- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
كورىكتى شينجياڭ دۇنيە ءجۇزىن ءتانتى ەتتى
2016.01.21 14:05 كەلۋ قاينارى : ءتاڭىرتاۋ تورابى
اق قار، كوك مۇز جامىلعان بايتاق دالا. كورىكتى شينجياڭ قوناقتارعا ايقارا قۇشاق اشتى... 20 - قاڭتار قاقاعان اياز شينجياڭ مۇز ءۇستى سپورت ورتالىعىنداعى قىزۋ دۋمانعا استار بولا المادى. مەملەكەتتىك 13 - كەزەكتى قىسقى سپورت جارىسىنىڭ باستالۋىنا ارنالعان، باس - اياعى 50 مينۋت جالعاسقان ساۋىق كەش، قاراپايىم كوركەمدىك ءتاسىل ارقىلى «قار جامىلعان تيانشان مەن شۋاققا شومعان جىبەك جولىنىڭ» اڭگىمەسىن تىلگە تيەك ەتتى.
مەملەكەتتىك 13 - كەزەكتى قىسقى سپورت جارىسى ەلىمىزدەگى قار - مۇز سپورتى اۋەسكەرلەرىنىڭ مەرەيلى باس قوسۋى عانا ەمەس، سونىمەن بىرگە، شينجياڭنىڭ سۇلۋ كوركىن ايگىلەيتىن تەرەزە، ءتىپتى كوپ ادامنىڭ شينجياڭعا كەلۋىنە، شىنايى شينجياڭدى تۇسىنۋىنە مۇمكىندىك بەرەتىن تاپتىرماس وراي. «شينجياڭدا، مەملەكەتتىك قىسقى سپورت جارىسىنىڭ وتكىزىلۋى جارىستىق سپورت ساناتىمەن شەكتەلمەيدى، وسى ۇلكەن تۇعىر، ۇلكەن تەرەزە ارقىلى بۇكىل ەلگە، ءتىپتى دۇنيە جۇزىنە شينجياڭنىڭ دامۋ وزگەرىستەرى مەن جاڭا كەلبەتىن ايگىلەۋگە بولادى» دەدى اۆتونوميالى رايوندىق سپورت مەكەمەسى پارتيا باسشىلىق گرۋپپاسىنىڭ شۋجيى لي گۋاڭميڭ.
يۋان لەي
قار - مۇزدىڭ تابيعي ساپاسى وزگەشە
«قار - مۇزدان كوكتەي ءوتۋ» دەگەن انمەن بىرگە، قىسقى سپورت جارىسىنىڭ شىمىلدىعى باياۋ اشىلدى. ونداعان ارتيست قولدارىنا كۇمىس لەنتا الىپ، بۇلتپەن تالاسقان تاۋ توبەسىنەن «اعىپ تۇسكەندەي» بولدى، شينجياڭنىڭ قار - مۇز سپورتى جونىندەگى ەستەمە قار تاقتايدىڭ استىنان بۇرقىراعان قار ۇشقىندارىنداي ەلەس بەردى.
شينجياڭنىڭ جاراتىلىستىق شارت - جاعدايى وزگەشە. سولتۇستىكتە التاي، وڭتۇستىكتە كۇنلۇن، قاق ورتادا تيانشان تاۋى بار. ءبىر جىلدىڭ بەس ايىنا جالعاساتىن ۇزاق قىس شينجياڭعا مول قار - مۇز سپورتى بايلىعى مەن تەرەڭ قار - مۇز مادەنيەتىن سيلادى. تەرىسكەي تيانشاننىڭ جاراتىلىستىق شارت - جاعدايى الپى تاۋلارىنىڭ الەمدىك دەڭگەيدەگى قار الاڭدارىنان قالىسپايدى.
شينجياڭدىقتار قار - مۇزدى جانىنداي جاقسى كورەدى، جىل سايىن قىس تۇسكەندە، ەڭكەيگەن كارىدەن ەڭبەكتەگەن بالاعا دەيىن، شاڭعى الاڭىندا ەركىن جۇيتكىپ، ويىن قىزىعىنا باتادى. قىسقى سپورت جارىسى وتەتىن بوعدا قار شاڭعى الاڭى مەن جىبەك جولى قارشاڭعى الاڭى قازاقتار ايتاتىن «قىستاۋدىڭ» ناعىز ءوزى، بوكتەرى جىلى، بورانى از، جىل بويى كۇن شۋاعىنا شومىپ جاتادى. ۇستىرتتەۋ جەردەگى قارشاڭعى الاڭى رەتىندە، ونىڭ تەڭىز دەڭگەيىنەن بيىكتىگى دە تاماشا ناتيجە جاراتۋعا باپ كەلەدى. كەڭەيتىپ سالۋ جانە نەگىزدىك قۇرىلعىلارىن جاڭالاۋدىڭ ناتيجەسىندە، وسى قار شاڭعى الاڭدارى جەر بەتىندەگى ەڭ تاماشا قار شاڭعى الاڭدارىندا بولۋعا ءتيىستى نەگىزگى شارتتاردى ازىرلەدى.
