- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايوندىق حالىق قۇرىلتايى تۇراقتى كوميتەتىنىڭ قىزمەتىنەن بايانداما
شينجياڭ ۇيعۇر اۆتونوميالى رايوندىق 12 - كەزەكتى حالىق قۇرىلتايىنىڭ 4 - ماجىلىسىندە 2016 - جىلى 13 - قاڭتاردا جاسالدى
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى نايىم ياسىن
2016.01.22 16:36 كەلۋ قاينارى : ءتاڭىرتاۋ تورابى
نايىم ياسىن اۆتونوميالى رايوندىق 12 - كەزەكتى حالىق قۇرىلتايىنىڭ 4 - ماجىلىسىندە حالىق قۇرىلتايى تۇراقتى كوميتەتىنىڭ قىزمەتىنەن بايانداما جاساۋدا
ۋاكىلدەر:
مەن اۆتونوميالى رايوندىق حالىق قۇرىلتايى تۇراقتى كوميتەتىنىڭ تاپسىرۋىمەن ماجىلىسكە قىزمەتتەن بايانداما جاسايمىن، قاراپ شىعۋلارىڭىزدى سۇرايمىن.
وتكەن ءبىر جىلدا، اۆتونوميالى رايوندىق حالىق قۇرىلتايىنىڭ تۇراقتى كوميتەتى ورتالىقتىڭ شينجياڭدى جونگە سالۋ ستراتەگياسى مەن اۆتونوميالى رايوندىق پارتكومنىڭ شەشىمدەرىن، ورنالاستىرۋلارىن باتىل دايەكتى تياناقتاندىرىپ، پارتيا باسشىلىعىنىڭ، حالىقتىڭ قوجا بولۋىنىڭ جانە مەملەكەتتى زاڭ بويىنشا جونگە سالۋدىڭ جاندى بىرلىگىندە تاباندى بولىپ، اۆتونوميالى رايوندىق پارتكومنىڭ پارمەندى باسشىلىعىندا، «ءتورتتى جاپپاي ورىنداۋ» ستراتەگيالىق ورنالاستىرۋى مەن قوعام ورنىقتىلىعى، باياندى تىنىشتىق سىندى باس نىسانانى ارقاۋ ەتىپ، ءار دارەجەلى حالىق قۇرىلتايى ۇيىمى مەن ءار ۇلت حالىق ۋاكىلدەرىنە تىعىز سۇيەنىپ، زاڭمەن باسقارىلاتىن شينجياڭ قۇرىلىسىن حالىق قۇرىلتايى قىزمەتىنىڭ تياناعى جانە شىعار ءتۇيىنى ەتىپ، بورىشتى ەستە بەرىك ساقتاپ، مىندەتتى بەلسەندىلىكپەن اتقارىپ، ءتۇرلى قىزمەتتەردە ۇزدىكسىز تىڭ ىلگەرىلەۋشىلىكتەرگە قول جەتكىزىپ، اۆتونوميالى رايوننىڭ رەفورما، دامۋ، ورنىقتىلىق ىستەرىنە كەپىلدىك ەتۋگە جانە ونى جەبەۋگە ماڭىزدى ۇلەس قوستى.
ءبىر جىلدان بەرى، تۇراقتى كوميتەت شينجياڭدى زاڭمەن جونگە سالۋدان جازباي، رەفورما جاساۋعا، جاڭالىق اشۋعا، ىرىقتىلىقپەن ىسكە كىرىسۋگە تاباندى بولىپ، مىناداي قىزمەتتەردى كورنەكتى تۇردە مىقتى ۇستادى:
شينجياڭدى زاڭمەن باسقارۋدى كورنەكتىلەندىرىپ، ءتۇيىندى سالالاردا زاڭ شىعارۋدى كۇشەيتتى. ۇلتتار ىنتىماعى − شينجياڭداعى ءار ۇلت حالقىنىڭ جان تامىرى. اۆتونوميالى رايوندىق پارتكوم جوعارى دەڭگەيدە جوبا جاساۋعا تاباندى بولىپ، ۇلتتار ىنتىماعى، العاباسارلىعى قىزمەت ەرەجەسىن ءتۇيىندى قىزمەت رەتىندە ورنالاستىرىپ جانە وعان كوپ رەت جەتەكشىلىك ەتىپ، ەرەجەنى جاساۋعا ماڭىزدى نەگىز ازىرلەدى. جاڭ چۇنشيان شۋجيدىڭ ناقتى كوڭىل بولۋىندە، ەرەجەنىڭ جاسالۋىندا ورتالىقتىڭ شينجياڭ قىزمەتىن سايكەستىرۋ گرۋپپاسىنىڭ، مەملەكەتتىك حالىق قۇرىلتايى تۇراقتى كوميتەتىنىڭ قامقورلىعىنا، جەتەكشىلىگىنە دە يە بولدى. تۇراقتى كوميتەت ورتالىقتىڭ، اۆتونوميالى رايوندىق پارتكومنىڭ شەشىمدەرى مەن ورنالاستىرۋلارىن مۇقيات دايەكتى تياناقتاندىرىپ، ۇلتتار ىنتىماعىن جەبەۋدى ستراتەگيالىق، نەگىزدىك، ۇزاق بولاشاقتىق شارا رەتىندە قاراپ، اۆتونوميالى رايوننىڭ ۇلتتار ىنتىماعى، العاباسارلىعى قىزمەت ەرەجەسىن زاڭ شىعارۋ قىزمەتىندەگى ەڭ ماڭىزدىنىڭ ماڭىزدىسى رەتىندە قاراپ، بار كۇشتى جۇمساپ، بەلسەنە ىلگەرىلەتتى. ەرەجەدە پارتيانىڭ ۇلت ساياساتىن ىشكەرىلەي دايەكتىلەندىرىپ، ورتالىقتىڭ، اۆتونوميالى رايوندىق پارتكومنىڭ شينجياڭدى جونگە سالۋداعى، بيلىك جۇرگىزۋدەگى كەلەلى ساياسي دارىپتەمەلەرىن كورنەكتىلەندىرىپ، ج ك پ اۆتونوميالى رايوندىق 8 - قۇرىلتايىنان بەرگى جاڭا يدەيالاردى، جاڭا شارالاردى جاپپاي تياناقتاندىرىپ، ۇلتتار ىنتىماعى، العاباسارلىعى قىزمەتىن تىڭعىلىقتى ىستەۋدىڭ ءتۇبىرلى پرينسيبىن مىقتى يگەرىپ، شينجياڭدى جونگە سالۋ تاجىريبەلەرىن قورىتىندىلاۋعا جانە امالياتتىڭ ەڭ جاڭا تابىستارىن قابىلداۋعا ءمان بەرىپ، ماسەلەنى كوزدەۋدەن جانە زاڭمەن جونگە سالۋ رۋحىنان جازباي، بۇكىل قوعامنىڭ ورتاق جاۋاپكەرلىگىن كۇشەيتىپ، شينجياڭدى جونگە سالۋدىڭ امالياتتىڭ تەكسەرۋىنەن وتكەن ءونىمدى شارالارىن، تيپتىك تاجىريبەلەرىن، ءمورال ولشەمدەرىن، اۋىل ەرەجەسىن جانە بۇقارانىڭ اقىل - پاراساتىن بۇكىل قوعام بىرگە بويسۇناتىن ارەكەت ولشەمىنە اينالدىردى. ەرەجەنىڭ بەلگىلەنۋى اۆتونوميالى رايوننىڭ ءدىن ىستەرى ەرەجەسىنەن كەيىنگى ورتالىقتىڭ شينجياڭدى جونگە سالۋ ستراتەگياسىن تياناقتاندىرىپ، زاڭمەن باسقارىلاتىن شينجياڭ قۇرىلىسىن ىلگەرىلەتۋدەگى زاڭمەن جونگە سالۋدىڭ تاعى ءبىر ماڭىزدى امالياتى سانالادى. سونىمەن بىرگە، «ۇشقارىلىقتى الاستاۋ» بويىنشا زاڭ شىعارۋ جونىندەگى زەرتتەۋدى بەلسەنە ورىستەتىپ، ماڭىزدى ىلگەرىلەۋشىلىككە قول جەتكىزدى. مەملەكەت لاڭكەستىككە قارسى تۇرۋ جونىندەگى زاڭ شىعارۋدان ىلگەرى، لاڭكەستىككە قارسى تۇرۋ زاڭىن اتقارۋ ءادىسىن دايىنداۋ قىزمەتىن الدىن الا باستادى. ۇرىمجىدەگى الەۋمەتتىك ورىنداردا جيلىباپ كيۋدى شەكتەۋ بەلگىلەمەسى، شاپشال سىبە اۆتونوميالى اۋدانىنىڭ ءدىني جاراسىمدىلىقتى جەبەۋ ەرەجەسى سياقتى زاڭ - ەرەجەلەردى دەر كەزىندە تەكسەرىپ ماقۇلداپ، لاڭكەستىككە قارسى تۇرىپ، ورنىقتىلىقتى قورعاۋعا زاڭدىق نەگىز ازىرلەندى.
