بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

قاسيەتتى الاۋ تۇتاندى، شىراقتار سامالاداي جارقىرادى

2016.01.21 14:10     كەلۋ قاينارى : ءتاڭىرتاۋ تورابى

  ءبىرىنشى الاۋگەر ۋاڭ جيە، ابدۇشۇكۇر ءميجيت

  2008 - جىلعى بەيجيڭ وليمپيادا سپورت جارىسى جۇڭگولىقتاردىڭ وليمپيادا سپورت جارىسى جونىندەگى ەڭ تاماشا ەلەسى بولىپ قانا قالماستان، ودان دا ماڭىزدىسى، ول شينجياڭدىقتاردىڭ سەنىمىن ارتتىردى. ۋاڭ جيە شينجياڭعا وليمپيادانىڭ تۇڭعىش كۇمىس مەدالىن الىپ بەردى، سول كەزدە 24 جاستاعى وسى بويجەتكەن جۇڭگو ايەلدەر جاعاجاي ۆولەيبول سپورتىنداعى تانىمالى شەبەرگە اينالۋمەن بىرگە، ودان دا ماڭىزدىسى، ول شينجياڭنىڭ دەنە تاربيە ىستەرىنىڭ جاڭا كەزەڭگە اياق باسۋىندا ماڭىزدى رول اتقاردى.

  ۋاڭ جيە تىلشىگە بىلاي دەدى: ءبىر جول الاۋگەر بولۋدى ەرەكشە ارمانداپ كەلسەم دە، وسىدان بۇرىن وراي بولماعان ەدى، 2008 - جىلعى وليمپيادا سپورت جارىسىنا سپورتشى سالاۋاتىمەن قاتىناستىم، بۇل جولى شينجياڭعا مەملەكەتتىك 13 - كەزەكتى قىسقى سپورت جارىسىنا قاتىناسۋ ءۇشىن كەلىپ وتىرمىن، بۇل مەن جونىنەن اسا قىمباتتى وراي.

  «بۇل جولى تۋىپ - وسكەن اتا مەكەنىمدە مەملەكەت بويىنشا ەڭ جوعارى دەڭگەيدەگى جارىستىڭ الاۋ جەتكىزۋ قيمىلىنا قاتىناسقانىما ەرەكشە تەبىرەنىپ وتىرمىن. مەملەكەتتىك 13 - كەزەكتى قىسقى سپورت جارىسى شينجياڭدا تۇڭعىش رەت وتكىزىلگەن كولەمدى مەملەكەتتىك امبەباپ سپورت جارىسى، مەن شينجياڭنان شىققان سپورتشى، جاتتىقتىرۋشى بولۋ تۇرعىسىنان، شينجياڭنىڭ دەنە تاربيە سالاسىنداعىلارعا ۋاكىل بولىپ جارىستىڭ اشىلۋ راسىمىنە قاتىناسقانىمدى ايرىقشا ماقتانىش سەزىنەمىن»، - دەدى ابدۇشۇكۇر ءميجيت.

  ابدۇشۇكۇر ءميجيت 1971 - جىلدىڭ تۋماسى، شينجياڭنىڭ ءبىرىنشى ۇرپاق بوكسەرشىلەرىنىڭ ءبىرى، مەملەكەتتىك سپورت جارىسىندا بوكستەن اعا جۇلدەگەرلىكتى ەنشىلەگەن، كەزىندە مەملەكەتتىك جۇلدەگە تالاسۋ جارىسىنىڭ اعا جۇلدەگەرلىگىن، سونداي - اق الەمدىك ساۋىتتىڭ جۇلدەگەرلىگىن جەڭىپ العان.

  ابدۇشۇكۇر ءميجيت 2001 - جىلى شينجياڭ بوكس قۇراماسىنىڭ جاتتىقتىرۋشىسى بولدى، نەشە جىلدان بەرى ول تاربيەلەگەن بوكسەرشىلەردەن 2 ادام مەملەكەتتىك بوكس قۇراماسىنا تاڭدالدى، 2 ادام مەملەكەت قۇراماسىنىڭ مۇشەلەرىنىڭ قاتارىنا تىركەلدى، حالىقارالىق دەڭگەيدەگى سپورت ساڭلاعىنان 2 شەبەردى تاربيەلەپ جەتىستىردى.

