- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«شينجياڭ گازەتىنىڭ» باسماقالاسى: قىسقى سپورت تاريحىنىڭ سالتاناتتى پاراعى
− مەملەكەتتىك 13 - كەزەكتى قىسقى سپورت جارىسىنىڭ اشىلۋىن قىزۋ قۇتتىقتايمىز
2016.01.21 14:31
بۇگىن كەشتە، مەملەكەتتىك قىسقى سپورت جارىسىنىڭ الاۋى شينجياڭ مۇز ءۇستى سپورت ورتالىعىندا الاۋلاپ جانعان ساتتە، جۇڭگونىڭ قار - مۇز سپورتىنىڭ جاڭا پاراعى اشىلماق. مەملەكەتىمىزدىڭ جەر - جەرىنەن كەلگەن 52 ۇيىرمەدەگى 3189 سپورتشى ەلىمىزدىڭ باتىس بولىگىندەگى ىرىستى توپىراقتا ونەرىن كوپكە ايگىلەپ، قىسقى سپورت تاريحىنىڭ سالتاناتتى پاراعىن جازادى.
بۇل مەملەكەتتىك قىسقى سپورت جارىسىنىڭ العاش رەت شىعىس سولتۇستىك جۇڭگودا ەمەس، ەلىمىزدىڭ باتىس بولىگىندەگى از ۇلت وڭىرىندە وتكىزىلۋى. بۇل ەلىمىزدىڭ قىسقى سپورت بويىنشا «وڭتۇستىككە قانات جازۋ، باتىسقا ىرگە كەڭەيتۋ» دەگەن دامۋ باعدارلاماسىنىڭ ماڭىزدى ناتيجەسى. بەيجيڭ مەن جاڭجياكوۋ قالالارى 2022 - جىلعى قىسقى وليمپيادانى ءساتتى وتكىزۋگە دايىندالىپ جاتقان ساتتە، 13 - كەزەكتى قىسقى سپورت جارىسىنىڭ تابىستى وتكىزىلۋى ەلىمىزدىڭ قار - مۇز ءۇستى سپورتىنىڭ دەڭگەيىن كوتەرىپ، 2022 - جىلعى «قىسقى وليمپيادانى» وتكىزۋ جانە قاتىسۋ مىندەتتەرىن ءساتتى ورىنداپ، مەملەكەتتى سپورت ارقىلى قۇدىرەتتەندىرۋ قۇرىلىسىن ىلگەرىلەتۋدە ايرىقشا ماڭىزدى مانگە يە. سونىمەن قاتار، 13 - كەزەكتى قىسقى سپورت جارىسىنىڭ ءساتتى وتكىزىلۋى 300 ميلليون ادامدى قار - مۇز سپورتىنا ات سالىسۋعا جۇمىلدىراتىن ايبىندى نىسانانى ىسكە اسىرىپ، قار - مۇز شارۋاشىلىعىنىڭ دامۋىن ىلگەرىلەتۋدە دە كەلەلى رول اتقارادى.
قىسقى سپورت − قازىرگى زامانعى وليمپيادا ويىندارىنىڭ ماڭىزدى قۇرامداس بولىگى، ەلىمىزدىڭ سپورت ىستەرىنىڭ دامۋى مەن وليمپيادا داڭقى ستراتەگياسىنىڭ ماڭىزدى مازمۇنى. ەلىمىزدەگى كولەمى ەڭ كەڭ، دارەجەسى ەڭ جوعارى قىسقى امبەباپ سپورت جارىسى رەتىندە، 1959 - جىلى العاش وتكىزىلە باستاعاننان بەرى، مەملەكەتتىك قىسقى سپورت جارىسى ەلىمىزدىڭ قار - مۇز سپورتىنىڭ دەڭگەيىن كوتەرىپ، بۇقارالىق قار - مۇز سپورتىنىڭ كەڭ كولەمدە قانات جايۋىن ىلگەرىلەتىپ، ازاماتتاردىڭ دەنە ساپاسىن كوتەرىپ، قار - مۇز مادەنيەتىن جەتىلدىرىپ جانە قالىپتاستىرىپ، وتكىزۋشى جەردىڭ ەكونوميكا، قوعام جانە سپورت ىستەرىنىڭ دامۋىن جەبەپ، قوعامنىڭ وركەنيەت دەڭگەيىن جوعارىلاتۋ سياقتى جاقتاردا وزگەشە رول اتقاردى. شينجياڭنىڭ قار - مۇز بايلىعى وزگەشە، قىسقى سپورت جارىسىمەن بۇرىننان بايلانىسى بار. التاي ايماعىنان تابىلعان جارتاس سۋرەتتەرىنەن وسىدان 10 مىڭ جىل ىلگەرى جاساعان ادامداردىڭ قار شاڭعى تەپكەن بەينەسى تانىلادى. 1979 - جىلى مەملەكەتتىك 4 - كەزەكتى قىسقى سپورت جارىسى ەلىمىزدىڭ ءۇش جەرىندە وتكىزىلىپ، شينجياڭنىڭ بوعدا كولىندە تەز سىرعاناۋ جارىسى وتكىزىلدى. سوڭعى جىلدارى، شينجياڭ كورشىلەس ەلدەرمەن، ەلىمىزدەگى باسقا ولكە - اۆتونوميالى رايوندارمەن مادەنيەت، سپورت سالاسىنداعى اۋىس - كۇيىس پەن سەلبەستىكتى ۇزدىكسىز تەرەڭدەتىپ، باسەكەلىك سپورت پەن جارىستار ۇيىمداستىرۋ قابىلەتىن ايتارلىقتاي كوتەردى. اۆتونوميالى رايونىمىزدىڭ شاڭىراق كوتەرگەن 60 جىلدان بەرى العاش رەت وتكىزىپ وتىرعان مەملەكەتتىك كولەمدى امبەباپ سپورت جارىسى بولعاندىقتان، 13 - كەزەكتى قىسقى سپورت جارىسى شينجياڭنىڭ سپورت كاسىبنىڭ، وتە - موتە، قار - مۇز كاسىبى مەن قىسقى قار - مۇز ساياحاتىنىڭ دامۋىن پارمەندى تۇردە ىلگەرىلەتەدى، سونداي - اق 13 - كەزەكتى قىسقى سپورت جارىسى جالپى حالىقتىق دەنە شىنىقتىرۋعا ءناسيحاتتايتىن، ءار ۇلت جۇرتشىلىعىن يگىلىككە كەنەلتەتىن ماڭىزدى قيمىل سانالادى. وسى ساحنا ارقىلى، قار - مۇز سپورتىنىڭ تارتىمدىلىعى ونان سايىن ارتتىرىلادى ءارى سونىڭ ىقپالىمەن، ءتىپتى كوپ ادامدى قار - مۇز سپورتىنا باۋراپ، جالپى حالىق دەنە شىنىقتىرۋعا شينجياڭ ۇلەسىن قوسادى.