زاڭمەن باسقارۋ ارقىلى جەتەكتەۋدى كورنەكتىلەندىرىپ، زاڭدىق باقىلاۋدا جاڭالىق اشتى. تۇراقتى كوميتەتتىڭ ءداستۇرلى زاڭدىق باقىلاۋ تاسىلىنە وزگەرىس جاساپ، نەگىزگى ساتى حالىق قۇرىلتايلارى مەن ءار دارەجەلى حالىق قۇرىلتايى ۋاكىلدەرىنىڭ شينجياڭدى زاڭمەن باسقارۋ قۇرىلىسىنداعى تۇلعالىق رولىن، ءتىپتى، تولىق ساۋلەلەندىردى، تۇراقتى كوميتەت ءۇرتىس 3 جىل «زاڭدى دەلو مىسالدارىمەن ءتۇسىندىرۋ» جۇمىسىن جۇرگىزىپ، زاڭمەن باسقارۋ ۇگىت ماتەريالدارىن جانە وپتيكالىق تاباقشا دايىنداپ، ۋاكىلدەردىڭ زاڭدىق ءبىلىمىن جوعارىلاتۋ ارقىلى زاڭدىق باقىلاۋ تانىمىن ءوسىردى. «شينجياڭ حالىق قۇرىلتايى» جۋرنالىندا زاڭمەن باسقارۋ ۇگىت شەبىن قۇرىپ، ءۇنحات تەكشەسىن قۇرىپ زاڭمەن باسقارۋ ۇگىتى تەرەزەسىن اشتى. اقپار جاريالاۋ، تەلەۆيزوردا سۇحبات بەرۋ، گازەت - جۋرنالدا ارناۋلى سۇحبات بەرۋ، ينتەرنەتتە ىقپالداستىق جاساۋ ارقىلى ءدىن ىستەرى ەرەجەسى سياقتى زاڭ - ەرەجەلەرگە ىشكەرىلەي تۇسىنىك بەرىپ، زاڭدىق باقىلاۋ ورەسىن ءوسىردى. نەگىزگى ساتىداعى زاڭمەن باسقارۋ تانىمىن جەبەۋ، زاڭدىق باقىلاۋ ونىمدىلىگىن جاقسارتۋ ءۇشىن، تۇراقتى كوميتەت كەڭسەسى نەگىزگى مەديالارمەن سەلبەسىپ، نەگىزگى ساتى حالىق قۇرىلتايلارىنىڭ، نەگىزگى ساتى حالىق ۋاكىلدەرىنىڭ زاڭعا باعىنۋ، زاڭعا بويسۇنۋ، زاڭدى ۇگىتتەۋ، زاڭدىق باقىلاۋ بارىسىنداعى ۇنامدى العاشقى ماتەريالدارىن بەلسەندى تاۋىپ شىعىپ، «شينجياڭدى زاڭمەن باسقارۋ. تيانشانعا ساپار» سياقتى بۇقارا ۇناتاتىن تاسىلدەر ارقىلى نەگىزگى ساتىنى، الەۋمەتتىك اۋماقتاردى ارالاپ، «5 كىلت» قىزمەت تالابىن تياناقتاندىرىپ، دۇرىس سەنىم ارقىلى ءدىني ۇشقارىلىقتىڭ ءورىسىن تارىلتۋعا، مادەنيەت ارقىلى ءدىني ۇشقارىلىققا توسقاۋىل قويۋعا، زاڭ ارقىلى ءدىني ۇشقارىلىقتى تەجەۋگە تاباندى بولىپ، ءدىن ىستەرى ەرەجەسى مەن نەكە زاڭى سياقتىلاردى زاڭدىق باقىلاۋدىڭ باستى مازمۇنى ەتىپ، ۇشقارىلىقتى الاستاۋ ۇگىت - تاربيەسىن باستان - اياق ءسىڭىرىپ، نەگىزگى ساتىداعى زاڭمەن جونگە سالۋ قۇرىلىسىن، اۋىل - قىستاق، الەۋمەتتىك اۋماقتاعى نەگىزگى ساتى كادرلارى مەن ءار دارەجەلى حالىق قۇرىلتايى ۋاكىلدەرىنىڭ رول اتقارۋىن قىزمەت ءتۇيىنى ەتىپ، جۇرت ۇناتاتىن ءتاسىلدى دانەكەر ەتىپ، سۇحباتتاسۋ، ىقپالداستىق جاساۋ، ءوز تاجىريبەلەرىمەن زاڭ ءتۇسىندىرىپ، زاڭمەن جونگە سالۋدا، باقىلاۋدا جاڭالىق اشۋدى داعدىعا اينالدىرۋدى، بۇقاراعا جاناسۋدى، ناقتى ناتيجەگە قول جەتكىزۋدى ىلگەرىلەتتى. وتكەن جىلى ىلگەرىندى - كەيىندى ءۇرىمجى، سانجى، ىلە، قاشقار سياقتى 6 ايماق - وبلىستا كولەمدى تىكە تاراتۋ قيمىلى وتكىزىلىپ، ونى بۇكىل شينجياڭنان 3 ميلليون ادام (رەت) راديودان ەستىپ، ينتەرنەتتەن قاراپ، زاڭ ۇگىتتەۋدىڭ جانە زاڭدىق باقىلاۋدىڭ ءبىرشاما تاماشا ونىمدىلىگىنە قول جەتتى.
اۋداندىق، اۋىلدىق حالىق قۇرىلتايلارىنىڭ رولىن ساۋلەلەندىرۋ كورنەكتىلەنىپ، ءار دارەجەلى حالىق قۇرىلتايلارىنىڭ قىزمەت مىندەتتەرىن اتقارۋ دەڭگەيى جوعارىلادى. اۋداندىق، اۋىلدىق حالىق قۇرىلتايى مەملەكەت بيلىگىنىڭ ماڭىزدى نەگىزى، نەگىزگى ساتىدا دەموكراتيانى جۇزەگە اسىرۋدىڭ ءونىمدى ءتاسىلى ءارى حالىق قۇرىلتايى قىزمەتىندەگى ءالسىز بۋىن. شينجياڭنىڭ زاڭمەن جونگە سالۋ جاڭا جاعدايىنا، جاڭا مىندەتتەرىنە جانە جاڭا تالاپتارىنا مەڭزەس، تۇراقتى كوميتەت اۋداندىق، اۋىلدىق حالىق قۇرىلتايى قىزمەتى مەن قۇرىلىسىن كۇشەيتۋدى «نەگىزگى ساتىنى ماڭىزدى ورىنعا قوياتىن» شينجياڭدى جونگە سالۋ يدەياسىن تياناقتاندىرۋدىڭ ماڭىزدى تۇتقاسى ەتىپ، ورتالىقتىڭ 2015 - جىلعى 18 - ءنومىرلى حۇجاتى مەن اۆتونوميالى رايوندىق پارتكومنىڭ 2010 - جىلعى 16 - ءنومىرلى حۇجاتىنىڭ رۋحىن دايەكتى تياناقتاندىرۋدى تىعىز توڭىرەكتەي، نەگىزگى ساتىمەن ىشكەرىلەي ارالاسىپ، ارناۋلى نىسان بويىنشا تەكسەرۋ - زەرتتەۋ جۇرگىزىپ، جارقىن تۇيىندەردى بايقاپ، ماسەلەلەردى تاۋىپ، حالىق قۇرىلتايى قىزمەتىن كۇشەيتۋ جانە جاقسارتۋ جونىندە ۇسىنىس ورتاعا قويىپ، «اۆتونوميالى رايوندىق حالىق قۇرىلتايى تۇراقتى كوميتەتىنىڭ پارتيا باسشىلىق گرۋپپاسىنىڭ اۋداندىق، اۋىلدىق حالىق قۇرىلتايلارى قىزمەتى مەن قۇرىلىسىن كۇشەيتۋ جونىندەگى اتقارۋ پىكىرىن» بەلگىلەدى، اۆتونوميالى رايوندىق پارتكوم بۇعان ايرىقشا ءمان بەرىپ، دەر كەزىندە قارادى جانە تاراتتى. اۆتونوميالى رايوندىق پارتكوم شينجياڭدى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ تۇرعىسىنان شينجياڭدى زاڭمەن جونگە سالۋدى، زاڭمەن جونگە سالىناتىن شينجياڭ قۇرۋدى جاپپاي ىلگەرىلەتۋ تۇرعىسىنان كۇشتەردى كەڭىنەن توپتاۋ، قوعام ورنىقتىلىعى مەن باياندى تىنىشتىقتى قورعاۋ تۇرعىسىنان پارتكومنىڭ حالىق قۇرىلتايى قىزمەتى جونىندەگى ءماجىلىسىن ارناۋلى اشتى. ماجىلىسكە قاتىناسۋشىلاردىڭ كولەمى تۇڭعىش رەت اۋداندىق، قالالىق، رايوندىق پارتكومداردىڭ شۋجيلەرىنە، تۇراقتى كوميتەتتەرىنىڭ مەڭگەرۋشىلەرىنە دەيىن كەڭەيىپ، ءار دارەجەلى حالىق قۇرىلتايلارىن جانە ولاردىڭ تۇراقتى كوميتەتتەرىن ايرىقشا جىگەرلەندىردى. ءماجىلىس پارتيانىڭ حالىق قۇرىلتايى قىزمەتىنە دەگەن باسشىلىعىن ونان ارى كۇشەيتۋ، ءار دارەجەلى حالىق قۇرىلتايلارىنىڭ جانە ولاردىڭ تۇراقتى كوميتەتتەرىنىڭ فۋنكتسيالىق رولدارىن تولىق ساۋلەلەندىرۋ، اۋداندىق، اۋىلدىق حالىق قۇرىلتايىنىڭ ۇيىمدىق ءتۇزىمى مەن قىزمەت مەحانيزمىن كەمەلدەندىرۋ سياقتىلارعا جان - جاقتى ورنالاستىرۋ جاسادى، بۇل حالىق قۇرىلتايى قىزمەتىن جاپپاي كۇشەيتۋدە كەلەلى جەتەكشىلىك ءمان الادى.
