بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

جاڭ چۇنشيان سانجى، قۇمىل ۋاكىلدەر ۇيىرمەسىنىڭ تالقىسىنا قاتىناستى

شوكىرات زاكىر، نايىم ياسىن، نۇرلان ءابىلماجىن ۇلى، چى جۇن، حان يۇڭ جەكە - جەكە تالقىعا قاتىناستى

2016.01.12 15:02     كەلۋ قاينارى : ءتاڭىرتاۋ تورابى

  11 - قاڭتار تۇستەن كەيىن اۆتونوميالى رايوندىق 12 - كەزەكتى حالىق قۇرىلتايىنىڭ 4 - ماجىلىسىنە قاتىناسقان ۋاكىلدەر ۇيىرمەسى جالپى جيىن اشىپ، ۇكىمەت قىزمەتىنەن باياندامانى تالقىلادى.

  ۋاكىل جاڭ چۇنشيان جەكە - جەكە سانجى حۇيزۋ اۆتونوميالى وبلىسى، قۇمىل ايماعى ۋاكىلدەر ۇيىرمەسىنىڭ تالقىسىنا قاتىناستى.

  سانجى وبلىسى ۋاكىلدەر ۇيىرمەسىنەن جاۋ چيڭ، ما شيۇڭچىڭ، سۋ يۇە، پىڭ گوچۇن، ياڭ جيە، وسىمان تاڭقاي قاتارلى ۋاكىلدەر ىلگەرىندى - كەيىندى لەبىز ءبىلدىردى. كوپشىلىك بىلاي دەستى: بيىلعى ۇكىمەت قىزمەتىنەن باياندامانىڭ تاقىرىبى ايقىن، ارقاۋى كورنەكتى، نىساناسى انىق، شارالارى ناقتى. باياندامادا بەس ءتۇرلى ەرەكشەلىك، توعىز ءتۇرلى جاڭا ءتۇيىن، جەتى جاققا تاباندى بولۋ ارقىلى «12 - بەسجىلدىق» جوبا مەزگىلىندەگى، سونداي - اق 2015 - جىلعى قىزمەتتەر جاپپاي بايىمدالدى، وتكەن بەس جىلدا قول جەتكىزگەن تابىستارعا وڭاي قول جەتكەن جوق. باياندامادا «13 - بەسجىلدىق» جوبا مەزگىلىندەگى نىسانا مىندەتتەر مەن بيىلعى قىزمەت ورنالاستىرۋلارى ايتىلىپ، ورتالىق پەن اۆتونوميالى رايوندىق پارتكومنىڭ ءبىرسىپىرا ماڭىزدى ورنالاستىرۋلارىن دايەكتىلەندىرۋ اشالاندى جانە تياناقتاندىرىلدى، ءبىز تەك وسى شارالار بويىنشا ءبىر - بىرلەپ يگەرىپ، تياناقتاندىرساق بولعانى شينجياڭنىڭ قىزمەتتەرى، ءسوز جوق، جاقسى ىستەلەدى، «13 - بەسجىلدىق» ۇلى جوباسى، ءسوزسىز، ۋاعىندا ىسكە اسادى.

  جاڭ چۇنشيان سوزىندە بىلاي دەدى: ۇكىمەت قىزمەتىنەن بايانداما پارتيا 18 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن جاپپاي دايەكتىلەندىرگەن، ج ك پ اۆتونوميالى رايوندىق 8 - كەزەكتى كوميتەتى ونىنشى جالپى (كەڭەيتىلگەن) ءماجىلىسىنىڭ، اۆتونوميالى رايوندىق پارتكومنىڭ ەكونوميكالىق قىزمەت ءماجىلىسىنىڭ، كەدەيلەردى سۇيەمەلدەۋ، وركەندەتۋ قىزمەتى ءماجىلىسىنىڭ، ورنىقتىلىق قىزمەتى ءماجىلىسىنىڭ رۋحىن دايەكتىلەندىرگەن، ناتيجەلەردى شىندىقتى ءىس جۇزىنەن ىزدەي وتىرىپ قورىتىندىلاعان، قىزمەتتەرگە ناقتى ورنالاستىرۋ جاساعان جاقسى بايانداما بولدى.

