- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ءداستۇر مەن زاماناۋي فاكتوردىڭ، سپورت پەن كوركەمونەردىڭ قاپىسىز قابىسۋى
− مەملەكەتتىك 13 - كەزەكتى قىسقى سپورت جارىسىنىڭ باستالۋ سالتىنداعى 4 جارقىن ءتۇيىن
2016.01.21 14:13 كەلۋ قاينارى : ءتاڭىرتاۋ تورابى
مەملەكەتتىك 13 - كەزەكتى قىسقى سپورت جارىسىنىڭ باستالۋ سالتىنداعى كوز ايىم ساتتەر ادامدارعا تاماشا اسەر قالدىردى، «كورىكتى شينجياڭدا باس قوسىپ، قىسقى سپورت جارىسىنىڭ قىزىعىن ءبولىسۋ» تاقىرىبى باستالۋ سالتىنىڭ ارقاۋى بولدى. باستالۋ سالتىنىڭ باس رەجيسسەرى زىڭ جيان بىلاي دەدى: كونسەرت جۇڭحۋا مادەنيەتىنىڭ مايەگىن، شينجياڭ مادەنيەتىنىڭ كەرەمەتىن، كەڭ پەيىل دارقاندىقتى، ورشىلدىكتى ايگىلەدى. تۇتاس كونسەرتتە ءداستۇرلى مادەنيەت پەن زاماناۋي سپورت مادەنيەتى قاتار كورسەتىلىپ، سپورت پەن كوركەمونەر قاپىسىز قابىستى. كونسەرتتە 4 جارقىن ءتۇيىن بار.
دۋ ۋىنجيڭ
ءبىرىنشى:
قار - مۇز ەرەكشەلىگى مەن مادەنيەت - كوركەمونەر مەيلىنشە قابىستى
قىسقى سپورت جارىسىنىڭ باستالۋ سالتىندا سپورت فاكتورى، قار - مۇز ەرەكشەلىگى نەگىز ەتىلىپ، كونسەرت باستان - اياق مۇز ايدىنىندا جۇرگىزىلدى. مۇز ايدىنىندا «جاستىق ءبيى»، «قوجاناسىر»، «شىنى ءبيى» سياقتى تۋىندىلار ورىندالىپ، سيرك ونەرى، ءان مەن ءبي قار - مۇزبەن قاپىسىز بىرىگىپ، كورگەن جاندى تاڭ قالدىردى.
«قار - مۇزدا قاۋىشۋ» اتتى ءبىرىنشى تاراۋدا مىناداي ءبىر كورىنىس بار: قىزىل كويلەك كيگەن سكريپكاشى رىزۋانگۇل كونكيمەن ساحنانىڭ ورتاسىنا جەڭىل سىرعاناپ كەلىپ، سكريپكادا قازاق ۇلتىنىڭ «دۋدار - اي» ءانىن تارتادى.
مانەرلەپ سىرعاناۋدان الەمدىك جۇلدەلى جارىستىڭ اعا جۇلدەگەرلەرى پاڭ چيڭ، تۇڭ جيان «دۋدار - اي» اۋەنىمەن بيگە باسادى. ءاپ - ساتتە تۇتاس ساحناعا روزا گۇلى توسەلەدى، پاڭ چيڭ مەن تۇڭ جياننىڭ مانەرلەپ سىرعاناۋ ونەرى رومانتيكالى ساز اۋەنىمەن توعىسىپ، كورەرمەندەردى ءتانتى ەتەدى.
قار - مۇز ەرەكشەلىگى مەن مادەنيەت - كوركەمونەردىڭ قاپىسىز قابىسۋى ءار ۇلت كورەرمەندەرىنىڭ جۇرەك قىلىن شەرتتى.
ەكىنشى:
ءداستۇرلى مادەنيەت پەن زاماناۋي ءۇردىس شەبەر قابىستى
مۋزيكا − تۇتاس قۇرىلىمدىق بەتالىس پەن كوركەمونەرلىك سپورتتىق ويىننىڭ جانى. باستالۋ سالتىندا شينجياڭنىڭ ۇلتتىق ەرەكشەلىگى باسىم، قۇلاقتان كىرىپ بويدى الاتىن كوپ ۇلتتىڭ حالىق اندەرى سيمفونيالىق تاسىلمەن وڭدەلىپ، كوپ نەگىزدىك مادەنيەت ەرەكشەلىگىن ايگىلەدى، جۇڭحۋا مادەنيەتىنىڭ ەلەمەنتى دە ءسىڭىرىلىپ، كوركەمونەرلىك، سپورتتىق ويىندارمەن ءبىر تۇلعاعا اينالىپ، ەڭ ۇلكەن جارقىن ءتۇيىندى قالىپتاستىردى.
زاماناۋي تاسىلدەرمەن شىت جاڭا وڭدەلگەن «ءبىزدىڭ شينجياڭ جاقسى جەر»، «دابانچىڭ بويجەتكەنى»، «بيپىل»، «جەلەگىڭدى اششى» دەگەن شينجياڭنىڭ كلاسسيكالىق اندەرىندە دە داۋىرلىك سەزىم، زامانالىق ءسان سەزىمى كورنەكتىلەنىپ، مۇز ۇستىندەگى ويىندارمەن قاپىسىز جاراسىم تاۋىپ، كورەرمەندەرگە جاڭا اسەر سيلادى.
«جەلەگىڭدى اششى» دەگەن ءاننىڭ ويناقى اۋەنى شىعىسىمەن، ساحناعا ۇيعۇردىڭ ۇلتتىق ويىنى «سارعايدى» شىقتى. ۇلتتىق كيىم كيگەن 2 ۇيعۇر قىزى سارعايدى تۇعىرىنا شىقتى، ەكى - ەكىدەن 4 جىگىت استىڭعى جاقتاعى كولدەنەڭ تاقتايدى يتەرىپ ءجۇر، 2 بويجەتكەن شىركوبەلەك اينالىپ، قيىن دا كۇردەلى ارەكەتتەردى ورىندادى.
