- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاڭا جوبانى ايقىنداپ، جاڭا ساپارعا قادام تاستايىق
− اۆتونوميالى رايوندىق 12 - كەزەكتى حالىق قۇرىلتايىنىڭ 4 - ءماجىلىسى اشىلعانىن قىزۋ قۇتتىقتايمىز
2016.01.12 15:16 كەلۋ قاينارى : شينجياڭ گازەتى
جاڭا قالىپتا جابال قۇلشىنىس جاساپ، جاڭا جورىقتا جۇمىلا كۇرەس جۇرگىزەيىك. جەمىستى 2015 - جىلعا قوش ايتىپ، 2016 - جىلدىڭ مىندەتتەرى مەن تاپسىرمالارى ارقامىزعا جۇكتەلگەن مەرەيلى ساتتە، اۆتونوميالى رايوندىق 12 - كەزەكتى حالىق قۇرىلتايىنىڭ 4 - ءماجىلىسى بۇگىن سالتاناتپەن اشىلدى. اۆتونوميالى رايوننىڭ ءار سالاسىنان كەلگەن قۇرىلتاي ۋاكىلدەرى ءار ۇلت حالقىنىڭ تاپسىرماسىن ارقالاپ، رەفورما مەن دامۋدىڭ كەلەلى جوبالارى جونىندە اقىل قوسىپ، حالىقتى اۋقاتتاندىرۋ مەن اۆتونوميالى رايوندى كوركەيتۋدىڭ ابزال شارالارى ۇستىندە وي ورتاقتاسادى. ءبىز ۋاكىلدەردەن شىن جۇرەكتەن حال سۇرايمىز، ءماجىلىستىڭ اشىلعانىن قىزۋ قۇتتىقتايمىز!
2016 - جىل جاپپاي دوڭگەلەك داۋلەتتى قوعام قۇرۋدىڭ شەشۋشى كەزەڭىنىڭ العاشقى جىلى، قۇرىلىمدىق رەفورمانى ىلگەرىلەتۋدەن قامال الاتىن جىل، بيىلعى قىزمەتتەردى جاقسى ىستەۋدىڭ ايرىقشا ماڭىزدى ءمانى بار. اۆتونوميالى رايونداعى ءار ۇلت حالقىنىڭ اقىل - پاراساتىن جيناقتاپ، ءار ۇلت حالقىنىڭ تالاپ - تىلەگىن تولىق بەينەلەپ، جىلدىق قىزمەتتەردى مۇقيات جوبالاپ، وي جۇلگەسىن ونان سايىن ايقىنداپ، دامۋ نىساناسىن ونان سايىن عىلميلاندىرىپ، جۇمىس شارالارىن ونان سايىن ناقتىلاي ءتۇسۋ كەرەك، بۇل اۆتونوميالى رايونداعى ءار ۇلت حالقىن ىشكەرىلەي ىنتىماقتاستىرىپ جانە ىنتالاندىرىپ، جاعدايدىڭ جاڭا وزگەرىستەرىن باعامداپ، جاڭا قالىپقا ۇيلەسىپ، جاڭا مۇمكىندىكتەردى يگەرىپ، جاڭا جەتىستىكتەرگە جەتۋدە ايرىقشا ماڭىزدى مانگە يە.
2015 - جىلى پارتيا ورتالىق كوميتەتىنىڭ پارمەندى باسشىلىعىندا، كۇردەلى دە قاتاڭ جاعداي مەن رەفورما، دامۋ، ورنىقتىلىقتىڭ جاپالى دا اۋىر مىندەتتەرىنە سايكەس، اۆتونوميالى رايون «پارتيا ورتالىق كوميتەتىنىڭ تالابىن ءوز مىندەتىمىز دەپ ساناۋدان» جازباي، باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي ۇيرەنىپ جانە دايەكتىلەندىرىپ، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسىنىڭ رۋحىن تياناقتاندىرۋدى نەگىزگى جەلى ەتىپ، قوعام ورنىقتىلىعى مەن باياندى تىنىشتىق جالپى نىساناسىن ارقاۋ ەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىنا تاباندى بولىپ، ورنىقتىلىق بارىسىندا ىلگەرىلەۋ، رەفورما جاساۋ، جاڭالىق اشۋ نەگىزگى اۋەنىنەن جازباي، قوعامدىق جالپى جاعدايدىڭ ورنىقتىلىعىن باتىل قورعاپ، ۇلتتار ىنتىماعى مەن ءدىني جاراسىمدىلىقتى كۇش سالا ىلگەرىلەتىپ، حالىق تۇرمىسىن شىنايى قامتاماسىزداندىرىپ جانە جاقسارتىپ، ەكونوميكالىق دامۋدىڭ جاڭا قالىبىنا بەلسەندى تۇردە جەتەكشىلىك ەتىپ، رەفورما جاساۋ، ەسىك اشۋدى تەرەڭدەتىپ، جىبەك جولى ەكونوميكالىق بەلدەۋىنىڭ وزەكتى رايونى قۇرىلىسىن جەدەلدەتىپ، ەكونوميكانىڭ ورنىقتى، تەزىرەك دامۋىن ساقتاپ، «ۇشتە قاتاڭ، ۇشتە شىنايى بولۋ» ارناۋلى تاربيەسىن تىڭعىلىقتى جۇرگىزىپ، «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلىن ىشكەرىلەي ورىستەتىپ، اۆتونوميالى رايون قۇرىلعاندىعىنىڭ 60 جىلدىعىن سالتاناتتى تۇردە اتاپ ءوتىپ، رەفورما، دامۋ، ورنىقتىلىق ىستەرىندە جاڭا، كورنەكتى ناتيجەلەرگە جەتتى.