  جاڭ چۇنشيان بىلاي دەپ اتاپ كورسەتتى: سانجى وبلىسى جاڭا قالىپقا ۇيلەسىپ، تىڭ ىستەر ىستەۋى كەرەك. «ۇشتە باستاماشى بولۋ» جانە «ەكىدە جاڭالىق اشۋ ارقىلى دامۋدى جەبەۋ» تالابىن ۇزبەي تياناقتاندىرىپ، ەكونوميكانىڭ باسەڭدەۋ قىسىمىنا توتەپ بەرىپ، دامۋ تاسىلىنە اناعۇرلىم بۇرىلىس جاساپ، قامداۋ جاقتارىنداعى قۇرىلىمدىق رەفورمانى كۇشەيتىپ، دامۋ ساپاسى مەن ءونىمىن جوعارىلاتۋى؛ «بايلىقتى باياندى اشۋ مەن ەكولوگيالىق ورتانى باياندى قورعاۋعا» باستان - اياق تاباندى بولىپ، ەكولوگيالىق ورتانى قورعاۋدى ەڭ ماڭىزدى ورىنعا قويىپ، ەكولوگيالىق ورتانى ەڭ قاتاڭ تالاپ بويىنشا قورعاۋى؛ جاڭاشا قالا - قالاشىقتاندىرۋدى ىلگەرىلەتىپ، اۋىل - قىستاقتى كوركەيتىپ، باسىمدىلىقتى ساۋلەلەندىرىپ، جانعا جايلى، ومىرشەڭدىك قۋاتقا يە، قاتىناسى قولايلى، ىنتىماقتى، جاراسىمدى قالا قۇرۋعا كۇش سالىپ، «قىستاعى كوركەم، قىستاق تۇرعىندارى باي، قىستاق سالت - ساناسى جاقسى» كوركەم اۋىل - قىستاق قۇرۋى كەرەك.

  جاڭ چۇنشيان مىنانى باسا دارىپتەدى: قوعام ورنىقتىلىعى مەن باياندى تىنىشتىقتى ىسكە اسىرۋ باس نىساناسىن تىعىز ارقاۋ ەتە وتىرىپ، ورنىقتىلىق شەگىنەن اتتاماي، «0=1-100» قاعيداسىن ەستە بەرىك ساقتاپ، اۆتونوميالى رايوندىق پارتكومنىڭ ورنىقتىلىق قىزمەتى ءماجىلىسىنىڭ ءتۇرلى ورنالاستىرۋلارىن دايەكتى تياناقتاندىرىپ، قوعام جالپى جاعدايىنىڭ ورنىقتىلىعىن باتىل قورعاۋ كەرەك.

  قۇمىل ايماعى ۋاكىلدەر ۇيىرمەسىنەن ليۋ جيان، ۋاڭ يۋەبين، ەرجان قۇسىمان ۇلى، باي جيگى، ۋاڭ يانچيڭ، ماڭلىك سەيت قاتارلى ۋاكىلدەر ۇكىمەت قىزمەتىنەن باياندامانى ارقاۋ ەتە وتىرىپ، بايلىق باسىمدىلىعىن كادەگە جاراتۋ، قاتىناس نەگىزگى قۇرىلعىلار قۇرىلىسى، ەگىن، مال شارۋاشىلىعىن وسىزامانداندىرۋ، شينجياڭنىڭ ەرەكشە اس - سۋى جاقتارىنان ۇسىنىس قويدى.

  جاڭ چۇنشيان قۇمىل ايماعىنا مىناداي ءتورت اۋىز تالاپ قويدى: رەفورمادا اتويلاپ العا شىعۋ، ەكونوميكانى تىڭ ساتىعا كوتەرۋ، نەگىزدى بەكەمدەي ءتۇسۋ، قوعام وركەنيەتىن اناعۇرلىم دامىتۋ كەرەك.

