- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«شينجياڭ فاكتورى»: باستالۋ سالتىندا جارق ەتىپ كوزگە ءتۇستى
2016.01.21 14:15 كەلۋ قاينارى : ءتاڭىرتاۋ تورابى
ەگەر «ءبىزدىڭ شينجياڭ جاقسى جەر» اتتى ءان اۋەنى تۇتاس ساحناداعى ويىن - ساۋىقتىڭ ارقاۋى دەسەك، وندا اتلاستىڭ جەلبىرەگەنى وسى كەشتىڭ ەڭ كورىكتى ءتۇسى بولدى دەپ ايتساق ارتىق ايتقان بولمايمىز ... مەملەكەتتىك 13 - كەزەكتى قىسقى سپوت جارىسىنىڭ باستالۋ سالتىنداعى ويىن - ساۋىقتا تيانشان تاۋىن ارتقى كورىنىس ەتكەن كەڭ ەكراننان، قۇت بەلگىسى قارعالداق بالادان تارتىپ، ءان - كۇيدى سارالاۋعا دەيىن، قالا بەردى، ارتيستەردىڭ كيىم - كەشەگىنەن تارتىپ، از ۇلتتاردىڭ ءداستۇرلى دەنە تاربيە تۇرلەرىنە دەيىن، ءبار - بارىندە وسى زامانعى دەنە تاربيەدەگى، مادەنيەتتەگى قويۋ «شينجياڭ فاكتورى» مەن مۇندالادى.
چاۋ جين
جىبەك جولى كەمپىرقوساعىنىڭ ساعىمى وينادى
جولعى جارىستىڭ ءانى «قار - مۇزدان كوكتەي ءوتۋ» تۇڭعىش رەت جۇرتپەن جۇزدەستى، كورەرمەندەر ونەر كورسەتكەن انشىلەر ليۋ يۋانيۋان مەن ابدۇللانىڭ شىعانداعان داۋىستارىنا ءتانتى بولىپ قانا قالماي، ۇستىلەرىندەگى اتلاس كيىمدەرى مەن اشەكەي بۇيىمدارىنا دا قىزىعا قارادى.
الىمجان ءادىل مەملەكەتتىك 13 - كەزەكتى قىسقى سپورت جارسىنىڭ باستالۋ سالتى ويىن - ساۋىعىنداعى كيىم - كەشەك جوبالاۋشىلاردىڭ ءبىرى. ول بىزگە بىلاي دەدى: ۇلبىرەگەن اتلاستى سپورتپەن، قار - مۇز فاكتورىمەن قالاي ۇشتاستىرۋ، سونىمەن بىرگە زاماناۋي سەزىمدى قالاي بەينەلەۋ جوبالاۋشىلار ەڭ كوپ باس قاتىرعان ماسەلە سانالادى. ارتيستەردىڭ قار - مۇزدا «ۇسىككە شالىنباي»، سىمباتتى دا سۇلۋ كورىنۋىنە مۇمكىندىك جاراتۋ ءۇشىن، جوبالاۋشىلار تابيعي جىبەك ونىمدەرىنە شىت جاڭا زەرتتەۋ جۇرگىزىپ، اراسىنا ماقتا قوسىپ، سىرتىنا اتلاستىڭ ورنەگىن سالدى، بىلايشا ايتقاندا، جارىس ءانىن شىرقاۋشىلار ەرەكشە جاسالعان «اتلاس ماقتالى كيىمىن» كيدى.
قازاقتىڭ «بيپىل» سياقتى اندەرىن شىرقاعان ارتيستەردىڭ كيىمىنە باسىلعان ويۋ - ورنەكتەر كوزدىڭ جاۋىن الادى. الىمجان ءادىل «بۇل ءبىزدىڭ 2016 - جىلى بۇكىل جەر شارىندا كەڭ تارالعان مودىعا تالداۋ جاساپ، شينجياڭ فاكتورىمەن بىرلەستىرۋىمىزدىڭ تۋىندىسى» دەدى.
ءتىلشى جارىستى دەمەگەن ورىنداردىڭ سپورتشىلار مەن قىزمەتكەرلەرگە دايىنداعان سپورت كيىمدەرىنە، ادامداردىڭ قولىنداعى باستالۋ سالتى ەسىك بەلەتىنە، تاعىسىن - تاعىلارعا اتلاس بەلگىسىنىڭ تۇسىرىلگەنىن بايقادى.
ۇلتتىق مۋزيكا اۋەنى الاڭدى كەرنەدى
مۇز ۇستىندە توپتىق سىرعاناۋ مەن شايبالى حوككەي شەبەرلىگى ويىنىن كورسەتۋشىلەردىڭ اراسىندا جاس ءانشى ارفات «جاستىق كوكتەم ءبيىن» ءان شىرقاي ءجۇرىپ بيلەدى؛ دۇنيە جۇزىلىك چەمپيون لۇڭ چيڭ مەن تۇڭ جيان ۇيعۇر سكريپكاشى ورىنداعان شينجياڭنىڭ ۇلتتىق مۋزيكاسىنىڭ سۇيەمەلىندە «قار - مۇزعا ماحاببات» اتتى قوس ادامدىق ءبيدى مۇز ۇستىندە سىرعاناپ بيلەدى.
باستالۋ سالتىندا «ءبىزدىڭ شينجياڭ جاقسى جەر»، «دابانچىڭدىق بويجەتكەن»، «جاستىق كوكتەم ءبيى» سياقتى اندەر مەن بيلەر ورىندالعان كەزدە تۇتاس الاڭداعى كورەرمەن وسىناۋ تانىس ءارى ويناقى مۋزيكا اۋەنىنە ەرىكسىز ەلىتىپ، بىرگە شىرقاپ كەتتى.