وسى ناتيجەلەر حالىق قۇرىلتايى جانە ونىڭ تۇراقتى كوميتەتى بەكەمدەگەن ساياسي نەگىزبەن توپتاعان رۋحاني كۇشتەن ايرىلا المايدى. ءبىر جىلدان بەرى، اۆتونوميالى رايوندىق حالىق قۇرىلتايىنىڭ تۇراقتى كوميتەتى ورتالىقتىڭ شينجياڭدى باسقارۋ ستراتەگياسى مەن اۆتونوميالى رايوندىق پارتكومنىڭ شەشىم - ورنالاستىرۋلارىن باتىل، دايەكتى تياناقتاندىرىپ، پارتيا باسشىلىعىنىڭ، حالىقتىڭ قوجايىن بولۋىنىڭ جانە مەملەكەتتى زاڭ بويىنشا باسقارۋدىڭ جاندى بىرلىگىنە تاباندى بولىپ، دۇرىس ساياسي باعداردان جازباي، وزەكتى ارقاۋ ەتىپ، جالپى جاعدايعا قىزمەت ەتىپ، حالىق قۇرىلتايى قىزمەتىنىڭ قاشاندا پارتيا قىزمەتىمەن وزەكتەس، باعىتتاس، ۇندەس، بىلەكتەس بولۋىن ىسكە اسىردى. «ءتورتتى جاپپاي ورىنداۋ» ستراتەگيالىق ورنالاستىرۋىن جانە قوعام ورنىقتىلىعى مەن باياندى تىنىشتىق جالپى نىساناسىن تىعىز ارقاۋ ەتىپ، شينجياڭدى زاڭمەن باسقارۋدى حالىق قۇرىلتايى قىزمەتىنىڭ كىرىسۋ نۇكتەسى مەن ۇمتىلىس باعىتى ەتىپ، بورىشتى ەسكە بەرىك ساقتاپ، بورىشتارىن بەلسەندىلىكپەن وتەپ، ءتۇرلى قىزمەتتە تىڭ ىلگەرىلەۋشىلىكتەرگە جەتىپ، اۆتونوميالى رايوننىڭ رەفورما، دامۋ، ورنىقتىلىق ىستەرىنە ماڭىزدى ۇلەس قوستى.
جاڭا جاعداي، جاڭا مىندەتتەر حالىق قۇرىلتايى قىزمەتى مەن حالىق قۇرىلتايى ۋاكىلدەرىنە، ءتىپتى، كەڭ ءورىس ازىرلەدى. اۆتونوميالى رايونىمىزداعى ءار دارەجەلى حالىق قۇرىلتايلارى مەن ءار ۇلت ۋاكىلدەرى رەفورما، دامۋ، ورنىقتىلىق ىستەرىنىڭ جالپى جاعدايىن تياناق، حالىقتىڭ يگىلىگىن نىعايتۋدى ارقاۋ ەتىپ، پاراساتتى كەڭەستەردى كوبىرەك بەرىپ، سىندارلى ۇسىنىستاردى كوبىرەك ايتىپ، باقىلاۋ جاۋاپكەرشىلىگىن كوبىرەك وتەپ، جاسامپاز شارالاردى كوبىرەك قاراستىرۋ كەرەك. وسى رەتكى ءماجىلىس ارقىلى، بۇكىل اۆتونوميالى رايونداعى جوعارى - تومەننىڭ يدەياسى مەن ارەكەتىن پارتيا ورتالىق كوميتەتىنىڭ، اۆتونوميالى رايوندىق پارتكومنىڭ جاعداي جونىندەگى دۇرىس تۇجىرىمىمەن بىرلىككە كەلتىرىپ، ءار ۇلت حالقىنىڭ ىسكەرلىك پاراساتى مەن ىسكەرلىك ىنتاسىنا قوزعاۋ سالىپ، رەفورمانى جاپپاي تەرەڭدەتۋگە قۇدىرەتتى وڭ ەنەرگيا جيناقتاپ، شينجياڭنىڭ قوعام ورنىقتىلىعى مەن باياندى تىنىشتىعىنىڭ جاڭا داستانىن جازۋى كەرەك.
جاڭا قالىپ جاڭا جەتىستىكتەرگە جەتكىزەدى، جاڭا باستاما جاڭا ۇمتىلىستاردى تالاپ ەتەدى. ۋاكىلدەردىڭ، ءسوز جوق، ۋاقىت كۇتىپ تۇرمايدى دەگەن جاۋاپكەرشىلىك تانىممەن، باس تارتۋعا بولمايتىن ساياسي جاۋاپكەرشىلىكپەن جانە قۇلشىنا جۇمىس جۇرگىزەتىن ءورشىل رۋحپەن، قاسيەتتى پارىزدارىن بۇرىنعىشا ادالدىقپەن اتقارىپ، اۆتونوميالى رايوننىڭ ەكونوميكالىق، قوعامدىق دامۋىنىڭ ءىرى باعىت - باعدارىن ويداعىداي قاراپ جانە ۇيعارىپ، ءماجىلىس مىندەتتەرىن مۇقيات جاۋاپتىلىقپەن ورىنداپ، وسى رەتكى ءماجىلىستى دەموكراتيالى، سىندارلى، ىنتىماقتى، العا باسقان ءماجىلىس ەتىپ اشاتىندىقتارىنا كامىل سەنەمىز.
قۇرىلتايدىڭ ءساتتى، تابىستى بولۋىن تىلەيمىز!
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