  جاڭ چۇنشيان بىلاي دەپ باسا دارىپتەدى: رەفورمادا الدىدا ءجۇرۋ ءۇشىن جاڭالىق اشا دامۋ، سايكەستى دامۋ، جاسىل دامۋ، اشىق دامۋ، ورتاق يگىلىككە كەنەلەتىن دامۋ كوزقاراسىن كوكەيگە بەرىك ورناتۋىمىز، سونداي - اق ونى شىنايى دايەكتىلەندىرۋىمىز، باسقارۋ جۇيەسى مەن باسقارۋ قابىلەتىن وسىزامانداندىرۋىمىز، جاڭاشا قالا - قالاشىقتاندىرۋدىڭ اياق الىسىن جەدەلدەتۋىمىز، زاڭمەن جونگە سالۋ قۇرىلىسىن تۇتقا ەتىپ، رەفورما جۇرگىزۋىمىز، تەكسەرىپ، بەكىتۋ تۇرلەرىن اناعۇرلىم ىقشامداپ، دامۋعا تاماشا ورتا ازىرلەۋىمىز؛ ەكونوميكالىق دامۋدى ءبىر ساتى جوعارى كوتەرۋ ءۇشىن بەستى ءبىر تۇلعالاندىرۋدا، بەستى بىرگە ىلگەرىلەتۋدە، قۇرىلىمدى رەتتەۋدە، قاجەتتەن ارتىپ قالعان ءوندىرىس قۋاتىن ازايتۋدا، جاڭاشا ونەركاسىپتەندىرۋدە تاباندى بولۋىمىز، نەگىزدىك قۇرىلعى قۇرىلىستارىن مىقتى يگەرۋىمىز، زات اينالىم كاسىبىنىڭ دامۋىن ىلگەرىلەتۋىمىز؛ نەگىزدى اناعۇرلىم بەكەمدەۋ ءۇشىن پارتيا ورتالىق كوميتەتىنىڭ تالابى مەن اۆتونوميالى رايوندىق پارتكومنىڭ ورنالاستىرۋلارىن ناقتىلى تياناقتاندىرۋىمىز، دۇرىس ساياسي باعىتتا تاباندى بولىپ، شارالاردى نەگىزگى ساتىدا تياناقتاندىرۋىمىز، قاتتى بولشەك پەن جۇمساق بولشەكتى بىردەي مىقتى يگەرۋىمىز، قاتتى بولشەك جاعىندا، نەگىزگى ساتى شەبىندە «2+5» قىزمەت ۇلگىسىن الدىمەن ىسكە اسىرۋىمىز، جۇمساق بولشەك جاعىندا، قىستاق دارەجەلى ورىنداردىڭ قۇرىلىسىنا بارىنشا كۇش سالىپ، قىستاق دارەجەلى ورىنداردىڭ پارتيا باسشىلىق گرۋپپاسىن الۋەتتەندىرۋىمىز؛ قوعام وركەنيەتىن اناعۇرلىم دامىتۋ ءۇشىن، وسى زامانعى مادەنيەتتى ارقاۋ ەتىپ، حالىقتىڭ كىرىستى ارتتىرىپ، كوڭىلدىڭ توق بولۋىنا مۇمكىندىك جاراتۋىمىز، حالىق تۇرمىسىن بارىنشا جاقسارتىپ، مادەنيەت شۇعىلاسىمەن رايونىمىزدىڭ جەر - جەرىن نۇرلاندىرۋىمىز كەرەك.

  ۋاكىل شوكىرات زاكىر ءۇرىمجى قالاسى ۋاكىلدەر ۇيىرمەسىنىڭ تالقىسىنا قاتىناسقان كەزدە بىلاي دەدى: ءۇرىمجى تۇتاس شينجياڭنىڭ ساياسات، ەكونوميكا، مادەنيەت، عىلىم، وقۋ - اعارتۋ، قاتىناس ورتالىعى، جاقىنعى جىلداردان بەرى، ءۇرىمجى دامۋ اياق الىسىن جەدەلدەتۋ، حالىق تۇرمىسىن جاقسارتۋ، ورنىقتىلىقتى قورعاۋ جانە اتموسفەرانىڭ لاستانۋىن وڭاۋ سياقتى جاقتاردا كورنەكتى تابىسقا قول جەتكىزگەنىمەن، ەكونوميكانىڭ باسەڭدەۋ قىسىمى بارعان سايىن اۋىرلاسقان قازىرگى جاعدايدا، ءۇرىمجى ەڭ الدىمەن سوققىعا ۇشىرايدى، بۇل شينجياڭنىڭ ءوندىرىس جاعدايىنا كورنەكتى ىقپال جاسايدى. قازىر قۇرىلىمدى رەتتەۋ، دامۋ تاسىلىنە بۇرىلىس جاساۋدىڭ مىندەتى اۋىر، قامداۋ - قاجەتسىنۋدەگى قۇرىلىمدىق رەفورمانىڭ تەتىگى ءىرى قالالاردا، ءۇرىمجى كىرىسۋ ءتۇيىنىن ءدال تاۋىپ، رەفورما جاساۋ، جاڭالىق اشۋ وي جەلىسىمەن ەكونوميكانى ورنىقتى ارتتىرىپ، قۇرىلىمدى رەتتەۋگە تاباندى بولۋى، رەفورمانى جاپپاي تەرەڭدەتۋ ارقىلى بازاردىڭ سۋبەكتيۆتىك ومىرشەڭدىك كۇشىن جاڭعىرتۋى، ەكونوميكانىڭ باسەڭدەۋ قىسىمىنا بەلسەندى، لايىقتى تاسىلمەن ءونىمدى توتەپ بەرۋى كەرەك؛ قالانى اناعۇرلىم عىلمي، ۇيلەسىمدى باسقارۋدىڭ امالىن قاراستىرىپ، اتموسفەرانىڭ لاستانۋىن تىزگىندەۋ جانە وڭاۋ تەبىنىن ارتتىرىپ، زاڭ اتقارۋدى باقىلاۋدى قاتايتۋ، كاسىپورىنداردى زاڭ بويىنشا وندىرىسپەن شۇعىلدانۋعا قۋزاۋ كەرەك؛ كوپتىڭ اقىل - پاراساتىن توپتاپ، ورايدى مىقتى يگەرىپ، دامۋدى بار كۇشپەن ىلگەرىلەتۋى، جاڭا قالىپ جاعدايى استىندا جاڭا ناتيجە جاراتۋى، جاڭا قالىپقا ۇيلەسۋدىڭ تىڭ تۇرعىسىن تابۋى، جىبەك جولى ەكونوميكالىق بەلدەۋ قۇرىلىسى سىندى ماڭىزدى تاريحي ورايدى مىقتى يگەرىپ، وزەكتى رايوننىڭ «بەس ءىرى ورتالىق» قۇرىلىسىن ىلگەرىلەتۋدە ناقتى ناتيجەلەرگە قول جەتكىزىپ، «13 - بەسجىلدىق» جوباعا يگى باستاما جاراتۋى كەرەك.