رەفورما جاساۋدى، جاڭالىق اشۋدى كورنەكتىلەندىرىپ، اۆتونوميالى رايوندىق پارتكوم تاپسىرعان ماڭىزدى مىندەتتەردى مۇقيات ورىندادى. رەفورمانى جاپپاي تەرەڭدەتۋ شينجياڭنىڭ ەكونوميكالىق، قوعامدىق دامۋىنىڭ ەڭ قۇدىرەتتى قوزعاۋشى كۇشى. تۇراقتى كوميتەت جالپى جاعدايعا سانالى تۇردە قىزمەت ەتىپ، بەلسەندى، ىرىقتى تۇردە قيمىلداپ، كەلەلى رەفورما شارالارىن تياناقتاندىرۋدى ىلگەرىلەتۋدى حالىق قۇرىلتايى قىزمەتىنىڭ ماڭىزدى ءتۇيىنى ەتتى. ۇكىمەتتىڭ اكىمشىلىكتى ىقشامداپ، ۇقىقتى تومەنگە بەرۋ قىزمەتى جاعدايىنان جاساعان ارناۋلى بايانداماسىن تىڭداپ جانە قاراپ، ۇكىمەتتى قىزمەت سەرپىنىن ارتتىرىپ، قىزمەت ورنالاستىرۋلارىن كۇشەيتىپ، اكىمشىلىكتى ىقشامداپ، ۇقىقتى تومەنگە بەرۋدىڭ «التىن قۇرامىن» ونان ارى جوعارىلاتىپ، شينجياڭدى تەكسەرىپ - بەكىتەتىن ىستەرى ەڭ از، تەكسەرىپ - بەكىتۋ ونىمدىلىگى ەڭ جوعارى، قىزمەت كورسەتۋ ساپاسى ەڭ تاماشا ولكە - رايونداردىڭ بىرىنە اينالدىرۋعا قۋزادى. ۇكىمەتتىڭ ارالاس مەنشىكتەگى شارۋاشىلىقتىڭ دامۋ جاعدايىنان جاساعان بايانداماسىن تىڭداپ جانە قاراپ، ۇكىمەتتى ءتۇزىلىس، مەحانيزم كەدەرگىلەرىن جويىپ، مەملەكەت يەلىگىندەگى كاسىپورىنداردىڭ ارالاس مەنشىك ءتۇزىمى جونىندەگى رەفورمالارىن بەلسەندى، تىڭعىلىقتى ىلگەرىلەتىپ، ۇكىمەت پەن قوعامدىق كاپيتالداردىڭ سەلبەستىگىن بار كۇشپەن ىلگەرىلەتىپ، ارالاس مەنشىكتەگى شارۋاشىلىقتىڭ دامۋىنا تاماشا جاعداي قالىپتاستىرۋعا قۋزادى. اۆتونوميالى رايونداعى ۇكىمەتتىك شيپاحانالار رەفورماسىنىڭ جاعدايى جونىندە تەكسەرىپ - زەرتتەۋ جۇرگىزىپ، ۇكىمەتتەردى دۇرىس بەتالىستان جازباي، جوعارى دەڭگەيدە جوبالاۋدى كۇشەيتىپ، ورنىقتى تولەم بەرۋ مەحانيزمىن قۇرىپ جانە كەمەلدەندىرىپ، «ءدارى - دارمەك ارقىلى شيپاحانانى اسىرايتىن» جاعدايدى جويىپ، دارەجەگە ءبولىپ دياگنوز قويۋ، ەمدەۋ ءتۇزىمى قۇرىلىسىن جەدەلدەتىپ، حالىق بۇقاراسىن اۋرۋ كورسەتۋ، دەنساۋلىعىن قامتاماسىز ەتۋ جاعىندا رەفورما جەمىستەرىنەن ءتىپتى دە مول يگىلىكتەندىرۋگە قۋزادى. جاڭا جاعدايداعى جەرگىلىكتى ورىنداردىڭ زاڭ شىعاۋ قىزمەتىن ونان ارى كۇشەيتۋ جانە جاقسارتۋ جونىندەگى پىكىردى ازىرلەپ، زاڭ - ەرەجە جوبالارىن كوپ جاق ازىرلەۋ مەحانيزمىن قۇرۋ جونىندە ىزدەنىس جاساپ، ولشەمدى حۇجاتتاردى ارحيۆتە ساقتاۋدى تەكسەرۋ مەحانيزمىن كەلەمدەندىرىپ، اۆتونوميالى رايونداعى ءار دارەجەلى حالىق قۇرىلتايى تۇراقتى كوميتەتتەرىنىڭ ماڭىزدى ىستەردى اقىلداسۋ جانە وعان شەشىم جاساۋ بەلگىلەمەسىن (جوبا) اقىلداسىپ بەلگىلەپ، حالىق قۇرىلتايى قىزمەتىنىڭ مەحانيزمدىك جاقتان كەمەلدەنۋىن ىلگەرىلەتتى.
اۆتونوميالى رايوندىق پارتكومنىڭ ءبىر تۇتاس ورنالاستىرۋى بويىنشا، حالىق قۇرىلتايىنىڭ تۇراقتى كوميتەتى ءبىر ءبولىم باسشىلاردى شىعارىپ، اۆتونوميالى رايوندىق پارتكومنىڭ قۋزاۋ - جەتەكشىلىك ەتۋ گرۋپپاسىنا قاتىناستىرىپ، ءتۇيىندى قىزمەتتەرگە قۋزاۋ - جەتەكشىلىك ەتۋدى كۇشەيتىپ، ورتالىق پەن اۆتونوميالى رايوننىڭ ماڭىزدى شەشىمدەرى مەن ورنالاستىرۋلارىنىڭ دايەكتى تياناقتانۋىن ىلگەرىلەتتى؛ تۇراقتى كوميتەتتىڭ ءبىر ءبولىم باسشىلارى اۆتونوميالى رايوننىڭ ءتۇيىندى نىساندار قۇرىلىسىن سايكەستىرە ىلگەرىلەتۋ قىزمەتىنە ات سالىسىپ، نىسان اياق الىسىن تەزدەتىپ، ەكونوميكالىق ارتۋدى جەبەۋگە كۇش قوستى. تۇراقتى كوميتەت تاعى ۋاقىت تىعىز، مىندەت اۋىر، قيىنشىلىق كوپ جاعدايدا، بەلسەندىلىكپەن حالىق سارايىن جوندەۋ مىندەتىن ۇستىنە الىپ، اۆتونوميالى رايون قۇرىلعاندىعىنىڭ 60 جىلدىق مەرەي تويىنىڭ نەگىزگى ءماجىلىس ورنىنىڭ دەر كەزىندە ىسكە قوسىلۋىنا كەپىلدىك ەتتى.
