بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

ساياسي كەڭەس اۆتونوميالى رايوندىق 11 - كەزەكتى كوميتەتى تۇراقتى كوميتەتىنىڭ قىزمەتىنەن بايانداما

− ساياسي كەڭەس اۆتونوميالى رايوندىق 11 - كەزەكتى كوميتەتىنىڭ 4 - ماجىلىسىندە جاسالدى

نۇرلان ءابىلماجىن ۇلى (2016 - جىلى 10 - قاڭتار)

2016.01.22 16:30     كەلۋ قاينارى : ءتاڭىرتاۋ تورابى


  نۇرلان ءابىلماجىن ۇلى ساياسي كەڭەس اۆتونوميالى رايوندىق 11 - كەزەكتى كوميتەتىنىڭ 4 - ماجىلىسىندە ساياسي كەڭەس تۇراقتى كوميتەتىنىڭ قىزمەتىنەن بايانداما جاساۋدا.

  مۇشەلەر:

  مەن ساياسي كەڭەس شينجياڭ ۇيعۇر اۆتونوميالى رايوندىق 11 - كەزەكتى كوميتەتىنىڭ تۇراقتى كوميتەتى اتىنان ماجىلىسكە قىزمەتتەن بايانداما جاسايمىن، قاراپ شىعۋلارىڭىزدى سۇرايمىن.

  ءبىرىنشى، 2015 - جىلعى قىزمەتتەرگە ايالداعاندا

  وتكەن ءبىر جىل تۇتاس شينجياڭداعى بارلىق جاقتار ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسىنىڭ رۋحىن ىشكەرىلەي تياناقتاندىرىپ، اۆتونوميالى رايونىمىز قۇرىلعاندىعىنىڭ 60 جىلدىعىن رەفورما، دامۋ، ورنىقتىلىق ىستەرىندەگى سۇبەلى تابىستارمەن قارسى العان جىل بولدى. ەكونوميكالىق دامۋدىڭ جاڭا قالپى مەن لاڭكەستىككە قارسى تۇرىپ، ورنىقتىلىقتى قورعاۋدىڭ قىم - قۋىت تا كۇردەلى جاعدايىنا مەڭزەس، اۆتونوميالى رايوندىق پارتكوم پارتيا ورتالىق كوميتەتىنىڭ شينجياڭ قىزمەتى جونىندەگى كەلەلى ساياسي باعىتىن باتىل دايەكتىلەندىرىپ، «بەستى ءبىر تۇلعالاندىرۋ» جالپى ورنالاستىرۋى مەن «ءتورتتى جاپپاي ورىنداۋ» ستراتەگيالىق ورنالاستىرۋىنا ساي، قوعام ورنىقتىلىعى مەن ۇزاق ۋاقىتتىق باياندى تىنىشتىق باس نىساناسىن ارقاۋ ەتىپ، شينجياڭدى زاڭمەن باسقارۋ، ىنتىماق ارقىلى ورنىقتىرۋ، ۇزاق ۋاقىت كوركەيتۋ، تۇراقتىلىق بارىسىندا العا ىلگەرىلەتۋ، رەفورمادا جاڭالىق اشۋ باستى اۋەنىنە تاباندى بولىپ، شينجياڭ قىزمەتىنىڭ زاڭدىلىعى جونىندەگى تانىمدى ۇزدىكسىز تەرەڭدەتىپ، «ۇشتە قاتاڭ، ۇشتە شىنايى بولۋ» ارناۋلى تاربيەسىن ىشكەرىلەي ورىستەتىپ، اۆتونوميالى رايونىمىز قۇرىلعاندىعىنىڭ 60 جىلدىعىن قۇتتىقتاۋ قيمىلدارىن سالتاناتپەن وتكىزدى، وڭتۇستىك شينجياڭ قىزمەتى ءماجىلىسىن تۇڭعىش رەت اشىپ، «ءۇش قوسىن» قۇرىلىسىن كورنەكتى تۇردە جاقسى يگەرىپ، «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلىن توقتاۋسىز تەرەڭدەتىپ، ءار الۋان قىزمەتتەردى ىلگەرىلەتۋدە تىڭ دا كورنەكتى تابىسقا جەتتى.

  وتكەن جىلى اۆتونوميالى رايوندىق پارتكوم ساياسي كەڭەس قىزمەتىنە وسكەلەڭ ءمان بەرىپ، كوڭىل ءبولىپ، ونى قولداپ - قۋاتتاپ، ساياسي كەڭەس پارتيا باسشىلىق گرۋپپاسىنىڭ قىزمەت مالىمەتىن ارنايى تىڭداپ، اۆتونوميالى رايوندىق ساياسي كەڭەستىڭ «جىلدىق ءماسليحات جوسپارىن جاساۋ جانە اتقارۋ جونىندەگى ۋاقىتتىق ءادىسىن» جانە 2015 - جىلعى ءماسليحات جوسپارىن بەكىتىپ اتقاردى، سوتسياليستىك ساياسي ءماسليحاتتىڭ دەموكراتيا بارىسىندا رولىن ساۋلەلەندىرۋىن جەبەپ، باياندى دامۋ مەن شينجياڭدى ەڭ تازا مەكەن ەتىپ قۇرىپ شىعۋ بارىسىندا اناعۇرلىم زور جاۋاپكەرشىلىكتى ارقالاۋىن تالاپ ەتىپ، ساياسي كەڭەستىڭ قىزمەت مىندەتىن وتەۋىنە بەتالىس كورسەتتى، شارت - جاعداي ازىرلەدى، تەكشە قۇرىپ بەردى. ءبىر جىلدان بەرى، مەملەكەتتىك ساياسي كەڭەستىڭ كوڭىل ءبولىپ، جەتەكشىلىك ەتۋى مەن اۆتونوميالى رايوندىق پارتكومنىڭ پارمەندى باسشىلىعىندا، تۇتاس رايونىمىزداعى ءار دارەجەلى ساياسي كەڭەس ۇيىمدارى وتانشىلدىق، سوتسياليزم تۋىن بيىك ۇستاپ، ىنتىماق پەن دەموكراتيا سىندى ەكى ۇلكەن تاقىرىپتان جازباي، نازاردى «ءتورتتى جاپپاي ورىنداۋ» ستراتەگيالىق ورنالاستىرۋىنا شوعىرلاندىرىپ، قوعام ورنىقتىلىعى مەن ۇزاق ۋاقىتتىق باياندى تىنىشتىق باس نىساناسىن مىقتاپ ارقاۋ ەتىپ، ساياسي ءماسليحاتتاسۋ، دەموكراتيالىق باقىلاۋ، ۇكىمەت ىسىنە ارالاسۋ، ۇكىمەت ءىسىن كەڭەسۋ فۋنكتسياسىن دەن قويا اتقارىپ، قاتىناستى سايكەستىرۋ، كۇش - قۋات ۇيىستىرۋ، اقىل - كەڭەس بەرىپ، شارالار كورسەتۋ، جالپى جاعدايعا قىزمەت وتەۋ رولىن ساۋلەلەندىردى. ۇيرەنۋدى كۇشەيتۋ، دەموكراتيانى ساۋلەلەندىرۋ بارىسىندا ورتاق تانىمدى نىعايتىپ جانە بەكەمدەپ، وزەكتى ارقاۋ ەتۋ، جالپى جاعدايعا قىزمەت وتەۋ بارىسىندا ماسەلەلەرگە دەن قويىپ جانە ونى اقىلداسىپ، تەكشە قۇرۋ، ارنالار اشۋ بارىسىندا مۇشەلەرمەن بايلانىس جاساپ جانە ولارعا قىزمەت وتەپ، قاتاڭ دا شىنايى بولۋ، جوعارى تومەنگە ونەگە كورسەتۋ بارىسىندا ستيلدى كۇشەيتىپ جانە جاقسارتىپ، ساياسي كەڭەس قىزمەتىن ەگجەي - تەگجەيلى، ناقتى تىندىرىپ، العا باستىرىپ، اۆتونوميالى رايوننىڭ رەفورما، دامۋ، ورنىقتىلىق ىستەرىنە بەلسەنە ۇلەس قوستى.

  (1) يدەيالىق قۇرىلىستى نەگىز ەتىپ، دۇرىس ساياسي بەتالىسقا باستان - اياق تاباندى بولدىق. ءبىز ج ك پ 18 - كەزەكتى ورتالىق كوميتەتى ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن، باس شۋجي شي جينپيڭنىڭ ماڭىزدى سوزدەرىنىڭ، اسىرەسە، حالىقتىق ساياسي كەڭەس قۇرىلعاندىعىنىڭ 56 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىنىڭ رۋحىن، ورتالىقتاعى باسشى جولداستاردىڭ اۆتونوميالى رايونىمىز قۇرىلعاندىعىنىڭ 60 جىلدىعىن تويلاۋ كەزىندەگى ماڭىزدى سوزدەرى مەن نۇسقاۋلارىنىڭ رۋحىن ىشكەرىلەي ۇيرەنىپ، دايەكتىلەندىرىپ، ج ك پ اۆتونوميالى رايوندىق 8 - كەزەكتى كوميتەتىنىڭ سەگىزىنشى، ونىنشى جالپى (كەڭەيتىلگەن) ماجىلىستەرىنىڭ شەشىمدەرى مەن ورنالاستىرۋلارىن، حالىقتىق ساياسي كەڭەستىڭ سيپاتىن، ورنىن جەتە ءتۇسىنىپ جانە يگەرىپ، باساتىن جول، نازاريا، ءتۇزىم جونىندەگى سەنىمدى ۇزدىكسىز نىعايتىپ، جۇڭگوشا سوتسياليستىك ساياسيدى دامىتۋ جولىمەن مىزعىماي جۇردىك. ءبىز ساياسيدا بەكەم بولۋدى فۋنكتسيانى اتقارۋدىڭ 1 - تالابى ەتىپ، پارتيا ورتالىق كوميتەتىنىڭ تالابى − ءبىزدىڭ مىندەتىمىز، اۆتونوميالى رايوندىق پارتكومنىڭ ورنالاستىرۋى −ءبىزدىڭ ارەكەتىمىز دەگەن «ءبىر پرينسيپتى» بۇلجىتپاي يگەردىك؛ اۆتونوميالى رايوندىق پارتكومنىڭ باسشىلىعىنا، ساياسي كەڭەس پارتيا باسشىلىق گرۋپپاسىنىڭ ساياسي كەڭەس قىزمەتىندەگى باسشىلىق ۇيتقىلىق رولىنا تاباندى بولىپ، تارتىپكە بويسۇنىپ، قاعيدا - ءتۇزىمدى دارىپتەپ، پارتيا ورتالىق كوميتەتىمەن، اۆتونوميالى رايوندىق پارتكوممەن يدەيا، ساياسي، ارەكەت جاقتارىندا وسكەلەڭ ءبىر اۋىزدىلىقتى ساقتاپ، ورتاق يدەيالىق ساياسي نەگىزدى ۇزدىكسىز بەكەمدەدىك.