  ەكىنشى الاۋگەر ليۋ يانفي، ەرزات ءماجيت ۇلى

  ليۋ يانفي 17 - كەزەكتى قىسقى وليمپيادا سپورت جارىسىندا جۇڭگو ۇيىرمەسىنىڭ تۋ كوتەرۋشىسى بولعان، ازيا ساۋىتى جارىسىندا تالاي رەت تەز سىرعاناۋدان اعا جۇلدەگەرلىكتى العان. مەملەكەت بويىنشا 1500 مەترگە تەز سىرعاناۋدىڭ جانە جالپى جارىس ءتۇرىنىڭ اعا جۇلدەگەرلىگىن ءۇرتىس 11 جىل بەرمەي كەلەدى. الايدا، ول بۇرىن قول جەتكىزگەن شۇعىلالى تابىستارعا ەمەس، قايتا شاكىرتتەرىنىڭ «ەل ىشىندە جالعىز، ازيادا بىرەگەي، دۇنيە جۇزىندە وزىق دەڭگەيدە» سالىنعان شينجياڭ مۇز ءۇستى سپورت ورتالىعىنىڭ تەز سىرعاناۋ سارايىنداعى جاتتىعۋ جاعدايى مەن جارىسىنا بارىنشا نازار اۋداردى.

  ليۋ يانفي باستاعان ساقا «قار - مۇز سپورتشىلارىنىڭ» تاباندىلىقپەن كۇرەس جاساۋىنىڭ ارقاسىندا، جاقىنعى جىلداردان بەرى شينجياڭ تەز سىرعاناۋ قۇراماسىنىڭ ناتيجەسى جىلدان - جىلعا ورلەپ كەلەدى؛ 2009 - جىلدان ىلگەرى شينجياڭ قۇراماسى مەملەكەت بويىنشا الدىڭعى قاتاردا تۇراتىن 20 كوماندانىڭ ارتىندا بولاتىن، 2013 - جىل مەن 2014 - جىلعا كەلگەندە قۇراماداعى ساڭلاقتاردىڭ دارەجەسى دەرلىكتەي مەملەكەت بويىنشا الدىڭعى 3 ورىندى بەرمەدى، بىلتىر ناۋرىزدا وتكىزىلگەن مەملەكەتتىك تەز سىرعاناۋدان جۇلدەگە تالاسۋ جارىسىندا، شينجياڭ قۇراماسى 1500 مەترگە، 5000 مەترگە، 10مىڭ مەترگە سىرعاناۋ جانە كوللەكتيۆ سىرعاناۋ سىندى 4 ءتۇردىڭ اعا جۇلدەگەرلىگىن جەڭىپ الدى.

  «مەملەكەتتىك 13 - كەزەكتى قىسقى سپورت جارىسىنىڭ الاۋگەرى بولۋ مەن سەكىلدى ساقا سپورتشى جونىنەن اسا داڭقتى ءىس سانالادى»، - دەدى ەرزات ءماجيت ۇلى، ول التاي تاۋ شاڭعى قۇراماسىنىڭ جاتتىقتىرۋشى، كەزىندە مەملەكەتتىك 9 - كەزەكتى قىسقى سپورت جارىسىندا تاۋ شاڭعىنىڭ ەرەكشە كىشى يرەك سالىپ سىرعاناۋ ءتۇرىنىڭ التىن مەدالىن ەنشىلەگەن، ول شينجياڭنان شىققان سپورتشىلاردىڭ ىشىندە مەملەكەتتىك قىسقى سپورت جارىسىنىڭ قار ءۇستى ويىندارىنا قاتىناسىپ تۇڭعىش رەت التىن مەدالعا يە بولعان ساڭلاق.