تۇراقتى كوميتەت اتالعان ءتۇيىندى قىزمەتتەردى مىقتى يگەرۋمەن بىرگە، نەگىزگى زاڭ مەن زاڭدار جۇكتەگەن مىندەتتەردى جاپپاي اتقارىپ، ءتۇرلى قىزمەتتە تىڭ ىلگەرىلەۋشىلىككە، جاڭا تابىسقا قول جەتكىزدى.
ءبىرىنشى، زاڭمەن جونگە سالىناتىن شينجياڭ قۇرىلىسىمەن تىعىز بىرلەستىرىپ، زاڭ شىعارۋ ساپاسىندا تىڭ ىلگەرىلەۋشىلىككە قول جەتكىزدى
تۇراقتى كوميتەت زاڭ شىعارۋ زاڭىن مۇقيات دايەكتىلەندىرىپ، زاڭ شىعارۋ يدەياسىن زاڭ بويىنشا ورناتىپ، جەرگىلىكتى زاڭ شىعارۋدى بەلسەندىلىكپەن كۇشەيتىپ، رايونعا بولىنگەن قالالاردىڭ، اۆتونوميالى وبلىستاردىڭ زاڭ شىعارۋ قىزمەتىنە جەتەكشىلىك ەتىپ، زاڭمەن باسقارىلاتىن شينجياڭ قۇرۋدىڭ نەگىزىن بەكەمدەدى. ءبىر جىلدان بەرى، 16 زاڭ - ەرەجەنى قاراپ ماقۇلداپ، تەكسەرىپ - بەكىتتى. قوعامنان زاڭ شىعارۋ نىساندارى جونىندە اشىق پىكىر جيناپ، اۆتونوميالى رايوننىڭ «13 - بەسجىلدىق» دامۋ جوسپارىمەن تىعىز ۇشتاستىرىپ، اۆتونوميالى رايوننىڭ 2016 - 2020 - جىلعا دەيىنگى 5 جىلدىق زاڭ شىعارۋ جوسپارىن جاسادى. جەرگىلىكتى زاڭ شىعارۋ ىستەرىنىڭ 12 - رەتكى مەملەكەتتىك تالقى ءماجىلىسىنىڭ رۋحىن مۇقيات دايەكتى تياناقتاندىرىپ، زاڭ شىعارۋ قىزمەتىن كۇشەيتۋ بويىنشا ماڭىزدى ارناۋلى تاقىرىپ تۇرعىزىپ، اۆتونوميالى رايوندىق پارتكومنىڭ زەرتتەۋىنە ۇسىنىپ، بۇكىل رايوننىڭ زاڭ شىعارۋ قىزمەتىن ىلگەرىلەتتى.
مەملەكەتتىك حالىق قۇرىلتايى تۇراقتى كوميتەتىنىڭ نەگىزگى زاڭ الدىندا سەرت بەرۋ ءتۇزىمىن اتقارۋ جونىندەگى بەلگىلەمەسىن ىشكەرىلەي دايەكتى تياناقتاندىرىپ، اۆتونوميالى رايوننىڭ ناقتى ءادىسىن دەر كەزىندە شىعارىپ، نەگىزگى زاڭ الدىندا سەرت بەرۋگە ۇيلەسەتىن كولەم مەن سەرت بەرۋ قيمىلىن ۇيىمداستىراتىن ورگانداردى، ۇيىمدىق فورمانى ايقىندادى. وزگەرىس ەنگىزىلگەن اۆتونوميالى رايوننىڭ قالا - اۋىلداردى جوبالاۋ زاڭىن اتقارۋ ادىسىندە ءىشىنارا اكىمشىلىك بەكىتۋ ىستەرى جونىنەن ۇكىمەت ءىسىن قاراپايىمداستىرىپ، ۇقىقتى تومەنگە ءتۇسىرۋ ءتۇيىن ەتىلىپ، ۇكىمەت باسقارۋىندا جاڭالىق اشۋ مەن ونى جاقسارتۋعا ءتيىمدى بولىپ، اكىمشىلىك باسقارۋ اينالىمىن ابزالداندىرىپ، بازاردى باقىلاپ - باسقارۋدى شىنايى كۇشەيتىپ، ءادىل باسەكەلەسەتىن بازار ورتاسى جاراتىلدى. وزگەرىس ەنگىزىلگەن اۆتونوميالى رايوننىڭ ءتىل - جازۋ قىزمەت ەرەجەسى ءتىل - جازۋ قىزمەتى جونىنەن اۆتونوميالى رايون ەكونوميكاسىنىڭ، قوعامىنىڭ دامۋىنا جانە جۇرتشىلىقتىڭ وندىرىسىنە، تۇرمىسىنا ءتىپتى دە تاماشا قىزمەت وتەۋدى جەبەۋدە، ۇلتتار ىنتىماعى مەن قوعام جاراسىمدىلىعىن ىلگەرىلەتۋدە ماڭىزدى رول اتقاردى. زاڭ شىعارۋ قيمىلىن اناعۇرلىم ارناعا ءتۇسىرۋ، زاڭ شىعارۋ ساپاسىن جوعارىلاتۋ ءۇشىن، جەرگىلىكتى زاڭ شىعارۋعا جەتەكشىلىك ەتۋ جانە ىلگەرىلەتۋ رولىن ءتىپتى دە ساۋلەلەندىردى. تۇراقتى كوميتەت اۆتونوميالى رايوندىق حالىق قۇرىلتايىنىڭ جانە ونىڭ تۇراقتى كوميتەتىنىڭ زاڭ شىعارۋ ەرەجەسىنە وزگەرىس ەنگىزدى ءارى وسى رەتكى ءماجىلىستىڭ قاراپ شىعۋىنا ۇسىندى.
تۇراقتى كوميتەت زاڭ شىعارۋعا جەتەكشىلىك ەتۋ رولىن ساۋلەلەندىرۋگە كوڭىل ءبولىپ، ماڭىزدى زاڭ شىعارۋ نىساندارىن ارناۋلى باسشىلىق گرۋپپا قۇرا وتىرىپ پارمەندى ىلگەرىلەتتى، ماڭىزدى زاڭ - ەرەجە جوبالارى تۇراقتى كوميتەتتىڭ جەتەكشىلىگىندە ۇيىمداستىرىلىپ دايىندالدى. زاڭدى عىلمي شىعارۋ، زاڭدى دەموكراتيالى شىعارۋ قىزمەت مەحانيزمىن بار كۇشپەن كەمەلدەندىرىپ، اۆتونوميالى رايوندىق ساياسي كەڭەسپەن جانە باسقا قوعامدىق ۇيىمدارمەن زاڭ شىعارۋ جونىندە اقىلداسۋدى كۇشەيتىپ، كەڭىنەن ورتاق تانىمعا كەلىپ، زاڭ شىعارۋدىڭ باعىتتامالىلىعىن، قولدانىلمالىلىعىن جانە اتقارۋعا جارامدىلىعىن كۇشەيتىپ، زاڭ شىعارۋ ساپاسىن ونان ارى جاقسارتتى. ازاماتتاردىڭ زاڭ شىعارۋعا ءتارتىپتى تۇردە ات سالىسۋ جولدارىن بەلسەنە كەڭىتىپ، زاڭ شىعارۋ بارىسىن دەموكراتيانى ساۋلەلەندىرۋ، حالىق پاراساتىن شوعىرلاندىرۋ، زاڭمەن جونگە سالۋ ويىن ساۋلەلەندىرۋ، زاڭمەن جونگە سالۋ رۋحىن اسقاقتاتۋ بارىسىنا اينالدىردى.
215 - جىلدىڭ سوڭىنا دەيىن، «12 - بەسجىلدىق» مەزگىلىندە اۆتونوميالى رايوننىڭ زاڭ شىعارۋ جوباسىندا بەلگىلەنگەن زاڭ شىعارۋ مىندەتى تولىعىمەن ورىندالدى، 5 جىلدان بەرى قاراپ ماقۇلدانعان جەرگىلىكتى زاڭ - ەرەجە 40 نۇسقا بولىپ، ءۇرىمجى قالاسىنىڭ، اۆتونوميالى وبلىستاردىڭ، اۆتونوميالى اۋدانداردىڭ بەكىتۋگە ۇسىنعان جەرگىلىكتى زاڭ - ەرەجەلەرى مەن جەكە ەرەجەلەرىنەن 44 نۇسقاسى تەكسەرىپ بەكىتىلدى.