  (2) ىنتىماق پەن دەموكراتيانى نەگىزگى تاقىرىپ ەتىپ، قوعام ورنىقتىلىعى مەن ۇزاق ۋاقىتتىق باياندى تىنىشتىققا كەڭ كولەمدە وڭ ەنەرگيا توپتادىق. ساياسي كەڭەستىڭ ۇلى ىنتىماق، ۇلى بىرلىك ساياسي ابزالدىلىعىن، پارتكومنىڭ، ۇكىمەتتىڭ بۇقارامەن بايلانىس جاساۋىنىڭ، ءار سالانى بەرەكەگە شاقىرۋىنىڭ كوپىرى، دانەكەرى بولۋ رولىن تولىق ساۋلەلەندىرىپ، قاتىناستى كەڭ كولەمدە سايكەستىرىپ، تىلەكتى توعىستىرىپ، كۇش - قۋات توپتاپ، ورتاق تانىمدى ارتتىردىق.

  ءبىز ۇلتتاردىڭ ىنتىماعىن، دىندەردىڭ جاراسىمدىلىعىن ەڭ ۇلكەن بۇقارالىق قىزمەت ساناپ، ورتالىقتىڭ جانە اۆتونوميالى رايوندىق پارتكومنىڭ ۇلت قىزمەتى ماجىلىستەرىنىڭ رۋحىن مۇقيات ۇيرەنىپ، دايەكتىلەندىرىپ، پارتيانىڭ ۇلت، ءدىن ساياساتى مەن ۇلتتىق تەرريتوريالىق اۆتونوميا ءتۇزىمىن ۇقىپتى اتقارىپ، اۆتونوميالى رايوننىڭ «ەكى حۇجات، ءبىر ەرەجەسىن» تياناقتاندىرىپ، زورلىقتى كۇشكە قارسى تۇرىپ، زاڭمەن باسقارۋدى، ءتارتىپتى دارىپتەپ، «بەس كىلت»، «ءتورت شارا»، «ءۇش قوسىن» قۇرىلىسى سياقتى قىزمەت تالاپتارىن ساياسي كەڭەس قىزمەتىنىڭ بارلىق جاعىنا ءسىڭىرىپ، ءار سالاداعى ءار ۇلت مۇشەلەرى مەن وتانشىل ءدىني قايراتكەرلەردى رولدارىن ساۋلەلەندىرىپ، ۇلتتار ىنتىماعىنىڭ، دىندەر جاراسىمدىلىعىنىڭ جەبەۋشىسى، باستاماشىسى بولۋعا جۇمىلدىردىق. «بەس كىلتتەن» جاقسى پايدالانىپ، «ۇشقارىلىقتى الاستاۋ» تاقىرىبىندا ارناۋلى لەكسيا ۇيىمداستىرىپ، ءدىني ۇشقارىلىق يدەياسىنىڭ ايەلدەر اراسىنا كەۋلەپ كىرۋىن توسۋ ايلىق ءماسليحاتىن ارقاۋ ەتىپ، ۇلتتار ىنتىماعى تاربيەسىن، اۋىل - قىستاقتاردا 80 - ، 90 - جىلداردان كەيىن تۋىلعاندار اراسىندا «بىرگە قارسى تۇرىپ، ەكىنى دارىپتەۋ» ۇگىت - تاربيەسىن، شينجياڭداعى جوعارى مەكتەپتەردە دىنگە ماركستىك كوزقاراس تاربيەسىن تەرەڭدەتۋ، وتىرىقتاناتىن كوشپەلى مالشىلاردىڭ ءدىني الاڭ - ورىندارى، از ۇلت قاۋىمىنىڭ ءولىم جونەلتۋ، ءنازىر - شىراق ىستەرى سەكىلدىلەر تۋرالى تەكسەرىپ - زەرتتەۋ قيمىلدارىن ورىستەتتىك. مەملەكەتتىك ساياسي كەڭەستىڭ جىبەك جولى ەكونوميكالىق بەلدەۋىنە ساياتىن ۇلت جانە ءدىن ماسەلەسى جونىندە ارناۋلى تەكسەرىپ - زەرتتەۋ جۇرگىزۋىنە سايكەسىپ، مەملەكەتتىك ساياسي كەڭەستىڭ وڭ باعاسىن الدىق.

  ءبىز «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلىن بۇقارالىق قىزمەتتى جاقسى ىستەۋدىڭ ماڭىزدى دانەكەرى ەتىپ، رايونىمىز بويىنشا 2 - توپتا ءار دارەجەلى ساياسي كەڭەستەردەن 460 نەشە كادر مەن 1100 دەي ساياسي كەڭەس مۇشەسىن ىرىكتەپ، 1000 نەشە قىستاققا ءبولىنىپ بارىپ، قىزمەت ورىستەتۋگە جىبەردىك. ءبىر جىلدان بەرى قىستاقتارعا تۇسكەن قىزمەت گرۋپپالارى 6 مىندەتتى ارقاۋ ەتىپ، بۇقارالىق قىزمەت، نەگىزگى ساتى ۇيىمىن كۇشەيتۋ، «ۇشقارىلىقتى الاستاۋ» سىندى ءۇش ءتۇيىندى نەگىزگە الىپ، پارتيا ورتالىق كوميتەتى مەن اۆتونوميالى رايوندىق پارتكومنىڭ كەلەلى شەشىمدەرىن، ورنالاستىرۋلارىن تولىق ۇگىتتەۋ ارقىلى باستى اعىمداعى ءۇندى نەگىزگى ساتىلارعا جەتكىزىپ، جۇرتشىلىقتىڭ ساناسىنا كەڭىنەن ءسىڭىردى؛ حالىق تۇرمىسى ينجەنەرياسىن اتقارۋ اۋىل - قىستاق تاس جولى، ەگىنجاي سۋ يگىلىگى، ەكولوگيالىق ورتانى قورعاۋ، بەيقۇت ءۇي سالىپ، حالىقتى اۋقاتتاندىرۋ، مەكتەپ، قارتتار ساناتورياسى سياقتى نەگىزدىك قۇرىلعىلار قۇرىلىسىن سالىپ، ۇلتتار ىنتىماعى تاربيەسىنىڭ قيمىل سەنترىن، «قىستاق تۇرعىندارىنىڭ ارىز - ارمان ينفورماتسيا قويماسىن» سالىپ، «بەس كىلتتەن» جاقسى پايدالانىپ، الۋان فورمالاردا ۇگىت قيمىلدارىن ورىستەتىپ، «بەس تانىمدى» ۇزدىكسىز نىعايتىپ، بىرلىكساپ پەن حالىقتىق ساياسي كەڭەستىڭ بۇقارالىق قىزمەتتەگى ەرەكشە ابزالدىلىعىن جانە رولىن ساۋلەلەندىردىك.

  ءبىز شەتەلدەردەگى شينجياڭدىق مۇھاجىر باۋىرلاستار مەن شينجياڭدىق وقۋشىلاردى ىنتىماقتاساتىن ماڭىزدى كۇش ساناپ، اۆتونوميالى رايوندىق پارتكومنىڭ ورنالاستىرۋى بويىنشا، شەتەلدەردەگى شينجياڭدىق مۇھاجىر باۋىرلاستاردىڭ احۋالىن ۇعىسىپ، جايىن ءبىلۋ قيمىلىن ىشكەرىلەي ورىستەتىپ، شەتەلدەردەگى شينجياڭدىق از ۇلت باۋىرلاستار مەن وقۋشىلار قىزمەتىن كۇشەيتۋ پىكىرىن، سونداي - اق اتقارۋ جوباسىن العا قويدىق. شەتەلدەردەگى وقۋشىلاردىڭ شينجياڭعا قايتىپ كەلىپ جۇمىسقا ورنالاسۋى، شەتەلدەردەگى شينجياڭدىق مۇھاجىرلارعا قاتىستى ساياساتتىڭ، زاڭ - بەلگىلەمەلەردىڭ اتقارىلۋ احۋالى سياقتىلار جونىندە تەكسەرىپ - زەرتتەپ، وتانعا ورالعان مۇھاجىرلاردىڭ، ولاردىڭ ۇرىق - جۇراعاتتارىنىڭ جانە وقۋشىلاردىڭ ەلگە ورالىپ، قارجى قوسىپ، شارۋاشىلىق قۇرۋى، باجىدا تيىمدىلىك جاساۋ، پەرزەنتتەرىن وقىتۋ سەكىلدى ءىس جۇزىندىك ماسەلەلەر تۋرالى ۇسىنىستار قويدىق. شەتەلدەردەگى شينجياڭدىق مۇھاجىر باۋىرلاستار جانە شينجياڭدىق وقۋشىلارمەن اۋىس - كۇيىستى، دوستىقتى كۇشەيتۋگە كوڭىل ءبولىپ، شينجياڭنىڭ رەفورما جاساپ، دامۋداعى تىڭ تابىستارىن بەلسەنە ۇگىتتەپ، شەتەلدەردەگى شينجياڭدىق مۇھاجىر باۋىرلاستاردىڭ وتاندى، شينجياڭدى سۇيەتىن، بىزبەن دوستاساتىن كۇشتەرىن كەڭ كولەمدە ىنتىماقتاستىردىق، ۇيىستىردىق.