  شينجياڭدىق ساقا سپورتشىلاردىڭ ءبىرى ەرزات ءماجيت ۇلى كەزىندە مەملەكەتتىك 5 - كەزەكتى قىسقى سپورت جارىسىنا قاتىناسقانىمەن، الايدا الاۋگەر بولۋى تۇڭعىش رەت ەكەن، ەرزات اتا مەكەنىندە وتكىزىلگەن مەملەكەتتىك قىسقى سپورت جارىسىنىڭ الاۋگەرى بولعانىنا قاتتى قۋانىشتا ءارى ابىرجۋلى ەكەن. «بۇل جولعى جارىس مەنىڭ كەزىندە سپورتشى سالاۋاتىممەن قاتىناسقان جارىسقا مۇلدە ۇقسامايدى، التاي تاۋشاڭعى قۇرامامىزدىڭ ساڭلاقتارىنىڭ جارىس مايدانىندا وزدەرىنىڭ دەڭگەيىن تولىق ايگىلەۋىن ءۇمىت ەتەمىن، ولار ءالى جاس، تاجىريبەسى كەمشىل بولسا دا، ولاردىڭ جاقسى ناتيجەگە قول جەتكىزۋىنە تىلەكتەسپىن»، - دەدى ەرزات ءماجيت ۇلى.

  ءۇشىنشى الاۋگەر يان زى، ەرفان ەزىمجان

  يان زى التاي ايماعىنان كەلگەن دزيۋدو كۇرەسىنىڭ شەبەرى، ازيا جانە مەملەكەتتىك جاس وسپىرىمدەرىنىڭ دزيۋدو جۇلدەگەرلىگىنە تالاسۋ جارىسىنىڭ اعا جۇلدەگەرى، مەملەكەتتىك جاستار سپورت جارىسىنىڭ دزيۋدو ءتۇرىنىڭ اعا جۇلدەگەرلىگىن جەڭىپ العان، شينجياڭنىڭ دزيۋدو ءتۇرىنىڭ امبەباپ سپورت جارىسى بويىنشا تۇڭعىش التىن مەدالىنىڭ يەگەرى.

  فۋتبولشى ەرفان ەزىمجان شينجياڭ جاستار قۇراماسىنىڭ نەگىزگى كۇشى، مەملەكەتتىك جاستار سپورت جارىسىندا اعا جۇلدەگەرلىكتى العان شينجياڭ فۋتبول قۇراماسىنىڭ نەگىزگى اتويشىسى.

  ءتورتىنشى الاۋگەر نۇرمامەت تۇراق، شيا شين - ي

  قاشقارلىق نۇرمامەت تۇراق ايگىلى اتلەتيكا سپورتشىسى، جاستاردىڭ اتلەتيكا الەمدىك جۇلدەگە تالاسۋ جارىسىندا، ازيا سپورت جارىسىندا، مەملەكەتتىك سپورت جارىسىندا، مەملەكەتتىك جۇلدەگە تالاسۋ جارىسىندا تالاي رەت التىن مەدال جانە مەدال العان.

  2014 - جىلى كوكتەمدە مەملەكەتتىك قۇراماعا كىرگەنىنە نە بارى 15 كۇن بولعان شيا شين - ي تۇڭعىش رەت الەمدىك اعا جۇلدەگەر بولدى. قازىر شيا شين - ي جاستاردىڭ مەملەكەتتىك سپورت جارىسىنىڭ اعا جۇلدەگەرى بولۋمەن بىرگە، جاعاجاي ۆولەيبولى بويىنشا ەڭ جاس الەمدىك اعا جۇلدەگەر. قازىر شينجياڭدىق وسى بويجەتكەن جۇڭگو ايەلدەر جاعاجاي ۆولەيبول قۇراماسىنىڭ 2016 - جىلعى ريو - دە - جانە - يرو جازعى وليمپيادا سپورت جارىسىنا قاتىناساتىن نەگىزگى سپورتشىسى.