ەكىنشى، ماسەلەنى نىشان ەتۋدەن جازباي، باقىلاۋ قىزمەتىندە تىڭ ىلگەرىلەۋشىلىكتەرگە قول جەتكىزدى
تۇراقتى كوميتەت ورتالىق پەن اۆتونوميالى رايوندىق پارتكومنىڭ كەلەلى شەشىمدەرى مەن ورنالاستىرۋلارىن دايەكتى تياناقتاندىرۋدى ىلگەرىلەتۋدى وزەك ەتىپ، زاڭ - ەرەجەلەردىڭ ءونىمدى اتقارىلۋىنا كەپىلدىك ەتىپ، زاڭ بويىنشا اكىمشىلىك جۇرگىزۋ مەن ادىلەت ادىلدىگىن جەبەپ، باقىلاۋ ۇقىعىن مۇقيات اتقاردى. ءبىر جىلدان بەرى، «ۇكىمەت پەن ەكى مەكەمەنىڭ» 12 قىزمەت مالىمەتىن تىڭداپ جانە قاراپ، 19 رەت زاڭ اتقارۋ تەكسەرۋى مەن تەكسەرىپ - زەرتتەۋ جۇرگىزىپ، ولشەمدى حۇجاتتاردى ارحيۆكە ساقتاۋ، تەكسەرۋ قىزمەتىن كۇشەيتتى.
(1) ەكونوميكانىڭ ورنىقتى، اقاۋسىز دامۋىن جەبەدى. ەكونوميكالىق ارتۋدىڭ باسەڭدەۋ قىسىمىنىڭ كۇشەيۋ جاعدايىنا مەڭزەس، جوسپار، مەجە ەسەپتەردىڭ اتقارىلۋ جاعدايى مەن اۆتونوميالى رايوننىڭ سوڭعى ەسەپتى، مەجە ەسەپتى رەتتەۋ، مەجە ەسەپتى وزگەرتۋ سياقتى جاقتارداعى باياندامالارى مەن قازىنالىق باقىلاۋ قىزمەتى بايانداماسىن دەر كەزىندە تىڭداپ جانە قاراپ، ۇكىمەتتى ەكونوميكالىق دامۋدىڭ جاڭا قالپىنا ىرىقتى تۇردە ۇيلەسۋگە، «ورنىقتىلىق بارىسىندا ىلگەرىلەۋگە، رەفورما جاساۋ، جاڭالىق اشۋ» نەگىزگى اۋەنىندە تاباندى بولىپ، ەكونوميكانىڭ ءۇرتىس، اقاۋسىز دامۋىن ساقتاۋعا قۋزادى. تۇراقتى كوميتەتتىڭ عىلىم - تەحنيكامەن شينجياڭدى كوركەيتۋدى ىلگەرىلەتىپ، دامۋدىڭ قوزعاۋشى كۇشىندە جاڭالىق اشۋدى كۇشەيتۋ قارارىنىڭ اتقارىلۋ جاعدايىن تەكسەرىپ، 2015 - جىلعى ءتۇيىندى نىساندار قۇرىلىسىنىڭ اياق الىسىن كوزدەن كەشىرىپ، اۆتونوميالى رايوننىڭ «13 - بەسجىلدىق» جوباسىن جاساۋ قىزمەتى بويىنشا ارناۋلى تەكسەرىپ - زەرتتەۋ جۇرگىزىپ، ۇكىمەتتى دامۋدىڭ قوزعاۋشى كۇشىندە جاڭالىق اشۋدى كورنەكتىلەندىرۋگە، ماڭىزدى نىسانداردىڭ اياق الىسىن تەزدەتۋگە، دامۋدىڭ ساپاسى مەن ونىمدىلىگىن جوعارىلاتۋعا قۋزادى. اۆتونوميالى رايوننىڭ ساياحات كاسىبى مەن جەمىس ورمانى كاسىبىنىڭ دامۋىن جەبەۋ ءۇشىن، اۆتونوميالى رايوننىڭ ساياحات ەرەجەسىنىڭ اتقارىلۋ جاعدايى بويىنشا زاڭنىڭ اتقارىلۋىن تەكسەرىپ، اۆتونوميالى رايوننىڭ جەمىس ورمان شارۋاشىلىعىنىڭ جۇرگىزىلۋ جاعدايىنا ارناۋلى تەكسەرىپ - زەرتتەۋ جۇرگىزدى.
(2) حالىق تۇرمىسىن شىنايى جاقسارتتى. مىندەتتى وقۋ - اعارتۋ ماڭىزدى حالىق تۇرمىسى ينجەنەرياسى ءارى كەلەلى حالىق تىلەگى ينجەنەرياسى. تۇراقتى كوميتەت اۆتونوميالى رايوننىڭ مىندەتتى وقۋ - اعارتۋ قىزمەتىن باقىلاۋ سەرپىنىن كۇشەيتىپ، ۇكىمەتتى مىندەتتى وقۋ - اعارتۋدى شىنايى تۇردە الدىمەن دامىتىلاتىن ورىنعا قويۋعا، وقىتۋشىلار قوسىنىنىڭ، اسىرەسە، قوس ءتىل وقىتۋشىلارىنىڭ كەمشىل بولۋى، مىندەتتى وقۋ - اعارتۋدى بىركەلكى دامىتۋ مىندەتىنىڭ اۋىر بولۋى سياقتى قيىن ماسەلەلەردى مۇقيات زەرتتەپ، شەشۋگە قۋزادى. ازىق - تۇلىك حاۋىپسىزدىگى زاڭى بويىنشا زاڭنىڭ اتقارىلۋىن تەكسەرۋدە بايقالعان كورنەكتى ماسەلەلەرگە مەڭزەس، ۇكىمەتتى ازىق - تۇلىك حاۋىپسىزدىگىن قوعام جابال جونگە سالاتىن اۋقىمدى جەدەل قالىپتاستىرۋعا، قىزمەت سالماعى، كۇش تومەنگە تۇسىرىلگەن، قامتاماسىز ەتۋ تومەنگە باعىتتالعان قىزمەت مەحانيزمىن ورناتۋعا، ازىق - تۇلىكتى باقىلاۋ - باسقارۋ قىزمەتىندەگى «سوڭعى شاقىرىمدى» جالعاپ، حالىق بۇقاراسىنىڭ «داستارقان حاۋىپسىزدىگىنە» كەپىلدىك ەتۋگە قۋزادى. «جەر سىلكىنىسىنە ءتوزىمدى بەيقۇت ءۇي سالىپ، حالىقتى اۋقاتتاندىرۋ ينجەنەريا قۇرىلىسىن» تاقىرىپ ەتكەن تيانشان قورشاعان ورتانى قورعاۋ قيمىلىن ورىستەتىپ، ۇكىمەتكە جەر سىلكىنىسىنە ءتوزىمدى بەيقۇت ءۇي سالىپ، حالىقتى اۋقاتتاندىرۋ ينجەنەريا قۇرىلىسىنىڭ «31 - بەسجىلدىق» جوباسىن جاساۋ قىزمەتىن تەزدەتۋ، ساياسات، قارجىلىق سۇيەمەلدەۋ سەرپىنىن كۇشەيتىپ، اۋىل - قىستاقتاعى قالىڭ وتباسىلارىنا تيىمدىلىك جاسايتىن وسى ماڭىزدى حالىق تۇرمىسى ينجەنەرياسىن ۇزبەي ىلگەرىلەتۋ جونىندە ۇسىنىس بەردى. تۇراقتى كوميتەت تاعى قوعامدىق قامسىزداندىرۋ زاڭىنىڭ اتقارىلۋ جاعدايىن تەكسەردى.
(3) ەكولوگيالىق وركەنيەت قۇرىلىسىن بار كۇشپەن ىلگەرىلەتتى. تۇراقتى كوميتەت قورشاعان ورتانى الدىمەن ويلاسۋ، ەكولوگياسى تاماشا رايون قۇرۋ ۇستانىمىندا تاباندى بولىپ، «بايلىقتى باياندى اشۋ، ەكولوگيالىق ورتانى باياندى قورعاۋ» ستراتەگيالىق ورنالاستىرۋىن مۇقيات دايەكتىلەندىرىپ، كەن بايلىعى زاڭى مەن اۆتونوميالى رايوننىڭ كەن بايلىعىن باسقارۋ ەرەجەسىنىڭ اتقارىلۋ جاعدايىن تەكسەرىپ، كەن بايلىقتارىن اشۋ بويىنشا قورشاعان ورتانى قورعاۋ جانە وڭاۋ، قالپىنا كەلتىرۋ جاعدايىن كوزدەن كەشىردى. ۇكىمەتتى كەن بايلىقتارىن اشۋ بويىنشا قورشاعان ورتانى وڭاۋ جانە قورعاۋ سەرپىنىن كۇشەيتۋگە، كەن بايلىقتارىمەن باياندى قامتاماسىز ەتۋ قابىلەتىن جوعارىلاتۋعا، كەن بايلىقتارىن ۇنەمدەۋ جانە كەشەندى پايدالانۋ دەڭگەيىن ارتتىرۋعا قۋزاپ، كەن بايلىقتارىن اشىپ - پايدالانۋ مەن قورشاعان ورتانى قورعاۋ قىزمەتىنىڭ بىرتىندەپ جۇيەلەنۋ، زاڭ - ءتۇزىم ارناسىنا تۇسۋىنە مۇمكىندىك جاسادى.