شينجياڭنىڭ ءداستۇرلى حالىق ءانى «بيپىلدىڭ» ويناقى اۋەنىنە ىلەسە، مۇز ۇستىندە لاق تارتۋ، جىپتەن سەكىرۋ، كۇرەسۋ... سياقتى شينجياڭنىڭ حالىقتىق سپورت تۇرلەرى ساحناعا كوتەرىلىپ، كونسەرتتىڭ دۋمانىن اسىردى.
ءۇشىنشى:
كونسەرت مازمۇنى مەن بەينەلەۋ فورماسى قاپىسىز قابىستى
باستالۋ سالتىنىڭ ينفورماتسيا مولشەرى مەن كونسەرت مازمۇندارىن 50 مينۋتقا سيدىرۋ ءۇشىن، قىسقا فيلم مەن ۇستىندە ورىندالىپ جاتقان كونسەرتتى ءوزارا ۇشتاستىرۋ ءتاسىلى قولدانىلدى. ەلىكتەمەلى قۇت بەلگىسى «قارعالداق بالا» حيكايالاردى جالعاۋشى رەتىندە سيۋجەتتى ايقىنداي ءتۇسىپ، ەكرانداعى سۋرەتتىڭ اسەرىن كۇشەيتتى. سيرك ويىندارى مۇز ايدىنىنا شىعارىلىپ، ءبي، سيرك ويىندارى سپورتپەن تاماشا جاراسىم تاۋىپ، كونسەرتتىڭ مازمۇنى مەن فورماسى بارىنشا قابىستىرىلدى.
حيلۇڭجياڭ ولكەلىك سيرك ۇيىرمەسىنىڭ ارتيستەرى مۇز ۇستىندە سيرك ويىندارىن كورسەتتى.
قاراڭىز، انە، مۋزيكا ءۇنى كوتەرىلىسىمەن، اتلاس كويلەك كيىپ، اياقتارىنا كونكي تاعىپ، توبەلەرىنە شىنى قويعان قىزدار ساحناعا شىقتى. ولاردىڭ ورىندايتىنى شينجياڭنىڭ ءداستۇرلى ءبيى «شىنى ءبيى» ەدى. قاتارلارىن بۇزباي تەڭ سىرعاناپ، توبەلەرىندەگى شىنىلاردى تيتتەي دە قوزعاعان جوق. ولاردىڭ ەرەك ونەرىنە كورەرمەن قاۋىم دۇركىرەتە شاپالاق سوقتى.
«قار - مۇزداعى قۋانىشتى كۇندەر» حيكاياتىندا ايتىلاتىن قوجاناسىر مەن ەسەگى اياقتارىنا كونكي تاعىپ مۇز ايدىنىنا شىعادى. ولاردىڭ قىزىقتى ويىندارى سپورت پەن سيركتى شەبەر ۇشتاستىردى. ولار دا مۇز ايدىنىنداعى سپورتشىلارمەن بىرگە كورەرمەن قاۋىمعا تارتىمدى قار - مۇز ويىندارىن سيلادى.
ءتورتىنشى:
ساحنا جوباسىنا مىڭ قۇبىلىپ وزگەرەتىن اشىق الاڭ قولدانىلدى
اشىلۋ سالتىنىڭ ساحناسىندا اق باس تيانشان تاۋى نەگىزگى ارتقى كورىنىس ەتىلىپ، بىلايعى جۇرتقا تەرەڭ اسەر قالدىردى. بۇل دا باستالۋ سالتىنداعى ساحنالىق جوبانىڭ كورنەكتى ءبىر ەرەكشەلىگى سانالىپ، اشىق الاڭ قولدانىلدى.
باستالۋ سالتىندا كونسەرت باستالىسىمەن، ۇزىندىعى 80 مەترلىك نەگىزگى ارتقى كورىنىس − اق باس تيانشان تاۋى جىلجىپ، كەڭ ەكرانعا، قۇت بەلگىسى − قارعالداق بالا ەكرانداعى باس كەيىپكەرگە اينالادى.
كورەرمەننىڭ نازارى قارعالداق بالامەن بىرگە وتانىمىزدىڭ تاۋ - وزەندەرىنە اۋعاندا، اق باس تيانشان تاۋى كورىنىسىن 16 پروەكتوردىڭ بىرگە شىعارعانى ەشكىمنىڭ ويىنا كەلمەيدى. بۇل دا شينجياڭنىڭ كولەمدى ساحنادا تۇڭعىش رەت پروەكسيادان پايدالانىپ ارتقى كورىنىس جاساۋى ەسەپتەلەدى.
بارابان سوعۋشى، حۋلاشەڭبەر ويىنى جوعارى - تومەن جىلجيتىن تەكشەدە ورىندالادى، جوعارى - تومەن جىلجيتىن تەكشە كونسەرتتىڭ تاراۋلارىن جالعاپ تۇرادى. زەر سالا جاسالعان ساحنالىق جوبا مەن ورىنداۋ تىعىز سايكەسىپ، كونسەرتتىڭ ءساتتى ورىندالۋىنا دەم بەرەدى.
مەملەكەتتىك 13 - كەزەكتى قىسقى سپورت جارىسىنداعى تارتىمدى، كەرەمەت كونسەرتتىڭ قىسقى سپورت جارىسىنىڭ تاريحىنا جازىلاتىندىعىندا ءشۇبا جوق. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
