- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
2015 – جىلعى شينجياڭدا بولعان ۇمىتىلماس 10 ءىرى ءىس
2016.01.04 15:20 كەلۋ قاينارى : حالىق تورابى
1. شينجياڭ ۇيعۇر اۆتونوميالى رايونى قۇرىلعاندىعىنىڭ 60 جىلدىعى:
1955 – جىلى 1 – قازاندا شينجياڭ ۇيعۇر اۆتونوميالى رايونى قۇرىلعان بولاتىن، بۇل شينجياڭنىڭ دامۋ تاريحىنداعى كەزەڭدىك ءمان الاتىن ءىرى ءىس. سودان بەرى، جۇڭگو كوممۋنيستىك پارتياسىنىڭ باسشىلىعىندا، شينجاڭداعى ءار ۇلت حالقى ۇلتتىق وڭىرلىك اۆتونوميا ۇقىعىنان يگىلىكتەنىپ، سوتسياليستىك شينجياڭ قۇرۋدىڭ داۋىرلىك پاراقتارىن اشتى. 60 جىلدان بەرى، شينجياڭنىڭ جاعدايى مەن شينجياڭداعى ءار ۇلت حالقىنىڭ بەت – بەينەسىندە تاريحي سيپاتتى وزگەرىستەر بولدى.
2. وڭتۇستىك شينجياڭ قىزمەتى جونىندەگى ءماجىلىس اشىلدى
شينجياڭ ۇيعۇر اۆتونوميالى رايوندىق پارتكومنىڭ وڭتۇستىك شينجياڭ قىزمەتى جونىندەگى اڭگىمە ءماجىلىسى 3 – قاراشادا قاشقار قالاسىندا اشىلدى، بۇل اۆتونوميالى رايون قۇرىلعان 60 جىلدان بەرى وڭتۇستىك شينجياڭ قىزمەتى جونىندە جان – جاقتىلى زەرتتەۋ جۇرگىزىپ، ورنالاستىرۋ جاساعان تۇڭعىش رەتكى ءماجىلىس.
3. گۇما اۋدانىندا تۋىلعان جەر سىلكىنىسى
2015 – جىلى 3 – شىلدە كۇنى تۇستەن بۇرىن شينجياڭ حوتان ايماعى گۇما اۋدانىندا 6.5 بال جەر سىلكىنىپ، 5 ادام قازا بولىپ، 49 ادام جارالاندى، 226 مىڭ ادام اپاتقا ۇشىرادى.
4. بۇكىل مەملەكەت بويىنشا 5 – رەتكى شينجياڭعا باعىتتامالى كومەكتەسۋ قىزمەتى جونىندەگى ءماجىلىس بەيجيڭدە وتكىزىلدى
مەملەكەت بويىنشا 5 – رەتكى شينجياڭعا باعىتتامالى كومەكتەسۋ قىزمەتى جونىندەگى ءماجىلىس 23 – قىركۇيەكتە بەيجيڭدە اشىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەس ءتوراعاسى يۇي جىڭشىڭ مىنانى اتاپ كورسەتتى: شينجياڭعا باعىتتامالى كومەكتەسۋ ــ پارتيا ورتالىق كوميتەتى ورتاعا قويعان كەلەلى ساياسي شەشىم. قوعامنىڭ ورنىقتىلىعى مەن باياندى تىنىشتىقتى قورعاۋدى شىعار ءتۇيىن جانە كۇش سالاتىن ماڭىزدى ءتۇيىن ەتە وتىرىپ، «13 – بەسجىلدىق» مەزگىلىندە شينجياڭعا باعىتتامالى كومەكتەسۋ قىزمەتىن مۇقيات جوسپارلاۋىمىز جانە ونى ىلگەرىلەتۋىمىز كەرەك.
5. ەكونوميكالىق ءوسىمنىڭ تومەندەۋىنە بايلانىستى شينجياڭ ءتۇرلى شارالاردى ورتاعا قويدى
ەكونوميكالىق ءوسىمنىڭ تومەندەۋى سىندى قىسىمعا توتەپ بەرۋ ءۇشىن 2015 – جىلى شينجياڭ «اۆتونوميالى رايوندىق پارتكوم مەن اۆتونوميالى رايوندىق حالىق ۇكمەتىنىڭ ەكونوميكالىق ءوسىمنىڭ تومەندەۋى سىندى قىسىمعا توتەپ بەرۋ ءۇشىن كوز الداعى ەكونوميكالىق قىزمەتتەرى ويداعىداي ىستەۋ تۋرالى پىكىردى» باسىپ تاراتتى، بۇل قۇجاتتا 20 ءتۇرلى جاقتاعى 50 تارماقتى شارا قامتىلدى، اۆتونوميالى رايوندىق پارتكوم «ەكىدەن اينىماۋ» جانە «ەكونوميكالىق ءوسىمدى بەس ءتۇرلى جولمەن ورنىقتى ارتتىرۋ» پىكىرىن ورتاعا قويدى.