(4) قوعامدىق تۋراشىلدىق پەن ادىلدىكتى قورعادى. قوعامنىڭ اڭىسى كورنەكتى، بۇقارا ءبىرشاما نازار اۋدارعان ادىلەتتىڭ الەۋمەتتىك سەنىمدىلىگى سياقتى ماسەلەلەرگە مەڭزەس، تۇراقتى كوميتەت تولىق تەكسەرىپ - زەرتتەۋ نەگىزىندە، سوت مەكەمەلەرىنىڭ قىلمىستىق ىستەرگە ۇكىم شىعارۋ جانە اكىمشىلىك ۇكىم شىعارۋ قىزمەتى جاعدايىنان جاساعان باياندامالارىن، پروكۋراتۋرانىڭ بۇكىل رايونداعى پروكۋراتۋرا ورگاندارىنىڭ قىلمىستىق جازالاردى اتقارۋدى باقىلاۋ جاعدايىنان جاساعان باياندامالارىن تىڭدادى جانە قارادى. 2 مەكەمەنى قىلمىستىق ءىس بويىنشا ۇكىم شىعارۋ جانە اكىمشىلىك ۇكىم شىعارۋ قىزمەتىن ونان ارى كۇشەيتۋگە جانە جاقسارتۋعا، قىلمىستىق جازانىڭ اتقارىلۋىن باقىلاۋ مەحانيزمىن قۇرۋعا جانە كەمەلدەندىرۋگە، ادىلەت قوسىن قۇرىلىسىن كۇشەيتۋگە، ادىلەتتىڭ ادىلدىگىن جەبەۋگە قۋزادى. حالىق زاسەداتەلى ءتۇزىمى رەفورماسىن جەدەلدەتۋدى، 2 مەكەمەنىڭ سوت جۇمىسىن، پروكۋراتۋرا جۇمىسىن اشىق ۇستاۋدى كەمەلدەندىرۋدى قۋزادى. ۋاكىلدەردى 2 مەكەمەنىڭ 5102 - جىلعى قىزمەتىنىڭ ورىندالۋ جاعدايىن ارناۋلى كوزدەن كەشىرۋگە جالعاستى ۇيىمداستىرىپ، وسى رەتكى ماجىلىستە 2 مەكەمەنىڭ قىزمەت بايانداماسىن قاراۋعا قاجەتتى دايىندىق جاسادى. ورتالىقتىڭ ارىزدانۋ مەن جاعداي ايتۋدى ءبولۋ تۋرالى بەلگىلەمەلەرىن باتىل تياناقتاندىرىپ، ارىز - تالاپ ايتقان بۇقارانى زاڭدىق جولمەن مۇددەلىك تالاپتارىن بەينەلەۋگە بەلسەنە جەتەكتەدى. ءبىر جىلدان بەرى 1360 رەت ارىز - تالاپ قابىلدادى.
تۇراقتى كوميتەت باقىلاۋ ءتاسىلىن جاقسارتۋعا كوڭىل ءبولىپ، باقىلاۋدىڭ ناقتى ناتيجەسىن نىعايتتى. مىندەتتى وقۋ - اعارتۋ ارنايى قىزمەتىنەن باياندامانى تىڭداۋ جانە قاراۋ نەگىزىندە، ارناۋلى تاقىرىپ بويىنشا پىكىر الۋدى ىشكەرىلەي ورىستەتىپ، باقىلاۋ سەرپىنىن كۇشەيتتى. باقىلاۋ بارىسىندا بايقالعان كورنەكتى ماسەلەلەرگە مەڭزەس، قۋزاۋدى، تياناقتاندىرۋدى كۇشەيتىپ، حالىق ۇكىمەتىنىڭ، حالىق سوتى مەكەمەسى مەن حالىق پروكۋراتۋراسىنىڭ قىزمەتتەردى شىنايى جاقسارتۋىن ىلگەرىلەتتى. قازىنالىق باقىلاۋدا بايقالعان كورنەكتى ماسەلەلەردى وڭاۋ، تۇزەتۋ جاعدايىنان ارناۋلى مالىمەت تىڭداپ جانە قاراپ، قازىنالىق باقىلاۋدا رەتتەۋ، تۇزەتۋ قىزمەتىنىڭ تۇزىمدەنۋىن، باياندى بولۋىن جەبەدى. جەردى كوتەرمەگە بەرۋ زاڭىنىڭ جانە اۆتونوميالى رايوننىڭ اتقارۋ ءادىسىنىڭ اتقارىلۋ جاعدايىن تەكسەرۋ ارقىلى قۋزاۋدى، رەتتەۋدى، تۇزەتۋدى كۇشەيتىپ، اۆتونوميالى رايوننىڭ جەردى زاڭ بويىنشا جاپپاي جونگە سالۋىن جەبەدى. كەلەلى ماسەلەلەر، ءتۇيىندى قىزمەتتەر بويىنشا زاڭ اتقارۋدى تەكسەرۋ، تەكسەرىپ - زەرتتەۋ باياندامالارىن دەر كەزىندە اۆتونوميالى رايوندىق پارتكومعا، حالىق ۇكىمەتىنە، حالىق سوتى مەكەمەسىنە جانە حالىق پروكۋراتۋراسىنا جولداپ، باقىلاۋ قىزمەتىنىڭ ناقتى ناتيجەگە قول جەتكىزۋىن ىلگەرىلەتتى.
ءۇشىنشى، قىزمەت كورسەتۋ، قامتاماسىز ەتۋ دەڭگەيى جوعارىلاتىلىپ، ۋاكىلدەر قىزمەتى تىڭ ورىسكە كەڭەيدى
بۇكىل رايونداعى ءار دارەجەلى حالىق قۇرىلتايلارىنىڭ 60 مىڭنان استام ۋاكىلى پارتيا مەن ۇكىمەتتىڭ حالىق بۇقاراسىمەن بايلانىس جاسايتىن كوپىرى جانە دانەكەرى، ءتۇرلى ىستەردىڭ دامۋىن ىلگەرىلەتۋدەگى تىرەكتى كۇش، سونداي - اق حالىق قۇرىلتايى قىزمەتىن جاقسى ىستەۋدە ارقا سۇيەيتىن ماڭىزدى كۇش. تۇراقتى كوميتەت نەگىزگى ساتىداعى حالىق قۇرىلتايى ۋاكىلدەرىنىڭ رولىن كورنەكتىلەندىرۋدى ۋاكىلدەر قىزمەتىنىڭ ءتۇيىنى ەتىپ، ارنايى تۇردە نەگىزگى ساتى حالىق قۇرىلتايى تۇراقتى كوميتەتىنىڭ مەڭگەرۋشىلەرى قاتىسقان بۇكىل رايونداعى ءار دارەجەلى حالىق قۇرىلتايلارىنىڭ جانە ۋاكىلدەردىڭ اڭگىمە ءماجىلىسىن اشىپ، ءار دارەجەلى حالىق قۇرىلتايى ۋاكىلدەرىنىڭ، اسىرەسە، نەگىزگى ساتى ۋاكىلدەرىنىڭ زاڭمەن جونگە سالىناتىن شينجياڭ قۇرۋ، ۇلتتار ىنتىماعىن قورعاۋ، لاڭكەستىككە قارسى تۇرىپ، ورنىقتىلىقتى قورعاۋ، ۇشقارىلىقتى الاستاۋ جاقتارىنداعى ماڭىزدى رولدارىن تولىق ساۋلەلەندىرىپ، اڭگىمە ءماجىلىس ارقىلى پىكىر اۋىستىرىپ، زەرتتەۋ - ورنالاستىرۋ جاسادى. تۇراقتى كوميتەت مۇشەلەرىنىڭ ۋاكىلدەرمەن بايلانىس جاساۋ ءتۇزىمىن مۇقيات تياناقتاندىرىپ، ۋاكىلدەردىڭ پىكىرىن، ۇسىنىستارىن دەر كەزىندە تىڭدادى جانە اڭىس ەتتى. ۋاكىلدەردى ءتىل تۇرلەرىنە قاراي ءبولىپ تاربيەلەيتىن 2 كەزەك كۋرس اشىپ، اۆتونوميالى رايوندىق حالىق قۇرىلتايىنىڭ نەگىزگى ساتىداعى 230 ۋاكىلىن جۇيەلى تاربيەلەدى. نەگىزگى ساتىداعى حالىق قۇرىلتايلارىنىڭ 30ۋاكىلىن تۇراقتى كوميتەت جيىنىنا قاتىناسۋعا ۇسىنىس ەتىپ، 280 ۋاكىلدى زاڭ شىعارۋ بويىنشا تەكسەرۋ - زەرتتەۋ جۇمىسىنا، زاڭنىڭ اتقارىلۋىن تەكسەرۋگە جانە كوزدەن كەشىرۋگە قاتىناستىردى جانە نەگىزگى ساتى ۋاكىلدەرىنە اۋدارماشىلاردى ازىرلەۋ سياقتى جۇمىستارعا كەپىلدىك ەتىپ، ۋاكىلدەردىڭ ناقتىلى قىزمەت ءونىمىن ارتتىردى. تۇراقتى كوميتەت باسشىلىق ەتىپ قوسىن باستاپ، حالىق قۇرىلتايىنىڭ ءبىر ءبولىم ۋاكىلدەرى مەن تۇراقتى كوميتەت مۇشەلەرىن ۇيىمداستىرىپ، ۋاكىلدەردىڭ كەڭەس جوبالارىنىڭ، ۇسىنىستارىنىڭ ءبىر جاقتى ەتىلۋ جاعدايىن تەكسەرىپ، قۋزاستىرىپ، ءبىر جاقتى ەتىلۋ سالىستىرماسى مەن ساپاسىنىڭ جوعارىلاۋىن جەبەدى. اۆتونوميالى رايوندىق 12 - كەزەكتى حالىق قۇرىلتايىنىڭ 3 - ءماجىلىسى كەزىندە ۋاكىلدەر ورتاعا قويعان، سونداي - اق ءماجىلىس ءتوراعالار القاسى بەكىتكەن 8 كەڭەس جوبا، 845 ۇسىنىس، سىن جانە پىكىر تۇگەلدەي ءبىر جاقتى ەتىلدى. ءار دارەجەلى حالىق قۇرىلتايى ۋاكىلدەرى ۋاكىلدىك مىندەتتەرىن مۇقيات اتقارىپ، ۇلگىلىك، باستاماشىلدىق رولدارىن بەلسەنە ساۋلەلەندىرىپ، قوعام ورنىقتىلىعى مەن باياندى تىنىشتىقتى قورعاپ، ەكونوميكالىق، قوعامدىق دامۋدى جەبەۋگە ماڭىزدى ۇلەس قوستى.
