- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ قۇرلىق ارمياسىنا، زىمىران كۇشتەرىنە، ستراتەگيالىق كومەك قوسىنىنا ارميا بايراعىن تابىستادى ءارى نۇسقاۋ بەردى
قۇرلىق ارمياسى باسشىلىق قۇرىلىمىنىڭ، زىمىران كۇشتەرىنىڭ، ستراتەگيالىق كومەك قوسىنىنىڭ قۇرىلۋ ءماجىلىسى بەيجيڭدە اشىلدى
2016.01.07 13:28 كەلۋ قاينارى : ءتاڭىرتاۋ تورابى
شينحۋا اگەنتتىگىنىڭ 1 - قاڭتاردا بەيجيڭنەن بەرگەن حابارى. جۇڭگو حالىق ازاتتىق ارمياسى قۇرلىق ارمياسىنىڭ باسشىلىق قۇرىلىمىنىڭ، جۇڭگو حالىق ازاتتىق ارمياسى زىمىران كۇشتەرىنىڭ، جۇڭگو حالىق ازاتتىق ارمياسى ستراتەگيالىق كومەك قوسىنىنىڭ قۇرىلۋ ءماجىلىسى 31 - جەلتوقساندا 1 - تامىز سارايىندا سالتاناتپەن اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قۇرلىق ارمياسىنا، زىمىران كۇشتەرىنە، ستراتەگيالىق كومەك قوسىنىنا ارميا بايراعىن تابىستادى ءارى نۇسقاۋ بەردى. پارتيا ورتالىق كوميتەتى مەن ورتالىق اسكەري ىستەر كوميتەتى اتىنان جولداستاردى، بۇكىل ارمياداعى اسكەري قوسىنداردى قىزۋ قۇتتىقتاپ: پارتيانىڭ جاڭا جاعدايداعى ارميانى قۇدىرەتتەندىرۋ نىساناسىن جەتەكشى ەتۋدەن جازباي، جاڭا جاعدايداعى اسكەري ىستەر ستراتەگياسى باعىتىن ىشكەرىلەي دايەكتىلەندىرىپ، رەفورمالاۋ، ارميانى قۇدىرەتتەندىرۋ ستراتەگياسىن جاپپاي اتقارىپ، جۇڭگوشا ەرەكشەلىككە يە ارميانى قۇدىرەتتەندىرۋ جولىمەن بۇلجىماي ءجۇرىپ، پارتيا مەن حالىقتىڭ ۇندەۋىنە قاي - قاشان دا قۇلاق اسىپ، پارتيا مەن حالىق جۇكتەگەن قاسيەتتى بورىشتى ادالدىقپەن اتقارىپ، جۇڭگو ارمانىن، ارميانى قۇدىرەتتەندىرۋ ارمانىن جۇزەگە اسىرۋ ءۇشىن تىڭ دا اناعۇرلىم زور ۇلەس قوسۋ كەرەك، - دەپ باسا دارىپتەدى.
ءماجىلىس تۇستەن كەيىنگى ساعات 4تە باستالدى، ءماجىلىس الاڭىندا ايبىندى مەملەكەت گيمىنى اۋەلەدى. قۇرمەت قاراۋىلى كوزدىڭ جاۋىن الاتىن ارميا بايراعىن قورعاپ، ءتوراعالار مىنبەسىنىڭ الدىنا كەلدى. شي جينپيڭ ارميا بايراعىن قۇرلىق ارمياسىنىڭ سىليڭيۋانى لي زوچىڭ مەن ساياسي كوميسسارى ليۋ لەيگە، زىمىران كۇشتەرىنىڭ سىليڭيۋانى ۋي فىڭحى مەن ساياسي كوميسسارى ۋاڭ جياشىڭعا، ستراتەگيالىق كومەك قوسىندارىنىڭ سىليڭيۋانى گاۋ جين مەن ساياسي كوميسسارى ليۋ فۋليانعا سالتاناتپەن تابىستادى. قۇرلىق ارمياسىنىڭ، زىمىران كۇشتەرىنىڭ، ستراتەگيالىق كومەك قوسىندارىنىڭ نەگىزگى باسشىلارى ايبىندى اسكەري سالاۋاتپەن، كوتەرىڭكى رۋحپەن شي جينپيڭگە سالەم بەرىپ، ارميا بايراعىن تاپسىرىپ الدى. الاڭداعى كوماندير - جاۋىنگەرلەر ارميا بايراعىنا قۇرمەت ءبىلدىردى.