  ءبىز پارتيا - توپتارمەن، حالىقتىق ۇيىمدارمەن سەلبەستىكتى كۇشەيتۋدى ماڭىزدى قىزمەت ەتىپ، دەموكراتيالىق پارتيا - توپتاردىڭ، ونەركاسىپ - ساۋدا بىرلەستىگىنىڭ، حالىقتىق ۇيىمداردىڭ، پارتيادا، توپتا جوق قايراتكەرلەردىڭ دەموكراتيا ۇقىعىنا تولىق قۇرمەت ەتىپ، ءماسليحات جوسپارىن كەڭەسە جاساۋ سياقتى ماڭىزدى ىستەردى اقىلداسۋدا ولاردىڭ پىكىرىن، ۇسىنىسىن الۋعا دەن قويىپ، جينالىستاردا ءسوز الۋعا ورنالاستىرۋ، بىرلەسىپ تەكسەرىپ - زەرتتەۋ، پارتيا - توپتاردىڭ ۇسىنىس جوباسىن ءبىر جايلى ەتۋ سەكىلدى فورمالار ارقىلى ولاردىڭ فۋنكتسيانى اتقارۋىنا بەلسەنە تەكشە قۇردىق. ءبىر جىلدان بەرى دەموكراتيالىق پارتيا - توپتار، حالىقتىق ۇيىمدار جىبەك جولى ەكونوميكالىق بەلدەۋىندەگى ولكە - رايوندارمەن سەلبەسە دامۋ، جەل ەلەكتر، فوتوەلەكتر ەنەرگياسىن وركەندەتۋ، ساياحات رايوندارىندا، اشۋ رايوندارىندا ەگىنشى - مالشىلاردى ورنالاستىرۋ، قوس ءتىل اعارتۋىن جەبەۋ، زاڭدىق كومەكتى كۇشەيتۋ سەكىلدى ءتۇيىندى تاقىرىپتاردى ارقاۋ ەتىپ، دەربەس نەمەسە پارتيا - توپتاردىڭ ورتالىق كوميتەتتەرىمەن، قاتىستى مينيسترلىك - كوميتەتتەرمەن بىرلەسىپ، 85 رەت تەكسەرىپ - زەرتتەۋ جۇرگىزدىك، تەكسەرىپ - زەرتتەۋ مالىمەتىنەن 58ىن دايىنداپ، ماجىلىستەردە لەبىز ءبىلدىرۋ ماتەريالىنان 51ىن، ۇسىنىس جوبادان 127ىن، قوعام احۋالىن، جۇرت رايىن بەينەلەيتىن ينفورماتسيادان 200 نەشە نۇسقاسىن تاپسىرىپ، اۆتونوميالى رايوننىڭ رەفورما، دامۋ، ورنىقتىلىق ىستەرىنە اقىل - پاراسات جانە كۇش - قۋات جاعىنان ەسە قوستىق.

  (3) «ءتورتتى جاپپاي ورىنداۋدى» جەتەكشى ەتىپ، رەفورما، دامۋ، حالىق تۇرمىسى تاقىرىبىندا كەڭەسىپ، پىكىر بەرىپ، ۇسىنىس قويدىق. ءبىز جاڭا قالىپتى، جاڭا قالىپقا سايكەسۋدى ىرىقتى تانىپ، ماسەلەلەردى شەشۋدى بەتالىس ەتىپ، رەفورماداعى، دامۋداعى ءتۇيىندى ماسەلەلەر مەن «13 - بەسجىلدىق» جوبانى جاساۋدى نەگىزگە الا وتىرىپ، پىكىر بەرىپ، ءادىس - امال كورسەتتىك. اكىمشىلىك تەكسەرىپ بەكىتۋ ءتۇزىمى رەفورماسىن تەرەڭدەتۋ، اۋىل - قىستاقتاردا جەردى كوتەرمەگە الىپ شارۋاشىلىق جۇرگىزۋ، اۋىل شارۋاشىلىعىندا ونىمدىلىگى جوعارى، سۋ ۇنەمدەيتىن اينالىم مەحانيزمىن كەمەلدەندىرۋ، سىرتقى ساۋدا كاسىپورىندارىنىڭ «شەتەلگە ءورىس اشۋىن» دەمەۋ، ورتا، شاعىن، ۇساق كاسىپورىنداردىڭ دامۋىن جەبەۋ سەكىلدىلەر تۋرالى ۇسىنىس قويدىق. ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، جالپىلىق مەنشىككە جاتپايتىن شارۋاشىلىقتى شالقىتۋ، وسى زامانعى كومىر حيميا ونەركاسىپ نىساندارىن ىلگەرىلەتۋ، جىبەك جولى ەكونوميكالىق بەلدەۋىندەگى وزەكتى رايوندا ساۋدا - ساتتىق، زات اينالىمى كاسىبىن دامىتۋ سياقتىلار تۋرالى احۋالدارمەن تانىسىپ، دەموكراتيالىق باقىلاۋ جۇرگىزىپ، قىزمەتتەردىڭ تياناقتانۋىنا سەپتەستىك. مەملەكەتتىك ساياسي كەڭەسكە سايكەسىپ، باتىس بولەكتەگى بايىرعى، از ۇلتتى، شەكارا، كەدەي وڭىرلەردى قولداۋ تەبىنىن ارتتىرۋ، باتىس بولەكتە جۇردەك پويەز ماسەلەسىن شەشۋ، بۇكىل مەملەكەتپەن ءبىر ۋاقىتتا جاپپاي دوڭگەلەك داۋلەتتى قوعام قۇرۋعا كەپىلدىك ەتۋ، ءتۇيىندى ۇسىنىس جوبالاردىڭ ءبىر جايلى ەتىلۋ احۋالىن تەكتەپ - تەكسەرۋ، مەملەكەتتىڭ شينجياڭنىڭ نەگىزدىك قۇرىلعىلار، الەۋمەتتىك قىزمەت وتەۋ، جۇردەك پويەز قۇرىلىسى سياقتىلاردى قولداۋ جاقتارىنداعى ساياساتتارىنىڭ تياناقتانۋىن جەبەۋدە بەلسەندى رول اتقاردىق. مەملەكەتتىك ساياسي كەڭەسپەن سەلبەسىپ، قاتىناس - تاسىمال نەگىزدىك قۇرىلعىلارىن باتىس بولەكتەگى ۇلتتىق رايوندارعا ورنالاستىرۋ، رايونىمىز كاسىپ قۇرىلىمىنىڭ دارەجەسىن جوعارىلاتۋ، شينجياڭدى وركەندەتۋ، اشىق ۇستاۋ ىستەرىن كۇشەيتۋ سەكىلدى تاقىرىپتاردا بىرگە تەكسەرىپ - زەرتتەۋ جۇرگىزدىك، العا قويعان ۇسىنىستارىمىزدى مەملەكەتتىك ساياسي كەڭەس قابىلدادى. اۆتونوميالى رايونىمىزدىڭ «13 - بەسجىلدىق» جوباسىن جاساۋدى ارقاۋ ەتىپ، ىشكەرىلەي تەكسەرىپ - زەرتتەپ، اڭگىمە ءماجىلىس، تالقى وتكىزىپ، ەلدىڭ پىكىرىن كەڭىنەن قابىلداپ، ءادىس - شارالاردى مولىنان جيناقتادىق.

  ءبىز حالىق تۇرمىسى ىستەرىندە قىزمەت فۋنكتسياسىن باستان - اياق اتقاردىق. «ءۇش قوسىن» قۇرىلىسىنىڭ رولىن ساۋلەلەندىرۋدى ارقاۋ، «شينجياڭدى دارىندىلار ارقىلى دامىتۋدى» تاقىرىپ ەتىپ، ارناۋلى كەڭەس وتكىزىپ، جوعارى جىكتەگى، ونەرى ۇستەم دارىندىلاردى باۋراۋ قىزمەتىن كۇشەيتۋ، عىلىم - تەحنيكا دارىندىلارىنىڭ جاڭالىق اشىپ، شارۋاشىلىق قۇرۋىن قولداۋ، جوعارى مەكتەپتەردە دارىندىلاردى باۋلۋ جۇمىسىن نىعايتۋ، ەگىن، مال شارۋاشىلىق رايوندارىندا فينانستىك قىزمەت وتەيتىن دارىندىلاردى كوبەيتۋ سەكىلدىلەر جونىندە ۇسىنىس قويدىق. وتىرىقتانعان مالشىلاردىڭ ءوندىرىسى، تۇرمىسى، بۇقارانى ەمدەلۋ جاعىندا قامتاماسىز ەتۋ، مىندەتتى وقۋ - اعارتۋدى بىركەلكى وركەندەتۋ، نەگىزگى ساتىلاردىڭ مادەنيەت شەبى قۇرىلىسى، مەملەكەتتىك قىسقى سپورت جارىسى وتەتىن الاڭ - ورىن قۇرىلىسى سياقتىلار تۋرالى تەكسەرىپ - زەرتتەۋ جۇرگىزىپ، احۋالمەن تانىسىپ، ۇلتتىق ءدارى - دارمەكتى وركەندەتۋدى ارقاۋ ەتىپ، ايلىق ءماسليحات ءماجىلىسىن وتكىزىپ وتىردىق. كەدەيلەردى سۇيەمەلدەۋدى، وركەندەتۋدى فۋنكتسيانى اتقارۋدىڭ ءتۇيىنى ەتىپ، ورىن بويىنشا كەدەيلەردى سۇيەمەلدەيتىن قىستاقتاردىڭ كەدەيلىكتەن ادا - كۇدە قۇتىلۋ وي جەلىسىن بەلگىلەۋىنە كومەكتەسىپ، «13 - بەسجىلدىق» كەزىندە كەدەيلەردى سۇيەمەلدەۋدىڭ ولشەمدى جوباسىن جاسادىق. حۋبەي ولكەلىك ساياسي كەڭەسپەن تىزە قوسا سەلبەسىپ، جىلقى شارۋاشىلىعىن شالقىتۋ تۋرالى ىشكەرىلەي تەكسەرىپ - زەرتتەۋ جۇرگىزدىك، شينجياڭ مەن حۋبەيداعى مەملەكەتتىك ساياسي كەڭەس مۇشەلەرى بىرلەسىپ، شينجياڭدا جىلقى شارۋاشىلىعىن شالقىتۋدىڭ فورماسىن جاڭالاپ، دارەجەسىن كوتەرۋ تۋرالى ۇسىنىس جوبانى العا قويدى، وعان مەملەكەتتىك ساياسي كەڭەس وسكەلەڭ ءمان بەردى جانە ءبىر جايلى ەتۋدى اقىلداستى. ساپتان شەگىنگەن جاۋىنگەرلەردى جانە از ۇلت ايەلدەرىن جۇمىسقا ورنالاستىرۋ، ەگىن، مال شارۋاشىلىق رايوندارىندا جىلاۋىق قۇرت اۋرۋىنىڭ الدىن الۋ جانە ونى تىزگىندەۋ، ۇلتتىق مادەنيەتتى جانداندىرۋ جانە قورعاۋ سەكىلدىلەر تۋرالى ارناۋلى تەكسەرىپ - زەرتتەۋ جۇرگىزدىك. پارتيا - توپتار مەن سالالارداعى مۇشەلەر ءوز ۇيىمىنداعى، ءوز سالاسىنداعى دارىندىلار مەن بايلىق ابزالدىلىعىن ساۋلەلەندىرۋگە كوڭىل ءبولىپ، وقۋ - اعارتۋ، دەنساۋلىق ساقتاۋ، سپورت، مادەنيەت بىلىمدەرىن نەگىزگى ساتىلارعا جەتكىزۋ قيمىلىن كەڭىنەن ورىستەتىپ، كەدەيلەردى ارىپتەس بولىپ سۇيەمەلدەپ، مەيىر باعىشتاي جىلۋ اتاپ، قوعامدىق قىزمەت وتەپ، ءار ۇلت قاۋىمىنا قوعامنىڭ ءار سالاسىنىڭ شاپاعاتىن، ساياسي كەڭەستىڭ مەيىرىن سەزدىردى.