  ۋاكىل نايىم ياسىن قاشقار ايماعى ۋاكىلدەر ۇيىرمەسىنىڭ تالقىسىنا قاتىناسقان كەزدە بىلاي دەدى: ۇكىمەت قىزمەتىنەن بايانداما «21 - بەسجىلدىق» جوبا مەزگىلىندەگى جانە 2015 - جىلعى ءار سالالى قىزمەتتەردى جان - جاقتى، ناقتى، شىندىقتى ءىس جۇزىنەن ىزدەي وتىرىپ قورىتىندىلاپ، «13 - بەسجىلدىق» دامۋدىڭ جەتەكشى يدەياسىن، جالپى تالابىن، نىسانا مىندەتتەرىن العا قويدى. ءبىز جاڭا قالىپقا، ءسوز جوق، ۇيلەسۋىمىز، ورتالىق پەن اۆتونوميالى رايوندىق پارتكومنىڭ ورنالاستىرۋلارىن تىعىز توڭىرەكتەي وتىرىپ، ۇكىمەت قىزمەتىنەن باياندامادا العا قويىلعان نىسانا تالاپتارعا ساي، شينجياڭدى زاڭمەن جونگە سالۋدا باستان - اياق تاباندى بولۋىمىز، يدەولوگيا سالاسىنداعى ۇگىت - تاربيەنى، ۇشقارىلىقتى الاستاۋ، نەگىزگى ساتىنىڭ ۇيىمدىق قۇرىلىسى سياقتى نەگىزدىك قىزمەتتەردى شىنايى ويداعىداي ىستەۋىمىز؛ حالىقارا مەن ەل ءىشىنىڭ ەكونوميكالىق دامۋ جاعدايىن ءتۇيىن ەتىپ، قۇرىلىمعا رەتتەۋ جۇرگىزۋىمىز، قامداۋ - قاجەتسىنۋدەگى قۇرىلىمدىق رەفورمانى ىلگەرىلەتۋىمىز، قاتىستى ساياساتتاردى رەتتەپ جانە كەمەلدەندىرىپ، كاسىپ سالاسى جاڭا جۇيەسىن قالىپتاستىرۋىمىز كەرەك؛ ولقىلىقتاردى تولىقتاپ، اۆتونوميالى رايوندىق پارتكومنىڭ وڭتۇستىك شينجياڭ قىزمەت ءماجىلىسىنىڭ جان - جاقتى ورنالاستىرۋلارىن ەگجەي - تەگجەيلى تياناقتاندىرۋىمىز كەرەك؛ 2020 - جىلعا دەيىن كەدەيلىكتەن جالپى بەتتىك قۇتىلۋ نىساناسىن ىسكە اسىرۋدىڭ مىندەتى اسا اۋىر، سوندىقتان ءتۇيىندى مىقتى يگەرىپ، قيىن تۇيىندەردى شەشىپ، كۇش سالۋ ءتۇيىنىن مىقتى يگەرىپ، كەدەيلىكتەن قۇتىلدىرۋدان قامال الۋ شايقاسىندا نىق جەڭىسكە جەتۋىمىز كەرەك.

