- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۋىل - قىستاقتىڭ بەت - بەينەسىن جاقسارتىپ، كورىكتەندىرە تۇسەيىك
ۋاكىلدەر، مۇشەلەر «كورىكتى اۋىل - قىستاق قۇرۋ» جونىندە قىزۋ تالقى ورىستەتتى
2016.01.13 13:38 كەلۋ قاينارى : ءتاڭىرتاۋ تورابى
ۋاكىل جاڭ چۇنشيان 11 - قاڭتاردا سانجى حۇيزۋ اۆتونوميالى وبلىسى ۋاكىلدەر ۇيىرمەسىنىڭ تالقىسىنا قاتىناسقاندا ورتاعا قويعان «قىستاعى كوركەم، قىستاق تۇرعىندارى باي، قىستاق سالت - ساناسى جاقسى» كورىكتى اۋىل - قىستاق قۇرىپ، جاڭاشا اۋىل - قىستاق قۇرىلىسىنىڭ كوركەم كارتيناسىن سالۋ پىكىرى ۋاكىلدەر مەن مۇشەلەردىڭ كۇشتى اڭىسىن قوزعاپ، باسىم كوپ ۋاكىلدەر مەن مۇشەلەردىڭ قىزۋ تالقى تۇيىنىنە اينالدى.
مۇشە گاۋ جيانگو بىلاي دەدى: كورىكتى اۋىل - قىستاق قۇرۋ ورتالىقتىڭ ستراتەگياسىنا ءۇن قوساتىن بيلىك جۇرگىزۋدىڭ جارقىن ءتۇيىنى بولۋمەن بىرگە، بۇقاراعا باقىت اكەلەتىن، ۇرپاقتاردىڭ بولاشاعىن ويلايتىن حالىق تىلەگىندىك ينجەنەريا، «12 - بەسجىلدىق» جوباسى باستالىسىمەن جاڭ چۇنشيان شۋجي بۇل تالاپتى ءدال ۋاعىندا قويدى. «قىستاعى كوركەم، قىستاق تۇرعىندارى باي، قىستاق سالت - ساناسى جاقسى» دەگەن ءسوزدىڭ ماعىناسىن كورىكتى اۋىل - قىستاق قۇرۋ بارىسىندا كورىكتى ورتا قۇرىپ، ەكونوميكانى جانداندىرىپ، كوركەمدىك ءمانىن جوعارىلاتىپ، اۋىل - قىستاعىمىزدىڭ بەت - بەينەسىن جاقسارتىپ، كورىكتەندىرە ءتۇسۋ كەرەك دەپ تۇسىنەمىن.
مۇشە ما شينچۋان رايونىمىزدىڭ اۋىل - قىستاق ورتاسىنىڭ بىلعانۋىن وڭاۋ ماسەلەسىنە ەجەلدەن نازار اۋدارىپ كەلەدى، ول ەگىنشى - مالشىلاردىڭ تۇرعىن ءۇيى، اۋىل - قىستاق جولى، توعان قۇرىلىسىن ءتۇيىندى تۇردە يگەرۋدى، جاسىلداندىرۋ قىزمەتى مەن ەگىن، مال شارۋاشىلىق وڭىرلەرىندەگى تۇرمىستىق قوقىر - قوقسىقتاردى، باعىمشىلىق الاڭدارىنداعى مال مەن ءۇي قۇسىنىڭ قيىن ءبىر جايلى ەتۋدى، سۋدىڭ بىلعانۋىن، ەگىن شارۋاشىلىعىنىڭ اۋداندىق بىلعانۋىن، ورتا، شاعىن كاسىپورىنداردىڭ بىلعانۋىن وڭاۋ قىزمەتىن يگەرۋدى ۇسىنىس ەتتى.
ۋاكىل ميھراي تۇرعانجان بىلاي دەدى: قىستاقتار اناعۇرلىم كورىكتەنىپ، رەتتەلە تۇسسە شارۋالار شىنايى تيىمدىلىكتى سەزىنە الادى، سول ارقىلى كورىكتى اۋىل - قىستاق قۇرىلىسىنا ءتىپتى بەلسەندى، ءتىپتى ىرىقتى تۇردە ات سالىسىپ، اۋلالارىن تازالاپ، گۇل - ءشوپ ەگىپ، كورىكتى اۋىل - قىستاق قۇرۋشىلارى جانە جەمىسىن قورعاۋشىلارى بولۋعا تالپىنادى.