  ءبىز شينجياڭدى زاڭمەن جونگە سالۋدى ارقاۋ ەتە پىكىر بەرىپ، ۇسىنىس قويدىق. «شينجياڭدى زاڭمەن جونگە سالۋدى» باستى تاقىرىپ ەتىپ، تىنىش شينجياڭ قۇرىلىسى، ورتانى زاڭمەن جونگە سالۋ قۇرىلىسى، قوعامدى زاڭمەن جونگە سالۋ قۇرىلىسى، نەگىزگى زاڭ، زاڭدار ۇگىت - تاربيەسى، تازا شينجياڭ زاڭ - ءتۇزىم قۇرىلىسى جونىندە ارناۋلى تاقىرىپتا اقىل - كەڭەس بەردىك. اۋىل - قىستاقتار مەن الەۋمەتتىك اۋماقتاردىڭ زاڭمەن جونگە سالۋ قابىلەتى قۇرىلىسىن كۇشەيتۋ، نەگىزگى ساتىلاردا زاڭدىق قىزمەت وتەۋ قوسىنىن قۇرۋ - نىعايتۋ، ەكولوگيالىق ورتانى قورعاۋ زاڭ - ەرەجەلەرىن اتقارۋ ورتاسىن كەمەلدەندىرۋ، الەۋمەتتىك اۋماقتاردى وڭاۋدى كۇشەيتۋ سەكىلدىلەر تۋرالى شارالار كورسەتىپ، ۇسىنىستار بەردىك. «اۆتونوميالى رايوننىڭ ۇلتتار ىنتىماعى، العا باسۋىن جەبەۋ ەرەجەسى»، «جايلىمداردى كوتەرمەگە الۋدى جانە شارۋاشىلىق جۇرگىزۋ ۇقىعىن وتكەرمەلەۋدى باسقارۋ ءادىسى» سەكىلدىلەردى جاساۋ تۋرالى ءماسليحات وتكىزدىك؛ «ورتانى قورعاۋ زاڭى»، «جۇقپالى اۋرۋلاردىڭ الدىن الۋ جانە ونى تىزگىندەۋ زاڭى» سەكىلدىلەردىڭ اتقارىلۋ احۋالىن تەكسەردىك.

  (4) ءماسليحات دەموكراتياسىن تۇعىر ەتىپ، ماڭىزدى ارنالىق جانە ارناۋلى ءماسليحات ورگانىندىق رولدى شىن مانىندە ساۋلەلەندىردىك. ءار دارەجەلى ساياسي كەڭەس ۇيىمدارى «ج ك پ ورتالىق كوميتەتىنىڭ سوتسياليستىك ءماسليحات دەموكراتياسى قۇرىلىسىن كۇشەيتۋ جونىندەگى پىكىرىن»، ج ك پ ورتالىق كوميتەتىنىڭ كەڭسەسى باسىپ تاراتقان «حالىقتىق ساياسي كەڭەستىڭ ءماسليحات دەموكراتياسى قۇرىلىسىن كۇشەيتۋ جونىندەگى اتقارۋ پىكىرىن» ىشكەرىلەي ۇيرەنىپ، دايەكتىلەندىرىپ، ءماسليحات جوسپارىن دەن قويا اتقارىپ، ساياسي كەڭەس ءماسليحات دەموكراتياسىنىڭ جۇيەلەنۋىن، تۇزىمدەنۋىن، قالىپقا ءتۇسۋىن بەلسەنە جەبەپ، ساياسي ءماسليحات وتكىزۋدە تەكشە، دەموكراتيالىق باقىلاۋدا فورما، ۇكىمەت ىسىنە ارالاسۋدا، ونى كەڭەسۋدە شارا بولۋعا مۇمكىندىك جاسادى. ساياسي كەڭەستىڭ ءماسليحات دەموكراتياسىن امالياتتان وتكىزۋدى كۇشەيتۋ جونىندە ىزدەنىس جاساپ، ءماسليحات كولەمىن كەڭەيتىپ، جىگىن جوعارىلاتىپ، ساياسي كەڭەستىڭ كەزەكتى ءماجىلىس فورماسىنا بۇرىلىس جاساپ، تۇراقتى كوميتەت ماجىلىسىنە سىرتتاي قاتىناساتىن مۇشەلەردىڭ سانىن كوبەيتىپ، مۇشەلەردى ايلىق ءماسليحات اڭگىمە ماجىلىسىنە كەزەكپەن قاتىناسۋعا ۇسىنىس ەتىپ، پارتيا - توپتاردى، حالىقتىق ۇيىمداردى، ءار سالاداعى ءار ۇلت قايراتكەرلەرىن ءماسليحات ماجىلىسىنە قاتىناسۋعا لايىقتى ورنالاستىردىق. تۇراقتى كوميتەت ءماجىلىسى، ايلىق ءماسليحات اڭگىمە ءماجىلىسى، ءماسليحات جەتىستىگىن مالىمدەپ - جەتكىزۋ سەكىلدى ءماسليحات تۇزىمدەرىن شىعاردىق جانە كەمەلدەندىردىك. اۆتونوميالى رايوندىق پارتكوم، ۇكىمەت ساياسي كەڭەستىڭ ءماسليحات جەتىستىگىن ناقتىلاندىرۋعا باسا ءمان بەردى. پارتيا، ۇكىمەت ورىندارداعى نەگىزگى باسشىلار مەن جۇمىس ءبولىسى بويىنشا باسقاراتىن باسشى جولداستار تالاي رەت ماڭىزدى بەكىتۋ جازىپ، ءماسليحات جەتىستىگىن قابىلداپ تياناقتاندىردى.

  (5) تازا شينجياڭ قۇرىلىسىن مىندەت ەتىپ، كورىكتى جۇڭگونىڭ شينجياڭداعى جاندى امالياتىن بەلسەنە دەمەدىك. اۆتونوميالى رايوندىق پارتكوم مەن جاڭ چۇنشيان شۋجيدىڭ تالابىن مۇقيات دايەكتىلەندىرىپ، تازا شينجياڭ قۇرىلىسىنا قاتىستى شارالاردى اقىلداسۋ تەبىنىن كۇشەيتتىك. ىشكەرىلەي تەكسەرىپ - زەرتتەۋ، كەڭ كولەمدە دالەل - سىپاتتان وتكىزۋ ارقىلى «تازا شينجياڭ قۇرىلىسى قىزمەتىنىڭ پروگرامماسىن» العا قويدىق. مەملەكەتتىك ساياسي كەڭەستىڭ تۇڭعىش رەت ماماندار جىبەرىپ، تازا شينجياڭ تاقىرىبىن ارقاۋ ەتە كەڭەسىپ، ايعاقتاپ، كوپ بولىپ اقىل قوسۋىنا كۇش سالدىق. تازا شينجياڭ قۇرىلىسى قىزمەتى جونىندەگى اۆتونوميالى رايوندىق ءماجىلىستى اشىپ، قىزمەتتەردى جاپپاي باستاپ، ءار ايماق - وبلىس، قالادان بىردەن اۋدان - قالانى، ءار اۋدان - قالادان بىردەن اۋىل - قالاشىقتى تاڭداپ، تازا شينجياڭ قۇرۋ سىناعى قىزمەتىن ورىستەتتىك ءارى الدىمەن اۆتونوميالى رايوندىق ساياسي كەڭەستىڭ «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلى ورىستەتىلىپ جاتقان 6 قىستاقتا تازا اۋىل - قىستاق قۇرىلىسىن جۇرگىزدىك. «تازا شينجياڭ قۇرىلىسى» تۋرالى ارناۋلى ءماسليحات ءماجىلىسىن ۇيىمداستىرىپ، تەرىستىك شينجياڭدا مەملەكەت باقشاسىن قۇرۋ تۋرالى كەڭەس وتكىزىپ، پىكىر بەرىپ، ۇسىنىس قويدىق؛ ەنەرگيا ۇنەمدەپ، ىعىستىرىلاتىن لاستىقتى ازايتۋ، ونەركاسىپ باقشا رايوندارىندا لاس سۋدى ءبىر جايلى ەتۋ، كۇيتۇن - مايتاۋ - ءۇرىمجى وڭىرلىك ورتاسىن وڭاۋ جونىندە جەكە - جەكە ايلىق ءماسليحات ءماجىلىسىن اشىپ، ناقتى ۇسىنىستار بەردىك. وسى زامانعى اقاۋسىز شارۋاشىلىقتى دامىتۋعا نازار اۋدارىپ، سىچۋان ولكەسىنىڭ پانجيحۋا قالاسىندا دەنساۋلىقتى ايالاۋ كاسىبىن دامىتۋ تاجىريبەلەرىمەن، ادىستەرىمەن تانىسىپ، قارامايلى، ءۇرىمجى، شونجى، نىلقى، تەكەس سياقتى اۋدان - قالالاردا قارتتاردى شوعىرلى كۇتىمگە الۋ، ساياحات، سپورت، ەكولوگيالىق اۋىل شارۋاشىلىعى ءبىرتۇلعالانعان ەكولوگيا كاسىبىن دامىتۋدىڭ جولىن بەلسەنە قاراستىردىق. تازا ەنەرگيانى دامىتۋ، جايلىم ەكولوگياسىن قورعاۋ، تومەن كومىرتەكتى قالا قۇرۋ سىناق قۇرىلىسى، اۋىل - قىستاقتاردا سۋلياۋ جارعاق لاستىعىنان ساقتانۋ جانە ونى تىزگىندەۋ، سۋ بايلىعىنىڭ «ءۇش قىزىل سىزىق» ولشەمىن تياناقتاندىرۋ سەكىلدىلەر جونىندە تەكسەرۋ جۇرگىزىپ، احۋالدارمەن تانىسىپ، «اسپانى كوگىلدىر، جەرى جاسىل، سۋى ءمولدىر» تازا شينجياڭ قۇرۋ جولىندا بەلسەندى رول اتقاردىق.