  ۋاكىل نۇرلان ءابىلماجىن ۇلى ىلە قازاق اۆتونوميالى وبلىسى ۋاكىلدەر ۇيىرمەسىنىڭ تالقىسىنا قاتىناسقان كەزدە بىلاي دەدى: ۇكىمەت قىزمەتىنەن بايانداما پارتيا 18 - كەزەكتى ورتالىق كوميتەتى بەسىنشى جالپى ءماجىلىسىنىڭ، ج ك پ اۆتونوميالى رايوندىق 8 - كەزەكتى كوميتەتى ونىنشى جالپى (كەڭەيتىلگەن) ءماجىلىسىنىڭ رۋحىن، اۆتونوميالى رايوندىق پارتكومنىڭ ءبىرسىپىرا ماڭىزدى شەشىم، ورنالاستىرۋلارىن تولىق ايگىلەپتى، باياندامادان جاۋاپكەرشىلىكتى، باعىت پەن نىسانانى بايقاۋعا بولادى. ىلە قازاق اۆتونوميالى وبلىسى دامۋ ءۇشىن، ءسوز جوق، ۇيرەنۋدى كۇشەيتىپ، ساپ تۇزەۋ تانىمىن سانالىلىقپەن كۇشەيتىپ، قولىمنان كەلەدى دەيتىن تانىمدى سومداۋى كەرەك. «13- بەسجىلدىق» جوبانى جالپى جاعداي تۇرعىسىنان مۇقيات جاساپ، بەس ۇلكەن يدەيانى تولىق ايگىلەۋ، تازا شينجياڭ قۇرىلىسىندا بۇكىل شينجياڭ بويىنشا اعالاپ الدا ءجۇرۋى ءتيىس. كەدەيلىكتەن قۇتىلدىرۋدان قامال الۋ شايقاسىن كورنەكتى تۇردە جۇرگىزىپ، كەدەيلەردى دالمە - ءدال سۇيەمەلدەۋگە، كەدەيلىكتەن ءداپ باسىپ، ءدال قۇتىلدىرۋعا كۇش سالىپ، ءتۇرلى قىزمەتتىڭ تىڭ ساتىعا كوتەرىلۋىن ونان ارى جەبەۋى كەرەك.

  ۋاكىل چى جۇن اقسۋ ايماعى ۋاكىلدەر ۇيىرمەسىنىڭ تالقىسىنا قاتىناسقان كەزدە بىلاي دەدى: ۇكىمەت قىزمەتىنەن باياندامانىڭ ءتىلى قاراپايىم، مازمۇنى تولىق، شىندىققا جاناسىمدى، شىندىق ءىس جۇزىنەن ىزدەلگەن، العا قويىلعان نىسانالار ءىس جۇزىندىككە ۇيلەسەدى، بەلسەندى ءارى اتقارۋعا بولادى. باس شۋجي شي جينپيڭنىڭ ءبىرسىپىرا ماڭىزدى ءسوزىنىڭ رۋحى تولىق ايگىلەنگەن، پارتيا 18 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحى، اۆتونوميالى رايوندىق پارتكومنىڭ ءبىرسىپىرا ماڭىزدى ءماجىلىسىنىڭ رۋحى بەينەلەنگەن، ورتالىقتىڭ رۋحىنا، سونداي - اق شينجياڭنىڭ ءىس جۇزىندىگىنە ۇيلەسۋمەن بىرگە، ايقىن شينجياڭدىق ەرەكشەلىككە يە. بيىلعى جىل − «13 - بەسجىلدىق» جوبانىڭ العاشقى جىلى، بۇكىل رايون يدەيانى ونان ارى بىرلىككە كەلتىرىپ، جۇرت تىلەگىن ۇيىستىرىپ، كوپتىڭ كۇشىن شوعىرلاندىرىپ، ورتاق تانىم قالىپتاستىرىپ، ورتالىق العا قويعان شينجياڭدى زاڭمەن جونگە سالۋ، شينجياڭدى ىنتىماقتاسا ورنىقتىرۋ، شينجياڭدى باياندى كوركەيتۋ سىندى شينجياڭدى جونگە سالۋ تاكتيكاسى مەن جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلەتىن دامۋ سىندى دامۋ يدەياسىنا باستان - اياق تاباندى بولىپ، قوعامنىڭ ورنىقتىلىعى مەن باياندى تىنىشتىعى سىندى كوزدەۋ ءتۇيىنى مەن كۇش سالۋ ءتۇيىنىن مىقتاپ ارقاۋ ەتىپ، ەكونوميكالىق دامۋ، حالىق تۇرمىسىن جاقسارتۋ، نەگىزگى ساتى نەگىزىن بەكەمدەۋ سياقتى قىزمەتتەردى ءبىر تۇتاس جوسپارلاي وتىرىپ العا ىلگەرىلەتۋ كەرەك.