ءتورتىنشى، «ۇشتە قاتاڭ، ۇشتە شىنايى بولۋ» امالياتتا ايگىلەنىپ، ءوز قۇرىلىسى تىڭنان كۇشەيتىلدى
اۆتونوميالى رايوندىق پارتكومنىڭ «ۇيرەنۋگە قۇلىقتى بولۋ، زاڭمەن جونگە سالۋدى دارىپتەۋ، ىنتىماقتىلىقپەن باسەكەلەسۋ، تياناقتاندىرۋدى يگەرۋ، ونىمدىلىككە ءمان بەرۋ» تالابىن مۇقيات دايەكتى تياناقتاندىرىپ، تۇراقتى كوميتەتتىڭ يدەيالىق قۇرىلىسى مەن ستيل قۇرىلىسىن ونان ارى كۇشەيتتى. ءماجىلىس ستيلىن شىنايى جاقسارتىپ، ءماجىلىس تارتىپتەرىن قاتايتىپ، كوميتەت مۇشەلەرىنىڭ مىندەت اتقارۋىن باعالاۋ ءتۇزىمىن كەمەلدەندىرىپ، كوميتەت مۇشەلەرىنىڭ مىندەت اتقارۋ تانىمدارىن ءونىمدى تۇردە كۇشەيتىپ، تۇراقتى كوميتەت ءماجىلىسىنىڭ ءىس قاراۋ ونىمدىلىگىن جوعارىلاتتى. ورتالىقتىڭ، اۆتونوميالى رايوندىق پارتكومنىڭ ءبىر تۇتاس ورنالاستىرۋى مەن تالابىنا ساي، تۇراقتى كوميتەتتىڭ پارتيا باسشىلىق گرۋپپاسى «ۇشتە قاتاڭ، ۇشتە شىنايى بولۋ» تاقىرىپتىق تاربيەسىن باستاماشىلدىقپەن ورىستەتتى. ماسەلەنى نىشان ەتۋدى كورنەكتىلەندىرىپ، قاتاڭ بولۋ تالابىن دايەكتىلەندىرىپ، جوعارى ارقىلى تومەندى جەتەكتەۋ، ورىن تەپكەن كورنەكتى ماسەلەلەردى تەرەڭىنەن قازبالاپ، مۇقيات رەتتەپ - وڭاپ، تياناقتاندىرىپ، ەرەجە - ءتۇزىم بەلگىلەپ، بۇقارالىق لۋشيان تاربيەسىنىڭ جانە امالياتتىق قيمىلىنىڭ تابىستارىن ونان ارى بەكەمدەپ جانە كەڭەيتىپ، ستيل قۇرىلىسىنىڭ جاڭا تابىستارىنا قول جەتكىزدى. تۇراقتى كوميتەتتىڭ پارتيا باسشىلىق گرۋپپاسى باسشىلىقتى شىنايى كۇشەيتىپ، تۇراقتى كوميتەت ورگانى قىزمەت كورسەتۋ مەن قامتاماسىز ەتۋدى نىعايتىپ، 50 نەشە تىرەكتى كادردى شوعىرلى وڭاۋ جانە 2 - كەزەكتى «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلىنا تاڭداپ جىبەرىپ، ورگان كادرلارىنىڭ بۇقارالىق قىزمەت قابىلەتى مەن نەگىزگى ساتى قىزمەت تاجىريبەسىن قۇلشىنا كۇشەيتتى. قىستاقتا تۇرعان كادرلار بار ىقىلاسىمەن حالىقتىڭ جاعدايىن ۇعىسىپ، بار كۇشىمەن حالىق تۇرمىسىنا تيىمدىلىك جاساپ، بار ىنتاسىمەن حالىقتىڭ تىلەگىن توعىستىرىپ، حالىق تۇرمىسىن جاقسارتىپ، ۇشقارىلىقتى الاستاۋدى جانە نەگىزگى ساتىنىڭ نەگىزدىك قىزمەتىن ۇزدىكسىز ىلگەرىلەتىپ، قىزمەت سەرپىنىن، ۇسىنىلىم تەبىنىن بارىنشا كۇشەيتىپ، حالىق تۇرمىسىنا ءتيىمدى ءبىر توپ نىسان سالىنىپ پايدالانۋعا بەرىلىپ، نەگىزگى ساتى كادر - جۇرتشىلىعىنىڭ جاپپاي القاۋىنا بولەندى. الدىمەن جوسپارلاپ، نىسانمەن كەپىلدىك ەتىپ، قاتىستى ادامدارىن تياناقتاندىرىپ، جوعارى مەن تومەن بىرگە قيمىلداپ، ناتيجەگە كوڭىل بولۋگە تاباندى بولىپ، 200 ميلليون يۋاننان استام قارجى سايكەستىرىپ، ورگاننىڭ بەلگىلەنگەن ءتۇيىن بويىنشا كەدەيلەردى سۇيەمەلدەۋ قىزمەتىندە ايتارلىقتاي ناتيجەگە قول جەتكىزدى. ورگاننىڭ پارتيا قۇرىلىسىن، پاكتىك قۇرىلىسىن جانە كادرلار قوسىنى قۇرىلىسىن مىقتى يگەرىپ، ورگاننىڭ جالپىلىق قىزمەت دەڭگەيىن ۇزدىكسىز جوعارىلاتتى.