بايراق تابىستاۋ سالتىنان كەيىن شي جينپيڭ نۇسقاۋ بەردى. ول: قۇرلىق ارمياسىنىڭ باسشىلىق قۇرىلىمىنىڭ، زىمىران كۇشتەرىنىڭ، ستراتەگيالىق كومەك قوسىنىنىڭ قۇرىلۋى پارتيا ورتالىق كوميتەتى مەن ورتالىق اسكەري ىستەر كوميتەتىنىڭ جۇڭگو ارمانىن، ارميانى قۇدىرەتتەندىرۋ ارمانىن جۇزەگە اسىرۋدى كوزدەي وتىرىپ جاساعان ەلەۋلى شەشىمى، جۇڭگوشا ەرەكشەلىككە يە وسى زامانعى اسكەري كۇشتەر جۇيەسىن ورناتۋداعى ستراتەگيالىق شارا، بۇل، ءسوز جوق، ارميامىزدىڭ وسىزامانداندىرۋ قۇرىلىسىنداعى ماڭىزدى بەلەسكە اينالىپ، حالىق ارمياسىنىڭ تاريحىنان وزىندىك ورىن الاتىن بولادى، - دەپ اتاپ كورسەتتى.
شي جينپيڭ بىلاي دەپ باسا دارىپتەدى: قۇرلىق ارمياسى پارتيامىز ەڭ العاش قۇرعان جانە باسشىلىق ەتكەن قارۋلى كۇش، تاريحى ۇزاق، سوعىسقا شەبەر، سايىسقا جۇيرىك، سوعىستاعى ەڭبەگى ەلەۋلى، پارتيا مەن حالىق ءۇشىن وشپەس ەڭبەك سىڭىرگەن. قۇرلىق ارمياسى مەملەكەتتىڭ يەلىك ۇقىعىن، حاۋىپسىزدىگى مەن دامۋ مۇددەسىن قورعاۋدا وزگە نارسە ورنىن باسا المايتىن رول اتقارادى. قۇرلىق ارمياسىنداعى جالپى كوماندير - جاۋىنگەرلەر قۇرلىق ارمياسىنىڭ داڭقتى ءداستۇرى مەن تاڭداۋلى ستيلىن ساۋلەلەندىرىپ، ينفورماتسيالاندىرۋ داۋىرىندەگى قۇرلىق ارمياسىن قۇرۋ فورماسى مەن جۇمساۋ فورماسىنداعى تەرەڭ وزگەرىسكە ۇيلەسىپ، قۇرلىق ارمياسىنىڭ دامۋ ەرەكشەلىگى مەن زاڭدىلىعى جونىندە ىزدەنىس جاساپ، جىلجىمالى شايقاس جاساۋ، سترەولدىق شابۋىلداۋ - قورعانۋدىڭ ستراتەگيالىق تالابىنا ساي جوعارى دەڭگەيلى جوبا مەن باسشىلىق ەتۋ، باسقارۋدى كۇشەيتىپ، كۇش قۇرىلىمى مەن اسكەري قوسىنداردىڭ شتاتىن ساپالىلاندىرىپ، وڭىرلىك قورعانىس سيپاتتان جالپىلىق شايقاس سيپاتىنا جەدەل بۇرىلىس جاساپ، قۇدىرەتتى، وسىزاماندانعان جاڭاشا قۇرلىق ارمياسىن قۇرۋعا قۇلشىنۋى كەرەك.
شي جينپيڭ بىلاي دەپ باسا دارىپتەدى: زىمىران كۇشتەرى −− ەلىمىزدىڭ ستراتەگيالىق ايبارىنىڭ وزەكتى كۇشى، ەلىمىزدىڭ ءىرى ەلدىك ورنىنىڭ ستراتەگيالىق تىرەگى، مەملەكەتتىڭ حاۋىپسىزدىگىن قورعاۋدىڭ ماڭىزدى ىرگە تاسى. زىمىران كۇشتەرىندە بارلىق كوماندير - جاۋىنگەرلەر زىمىران كۇشتەرىنىڭ رولى مەن بورىش مىندەتىن يادرولىق قارۋلار مەن داعدىلى قارۋلار سايما - ساي بولۋ، جالپى قورعانىس اۋماعىندا ايبار كورسەتۋ ستراتەگيالىق تالابىنا ساي، سەنىمدى، بەرىك يادرولىق ايبار مەن يادرولىق قايتارما سوققى بەرۋ قابىلەتىن كۇشەيتىپ، ورتا، الىس ارالىقتى دالمە - ءدال سوققى بەرۋ كۇشتەرى قۇرىلىسىن كۇشەيتىپ، ستراتەگيالىق تەڭگەرۋ، تەجەۋ قابىلەتىن ارتتىرىپ، قۇدىرەتتى، وسىزاماندانعان زىمىران كۇشتەرىن قۇرۋعا قۇلشىنۋى كەرەك.
