- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاڭ چۇنشيان جۋ جىۋىن، چىن گايحۋلارمەن كەزدەستى
2016.01.20 16:55 كەلۋ قاينارى : شينجياڭ گازەتى
ءتىلىشمىز جاڭ لەي 17- قاڭتاردا ۇرىمجىدەن حابارلايدى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان 8 - قاڭتاردا ۇرىمجىدە وقۋ - اعارتۋ مينيسترلىگىنىڭ ورىنباسار مينيسترى جۋ جىۋىنمەن، مەملەكەتتىك ۇلت ىستەرى كوميتەتىنىڭ ورىنباسار مەڭگەرۋشىسى چىن گايحۋمەن جانە ولاردىڭ سەرىكتەرىمەن كەزدەستى.
جۋ جىۋىن مەن چىن گايحۋ شينجياڭعا وقۋ - اعارتۋ مينيسترلىگى مەن مەملەكەتتىك ۇلت ىستەرى كوميتەتىنىڭ اۆتونوميالى رايوندىق حالىق ۇكىمەتىمەن بىرلەسىپ اشقان ىشكى ولكەلەردەگى جوعارى مەكتەپتەردىڭ شينجياڭعا كومەكتەسۋى بويىنشا 7 - رەتكى سەلبەستىك جوسپارى قىزمەتىن ورنالاستىرۋ ماجىلىسىنە قاتىناسىپ، شينجياڭنىڭ وقۋ - اعارتۋ ىستەرىنە باعىتتالعان كەلەسى قادامداعى قولداۋ شارالارىن اقىلداسۋعا كەلدى.
جاڭ چۇنشيان بىلاي دەدى: «12- بەسجىلدىق» كەزىندە، وقۋ - اعارتۋ مينيسترلىگىنىڭ، مەملەكەتتىك ۇلت ىستەرى كوميتەتىنىڭ كۇش سالا قولداپ - قۋاتتاۋىنىڭ ارقاسىندا، شينجياڭنىڭ وقۋ - اعارتۋ ىستەرىندە كورنەكتى دامۋعا جانە ىلگەرىلەۋشىلىكتەرگە قول جەتتى. جۋىق جىلداردان بەرى اۆتونوميالى رايونىمىزدىڭ وقۋ - اعارتۋ قاراجاتى جىلدان − جىلعا ارتىپ، نەگىزدىك وقۋ - اعارتۋ، «قوس ءتىل» وقۋ - اعارتۋى جاقتارىندا ماندىك وزگەرىستەر جارىققا شىعىپ، جوعارى وقۋ - اعارتۋدىڭ ساپاسى مەن دەڭگەيى اناعۇرلىم جوعارىلاتىلدى.
جاڭ چۇنشيان بىلاي دەپ اتاپ كورسەتتى: وقۋ - اعارتۋ ۇزاق بولاشاققا ساياتىن قوعامدىق ءىس، وتە - موتە، شينجياڭدا وقۋ - اعارتۋ قىزمەتىن ويداعىداي ىستەۋ ەرەكشە ماڭىزعا يە. وقۋ - اعارتۋ مينيسترلىگىنىڭ، مەملەكەتتىك ۇلت ىستەرى كوميتەتىنىڭ شينجياڭنىڭ وقۋ - اعارتۋ ىستەرىنە ۇزدىكسىز قولداۋ كورسەتىپ، «13- بەسجىلدىق» مەزگىلىندە «قوس ءتىل » وقىتۋشىلارى، وقۋ - وقىتۋ شارت - جاعدايى، ءبىلىم بەرۋ ساپاسى سياقتى جاقتاردا شينجياڭعا قولداۋ كورسەتۋ سەرپىنىن ارتتىرىپ، شينجياڭنىڭ قوعام ورنىقتىلىعى مەن باياندى تىنىشتىعىن بەرىك تىرەكپەن قامداۋىن ءۇمىت ەتەمىن.
جۋ جىۋىن بىلاي دەدى: «12- بەسجىلدىق» كەزىندە، شينجياڭنىڭ «قوس ءتىل » وقۋ - اعارتۋىنىڭ، مەكتەپ الدى تاربيەسىنىڭ، جوعارى وقۋ - اعارتۋدىڭ دەڭگەيى مەن
وقىتۋشىلار قوسىنى قۇرىلىسى كورنەكتى تۇردە جاقساردى، وتە - موتە، وڭتۇستىك شينجياڭنىڭ وقۋ - اعارتۋ ىستەرىندەگى ءتۇرلى كورسەتكىشتەر ەداۋىر كوتەرىلدى. وقۋ - اعارتۋ مينيسترلىگى «13 - بەسجىلدىق» كەزىندەگى وقۋ - اعارتۋدى دامىتۋ جوباسىندا شينجياڭدى قولداۋ سەرپىنىن اناعۇرلىم كۇشەيتىپ، نىسانانى، وي جەلىسىن، شارالاردى اناعۇرلىم ايقىنداپ، شينجياڭنىڭ وقۋ - اعارتۋ ىستەرىنىڭ زور دامۋىن بارىنشا قولدايدى.
چىن گايحۋ ورتالىقتىڭ ۇلت وقۋ - اعارتۋى جونىندەگى جاڭا يدەيا، جاڭا تالاپتارىن جاپپاي يگەرىپ، شينجياڭداعى از ۇلت وقۋشىلارىنىڭ ءىس جۇزىندىك جاعدايىمەن ۇشتاستىرا وتىرىپ، «13- بەسجىلدىق» مەزگىلىندە ىشكى ولكەلەردەگى جوعارى مەكتەپتەردىڭ شينجياڭعا كومەكتەسۋ سەلبەستىك جوباسىنداعى مىندەتتەردىڭ ءساتتى ورىندالۋىنا كەپىلدىك ەتەتىندىگىن ءبىلدىردى.
اۆتونوميالى رايوننىڭ باسشىلارىنان شوكىرات زاكىر، ەركىن تۇنياز كەزدەسۋدە بىرگە بولدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