جىبەك جولى حالىقارالىق قار شاڭعى الاڭىنان 7 كيلومەتر شالعايداعى «قارعالداق گۇلى» دەپ اتالعان مۇز ءۇستى سپورت ورتالىعى شينجياڭدا جابىق مۇز ايدىنى بولماۋ تاريحىنا نۇكتە قويدى. وسى مۇز ءۇستى سپورت ورتالىعى حالىقارالىق وزىق ولشەممەن جابدىقتالعان، تەڭىز دەڭگەيىنەن 1650 مەتر بيىك ۇستىرتتەۋ جەردىڭ جاراتىلىستىق ورتاسى ونى سولت - لەيك، كالگاري مۇز ايدىندارى سياقتى «رەكوردتار بەسىگىنە» اينالدىرۋى مۇمكىن.
التايدان كەلگەن قار شاڭعى جاتتىقتىرۋشىسى مۇحتار قۋانىشباي ۇلى ءداستۇرلى تونىمەن ساحناعا كوتەرىلىپ، ءالميساقتان جالعاسقان بايىرعى قار شاڭعى ونەرىن كورسەتتى. «قىسقى سپورت جارىسىنىڭ باستالۋ سالتىندا بۇكىل ەلگە، دۇنيە جۇزىنە شينجياڭنىڭ تاريحى مەن ۇلتتىق ءداستۇردى كورسەتكەنىمدى شىن ماقتانىش سەزىنەمىن» دەدى ول.
ءبىر تۇلعالى، كوپ نەگىزدى مادەنيەت كوڭىلدەردى باۋرادى
ەلىمىزدىڭ جەر - جەرىنەن كەلگەن سپورتشىلار الاڭعا كىرىپ، ورنىققاننان كەيىن، سپورت جارىسىنىڭ قۇتبەلگىسى − قارعالداق بالالار كونكي تەۋىپ، الاڭ ورتالىعىنا كىردى، ولاردىڭ رياسىز پىشىنمەن كورەرمەندەردى شينجياڭ تاريحىنىڭ ۇلى دارياسىن بويلاپ، وسىناۋ عاجاپقا تولى ىرىستى توپىراقتىڭ مادەنيەت مارجاندارىن تاماشالاۋعا شاقىردى.
«ءبىزدىڭ شينجياڭ جاقسى جەر» مۋزيكاسىنىڭ اۋەلەۋىمەن، شينجياڭداعى ءار ۇلت ۋاكىلدەرى وتاعاسى سالاۋاتىمەن الاڭعا كىردى، ەكرانداعى كورىنىستەر شينجياڭ حالقىنىڭ باۋىرمال، جاراسىمدى تۇرمىس كوزقاراسىن ايگىلەدى.
ۇلتتاردىڭ تاڭداۋلى ءداستۇرىن قورعاۋ جانە وعان مۇراگەرلىك ەتۋ شينجياڭدا ءبىر تۇلعالى، كوپ نەگىزدى مادەنيەتتىڭ جارقىن شۇعىلاسىن جاراتۋمەن بىرگە، ونان دا ماڭىزدىسى، شينجياڭداعى ءار ۇلت حالقىنىڭ ءبىر - ءبىرىنىڭ ارتىقشىلىعىن قابىلداۋىنا، ءوزارا كەشىرىمشىل بولۋىنا، تاتۋ - ءتاتتى تۇرمىس كەشىرۋىنە، سونداي - اق «ۇلى وتاندى ءسۇيۋ، مەكەندى كوركەيتۋ» تالابىنىڭ ءار ۇلت حالقىنىڭ ورتاق تىلەگىنە اينالۋىنا مۇمكىندىك جاسادى. تىلەكتەردى توعىستىرۋ قۇن كوزقاراسىنداعى ورتاق تانىمدى قالىپتاستىرادى، «5 ورتاق تانىمنىڭ» ءار ۇلت بۇقاراسىنىڭ كوڭىل تورىنەن ورىن الۋىنا مۇمكىندىك جاسادى، بۇل شينجياڭنىڭ قوعامدىق ورنىقتىلىعى مەن باياندى تىنىشتىعىنىڭ كۇش - قۋات كوزى.