  (6) «ۇشتە قاتاڭ، ۇشتە شىنايى بولۋدى» دانەكەر ەتىپ، ءتول قۇرىلىستى كۇشەيتىپ، ناقتى ونىمدىلىكتى جوعارىلاتتىق. ءار دارەجەلى ساياسي كەڭەس ۇيىمدارى پارتيا ورتالىق كوميتەتى مەن اۆتونوميالى رايوندىق پارتكومنىڭ ءبىر تۇتاس ورنالاستىرۋىنا ساي، «ۇشتە قاتاڭ، ۇشتە شىنايى بولۋ» ارناۋلى تاربيەسىن ىشكەرىلەي ورىستەتىپ، يدەيالىق تاربيەنى، پارتيالىلىق تالداۋدى، جاپپاي وڭاۋ - تۇزەتۋدى، بەلگىلەمە شىعارىپ، ءتارتىپتى اتقارۋدى ءوزارا ۇشتاستىرىپ، ارناۋلى تالقى جانە دەموكراتيالىق تۇرمىس جيىندارىن مۇقيات اشىپ، پارتيالىلىق جاقتان شىڭدالۋدى اناعۇرلىم كۇشەيتىپ، قىزمەت ستيلىن جاقسارتىپ، «قاتاڭ، شىنايى بولماۋ» ماسەلەلەرىن كۇش سالا شەشىپ، «ۇشتە قاتاڭ، ۇشتە شىنايى بولۋ» تالابىن امالياتتا ايگىلەيتىن يدەيالىق سانالىلىق پەن ارەكەت تانىمىن بەكەمدەپ، «ءتورت بۇرىس ستيلدى» شاۋجايلاۋ، پارتيانىڭ بۇقارالىق لۋشيان تاربيەسى جانە امالياتتىق قيمىلىنىڭ جەتىستىگىن نىعايتۋ، ۇلعايتۋ جاقتارىندا ناقتى ناتيجەگە جەتتىك. ءبىز ءبىر جاعىنان ۇيرەنىپ، ءبىر جاعىنان تۇزەتىپ، قىزمەت جاۋاپكەرشىلىگى تاربيەسىن كۇشەيتىپ، ساياسي كەڭەس ورگانىنىڭ تىرەكتىلەرىن مىندەتپەن مەملەكەتتىك ساياسي كەڭەسكە شىنىعۋعا تاڭداپ جىبەرىپ، ساياسي كەڭەستىڭ قىزمەت ءتۇزىمىن بەلگىلەپ، كەمەلدەندىرىپ، فۋنكتسيا اتقارۋ قابىلەتىن اناعۇرلىم جوعارىلاتتىق. «ۇشتە قاتاڭ، ۇشتە شىنايى بولۋ» تالابىن قوعام ورنىقتىلىعى مەن باياندى تىنىشتىقتىڭ جالپى بارىسىنا ءسىڭىرۋدى ارقاۋ ەتىپ، قىزمەتتى قاتايتۋ، ناقتىلاندىرۋ ءۇشىن جەكە - جەكە ىلە، تارباعاتاي، التاي، قاشقار، قىزىلسۋ، سانجى سەكىلدى ايماق - وبلىستارعا، قالالارعا بارىپ، رەفورما، دامۋ، حالىق تۇرمىسىن جاقسارتۋ، «ءۇش قوسىن قۇرىلىسى»، «ۇشقارىلىقتى الاستاۋ» سەكىلدى تاقىرىپتار جونىندە ارالاپ تەكسەرۋ جۇرگىزىپ، «ۇشتە قاتاڭ، ۇشتە شىنايى بولۋ» تالابىن مىندەت وتەۋ امالياتىنىڭ جەتىستىگى ارقىلى ايگىلەدىك. اۆتونوميالى رايوندىق پارتكومنىڭ كوڭىل ءبولۋى مەن قولداپ - قۋاتتاۋىندا، اۆتونوميالى رايوندىق ساياسي كەڭەستىڭ قىزمەت قۇرىلىمىن رەتتەپ، جاقسارتىپ، مۇشەلەر قوسىنى مەن ورگان قوسىنى قۇرىلىسىن نىعايتتىق. ءبىر جىلدان بەرى، ساياسي كەڭەس اۆتونوميالى رايوندىق 11 - كەزەكتى كوميتەتىنە 72 مۇشەنى ارتتىرىپ - تولىقتاپ سايلادىق، 22 مۇشەنىڭ مىندەتىنەن شەگىنۋ ءوتىنىشىن قابىلدادىق، 6 مۇشەنى تولىمدىلىعىنان الىپ تاستادىق؛ ساياسي كەڭەس ورگانىنىڭ باسشىلىق القاسى مەن ارناۋلى كوميتەتتەردىڭ مەڭگەرۋشىلەرىنەن، ورىنباسار مەڭگەرۋشىلەرىنەن مىندەتكە تاعايىندالعاندار مەن مىندەتىنەن قالدىرعاندار 28گە جەتتى.

  ءونىمدى باقىلاۋ قيمىلى جونىندە ىزدەنىس جاساۋدى كۇشەيتۋ قاجەت؛ سالالاردىڭ ابزالدىلىعى مەن رولى ءالى تولىق ساۋلەلەندىرىلگەن جوق؛ ساياسي كەڭەستىڭ مىندەت وتەۋ ءتۇزىمى قۇرىلىسىن كەمەلدەندىرىپ، فۋنكتسيا اتقارۋ قابىلەتىن جوعارىلاتۋعا ءالى دە كۇش سالۋعا تۋرا كەلەدى، ت. ب. وسى ماسەلەلەردى ءبىز مۇنان كەيىنگى قىزمەت بارىسىندا مۇقيات اقىلداسامىز جانە تۇزەتەمىز.

  ەكىنشى، 2016 - جىلعى قىزمەت تۇيىندەرى

  بيىل − جاپپاي دوڭگەلەك داۋلەتتى قوعام قۇرۋدىڭ شەشۋشى كەزەڭىنە وتەتىن العاشقى جىل. جاڭا جاعداي، جاڭا مىندەتتەر حالىقتىق ساياسي كەڭەس قىزمەتىنە تىڭ دا اناعۇرلىم جوعارى تالاپ قويدى. جاڭا جىل بايلانىسىمەن وتكىزىلگەن شاي ماجىلىسىندە جاڭ چۇنشيان شۋجي تۇتاس رايونىمىزداعى ءار دارەجەلى ساياسي كەڭەستىڭ قىزمەتىنە وڭ باعا بەرۋمەن بىرگە، بىزدەن جاڭا جىلدا تىڭ قۇلشىنىس، تىڭ تابىس بولۋىن، ابزالدىلىقتى ساۋلەلەندىرىپ، ىسكە ىرىقتى كىرىسىپ، شينجياڭنىڭ قوعام ورنىقتىلىعى مەن ۇزاق ۋاقىتتىق باياندى تىنىشتىعىنا تىڭ ۇلەس قوسۋدى تالاپ ەتتى. تۇتاس رايونىمىزداعى ءار دارەجەلى ساياسي كەڭەس ۇيىمدارى جاڭ چۇنشيان شۋجيدىڭ تالابى بويىنشا، ساياسي باستاماشىلىقتى كۇشەيتىپ، پارتيا ورتالىق كوميتەتىنە، اۆتونوميالى رايوندىق پارتكومعا قاراپ باتىل بوي تۇزەپ، تارتىپكە بويسۇنىپ، قاعيدانى دارىپتەپ، پارتكومنان نۇسقاۋ الۋ - مالىمەت بەرۋ ءتۇزىمىن قاتاڭ اتقارىپ، پارتيا ورتالىق كوميتەتىنىڭ جانە اۆتونوميالى رايوندىق پارتكومنىڭ شەشىمدەرىن، ورنالاستىرۋلارىن ارقاۋ ەتىپ، ساياسي كەڭەس قىزمەتىن جوسپارلاۋدان بۇلجىماۋى؛ ارقالاعان بورىشتى ايقىنداپ، ساياسي كەڭەس قىزمەتىنىڭ «قۇلشىنعاندا عانا وزگەرتۋگە بولادى، قۇلشىنساق بولعانى وزگەرتە الامىز»، «وزگەرىس، بۇرىلىس جاساۋ، مىندەتتى باتىل ارقالاۋ، ناقتى ونىمدىلىكتى كوزدەۋ» دەيتىن باستى اۋەنىنەن جازباي، «مەنىڭ دە قولىمنان كەلەدى» تانىمىن ورناتىپ، جاڭا قالىپقا سايكەسىپ، جاڭا بەينە تانىتۋى؛ حالىق ءۇشىن مىندەت اتقارۋدان جازباي، جۇرتتى باۋراۋ مەن تىلەگىن توعىستىرۋدى ارقاۋ ەتىپ، حالىقتىق ساياسي كەڭەستىڭ حالىق ءۇشىن قىزمەت ىستەيتىنىن شىن مانىندە ايگىلەۋى؛ جاڭالىق اشۋ تانىمىن ورناتىپ، تانىم - تۇسىنىك، ماسەلە، اماليات ارقىلى جول سىلتەپ، قاتىپ - سەمگەن وي فورماسىن تالقانداپ، قىزمەت فۋنكتسياسىن ارنايى، مۇقيات، جاسامپازدىقپەن اتقارۋى كەرەك.