  بەسىنشى الاۋگەر ليۋ لينا، ءدىلارا ءدىلشات

  ليۋ لينا، ايگىلى ات ونەرى سپورتشىسى، مەملەكەتتىك 8 - ، 9 - ، 10 - ، 11 - ، 12 - كەزەكتى سپورت جارىستارىنا قاتىناسقان ءارى جەكە اعا جۇلدەگەر، كوللەكتيۆ اعا جۇلدەگەر بولعان.

  ۇزاق ۋاقىتتان بەرى وليمپيادا سپورت جارىسىنىڭ 28 تۇرىندە ات ونەرى جۇڭگولىقتار ەجەلدەن قاتىناسىپ كورمەگەن بىردەن - ءبىر جارىس ءتۇرى بولىپ كەلگەن ەدى. 2008 - جىلعى يسپانيا مەملەكەتتىك ات ونەرى جارىسىندا جانە 2008 - جىلعى وليمپيادا سپورت جارىسىنىڭ ولشەمگە جەتۋ جارىسىندا ليۋ لينا ۇزدىك ناتيجەمەن اعا جۇلدەگەر بولۋمەن بىرگە، بەيجيڭ وليمپيادا سپورت جارىسىنا جولداما الدى. بۇل جۇڭگو مەملەكەتتىك ات ونەرى قۇراماسىنىڭ تاريحتان بەرى ات ونەرى ءتۇرى بويىنشا تۇڭعىش رەت وليمپيادا جارىسىنا جولداما الۋى.

  نانجيڭدە وتكىزىلگەن جاستار وليمپيادا سپورت جارىسىندا جۇڭگو ۋاكىلدەر قۇراماسىنىڭ تۋ ۇستاۋشىسى، ايەلدەردىڭ باسكەتبولدان ازيا جۇلدەسىنە تالاسۋ جارىسىنىڭ U16، U18 گرۋپپالارىنىڭ اعا جۇلدەگەرى، WCBA (جۇڭگو ايەلدەر باسكەتبول كاسىپتىك بىرلەسكەن جارىسىنىڭ) اعا جۇلدەگەرى... مىنە بۇل، شينجياڭ ۋوجياڭ ايەلدەر باسكەتبول قۇراماسىنىڭ سپورتشىسى ءدىلارا ءدىلشات ەدى.

  التىنشى الاۋگەر مامەتتۇرسىن چوڭ، لي جاۋ - ي

  مامەتتۇرسىن چوڭ مەملەكەتتىك جۇلدەگە تالاسۋ جارىسىندا تالاي رەت اعا جۇلدەگەر بولعان. مەملەكەتتىك 11 - كەزەكتى، 12 - كەزەكتى سپورت جارىستارىندا التىن مەدال العان. شينجياڭ بوكس قۇراماسىنىڭ سەركەسى.

  لي جاۋ - ي، ايگىلى تايكوندو سپورتشىسى. مەملەكەت اتىنان تايكوندو تۇرىنەن حالىقارالىق ماڭىزدى جارىستارعا تالاي رەت قاتىناسىپ، التىن مەدال جانە مەدال العان. مەملەكەتتىك 12 - كەزەكتى سپورت جارىسىندا شينجياڭعا تۇڭعىش التىن مەدال الىپ بەرگەن.

  قازىر لي جاۋ - ي مەملەكەتتىك قۇرامادا 2016 - جىلعى ريو - دە - جانە - يرو وليمپيادا سپورت جارىسىنا دايىندالۋدا. وليمپيادا سپورت جارىسىندا اعا جۇلدەگەر بولۋ ونىڭ الداعى نىساناسى. ول: مەملەكەتتىك 13 - كەزەكتى قىسقى سپورت جارىسىنىڭ الاۋ جەتكىزۋ قيمىلىنا قاتىناسقانىمدى توتەنشە داڭق سانايمىن. وسى كەزەكتى قىسقى سپورت جارىسى ارقىلى ەلىمىزدىڭ جەر - جەرىندەگى دوستاردىڭ شينجياڭدى ءبىلۋىن، شينجياڭعا ساياحاتتاي كەلۋىن تىلەيمىن، - دەدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.