شي جينپيڭ بىلاي دەپ باسا دارىپتەدى: ستراتەگيالىق كومەك قوسىندارى مەملەكەت حاۋىپسىزدىگىن قورعايتىن تىڭ سوعىس كۇشتەرى، ارميامىزدىڭ تىڭ سوعىس قابىلەتىنىڭ ماڭىزدى ارتۋ ءتۇيىنى ەسەپتەلەدى. ستراتەگيالىق كومەك قوسىندارىنداعى بارلىق كوماندير - جاۋىنگەرلەر جۇيەمەن توعىسۋعا، ارميا مەن حالىقتىڭ توعىسۋىنا تاباندى بولىپ، ماڭىزدى سالالاردا قارىشتاپ دامۋعا قۇلشىنىپ، جاڭاشا شايقاس كۇشتەرىنىڭ جەدەل دامۋىن، جابال دامۋىن جوعارى ولشەم، تىڭ باستامامەن ىلگەرىلەتىپ، قۇدىرەتتى، وسىزاماندانعان ستراتەگيالىق كومەك قوسىندارىن قۇرۋعا قۇلشىنۋى كەرەك.
ليۋ لەي، ۋاڭ جياشىڭ، ليۋ فۋليان قاتارلىلار قۇرلىق ارمياسىنىڭ، زىمىران كۇشتەرىنىڭ، ستراتەگيالىق كومەك قوسىندارىنىڭ اتىنان جەكە - جەكە لەبىز ءبىلدىرىپ: ءتوراعا شي جينپيڭنىڭ نۇسقاۋىن باتىل تياناقتاندىرىپ، ءارقانداي كەزدە، ءارقانداي جاعدايدا پارتيا ورتالىق كوميتەتىنىڭ، ورتالىق اسكەري ىستەرى كوميتەتى مەن ءتوراعا شي جينپيڭنىڭ قولباسشىلىعىنا باتىل بويسۇنىپ، قىزمەت جاۋاپكەرشىلىگىمىزدى، بورىشىمىزدى ەسىمىزدە بەرىك ساقتاپ، قىزمەت مىندەتىمىزدى، جاۋاپكەرشىلىگىمىزدى ادالدىقپەن وتەپ، اسكەري قوسىندى باستاپ ءتۇرلى مىندەتتەردى تابىسپەن ورىندايمىز، - دەستى.
ءماجىلىس ايبىندى ارميا مارشىمەن اياقتادى. وسىدان كەيىن شي جينپيڭ قۇرلىق ارمياسىنىڭ، زىمىران كۇشتەرىنىڭ، ستراتەگيالىق كومەك قوسىندارىنىڭ باسشىلىق القا قۇرامىنداعىلارمەن ىقىلاستى كەزدەسىپ، كوپشىلىكپەن ەستەلىك سۋرەتكە ءتۇستى.
ماجىلىستە ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتىنىڭ ورىنباسار ءتوراعاسى فان چاڭلۇڭ ءتوراعا شي جينپيڭنىڭ قولى قويىلعان، ورتالىق اسكەري ىستەر كوميتەتىنىڭ قۇرلىق ارمياسىنىڭ باسشىلىق قۇرىلىمىن، زىمىران كۇشتەرىن، ستراتەگيالىق كومەك قوسىنىن قۇرۋ، سونداي - اق ونىڭ باسشىلىق القا قۇرامىنداعىلاردى مىندەتكە تاعايىنداۋ بۇيرىعى مەن قارارىن وقىدى. ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتىنىڭ ورىنباسار ءتوراعاسى شۇي چيلياڭ ءماجىلىستى باسقاردى.
ورتالىق اسكەري ىستەر كوميتەتىنىڭ مۇشەسى چاڭ ۋانچۋان، فاڭ فىڭحۇي، جاڭ ياڭ، جاۋ كىشى، جاڭ يۋشيا، ۋ شىڭلي، ما شياۋتيان قاتارلىلار ماجىلىسكە قاتىناستى. ءتورت باس ءبولىمنىڭ، بەيجيڭدە تۇراتىن ءارقايسى ءىرى ورىندار مەن اسكەري ىستەر كوميتەتى كەڭسەسىنىڭ باسشىلارى ماجىلىسكە قاتىناستى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