  ءبىرىنشى، پارتيا ورتالىق كوميتەتى مەن اۆتونوميالى رايوندىق پارتكومنىڭ كەلەلى شەشىمدەرىن، ورنالاستىرۋلارىن مىقتى يگەرۋ. ج ك پ 18 - كەزەكتى ورتالىق كوميتەتى بەسىنشى جالپى ءماجىلىسىنىڭ، ج ك پ اۆتونوميالى رايوندىق 8 - كەزەكتى كوميتەتى ونىنشى جالپى (كەڭەيتىلگەن) ءماجىلىسىنىڭ جانە ەكونوميكالىق قىزمەت، كەدەيلەردى سۇيەمەلدەۋ قىزمەتى، ورنىقتىلىق قىزمەتى قاتارلى ماجىلىستەردىڭ رۋحىن ۇيرەنۋدى، دايەكتى تياناقتاندىرۋدى ماڭداي الدى ساياسي مىندەت ەتۋ كەرەك. «13 - بەسجىلدىق» كەزىندەگى دامۋ جاعدايىن، جاپپاي دوڭگەلەك داۋلەتتى قوعام قۇرۋدىڭ نىساناسىن، مىندەتتەرىن، ەكونوميكالىق دامۋدىڭ جاڭا قالپىنىڭ باستى ەرەكشەلىگىن ءتۇيىندى تۇردە جەتە ءتۇسىنىپ، جاڭالاۋ، سايكەستىرۋ، اقاۋسىز بولۋ، اشىق ۇستاۋ، بىرگە يگىلىكتەنۋ سىندى 5 ۇلكەن دامۋ تانىمىن ىشكەرىلەي يگەرۋ ءتيىس. جاڭا تانىم - تۇسىنىكتە، جاڭا كۇيدە بولىپ، ساپ تۇزەۋدى دارىپتەپ، قاتاڭ تالاپ قويىپ، «ءۇش قابىلەتتى» ارتتىرىپ، ءبىر تۇتاس جەتەكشىلىك ەتۋگە شەبەر بولىپ، اۆتونوميالى رايوندىق پارتكوم العا قويعان «جەتىگە تاباندى بولۋدىڭ» ءمانىن، «13 - بەسجىلدىق» كەزىندەگى ەكونوميكالىق، قوعامدىق دامۋدىڭ «ءبىر باستى جەلىسىن»، «ءۇش جەتەكشىسىن»، فورماعا بۇرىلىس جاساپ، قۇرىلىمدى رەتتەۋدەگى «ءتورت ءبىرىنشىنى»، كەم - كەتىك ورىندى تولىقتاپ، تۇيىنشەكتى شەشۋدەگى «جەتى ءتۇرلى قىزمەتتى»، ساقتانۋعا ءتيىستى «بەس ءتۇرلى قاتەردى»، سونداي - اق رەفورمانى تەرەڭدەتىپ، ەسىكتى ايقارا اشۋداعى ءىرى ورنالاستىرۋلاردى جەتە يگەرىپ، ساياسي كەڭەس قىزمەتىن اۆتونوميالى رايوندىق پارتكومنىڭ ستراتەگيالىق شەشىمىمەن اناعۇرلىم جاقسى قابىستىرىپ، پارتكومنىڭ قىزمەت ورنالاستىرۋىن بارىنشا جاقسى دايەكتىلەندىرىپ، ساياسي كەڭەس ىستەرىنىڭ دۇرىس بەتالىسپەن العا تارتا بەرۋىنە شىن مانىندە كەپىلدىك ەتۋ كەرەك.

  ەكىنشى، رەفورمانى، دامۋدى ءماسليحاتتاسۋعا، كەڭەسۋگە كۇش سالۋ. «13 - بەسجىلدىق» جوبانى اتقارۋعا قىزمەت وتەۋدى ساياسي كەڭەس فۋنكتسياسىن وتەۋدەگى ءبىر ءتۇيىن ەتىپ، ءتۇيىندى قىزمەتتەردى، شەشۋشى سالالاردى نەگىزگە الىپ، مۇقيات تەكسەرىپ - زەرتتەپ، ماسەلەلەرگە ىشكەرىلەي تالداۋ جاساپ، «13 - بەسجىلدىق» جوباداعى شەشىمدەر مەن ورنالاستىرۋلاردىڭ ناقتى تياناقتانۋىنا سەپتەسۋ كەرەك. قامداۋدىڭ قۇرىلىمدىق رەفورماسىن كۇشەيتۋدى ارقاۋ ەتىپ، فورماعا بۇرىلىس جاساپ، كەم - كەتىكتى تولىقتاپ، حاۋىپ - قاتەردەن ساقتانىپ، رەفورمانى يگەرىپ، ءوندىرىس قۋاتىن ازايتۋ، قامبادا ساقتاۋ مولشەرىن كەمەيتۋ، وزىندىك قۇندى تومەندەتۋ تۋرالى اۋقىمدىق، جالپىلىق زەرتتەۋ جۇرگىزىپ، پارتكوم مەن ۇكىمەتتىڭ پايدالانۋىنا ۇسىنىس جوبا تاپسىرۋ ءتيىس. «كەدەيلىكتەن قۇتىلۋدان قامال الۋ شايقاسىن باتىل جۇرگىزىپ، كەدەي قاۋىمنىڭ كەدەيلىكتەن قۇتىلىپ، اۋقاتتانۋ قۋاتىن ارتتىرۋدى» تاقىرىپ ەتىپ، ارناۋلى تاقىرىپتا تۇراقتى كوميتەتتىڭ ءماجىلىسىن اشىپ، وڭتۇستىك شينجياڭ مەن شەكارا بويلارىنداعى ءۇستىرتتى، سۋىق رايوندارداعى كەدەيلەردى كەدەيلىكتەن قۇتىلدىرۋ جونىندە پىكىر بەرىپ، ۇسىنىس قويۋ قاجەت. ءداستۇرلى قىستاقتاردىڭ قالپىن ساقتاۋ، اۋىلدىڭ قۇندىلىقتارىن ساۋلەلەندىرۋ، ءتۇيىندى، زاعيپ جاندارعا كومەكتەسۋ، ءداستۇرلى اقپارات قۇرالدارى مەن جاڭا مەديالاردىڭ توعىسا دامۋىن جەبەۋ سياقتى تاقىرىپتاردا جەكە - جەكە ايلىق ءماسليحات اڭگىمە ءماجىلىسىن وتكىزۋ ءتيىس. جىبەك جولى ەكونوميكالىق بەلدەۋىندە وزەكتى رايون قۇرۋ قۇرىلىسى، جالپىلىق مەنشىككە جاتپايتىن شارۋاشىلىقتى شالقىتۋ، قالالار مەن اۋىلداردىڭ ءبىر تۇلعالانۋىن جەبەۋ، وتباسىلارىنا قىزمەت وتەۋ كاسىبىن دامىتۋ سەكىلدىلەر جونىندە تەكسەرىپ - زەرتتەۋ، كەڭەسۋ كەرەك. جاڭا كاسىپ، جاڭا شارۋاشىلىق جەتىلدىرۋدى، دامىتۋدى ارقاۋ ەتىپ، «رايونىمىزدىڭ دەنساۋلىقتى ايالاۋ كاسىبىنىڭ دامۋىن دەمەۋ» ارناۋلى تاقىرىبىندا ءماسليحات ءماجىلىسىن اشۋ؛ اۋىل - قىستاقتاردىڭ توپىراق ورتاسىن قورعاۋ، سۋ بايلىعىنان بىركەلكى پايدالانۋ سياقتىلار تۋرالى كەڭەس وتكىزىپ، تازا شينجياڭ قۇرىلىسىن ۇزدىكسىز ىلگەرىلەتۋ ءتيىس.

  ءۇشىنشى، قوعامنىڭ جاراسىمدىلىعى مەن ورنىقتىلىعىن كۇش سالا ىلگەرىلەتۋ. ۇلتتاردىڭ ىنتىماعى مەن دىندەردىڭ جاراسىمدىلىعىن ەڭ زور بۇقارالىق قىزمەت ەتىپ، ءار ۇلت قاۋىمىن پارىقتارعا قۇرمەت ەتۋگە، كەڭ قولتىق، باۋىرمال بولۋعا، ءبىر - بىرىنە سۇيىنۋگە باستاپ، «بەس تانىم»، «ءۇشتىڭ ءبىر - بىرىنەن ايرىلا الماۋ» يدەياسىن جۇرت جۇرەگىنە تەرەڭ ۇيالاتىپ، ءار ۇلت بۇقاراسىن ەڭ كەڭ كولەمدە ۇيىمداستىرۋ، جۇمىلدىرۋ، ىنتىماقتاستىرۋ كەرەك. ۇلتتار ىنتىماعىن جەبەۋدى ماڭىزدى مىندەت، «وسى زامانعى مادەنيەت ارقىلى جەتەكشىلىك ەتىپ، ۇلتتاردىڭ اۋىس - كۇيىسىن، قارىم - قاتىناسىن، بارىس - كەلىسىن اناعۇرلىم تەرەڭدەتۋ» تاقىرىبىن ارقاۋ ەتىپ، تۇراقتى كوميتەت ارناۋلى تاقىرىپتا كەڭەسۋ سىندى الۋان فورمالار ارقىلى ۇلتتار ىنتىماعى قىزمەتىن جاقسى ىستەۋگە اقىل كورسەتىپ، كۇش قوسىپ، رول اتقارۋ قاجەت. اۆتونوميالى رايوندىق پارتكومنىڭ ورنىقتىلىق قىزمەتى جونىندەگى ورنالاستىرۋىن، تالابىن ىشكەرىلەي تياناقتاندىرىپ، «بەس كىلت»، «ءتورت شارا»، «ءۇش قوسىننىڭ» رولىن ساۋلەلەندىرۋ جاقتارىنا كۇش سالىپ، تازا شينجياڭ قۇرۋ، «ۇشقارىلىقتى الاستاۋ»، قوعامدى جاڭالاۋعا، باسقارۋعا ات سالىسۋ، وتانشىل ءدىني قايراتكەرلەردىڭ رولىن ساۋلەلەندىرۋ سەكىلدى جاقتاردا تىڭ بەينە تانىتۋ ءتيىس. شەتەلدەردەگى شينجياڭدىق از ۇلت مۇھاجىر باۋىرلاستار مەن وقۋشىلار قىزمەتىن بەلسەنە جەبەپ، جول سىلتەۋ، ىنتىماقتاستىرۋ، باۋراۋ قىزمەتىن جاقسى ىستەۋ كەرەك. «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قىزمەتىن ونان ارى تەرەڭدەتىپ، «التى مىندەت» پەن 3 ءتۇيىندى قىزمەتتى جاقسى يگەرۋ نەگىزىندە، «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلى مەن كەدەيلىكتەن قۇتىلدىرۋدان قامال الۋدى ۇشتاستىرىپ، پارتيا مەن ۇكىمەتتىڭ حالىق قالاۋىنان شىعىپ، جۇرتتىڭ تىلەگىن ۇيىستىرۋىنا ءتيىستى ۇلەس قوسۋ كەرەك.