مەملەكەتتىك 13 - كەزەكتى قىسقى سپورت جارىسىنا دايىندالۋ بارىسىندا، ۇيىمداستىرۋ كوميسسياسى شينجياڭدى ۇگىتتەۋ، ايگىلەۋ جاعىنا زەيىن - زەردەلەرىن سارقا جۇمسادى، ايتالىق، مەدال قۇرىلىمىندا تيانشان تاۋى سىلەمى، بوعدا شىڭى، قارعالداق سىندى شينجياڭ «تانىسقىسى» ايگىلەندى؛ قىسقى سپورت جارىسى كەزىندە، شينجياڭ جەلىلەس قار - مۇز سالت - سانا مەرەكەسى قيمىلىن وتكىزىپ، شينجياڭنىڭ وڭىرلىك، ۇلتتىق، سالت - سانا، گۋمانيتارلىق سىندى ەرەكشەلىگىن جان - جاقتى كورسەتەدى؛ قىسقى سپورت جارىسىنىڭ جابىلۋ سالتىندا ۇيىمداستىرۋ كوميسسياسى شينجياڭنىڭ ەرەكشەلىگىن كورنەكتىلەندىرىپ، دەنە تاربيە مازمۇنىن كوركەمونەرلەندىرۋدەي جالىندى بەينە ارقىلى شينجياڭداعى ءار ۇلت بۇقاراسىنىڭ شينجياڭدى كوركەيتۋ، وتان ارمانىن ورتاق ورىنداۋ سىندى ساۋلەتتى داستانىن ايگىلەيدى.
ەكونوميكالىق، قوعامدىق دامۋ كۇن سايىن تۇلەپ كەلەدى
باستالۋ سالتىنداعى LED ەكرانىنان زىمىراپ بارا جاتقان جۇردەك پويەز، اسپانمەن بوي تىرەسكەن ءزاۋلىم عيماراتتار، ادامداردىڭ قالا قۇرۋ جولىنداعى قۇلشىنىسى، ورتالىق قالاداعى ادامداردىڭ قاربالاس بەينەسى كوزگە شارق ۇرادى، تاريحتىڭ الىپ دوڭعالاعى العا قاراي جىلجۋدا، ورتالىقتىڭ شينجياڭ قىزمەتى جونىندەگى تۇڭعىش اڭگىمە ءماجىلىسى اشىلعاننان كەيىن، ءار ۇلت بۇقاراسى باقىتتى تۇرمىستىڭ تابالدىرىعىنا قاراي جول تارتتى.
ءدال وسى كەزدە شينجياڭنىڭ مەملەكەتتىك قىسقى سپورت جارىسىن وتكىزۋ تۋىن تاپسىرىپ الۋى مەملەكەتتىڭ شينجياڭنىڭ دامۋىن ايرىقشا مويىنداۋىنىڭ، ونان دا ماڭىزدىسى، شينجياڭنىڭ ءوز قابىلەتىنە تولىق سەنەتىندىگىنىڭ ايگىسى.
«وتان قۇشاعىندا شينجياڭداعى ءار ۇلت ۇلاندارى جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلەتىن دامۋ يدەياسىن بەرىك ورناتىپ، جاپپاي دوڭگەلەك داۋلەتتى قوعام قۇرۋعا زەيىن - زەردەسىن، كۇش - قۋاتىن شوعىرلاندىرىپ، قۇلشىنساق عانا وزگەرىس بولادى، قۇلشىنعاندا عانا وزگەرتە الامىز دەگەن سەنىم مەن بەكىمنەن جازباي، بىرگە ىنتىماقتاسىپ، العاباسىپ، بىرگە گۇلدەنىپ - كوركەيىپ، دامىپ، شينجياڭدى كوركەيتىپ، وتان ارمانىنا ورتاق قانات قاعادى!» باستالۋ سالتىنداعى «جۇڭگو ارمانى» تاراۋىنداعى تۇسىندىرمە اسا دىڭكەلى بولدى، تيانشان ۇلاندارى الداعى جەردە ىستىق ىقىلاسپەن بولاشاققا بەت تۇزەيتىن بولادى.
بۇگىن كەش، قىسقى سپورت جارىسىنىڭ باستالۋ سالتى جۇرتشىلىققا شينجياڭنىڭ كۇش - قۋاتىن ايگىلەدى. كۇنى ەرتەڭ شينجياڭ، ءسوزسىز، مەملەكەتتىك 13 - كەزەكتى قىسقى سپورت جارىسى ارقىلى بۇكىل ەلىمىزگە ءوزىنىڭ شەكسىز باۋرام كۇشىن كورسەتىپ، قار - مۇزدى ارقاۋ ەتىپ، دۇنيەگە بەت الاتىن بولادى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
