- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەز دامىعان قاتىناس بۇقاراعا قولايلىلىق اكەلدى
2016.01.07 14:53 كەلۋ قاينارى : شينجياڭ حالىق راديو ستانسياسى تورابى
2015-جىلى، جۇڭگونىڭ باتىس بولەگىندەگى جوعارى قارقىندى قاتىناس وزەگى قۇرىلىسىنىڭ تەزدەۋىنە ساي، شينجياڭ تاس جول قۇرىلىسىنا ۇسىنىلىمدى مولايتىپ، ءۇرىمجىنى اينالعان جوعارى قارقىندى تاس جول، قاراقاشتان حوتانعا دەيىنگى تاس جول سياقتى ءىرى نىسانداردى بار كۇشپەن ىلگەرىلەتتى.قاراشانىڭ اياعىنا دەيىن، رايونىمىزدىڭ اۋىل-قىستاق تاس جولى 8 مىڭ 650 كيلومەترگە جەتىپ،26اۋىل-قالاشىق، 496 قىستاقتىڭ قاتىناس شارت-جاعدايى جاقسارتىلىپ، ءبىر ميلليون 80 مىڭ ەگىنشى-مالشى ونىڭ يگىلىگىن كوردى. نىلقى اۋدانى قۇجىرتاي اۋىلىنىڭ ديقانى لي سۇنيۋ ەسىك الدىنان وتەتىن تاس جولعا قاراپ تۇرىپ بىلاي دەدى:-بۇرىن بۇل جول جاۋىن جاۋسا باتپاق بولىپ، جۇرە الماي قالاتىنبىز ؛ مىنە ەندى اسفاليت جاتقىزىلىپ جاقسى بولدى.
ۇرىمجى قالاسىنىڭ قاتىناس كەپتەلىسى دە بىرتىندەپ وڭالا باستادى.ءۇرىمجى قالاسىندا مەترو رەلىسىنىڭ سالىنا باستاۋى، التاي جولى اسپا كوپىرىندە اۆتوموبيلدىڭ قاتىناۋى، جۇردەك كوشە اۆتوبوزى 4-، 6-لەنيالارىنىڭ اينالىمعا ءتۇسۋى قاتىناس شارت-جاعدايىن بارىنشا جاقسارتتى.7 لەنياداعى جۇردەك كوشە اۆتوبوزى قالا رايونىنداعى جولاۋشىلاردى تاسۋ مىندەتىنىڭ %30 ءىن ۇستىنە العان. ءۇرىمجى قالاسى جۇردەك كوشە اۆتوبوزى سەرىكتەستىگىنىڭ مەڭگەرۋشىسى ياڭ شينشىڭ: ۇرىمجىدە جۇردەك كوشە اۆتوبوزى نەداۋىر كولەم قالىپتاستىردى. وڭتۇستىكتە قۇرباندار قابىرىنا، سولتۇستىكتە ميچۋان-دۇڭشان رايوندىق ۇكىمەتكە، باتىستا سىداۋچاعا، شىعىستا حۇڭچياۋ كوپىرىنە دەيىن تۇتاسقان، ول قالا تۇرعىندارىنىڭ ءجۇرىس-تۇرىسىنا وتە قولايلى بولدى،-دەدى.
رايونىمىزدىڭ اۆياتسيا ىستەرى دە قارىشتاپ دامىدى، تىڭنان ەكى اۋەجاي سالىندى، كوكتوعاي اۋە جايى مەن شىحىزى حۋايۋان اۋەجايى وندىرىسكە قوسىلدى. قازىر شينجياڭدا 18 اۋەجاي اينالىمعا ءتۇسىپ وتىر. 2015-جىلى، شينجياڭ اۋەجايى توبىنىڭ جولاۋشى، زات تاسىمالداۋ، ايروپلاننىڭ ۇشىپ-قونۋى سياقتى 3 ءتۇرلى كورسەتكىشتە تاريحتاعى تىڭ ريكورت جاراتىلدى. وڭتۇستىك اۆياتسيا شينجياڭ بولىمشە سەرىكتەستىگىنىڭ باس مەڭگەرۋشىسى فۋ مييان بىلاي دەدى: وتكەن 5 جىلدا، اۆياتسيا توبىمىزدىڭ شينجياڭداعى دامۋى جىل سايىن %20 ارتىپ وتىردى. مۇندا ءبىز تاسىمال كۇشىن ارتتىرىپ، حالىقارالىق 18 اۆياتسيا لەنياسىن اشتىق. بۇدان بىلاي حالىقارالىق اۆياتسيا لەنياسىن ونان ارى كوبەيتىپ، ەۆروپا مەن شىعىس وڭتۇستىك ازياعا قاتىنايتىن ايروپلانداردى كوبەيتىپ، ءۇرىمجىنى اۆياتسيا سەنتىرى ەتىپ قۇرىپ شىعامىز.وتكەن ءبىر جىلدا، ءتىپتى دە كوپ ادام جوعارى قارقىندى تەمىر جولدىڭ پايداسىن كوردى. لانجوۋ-شينجياڭ جوعارى قارقىندى تەمىر جولىندا پويەز قاتىناعان ءبىر جىلدان بەرى، جۇردەك پويەزعا وتىرعان جولاۋشى 4 ميلليون 500 مىڭنان استى. «وڭتۇستىك شينجياڭ جۇلدىزى » اتىنداعى قالا اراسىنداعى تەز پويەزدىڭ قاتىناۋى ۇرىمجىدەن كورلاعا باراتىن ۋاقىتتى 6 دا 7 ساعاتتان 4 ساعاتقا قىسقارتتى،ءۇرىمجى تەمىر جول مەكەمەسى جولاۋشى تاسىمال باسقارماسىنىڭ باستىعى حۋاڭ شين بىلاي دەدى: تەمىر جولدىڭ تەز دامۋى، شينجياڭ حالقىنىڭ ساپارلاۋىنا قولايلىلىق تۋدىرىپ، تۇرمىس ساپاسىن جاقسارتىپ، ادام جانە زات تاسىمالىن تەزدەتىپ، شينجياڭنىڭ ەكونوميكاسى مەن قوعامىنىڭ دامۋىن جەبەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