  ءتورتىنشى، دەموكراتيالىق باقىلاۋ قىزمەتىن كۇشەيتۋ تۋرالى بەلسەنە ىزدەنىس جاساۋ. سوتسياليستىك دەموكراتيالى ساياسي قۇرىلىس پەن ساياسي كەڭەس ىستەرىنىڭ دامۋ قاجەتىنە سايكەسىپ، ساياسي كەڭەستىڭ دەموكراتيالىق باقىلاۋدىڭ جۇيەلەنۋىن، تۇزىمدەنۋىن، قالىپقا ءتۇسۋىن اناعۇرلىم دەمەۋ كەرەك. باقىلاۋدى ءماسليحاتتىڭ ىشىنە ءسىڭىرىپ، ارناۋلى كوميتەتتەرگە سۇيەنىپ، ءماجىلىس اشۋ، تەكسەرىپ - زەرتتەۋ، تەكسەرۋدە بولۋ، ۇسىنىس جوبا قويۋ، جينالىستا سوزگە شىعۋ، قوعام اۋانىن، جۇرت رايىن جەتكىزۋ، اقپاراتتىق حابار جاريالاۋ سياقتى ارنالاردان پايدالانىپ، قالالارداعى جۇمىسكەرلەردىڭ ۇقىق - مۇددەسىن قامتاماسىز ەتۋ، نەگىزگى تۇلعالىق فۋنكتسيا رايونى جوباسىن اتقارۋ، وڭتۇستىك شينجياڭدا قۇم - شولدەن ساقتانۋ، ونى تىزگىندەۋ ارناۋلى ارەكەتىن ورىستەتۋ، اۆتونوميالى رايوننىڭ «ەكى حۇجات، ءبىر ەرەجەسى»، جاڭادان شىعارىلعان حۇجاتتار مەن جاڭادان شىعارىلعان «اۆتونوميالى رايوننىڭ ۇلتتار ىنتىماعى، العاباسارلىعى قىزمەت ەرەجەسى» سەكىلدى ماڭىزدى حۇجاتتاردىڭ، زاڭ - ەرەجەلەردىڭ دايەكتى تياناقتانۋ احۋالىن ارقاۋ ەتىپ، باقىلاۋ سيپاتىندىق قىزمەتىن ورىستەتىپ، احۋالدى قاز - قالپىندا جەتكىزىپ، اشىق سىندارلى پىكىر بەرىپ، قاتىستى قىزمەتتەردى جاقسارتۋ جانە كۇشەيتۋ كەرەك.

  ءۇشىنشى، «ساياسي كەڭەستى ءتۇسىنۋ، كەڭەسە الۋ، كەڭەسۋگە شەبەر بولۋ» ماڭىزدى يدەياسىن دايەكتىلەندىرىپ، ساياسي كەڭەستىڭ «تىلەكتى توعىستىرۋ، ءادىس - امال كورسەتۋ، كۇش قوسۋ» دەڭگەيىن ۇزدىكسىز جوعارىلاتۋ

  باس شۋجي شي جينپيڭ العا قويعان «ساياسي كەڭەستى ءتۇسىنۋ، كەڭەسە الۋ، كەڭەسۋگە شەبەر بولۋ» ماڭىزدى يدەياسى ساياسي كەڭەستىڭ باستى ساياسي ارقاۋىن، دامۋ بەتالىسىن، رۋحاني قاسيەتىن ايگىلەدى. جاڭ چۇنشيان شۋجيدىڭ اۆتونوميالى رايوندىق ساياسي كەڭەسكە قويعان «تىلەكتى توعىستىرۋ، ءادىس - امال كورسەتۋ، كۇش قوسۋ» قىزمەت تالابى ساياسي كەڭەستىڭ فۋنكتسيانى اتقارۋ نىساناسىن، ءادىسىن، تالاپتارىن ايقىنداپ بەردى، ءبىز ونى جەتە ءتۇسىنىپ، مىقتى يگەرىپ، بورىشتى اناعۇرلىم جىعا تانىپ، دەڭگەيدى ايقىنداپ، سانالىلىقتى كۇشەيتىپ، ساياسيدى يگەرۋ قابىلەتىن، تەكسەرىپ - زەرتتەۋ قابىلەتىن، بۇقارامەن بايلانىس جاساۋ قابىلەتىن، سەلبەسە جۇمىس جۇرگىزۋ قابىلەتىن قۇلشىنا جوعارىلاتۋىمىز كەرەك.

  «ساياسي كەڭەستى ءتۇسىنۋ» − العى شارت، ونىڭ وزەگى − «بىلۋدە»، ءتۇيىنى − ساياسي كەڭەستىڭ سيپاتىن، ورنىن، دۇرىس يگەرىپ، «تىلەكتى توعىستىرۋ، ءادىس - امال كورسەتۋ، كۇش قوسۋ» بارىسىندا ساياسي كەڭەستىڭ فۋنكتسيالىق رولىن جاقسى ساۋلەلەندىرۋدە. جۇڭگو حالقىنىڭ وتانشىل بىرلىكساپ ۇيىمى، جۇڭگو كوممۋنيستىك پارتياسى باسشىلىعىنداعى كوپ پارتيا سەلبەستىگى مەن ساياسي ءماسليحاتتىڭ ماڭىزدى قۇرىلىمى، ەلىمىزدىڭ ساياسي ومىرىندە سوتسياليستىك دەموكراتيانى ساۋلەلەندىرۋدىڭ ماڭىزدى فورماسى بولعان حالىقتىق ساياسي كەڭەس − پارتيا - توپتار مەن ءار سالاداعى ءار ۇلت قايراتكەرلەرىنىڭ دەموكراتيانى ساۋلەلەندىرۋىندەگى، مەملەكەت ىستەرىنە قاتىناسۋىنداعى، ىنتىماقتاسا سەلبەستىك جاساۋىنداعى ماڭىزدى تەكشەسى، ەلىمىز سوتسياليستىك ءماسليحات دەموكراتياسىنىڭ ماڭىزدى ارناسى ءارى ارناۋلى ءماسليحات قۇرىلىمى. ساياسي كەڭەستىڭ سيپاتىن، ورنىن جاپپاي دۇرىس ءتۇسىنۋ جانە يگەرۋ − ساياسي كەڭەس قىزمەتىن جاقسى ىستەپ، ونىڭ فۋنكتسياسىن ويداعىداي اتقارۋدىڭ ارقاۋى. وتە - موتە، شينجياڭدا لاڭكەستىككە قارسى تۇرىپ، ورنىقتىلىقتى قورعاۋدىڭ «ءۇش مەزگىلى قاباتتاسقان» قاتاڭ جاعداي مەن ەكونوميكالىق دامۋدىڭ جاڭا قالپىنا مەڭزەس، قوعام ورنىقتىلىعى مەن ۇزاق ۋاقىتتىق باياندى تىنىشتىقتى جۇزەگە اسىرۋ ۇلتتاردىڭ، سالالاردىڭ، جىكتەردىڭ بەرەكە - بىرلىكتە بولىپ، العا تارتۋىنا توتەنشە ءزارۋ. تۇتاس رايونىمىزداعى ءار دارەجەلى ساياسي كەڭەس ۇيىمدارى وزدەرىنىڭ شينجياڭنىڭ رەفورما، دامۋ، ورنىقتىلىق ىستەرىندەگى فۋنكتسيالىق رولىن جەتە تانىپ، شينجياڭنىڭ ورنىقتىلىق جاعدايىنىڭ ۇزاق ۋاقىتتىلىعىن، كۇردەلىلىگىن، قيان - كەسكىلىگىن جىعا ءتۇسىنىپ، سانالى تۇردە ۇلتتار ىنتىماعىن قورعاۋدىڭ 1 - شەبىندە، بولشەكتەۋگە قارسى تۇرۋ كۇرەسىنىڭ 1 - شەبىندە، تىلەكتى توعىستىرۋ، ءادىس - امال كورسەتۋ، كۇش قوسۋدىڭ 1 - شەبىندە تۇرىپ، «2 - شەپ» دەگەن تانىمدى باتىل جوعالتىپ، «اتى بار، زاتى جوق» مۇشە بولماي، اۆتونوميالى رايون قىزمەتىنىڭ جالپى جاعدايىندا ساياسي كەڭەستىڭ بولەكشە ابزالدىلىعى مەن رولىن جاقسى ساۋلەلەندىرىپ، مىندەت ارقالايتىن ساياسي كەڭەس، قولىنان ءىس كەلەتىن ساياسي كەڭەس بولۋعا، ساياسي كەڭەستىڭ جاۋاپكەرشىلىكتى وتەيتىن مۇشەسى، كادرى بولۋعا قۇلشىنۋى كەرەك.