  ۋاكىل حان يۇڭ شىحىزى قالاسى ۋاكىلدەر ۇيىرمەسىنىڭ تالقىسىنا قاتىناسقان كەزدە بىلاي دەدى: «21 - بەسجىلدىق» مەزگىلى بيڭتۋاننىڭ ورنىقتىلىقتى قورعاپ، شەكارانى بەكەمدەۋ قابىلەتى كورنەكتى نىعايعان، جالپىلىق قۋاتى قاۋىرت ارتقان، پولك - الاڭ قالا - قالاشىقتاردىڭ بەت - بەينەسىندە تەرەڭ وزگەرىستەر تۋىلعان، نەگىزگى ساتى نەگىزى تىنباي بەكەمدەلگەن، جۇمىسشى - قىزمەتشى جۇرتشىلىقتىڭ ءوندىرىس، تۇرمىس شارت - جاعدايى جاپپاي جاقسارعان كەزەڭ بولدى. «13 - بەسجىلدىق» جوبا پولك - الاڭدارداعى ءار دارەجەلى ورىندار ورنىقتىلىقتى قورعاۋدى باستان - اياق ماڭداي الدى ورىنعا قويىپ، بيڭتۋاننىڭ وڭتۇستىك شينجياڭنىڭ دامىتۋىن ىشكەرىلەي جەبەپ، ەكونوميكالىق، قوعامدىق دامۋدى جەدەل ىلگەرىلەتىپ، بيڭتۋان مەن جەرگىلىكتى ورىننىڭ توعىسۋىن تىنباي تەرەڭدەتىپ، نەگىزگى ساتى نەگىزىن كۇش سالا بەكەمدەپ، شينجياڭنىڭ قوعام ورنىقتىلىعى مەن باياندى تىنىشتىعىن قورعاۋ ءۇشىن اناعۇرلىم زور رول اتقارۋىنا مۇمكىندىك جاساۋى كەرەك.

  ۋاكىل قۋان احىمەت: ۇكىمەت قىزمەتىنەن باياندامادا ەلەكتروندى ساۋدانى جەدەل دامىتىپ، شينجياڭنىڭ اۋىل شارۋاشىلىعى ونىمدەرىنىڭ ىشكى وڭىرلەردەگى تارالىمىن كەڭەيتۋ تىلگە الىنىپتى، ءبىز بۇدان ەرەكشە شابىت الدىق. اۋىل - قىستاقتىڭ ەلەكتروندى ساۋداسى دامىسا، قىستاعىمىزداعى شىلان الىس جەرلەرگە ساتىلىپ، ساۋدامىز كۇسەت بولىپ، كىرىسىمىز دە كوبەيەر ەدى، - دەيدى.

  ۋاكىل ريزۋانگۇل ابدىرەيىم: ۇكىمەت قىزمەتىنەن بايانداما قالا مەن اۋىل تۇرعىندارىنىڭ ەمدەۋ قامسىزداندىرۋى ساياساتى مەن ءبىتىرۋ، باسقارۋ ىستەرىن رەتكە سالۋدى جەبەپ، قالا مەن اۋىل تۇرعىندارىنىڭ سالماقتى اۋرۋلاردى قامسىزداندىرۋ ءتۇزىمىن جاپپاي اتقارۋ تىلگە الىنىپتى، بۇل شارۋالار ءۇشىن ۇلكەن يگىلىك ەسەپتەلەدى. ۇكىمەت بۇقارانىڭ دەنساۋلىعىن ەسكەرىپ، ءتىپتى دە كوپ ادامنىڭ سالماقتى اۋرۋلارىن ەمدەتۋىنە مۇمكىندىك جاساسا، ءبىز مۇنى بار كۇشىمىزبەن قولداپ - قۋاتتايمىز، - دەدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.