مەملەكەتتىك 13 - كەزەكتى قىسقى سپورت جارىسى باستالۋ سالتىنىڭ باس رەجيسسەرى زىڭ جيان بىلاي دەپ تانىستىردى: باستالۋ سالتى جۇڭحۋانىڭ ءبىر تۇلعالى، كوپ نەگىزدى مادەنيەتىن جەتەكشى ەتۋگە، سپورتتىق فاكتوردى، وڭىرلىك سالت - ءداستۇردى، ۇلتتىق ەرەكشەلىكتى سايكەستىرۋگە ءمان بەردى. ماسەلەن، «ءبىزدىڭ شينجياڭ جاقسى جەر» اتتى اۋەندى باس تاقىرىپ ەتىپ، وركەسترلىك ءتاسىل ارقىلى قۇراستىرىپ جاساپ، سپورتشىلاردىڭ الاڭعا كىرۋىنەن ويىن - ساۋىققا دەيىن، ودان الاۋ تۇتاندىرۋ سالتىنا دەيىن تۇرلىشە فورمامەن قۇبىلتىپ قويىپ، باستان - اياق ءبىر جۇلگەدەن اۋىتقىماي، كورەرمەنگە جاڭاشا دا ەتەنەلىككە تولى سەزىم سيلادى.
«ءبىزدىڭ شينجياڭ كورىكتى، تيانشاننىڭ الابى جاسىل مانات بورىكتى، اتىزدارعا اينالدىرىپ قۋاڭدى ، قار مەن مۇزى ەگىنجايدى سۋاردى...»
وسىناۋ تۇتاس الاڭدى كەرنەگەن مۋزيكا اۋەنى ىشىندە تيانشاندى ارتقى كورىنىس ەتكەن ەكراندا شينجياڭنىڭ سايىن ساحاراسى، قارلى تاۋ، ءشول دالاسى سياقتى جاراتىلىستىق كورىنىستەرى ءبىر - بىرلەپ كورسەتىلىپ تۇردى؛ ءزاۋلىم عيماراتتار، قاتىناسى قولايلى، كوزدىڭ جاۋىن الىپ جايناعان وسى زامانعى وركەنيەتتى قالا؛ بايىرعى ۇلتتىڭ مۇز ءۇستى سپورتىنا مۇراگەرلىك ەتۋى، قار ۇستىندەگى بالالاردىڭ شات كۇلكىسى، مۇز الاڭداعى سپورتشىلاردىڭ جەبەدەي زىمىراۋى ... وسىلايشا ومىرشەڭدىك كۇشكە تولى، جاراسىمدى دا كوركەم شينجياڭ بۇكىل ەلىمىز، ءتىپتى بۇكىل دۇنيە ءجۇزى الدىندا ايگى بولدى.
ءداستۇرلى سپورت تۇرلەرى كەرەمەتىن تانىتتى
اسقاق مۋزيكانىڭ ىشىندە ادامدار ەكراننان تيانشاننىڭ تۇستىگى مەن تەرىستىگىنىڭ كوركەم كورىنىستەرىن كورىپ، توتىدايىن تۇرلەنگەن جاسىل جايلاۋعا ءتانتى بولدى، ساحنادا كورسەتىلگەن تيانشان ۇل - قىزدارىنىڭ جالىندى بەينەسى، مۇز ۇستىندەگى كوكپار، مۇز ۇستىندە ارقاننان سەكىرۋ، كۇرەسۋ، بۇقاشا تارتىس سىندى از ۇلتتاردىڭ ءداستۇرلى سپورت تۇرلەرى ءوز كەرەمەتىن تانىتتى.
«شينجياڭ كوپ ۇلتتى رايون، ءار ۇلت حالقى جەرگىلىكتى بوياۋى قانىق الۋان ءتۇرلى ۇلتتىق ءداستۇرلى سپورت ءتۇرىن جاراتقان». اۆتونوميالى رايوندىق دەنە تاربيە مەكەمەسى پارتگرۋپپاسىنىڭ شۋجيى لي گۋاڭميڭ: وسى ۇلتتىق سپورت تۇرلەرى ءار ۇلت حالقىنىڭ دەنە شىنىقتىرىپ، دەنە قۋاتىن كۇشەيتۋ رولىن اتقارىپ قالماستان، بىزگە مول رۋحاني ءنار باعىشتاپ، ۇلتتاردىڭ رۋحاني تۇرمىسىنىڭ ايىرىلماس بولەگىنە اينالدى، - دەدى.
قازىر شينجياڭ ورتالىقتىڭ «ءبىر بەلدەۋ، ءبىر جول» ستراتەگيالىق ورنالاستىرۋىنا ساي، ەرەكشە وڭىرلىك باسىمدىلىعىن ساۋلەلەندىرىپ، جىبەك جولى ەكونوميكالىق بەلدەۋىندە وزەكتى رايون قۇرۋ قادامىن جەدەلدەتتى، سونىمەن بىرگە، كورشىلەس ەلدەرمەن بولعان مادەنيەت، دەنە تاربيە سالاسىنداعى اۋىس - كۇيىستى، اسىرەسە، رەسەي، قازاقستان قاتارلى قىسقى سپورت جارىس تۇرىندەگى بەلدى ەلدەرمەن بولعان قارىم - قاتىناس پەن سەلبەستىكتى اناعۇرلىم تەرەڭدەتىپ، ورتا ازيا ەلدەرىنىڭ جەكە تۇردەگى جارىستارىن كەشەندى جارىستارعا قاراي رەتتەپ، شينجياڭدا جوعارى ورەلى قىسقى سپورت جارىسى قيمىلىن قالىپتاستىرۋعا قۇلشىنۋدا، - دەدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