  «كەڭەسە الۋ» − قابىلەت، ونىڭ ۇيتقىسى − «كەڭەسە الۋدا»، ءتۇيىنى − كەڭەسۋ تانىمىن، ءادىسىن، ماقساتىن دۇرىس يگەرىپ، «تىلەكتى توعىستىرۋ، ءادىس - امال كورسەتۋ، كۇش قوسۋ» ارقىلى ورتاق تانىمدى كۇشەيتۋدە. مۇندا كەڭەسۋ تانىمىنىڭ جەتەكتەۋ رولىنا كوڭىل ءبولۋ ءتيىس، دەموكراتيالى كەڭەسىپ، ءىستى تەڭ دارەجەدە كەڭەسىپ، اقتارىلا اڭگىمەلەسىپ، اركىم ءوز كوزقاراسىن ءبىلدىرىپ، اقىلمەن كەڭەس بەرىپ، زاڭعا، بەلگىلەمەگە ساي ۇسىنىس قويۋ، كوزقاراستى وزگەلەرگە زورلاپ تاڭباۋ، جۇمىستى مايدالاماۋ، فورماشىلدىققا سالىنباۋ؛ كەشىرىمشل، كەڭ قولتىق بولىپ، پارىقتاردى تاستاپ، بىرلىككە ۇمتىلىپ، بارلىق جاقتىڭ ارمان - تىلەگىن دەن قويا تىڭداپ، تۇرلىشە پىكىرلەر مەن ۇسىنىستارعا قۇرمەت ەتۋ؛ كەڭەسۋ ارقىلى ورتاقتىققا تالپىنىپ، كەڭەسۋ ارقىلى جۇمىس تىندىرۋ، كەڭەستە ءوزارا ىقپال ەتىپ، تالقى ارقىلى ءتىل تابىسۋدى كۇشەيتىپ، ەڭ ۇلكەن ورتاق تانىمدى ارتتىرۋعا، ەڭ ۇلكەن ۇيىستىرۋ قۋاتىن قالىپتاستىرۋعا ۇمتىلۋ. كەڭەس فورماسىنىڭ دارەجەسىن جوعارىلاتىپ، ونى ساۋلەلەندىرۋگە كوڭىل ءبولۋ قاجەت. كەڭەسۋ اياسى نەگىزىندە كەڭدىككە قۇلشىنىپ، كەڭەسۋ بارىسىندا شىندىقتى كوزدەپ، كەڭەسۋ دەڭگەيىندە تەرەڭدىككە بويلاپ، كەڭەسۋ ناتيجەسىندە ناقتى بولۋدى كوزدەپ، كوپتىڭ اقىل - پاراساتىن شوعىرلاندىرىپ، باتىل، شىن سويلەۋ، تانىمدى تەرەڭدەتىپ، ۇسىنىستاردى وبيەكتيۆ امالياتقا ساي ەتۋ كەرەك. كەڭەسۋ ءتۇزىمىنىڭ جۇيەگە ءتۇسىرۋ رولىنا كوڭىل ءبولۋ ءتيىس. شەشىم جاساۋدان ىلگەرى جانە شەشىمدى اتقارۋ بارىسىندا كەڭەسۋدەن جازباي، مۇشەلەردىڭ فۋنكتسيانى اتقارۋ، اقىلداسۋ ءماجىلىسى، تەكسەرىپ - زەرتتەۋ، كوزدەن كەشىرۋ، ۇسىنىس جوبانى ءبىر جايلى ەتۋ تۋرالى كەڭەسۋ، قوعام جاعدايىن، جۇرت رايىن بەينەلەۋ سەكىلدى كەڭەسۋ ءتۇزىمىن ورناتىپ، كەمەلدەندىرىپ، ساياسي كەڭەستىڭ فۋنكتسيا ءتۇزىمى قۇرىلىسى مەن مەحانيزمىن جاڭالاۋ قىزمەتىن جاپپاي ىلگەرىلەتىپ، قىزمەتتىڭ عىلميلانۋ دەڭگەيىن ۇزدىكسىز جوعارىلاتۋ كەرەك. ءماسليحات دەموكراتياسىنىڭ ىنتىماقتاستىرۋ رولىنا كوڭىل ءبولۋ قاجەت. حالىقتىق ساياسي كەڭەستە ىنتىماق − بەتالىس، ماقسات، ءماسليحات − شارا، جول، سوندىقتان ىنتىماققا نازار اۋدارىپ، ىنتىماقتى ۇزدىكسىز بەكەمدەپ، ىنتىماقتى قۇلشىنا كەڭەيتىپ، كەڭەسۋ بارىسىن ءوزارا تۇسىنىكتى ارتتىرۋ، يدەيانى بىرلىككە كەلتىرۋ بارىسى، جۇرتتى باۋراۋ جانە ۇيىستىرۋ بارىسى ەتىپ، مۇمكىندىگىنشە ۇلى ىنتىماقتى، ۇلى بىرلىكتى جاقسارتىپ، قۇدىرەتتى وڭ ەنەرگيا توپتاۋ ءتيىس.

  «كەڭەسۋگە شەبەر بولۋ» − ونەر، ونىڭ ۇيتقىسى − «شەبەرلىكتە»، ءتۇيىنى − كەڭەسۋ بۋىندارىن دۇرىس يگەرىپ، «تىلەكتى توعىستىرۋ، ءادىس - امال كورسەتۋ، كۇش قوسۋ» ساپاسى مەن دەڭگەيىن جوعارىلاتۋدا. ساياسي كەڭەس پىكىر بەرىپ، ۇسىنىس قويىپ، رولىن ساۋلەلەندىرۋدە، باستىسى، العا قويعان پىكىرى مەن ۇسىنىستارىنىڭ ساپاسىنا، يكەمدىلىگىنە، كۇردەلى ماسەلەلەردى دۇرىس تانۋعا جانە قىزمەتتەگى كورەگەندىلىگىنە ارقا سۇيەيدى. بەلسەنە، ىرىقتى ورگە تارتىپ، پارتكوم، ۇكىمەت قىزمەتىنەن ۇتىمدى سايكەسۋدى كۇشەيتىپ، پارتيا، ۇكىمەت تاراۋلارى، پارتيا - توپتار، ساياسي كەڭەس مۇشەلەرى سياقتى بارلىق جاقتىڭ پىكىرىن كەڭ كولەمدە توپتاپ، تۇرلىشە ساتىداعى قىزمەت تۇيىندەرىن ءدال يگەرىپ، پارتيا، ۇكىمەت نازار اۋدارعان، بۇقارا كوڭىل بولگەن كەڭەس تاقىرىپتارىن، ۋنيۆەرسال، ستراتەگيالىق، جالپىلىق ماسەلەلەردى تاڭداپ، پىكىر بەرىپ، ۇسىنىس قويۋ، قاجەتتى شاقتا پىكىر بەرىپ، ۇسىنىس قويۋعا، كەڭەس تاقىرىپتارىن ءدال تاڭداۋعا، شەشۋشى بۋىندا باقىلاي بىلۋگە ساقاداي ساي تۇرۋ ءتيىس. تەكسەرىپ - زەرتتەۋ − ۇكىمەت ءىسىن اقىلداسۋدىڭ، كەڭەس بەرۋدىڭ نەگىزى. سالالارداعى مۇشەلەر، پارتيا - توپتار، ساياسي كەڭەستىڭ ارناۋلى كوميتەتتەرى كاسىبي، سالالىق سيپاتى كۇشتى بولۋ ابزالدىلىعىن شىنايى ساۋلەلەندىرىپ، ۇيرەنۋدى كۇشەيتۋگە كوڭىل ءبولىپ، امالياتقا ىشكەرىلەي ارالاسىپ، زەرتتەپ - دالەلدەۋدەن وتكىزۋدى نىعايتىپ، تەكسەرىپ - زەرتتەۋدە فاكتىگە سۇيەنىپ، ءسوز سويلەۋگە، سان - سيفر ارقىلى تالداۋ جاساۋعا قۇلشىنىپ، باعىتتامالىلىعى كۇشتى ۇسىنىس، پىكىر بەرۋگە قۇلشىنۋ كەرەك. ۇكىمەت ءىسىن اقىلداسۋدىڭ، كەڭەس بەرۋدىڭ جەتىستىكتەرىنەن ناقتى پايدالانۋ جانە ونى تياناقتاندىرۋ مەحانيزمىن جاقسارتىپ، ارناۋلى تاقىرىپتا مالىمەت بەرۋ، ساياسي كەڭەس ينفورماتسياسى، جينالىستا ءسوز سويلەۋ، اقپاراتتىق حابار جاريالاۋ سەكىلدى الۋان ءتۇرلى جولدار ارقىلى جەتىستىكتى ناقتىلاندىرىپ، پىكىر - ۇسىنىستاردىڭ بەتالىسى، تياناعى، ناتيجەسى بولۋعا كەپىلدىك ەتۋ كەرەك.

  «ساياسي كەڭەستى ءتۇسىنۋ، كەڭەسە الۋ، كەڭەسۋگە شەبەر بولۋ» − ساياسي كەڭەس قۇرىلىسى جونىندەگى ماڭىزدى يدەيا، «تىلەكتى توعىستىرۋ، ءادىس - امال كورسەتۋ، كۇش قوسۋ» − ساياسي كەڭەس فۋنكتسياسىن اتقارۋ جونىندەگى ناقتى تالاپ. ساياسي كەڭەستىڭ ءار الۋان فۋنكتسيا قيمىلدارىندا «ساياسي كەڭەستى ءتۇسىنۋ، كەڭەسە الۋ، كەڭەسۋگە شەبەر بولۋ» ماڭىزدى يدەياسىنا قاراي بوي تۇزەۋ، «تىلەكتى توعىستىرۋ، ءادىس - امال كورسەتۋ، كۇش قوسۋ» تالابى بوينشا ناتيجە جاراتۋ كەرەك. ءبىز مۇشەلەر قوسىنى، ساياسي كەڭەس ورگانى قوسىنى، ساياسي كەڭەستىڭ ارناۋلى كوميتەتتەرى، سالالار، پارتيا - توپتار، نەگىزگى ساتى ساياسي كەڭەستەرى سىندى جاقتاردىڭ رولىن تولىق ساۋلەلەندىرىپ، مۇشەلىك تانىمدى، ساياسي كەڭەس تانىمىن، جاۋاپكەرشىلىك تانىمىن ورناتىپ، «ۇشتە قاتاڭ، ۇشتە شىنايى بولۋ»، «تورتتە تەگەۋرىندى بولۋ»، «ءۇش قابىلەت» ولشەمى بويىنشا ءار ۇلت قاۋىمىنىڭ ءار سالانىڭ اقىل - پاراساتىن شوعىرلاندىرىپ، كۇش - قۋات ۇيىستىرىپ، بۇرىلىس، وزگەرىس جاساۋ، مىندەتتى باتىل ارقالاۋداي رۋحپەن، تاسقىنداعان جىگەرمەن ساياسي كەڭەس قىزمەتىنىڭ جاڭا جاعدايىن جاراتۋىمىز كەرەك!

  مۇشەلەر، ءبىزدىڭ ىستەرىمىز ايبىندى دا ابىرويلى، بورىشىمىز جاپالى دا داڭقتى. ءبىز شي جينپيڭ جولداس باس شۋجيى بولعان پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، اۆتونوميالى رايوندىق پارتكومنىڭ پارمەندى باسشىلىعىندا، كەلەلى تاپسىرمانى ارقالاپ، تىلەك پەن بىلەكتى توعىستىرىپ، قايراتتانا العا ۇمتىلىپ، كورىكتى شينجياڭدى گۇلدەندىرۋدىڭ، وتان ارمانىن بىرگە ورىنداۋدىڭ جاڭا داستانىن جازۋعا تىڭ دا اناعۇرلىم زور ۇلەس قوسايىق! «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.