«كورىكتى اۋىل - قىستاق قۇرىلىسىندا ءبارىن ءبىر شىبىقپەن ايداۋعا بولمايدى»، - دەدى ۋاكىل ورلەۋبەك: «تاۋ، وزەن اعاش نەمەسە اڭىز ءبىر قىستاقتىڭ وزىندىك ەرەكشەلىككە يە بەلگىسىنە اينالۋى كەرەك. ءبىز جاڭاشا اۋىل - قىستاق قۇرىلىسىندا وسى فاكتورلاردى قورعاۋعا ءمان بەرۋىمىز كەرەك ءارى قىستاقتىڭ جاعراپيالىق ورنىن، نەگىزدىك شارت - جاعدايىن، مادەنيەت ەرەكشەلىگىن، كاسىپ سالالارىن دامىتۋ جاقتارىنداعى فاكتورلاردى دا ءبىر تۇتاس ويلاستىرىپ، ءبىر قىستاقتىڭ ەرەكشەلىگىن ايگىلەۋىمىز كەرەك».
«ەكولوگيالىق ورتاسى كورىكتى، بۇقاراسى باي بولعاندا عانا، كورىكتى اۋىل - قىستاق قۇرىلىسى شارۋالاردى ۋايىمنان ارىلتادى». مۇشە گاۋ جيانگو «قىستاق تۇرعىندارىن اۋقاتتاندىرۋدا، ءسوزجوق، ولاردىڭ كىرىس ارتتىرۋ ارناسىن كەڭەيتۋ كەرەك» دەپ قارادى، «شارۋالاردىڭ جەر ارقىلى كىرىسىن ارتتىرۋ اياسى بارعان سايىن تارايدى، ال، اۋىل - قىستاقتىڭ تاۋ - سۋلارى ارقىلى ساياحات شارۋاشىلىعىن، اۋلا شارۋاشىلىعىن دامىتۋ −− اۋىل - قىستاق ەكونوميكاسىن ارتتىرۋدىڭ جاڭاشا ءتاسىلى، بۇل رايونىمىزداعى ەگىنشى - مالشىلاردى كەدەيلىكتەن قۇتىلدىرىپ، قالتالارىن قامپايتۋدا ماڭىزدى رەال ءمان الادى».
ۋاكىل رەيىم بىلاي دەدى: قىستاعىمىز حۇيزۋ ۇلتىن نەگىز ەتكەن از ۇلتتار شوعىرلى قونىستانعان قىستاق، تالاي جىلدان بەرى، قىستاعىمىزدا ۇلتتار ىنتىماعىن زور كۇشپەن ۇگىتتەدىك، ءار ۇلت قىستاق تۇرعىندارى ءبىر وتباسىنىڭ ادامدارىنداي بەرەكەلى، قىستاعىمىزدا كىمنىڭ ۇيىندە جۇمىس بولسا، ءبارىمىز جاپا - تارماعاي كومەكتەسەمىز. مۇنداي تاتۋ - ءتاتتى، ءوزارا قارايلاساتىن تاماشا قىستاق سالتى كوپشىلىكتىڭ بىرگە بايىپ، دوڭگەلەك داۋلەتتى بولۋعا قادام تاستاۋىن دا دەمەپ كەلەدى.
مۇشە الىم مامۇت بىلاي دەدى: «قىستاق سالتىنىڭ جاقسى بولۋىندا» جان سۇلۋلىعىنا تالپىنامىز، بۇل رۋحاني وركەنيەت قۇرىلىسىنىڭ سەرپىنىن اناعۇرلىم كۇشەيتۋدى قاجەت ەتەدى، ماسەلەن، قىستاق مادەنيەت الاڭى، قىستاق جول ايرىعى، ۇگىت داۋالى سياقتى جەرلەردە جازۋ، سۋرەت سياقتى بۇقارا ۇناتاتىن فورمالاردان پايدالانىپ، قىستاق ەرەجەسى، حالىق ءجون - جوسىنىن، زاڭ - ەرەجەلەردى ۇگىتتەپ، جان دۇنيەنى تازارتىپ، تىلەكتەردى توعىستىرۋ كەرەك.
تۇرپان قالاسى اۆتونوميالى رايوننىڭ تالابىمەن ءبىر جەردەن شىعىپ، كورىكتى اۋىل - قىستاق قۇرۋ جاعىندا ىرىقتىلىق بايقاتتى. ۋاكىل جاڭ ۋىنچۋان بىلاي دەدى: تۇرپان قالاسى كورىكتى اۋىل - قىستاق قۇرىلىسىنا باسشىلىق ەتۋ قىزمەت گرۋپپاسىن قۇردى ءارى بيىل 6 - قاڭتاردا ءبىرىنشى جيىنىن اشىپ، تۇرپان قالاسىنىڭ كورىكتى اۋىل - قىستاق قۇرىلىسى قىزمەتىنىڭ جوباسىن ازىرلەدى، 6102 - جىلى ەرەكشە قىستاق، تاڭداۋلى قىستاق، وزەكتى قىستاق دەگەندەردى ءتۇيىن ەتىپ، كورىكتى اۋىل - قىستاق قۇرىلىسى قىزمەتىن جاپپاي باستاپ، اۋىل - قىستاقتاردى 5 جىلدا جاپپاي كوركەيتۋگە قۇلشىنۋدى نىسانا ەتتى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
