەيگە قوندىرىپ، ارەكەتپەن توعىستىرىپ، ءتارتىپ جاعىنداعى تالاپتاردى ەستەن شىعارماي، ونى

  ءومىردىڭ قاسيەتىنە اينالدىرۋ كەرەك. وسكەلەڭ ءمورالعا سانالى تالپىنىپ، ناشار اۋەستەردەن بويدى اۋلاققا سالىپ، بۇرىس ستيل، تەرىس ۋاعىزدارعا قارسى تۇرىپ، تومەنگى شەكتى ساقتاپ، جالىعۋدان ساقتانىپ، ەركىن شىڭداپ، ابىرويىن ساقتاپ، ءتۇرلى سىنداردان تايسالماي ءوتۋ كەرەك. شينجياڭعا كومەكتەسەتىن كادر - دارىندىلار قوسىنىن جاقسى باستاپ، يدەيالىق تاربيەنى كۇشەيتىپ، ۇنامدى جاقتان شابىتتاندىرۋدى كۇشەيتىپ، شينجياڭعا كومەكتەسەتىن كادر - دارىندىلاردى ۇيىستىرىپ، قىزمەتتەردى ىنتىماقتاسا وتىرىپ بىرىككەن كۇش قالىپتاستىرىپ ىستەۋ قاجەت.

  ءومىر وزعانمەن، ونەگە ماڭگىلىك. حۋاڭ چۇنچاۋ جولداستىڭ ۇزدىك، ىزگى ىستەرى جانە وسكەلەڭ قاسيەتى ءبىزدى ۇدەرە العا تارتا بەرۋگە شابىتتاندىرادى. ج ك پ اۆتونوميالى رايوندىق 8 - كەزەكتى كوميتەتىنىڭ ونىنشى جالپى (كەڭەيتىلگەن) ماجىلىسىندە، پارتيا 18- كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ىشكەرىلەي دايەكتى تياناقتاندىرۋ، رايونىمىزدىڭ «13- بەسجىلدىق» كەزىندەگى ەكونوميكالىق، قوعامدىق دامۋىن جەدەلدەتۋ جونىندە جالپى بەتتىك ورنالاستىرۋ جاسالدى. شينجياڭعا كومەككە كەلگەن كادر - دارىندىلار حۋاڭ چۇنچاۋ جولداستىڭ رۋحىنان ۇيرەنۋدى ورتالىق پەن اۆتونوميالى رايوندىق پارتكومنىڭ كەلەلى شەشىم-ورنالاستىرۋلارىن دايەكتى تياناقتاندىرۋدىڭ مىعىم قوزعاۋشى كۇشىنە اينالدىرىپ، جاڭا دامۋ يدەياسىنان جازباي، ناقتى ىستەرمەن شۇعىلداناتىن تاڭداۋلى ءداستۇردى ساۋلەلەندىرىپ، جاۋاپكەرلىك ارقالاپ، ۇلەس قوسۋ رۋحىن اسقاقتاتىپ، مىقتاپ ۇستاپ، ناقتى ىستەپ، كورىكتى شينجياڭ قۇرۋعا، وتان ارمانىن بىرگە ىسكە اسىرۋعا ۇلەس قوسۋ كەرەك.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.