4 جىلدىق دايىندىق ارقىلى شينجياڭداعى ءار ۇلت حالقى قىزۋ ىنتامەن وسى كەزەكتى قىسقى سپورت جارىسىنا دايىندالىپ وتىر. اۆتونوميالى رايوندىق پارتكوم مەن حالىق ۇكىمەتىنىڭ باسشىلىعىندا رايونىمىزدا جوعارىدان تومەنگە قاراي «ەل ىشىندە بىرەگەي، حالىقارالىق دەڭگەيدەگى، جاراسىمدى، حاۋىپسىز دە تارتىمدى، ۇمىتىلماس، دۇنيە جۇزىنە ىقپال ەتەتىن» جارىس وتكىزۋ يدەياسىنا تاباندى بولىپ، مەملەكەتتىك 13 - كەزەكتى قىسقى سپورت جارىسىنا دايىندىق جاساۋ بارىسى مەن مەملەكەت ستراتەگياسىن ىشكەرىلەي توعىستىرىپ، مەملەكەتتىك 13 - كەزەكتى قىسقى سپورت جارىسىنا دايىندىق جاساۋ كوز اياسىن ءتىپتى دە كەڭەيتىپ، ارناسىن ءتىپتى دە جاڭالايدى. جارىس دايىندىق كوميسسياسى سپورت جارىسىن دامىتۋ جالپىلىق رولىنا باسا ءمان بەرىپ، كوپ نەگىزدى ونىمدىلىگىن قۇلشىنا جاراتىپ، مەملەكەتتىك 13 - كەزەكتى قىسقى سپورت جارىسىن سپورت، ەكونوميكا، ساياحات، مادەنيەت، ت. ب ءبىر تۇلعالانعان كولەمدى الەۋمەتتىك قيمىلعا اينالدىرۋعا كۇش سالادى. جارىسقا دايىندالۋ ارقىلى قالانىڭ بەت - بەينەسى كۇن سايىن جاڭارىپ، ەرىكتى قىزمەت وتەۋ رۋحى، وتاعاسىلىق رۋح بار الاپتا شەشەك اتىپ، گۇمانيتارلىق ساپانىڭ ۇزبەي ءوسۋى مەن وسىزاماندانعان الاڭ، ساراي قۇرىلىسى تەڭ ىلگەرىلەپ، تيانشان الابىندا تىرشىلىك تىنىسى جالىن اتادى.
كورىكتى شينجياڭدا باس قوسىپ، قىسقى سپورتتىڭ قىزىعىن بولىسەيىك. ۇيىرمەلەردەگى جاتتىقتىرۋشىلاردىڭ، سپورتشىلاردىڭ تاماشا جارىس ستيلىن سانالىلىقپەن قورعاپ، جارىس تارتىبىنە قاتاڭ بويسۇنىپ، سپورت ساڭلاقتارىنىڭ تاماشا رۋحاني كەلبەتى مەن ەرەن ونەرىن ايگىلەپ، بۇكىل ەلدىڭ قىسقى سپورت قيمىلىنا تىڭ ۇلەس قوساتىنىنا كامىل سەنەمىز.
« قارلى القاپتان ەندەي ءوتىپ، ۋاقىتپەن جارىسا جەلدەي ەسىپ حوش كەلدىڭىزدەر! كۇن سايىن لاۋلاعان وركەنيەت شامى ماڭگى سونبەك ەمەس» شينجياڭ ەلىمىزدىڭ جەر - جەرىندەگى دوستاردى قىسقى سپورتتىڭ قىزىعىن بولىسۋگە قۇشاعىن جايا قارسى الادى ءارى دوستاردىڭ وسى ارادا ەستەن كەتپەس ساتتەردى وتكىزۋىن تىلەيدى.
مەملەكەتتىك 13 - كەزەكتى قىسقى سپورت جارىسىنىڭ تابىستى بولۋىن تىلەيمىز!
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
