بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

«شينجياڭداعى ومىرتقالىلاردىڭ قىزىل تىزىمدىگى» ادامدارعا ورتانى قورعاۋدى ەسكەرتتى

2016.01.15 15:17    

  ءوز حابارىمىز. جۋىردا شينجياڭ ورمان شارۋاشىلىعى عىلىم اكادەمياسى ورمان ەكولوگياسىن زەرتتەۋ باسقارماسىنا قاراستى جابايى حايۋانات جانە سازداۋىت جەردى زەرتتەۋ كەڭسەسى رەتتەپ دايىنداعان «شينجياڭداعى ومىرتقالىلاردىڭ قىزىل تىزىمدىگى (2015)» جاريالانىپ، جاپان دالادا، بەلگىلى وڭىردە تۇقىمى قۇرىعان، تۇقىمى قۇرۋعا از قالعان جابايى حايۋاناتار رەتكە تۇرعىزىلدى. مۇنىڭ ىشىندە ىلە وبلىسى كولەمىندە تىرشىلىك ەتەتىن 10 جابايى حايۋانات بار ەكەن.

  دۇنيە جۇزىلىك تابيعي ورتانى قورعاۋ بىرلەستىگىنىڭ ولشەمىنە ساي، «شينجياڭداعى ومىرتقالىلاردىڭ قىزىل تىزىمدىگىندە (2015)» جابايى حايۋاناتتار «تۇقىمى قۇرىعان»، «جاپان دالادا تۇقىمى قۇرىعان»،«بەلگىلى وڭىردە تۇقىمى قۇرىعان»، «اسا قاتەرلى جاعدايعا تاپ بولعان»، «تۇقىمى قۇرۋعا شاق قالعان»،«تۇقىمى قۇرۋ حاۋىپىنە ءدوپ كەلگەن»،«قاتەرگە تاياعان»،«قاتەر جوق»،«قاتىستى ساندى مالىمەتى تاپشى» دەگەن 9 دارەجەگە ءبولىنىپ، مۇنىڭ ىشىندەگى جاپان دالادا تۇقىمى قۇرىعان جابايى حايۋاناتتار قاتارىنا ەنگىزىلگەنى تەك جاساندى جولمەن باعىلاتىن ورىنداردا عانا ساقتالىپ قالعانداردى، بەلگىلى وڭىردە تۇقىمى قۇرىعاندارعا بەلگىلى وڭىردە تىرشىلىك ەتەتىن بەلگىلى جابايى حايۋاناتتىڭ سول وڭىردە ساقتالىپ قالعان ەڭ سوڭعى بىرەۋىنىڭ ءولىپ جوعالعانىن، تۇقىمى قۇرۋعا شاق قالعان، تۇقىمى قۇرۋ حاۋىپىنە ءدوپ كەلگەن، قاتەرگە تاياعاندار نەگىزىنەن تۇقىمى قۇرۋ حاۋىپىنە تاياعانداردى، اسا قاتەرلى جاعدايعا تاپ بولعاندار تۇقىمى قۇرۋ حاۋىپى ەڭ جوعارىلاردى مەڭزەيدى. شينجياڭداعى 16 ءتۇرلى جابايى حايۋانات جاپان دالادا تۇقىمى قۇرۋ، بەلگىلى وڭىردە تۇقىمى قۇرۋ جانە اسا قاتەرلى جاعدايعا تاپ بولۋ كولەمىنە كىرىپ، تارپان مەن بيىك تاناۋ بوكەن جاپان دالادا تۇقىمى قۇرىعاندار، اق دەگەلەك پەن ۇزىن مويىن تاسباقا بەلگىلى وڭىردە تۇقىمى قۇرىعاندار قاتارىنا، ال قالعاندارى اسا قاتەرلى جاعدايعاء دوپ كەلگەن جابايى حايۋاندار قاتارىنا ەنگىزىلگەن.

  «شينجياڭداعى ومىرتقالىلاردىڭ قىزىل ءتۇستى تىزىمدىگىنە (2015)» نەگىزدەلگەندە، ىلە اڭعارىنان ءتورت اياقتى قۇرىلىق تاسپاقاسى مەن اق تىرنا اسا قاتەرلى جاعدايعا تاپ بولعاندار قاتارىنا، اق دەگەلەك بەلگىلى وڭىردە تۇقىمى قۇرىعان جابايى حايۋاناتتار قاتارىنا ەنگىزۋگە بولادى. ءتورت اياقتى قۇرىلىق تاسپاقاسى ورتا ازيا وڭىرىندە تىرشىلىك ەتەدى، ەلىمىزدە تەك قورعاس اۋدانىندا عانا بار بولىپ، سانى وتە از. قورعاس اۋداندىق ورمان شارۋاشىلىعى مەكەمەسىنىڭ ينجەنەرى جاڭ يدىڭ تانىستىرۋىنشا، قازىر بۇل اۋدانداعى ءتورت اياقتى قۇرىلىق تاسپاقاسىن قورعاۋ رايونى مەملەكەت دارەجەلى تابيعي قورعاۋ رايونىن قۇرۋ ءوتىنىشىن قاتىستى ورىندارعا جولداپتى. اق دەگەلەك ىلەنىڭ ءتاڭىر تاۋى باۋرايىندا تىرشىلىك ەتەدى، ال، اق تىرنا ىلە وزەنىندە تىرشىلىك ەتىپ، 1989-يىلى ىلە وزەنىندەگى اق تىرنانىڭ نە بارى ەكەۋ ەكەنى ەستەلىككە الىنعان. ودان بەرى اق تىرنانى ەشكىم كورمەگەن.

  ىلە وزەنىندەگى سيرەك كەزدەسەتىن جابايى حايۋانات، قۇستاردان تىس، التاي ايماعىنداعى ەرتىس وزەنى اڭعارىنداعى ۇزىن مويىندى سولتۇستىك تاسپاقاسىنىڭ بەلگىلى وڭىردە تۇقىمى قۇرىپ، بەكىرە بالىق، كامشات، جۇپار، ءشول ارقارى، ەۆروپا-ازيا بۇلانى سياقتىلار اسا قاتەرلى جاعدايعا تاپ بولعان حايۋاناتتار قاتارىنا ەنگىزىلگەن. كۇيتۇن-اق باستى، ۇزىن قۇيرىقتى ۇيرەكتىڭ جۇڭگوداعى تىرشىلىك ەتەتىن ەكى ورىننىڭ ءبىرى. قازىر بۇل تۇردەگى ۇيرەكتىڭ دە تۇقىمى قۇرۋعا شاق قالعان.

  كەلۋ قاينارى: «ىلە كەشى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.