6. لاڭكەستىككە قاتاڭ سوققى بەرىپ، بۇكىل حالىق لاڭكەستىككە قاتاڭ سوققى بەرۋدىڭ ايباتتى ءانىن جازدى
بەيبىت قوعامدا تۇرمىس وتكىزۋدى ويلامايتىن ادام جوق شىعار، ءسىرا، الايدا، قاشاندا ءبىر توبىر بەيبىت تۇرمىستى بۇلدىرۋدەن تانباي كەلدى، جۋىرداعى جىلداردان بەرى، لاڭكەستەر ءالسىن - ءالسىن بۇلىك تۋدىرىپ، وتاندى بولشەكتەۋگە سۇقتانىپ، حالىقتىڭ الاڭسىز تۇرمىس ءتارتىبىن ءبۇلدىردى. 2015 – جىلى 8 – قاڭتاردا اۆتونوميالى رايوندىق پارتكومنىڭ ورنىقتىلىقتى قورعاۋ قىزمەتى ماجىلىسىندە مىنالار اتاپ كورسەتىلدى: ورنىقتىلىق قورعاۋ قىزمەتىندە، ءسوزسىز، ىرىقتى تۇردە «سەمسەر سۋىرىپ»، بەلسەندى شابۋىلعا ءوتىپ، جاپپاي اتويلاپ، تۇيىندە جەڭىسكە جەتىپ،پارمەندى ارىن قالىپتاستىرىپ، جاۋلاردىڭ دەسىن باسىپ، كۇرەستىڭ تىزگىنىن ءوز قولىمىزدا مىقتى ۇستاۋىمىز كەرەك.
7. شينجياڭ دامۋى جونىندە تالقى وتكىزىلدى
«2015 – جىلعى جۇڭگو شينجياڭ دامۋ تالقىسى» 18 – تامىزدا ءۇرىمجى قالاسىندا وتكىزىلدى، بۇل ەلىمىزدىڭ تۇڭعىش رەت شينجياڭنىڭ دامۋىن نەگىزگى تاقىرىپ ەتكەن كولەمدى حالىقارالىق ءماجىلىس وتكىزۋى.
8. «جولبارىس پەن شىبىن بىردەي سوعىلدى»، شىرىكتەسۋگە قارسى كۇرەس پارمەندى جۇرگىزىلدى
2015 – جىلى ناۋرىز ايىندا شينجياڭداعى تۇڭعىش «جولبارىس» لي جى تەكسەرۋگە الىنعاننان كەيىن، شينجياڭدا «جولبارىس سوعۋ» قارقىنى تەزدەپ، ىلگەرىندى – كەيىندى مەڭگەرمە دارەجەلى بىرنەشە ءمانساپتى تەكسەرۋگە الىندى، بۇلار: شينجياڭ ۇيعۇر اۆتونوميالى رايوندىق حالىق ىستەرى مەڭگەرمەسى ينسپەكتورىنىڭ ورىنباسارى يىن ميڭكۇي، شينجياڭ ۇيعۇر اۆتونوميالى رايوندىق حالىق ىستەرى مەڭگەرمەسى پارتگرۋپپاسىنىڭ بۇرىنعى شۋجيى مو جۋان، شينجياڭ شيپاگەرلىك ۋنيۆەرسيتەتى پارتكومىنىڭ بۇرىنعى شۋجيى لي بين، شينجياڭ گازەتى مەكەمەسى پارتكومىنىڭ بۇرىنعى شۋجيى جاۋ شينۋەي، سونداي – اق، شينجياڭ ۇيعۇر اۆتونوميالى رايوندىق حالىق ۇكىمەتى پارتكومىنىڭ بۇرىنعى مۇشەسى، باس حاتشىسى، كەڭسە مەڭگەرمەسى پارتگرۋپپاسىنىڭ شۋجيى الىمجان ءمامتىمىن تەكسەرۋگە الىندى.
9. تۇرپان ايماعى كۇشىنەن قالدىرىلىپ، تۇرپان قالاسى قۇرىلدى
مەملەكەتتىك كەڭەس 12 – ساۋىردە تۇرپان ايماعىن كۇشىنەن قالدىرىپ، تۇرپان قالاسىن قۇردى، تۇرپان شينجياڭ بويىنشا ايماق قۇرىلىمى كۇشىنەن قالدىرىلىپ، قالا بولىپ قۇرىلعان تۇڭعىش ايماق دارەجەلى قالا بولدى.
10. اۋا تەمپەراتۋراسى اسا جوعارى بولدى
2015 – جىلى شىلدە ايىندا شينجياڭدا اۋا تەمپەراتۋراسى ەرەكشە جوعارى بولىپ، ءبىر اپتا ىشىندە بۇكىل ەلىمىز بويىنشا اۋا تەمپەراتۋراسى ەڭ جوعارى قالالار مەن ايماقتار ىشىندە الدىڭعى ون ورىندى تۇگەلدەي شينجياڭداعى ايماق – قالالار يەلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