تۇراقتى كوميتەت ءار دارەجەلى حالىق قۇرىلتايىمەن بايلانىس جاساۋعا جانە ولارعا جەتەكشىلىك ەتۋگە ءمان بەرىپ، حالىق قۇرىلتايى قىزمەتىنىڭ بىرىككەن كۇشىن قالىپتاستىردى. مەملەكەتتىك حالىق قۇرىلتايى تۇراقتى كوميتەتىنە سايكەسىپ، 6 زاڭ جوباسىنىڭ جازىلۋىنا پىكىر جيناۋ قىزمەتىن ورىنداپ، قارتتاردىڭ ۇقىق - مۇددەسىن قامتاماسىز ەتۋ زاڭى بويىنشا 6 رەت زاڭنىڭ اتقارىلۋىن تەكسەردى جانە كوزدەن كەشىرۋ، تەكسەرىپ - زەرتتەۋ جۇرگىزدى. حالىق قۇرىلتايى كادرلارىن تاربيەلەيتىن 2 كەزەك كۋرس اشىپ، ءار دارەجەلى حالىق قۇرىلتايى تۇراقتى كوميتەتتەرىنىڭ جانە ايماقتىق حالىق قۇرىلتايى قىزمەت كوميتەتىنىڭ 253 نەگىزگى جاۋاپتىسىن جيىپ ۇيرەنۋ كۋرسىنا قاتىناستىردى. ايماقتىق حالىق قۇرىلتايى قىزمەت كوميتەتىنە باسشىلىقتى، رايونعا بولىنگەن قالالىق، اۆتونوميالى وبلىستىق جانە ۋجياچۇي، ارال سياقتى 8 اۋدان دارەجەلى توتە قاراستى قالالىق حالىق قۇرىلتايلارىنىڭ قىزمەتىنە جەتەكشىلىكتى كۇشەيتتى. اسىرەسە، وتكەن جىلى ايماقتان قالاعا وزگەرتىلگەن تۇرپان قالالىق، جاڭادان قۇرىلعان قوس وزەن قالالىق، كوكدالا قالالىق حالىق قۇرىلتايى قىزمەتىنە جەتەكشىلىكتى كۇشەيتتى. وبلىستىق، قالالىق حالىق قۇرىلتايى تۇراقتى كوميتەتىنىڭ جانە ايماقتىق حالىق قۇرىلتايى قىزمەت كوميتەتتەرىنىڭ جاۋاپتى جولداستارى تۇراقتى كوميتەت جيىنىنا سىرتتاي قاتىناسىپ، قىزمەت سايكەسىمدىلىگىن كۇشەيتىپ، قىزمەتتە پىكىر اۋىستىرىپ، ءار دارەجەلى حالىق قۇرىلتايلارىنىڭ زاڭ بويىنشا مىندەت اتقارىپ، بيلىك جۇرگىزۋىنە قولداۋ كورسەتىپ، بۇكىل رايونداعى حالىق قۇرىلتايى قىزمەتىنىڭ جالپىلىق دەڭگەيىن جوعارىلاتۋدى جەبەدى. جەر - جەردەگى حالىق قۇرىلتايى تۇراقتى كوميتەتىنىڭ زاڭ شىعارۋ، باقىلاۋ، تەكسەرىپ - زەرتتەۋ قىزمەتتەرىنە قولداۋ كورسەتۋ جانە سايكەسۋ، اۆتونوميالى رايوندىق حالىق قۇرىلتايى ۋاكىلدەرىمەن بايلانىس جاساۋ جانە ولارعا قىزمەت كورسەتۋ سياقتى جاقتاردان كوپتەگەن قىزمەتتەر ىستەپ، بەلسەندى رولىن ساۋلەلەندىردى.
تۇراقتى كوميتەت كادرلاردى پارتيا باسقارۋ مەن حالىق قۇرىلتايىنىڭ ولاردى زاڭ بويىنشا تاعايىنداۋىنىڭ جانە مىندەتتەن قالدىرۋىنىڭ جاندى بىرلىگىنە تاباندى بولىپ، كادر تاعايىنداۋ، قالدىرۋ ۇقىعىن زاڭ بويىنشا جۇرگىزىپ، جەرگىلىكتى مەملەكەت ورگاندارىنىڭ 339 قىزمەتكەرىن مىندەتكە قويدى نەمەسە مىندەتىنەن قالدىردى.
وتكەن ءبىر جىلدا، تۇراقتى كوميتەت قىزمەتىندە قولعا كەلگەن ناتيجەلەر مەن ىلگەرىلەۋشىلىكتەر اۆتونوميالى رايوندىق پارتكومنىڭ پارمەندى باسشىلىعىندا، بۇكىل ۋاكىلدەردىڭ، تۇراقتى كوميتەت مۇشەلەرىنىڭ جانە ورگان قىزمەتكەرلەرىنىڭ بىرگە قۇلشىنۋىنىڭ، ماشاقاتتى قىزمەتىنىڭ ناتيجەسى، اۆتونوميالى رايوندىق حالىق ۇكىمەتىنىڭ، جوعارى حالىق سوتى مەكەمەسىنىڭ، حالىق پروكۋراتۋراسىنىڭ تىزە قوسا سەلبەسۋىنىڭ ناتيجەسى، سونداي - اق ءوندىرىس - قۇرىلىس بيڭتۋانىنىڭ، ورتالىقتىڭ شينجياڭدا تۇراتىن مەكەمە ورىندارىنىڭ، شينجياڭدا تۇراتىن اسكەري بولىمدەردىڭ، قارۋلى ساقشى وفيتسەر - جاۋىنگەرلەرىنىڭ جانە بۇكىل شينجياڭداعى ءار ۇلت حالقى مەن قوعامنىڭ ءار سالاسىنىڭ پارمەندى قولداۋىنىڭ ناتيجەسى. وسى ارادا مەن اۆتونوميالى رايوندىق حالىق قۇرىلتايىنىڭ تۇراقتى كوميتەتى اتىنان ۇزاق ۋاقىتتان بەرى حالىق قۇرىلتايى قىزمەتىنە كوڭىل ءبولىپ، قولداۋ كورسەتىپ كەلە جاتقان جولداستارعا وسكەلەڭ قۇرمەت ءبىلدىرىپ، شىن ىقىلاستى العىس ايتامىن!
ءبىز مىنانى سەرگەكتىكپەن تاني ءبىلۋىمىز كەرەك: جاڭا جاعداي، جاڭا مىندەتتىڭ تالابىمەن سالىستىرعاندا، حالىق قۇرىلتايى ۋاكىلدەرىنىڭ، حالىق بۇقاراسىنىڭ ءۇمىت - تىلەگىمەن سالىستىرعاندا، تۇراقتى كوميتەتتىڭ قىزمەتىندە ءالى دە بەلگىلى ارا الشاقتىق جانە جەتەرسىزدىك بار. باستىسى، جەرگىلىكتى زاڭ شىعارۋ زاڭمەن جونگە سالىناتىن شينجياڭ قۇرۋدىڭ قاجەتىنە تولىق ۇيلەسە الماي وتىر؛ باقىلاۋ قىزمەتىندە ماسەلەلەردى وڭاۋ، تۇزەۋ كوبىنەسە قاعاز جۇزىندە قالىپ جاتىر، سوڭىنا ءتۇسىپ ءونىمىن قۋزاستىرۋ، تياناقتاندىرۋدى قۋزاۋ جەتەرسىز؛ ۋاكىلدەردىڭ قىزمەت دەڭگەيى ونان ارى جوعارىلاتۋدى كۇتەدى، ۋاكىلدەر قىزمەتىنىڭ مازمۇنى مەن ءتاسىلى دە مولايتا ءتۇسۋدى قاجەت ەتەدى. وسى ماسەلەلەردى ءبىز ايرىقشا نازارعا الۋىمىز، بۇدان كەيىنگى قىزمەتتە دەن قويا شەشۋىمىز كەرەك.
ۋاكىلدەر! 2016 - جىل جاپپاي دوڭگەلەك داۋلەتتى قوعام قۇرۋدىڭ شەشۋشى شايقاسى باستالاتىن جىل، اۆتونوميالى رايوندىق حالىق قۇرىلتايى تۇراقتى كوميتەتىنىڭ قىزمەتىنىڭ جالپى تالابى مىناۋ: اۆتونوميالى رايوندىق پارتكومنىڭ پارمەندى باسشىلىعىندا، پارتيا 18 - قۇرىلتايىنىڭ، 18 - كەزەكتى ورتالىق كوميتەتى ءۇشىنشى، ءتورتىنشى، بەسىنشى جالپى ماجىلىستەرىنىڭ، ورتالىقتىڭ شينجياڭ قىزمەتى جونىندەگى 2 - رەتكى ءماجىلىسىنىڭ جانە باس شۋجي شي جينپيڭنىڭ ماڭىزدى سوزدەرىنىڭ رۋحىن جان - جاقتى دايەكتىلەندىرۋ، ج ك پ اۆتونوميالى رايوندىق 8 - قۇرىلتايىنىڭ جانە ج ك پ اۆتونوميالى رايوندىق 8 - كەزەكتى كوميتەتى التىنشى، جەتىنشى، سەگىزىنشى، ونىنشى جالپى (كەڭەيتىلگەن) ماجىلىستەرىنىڭ، سونداي - اق اۆتونوميالى رايوندىق پارتكومنىڭ ورنىقتىلىق جونىندەگى ءماجىلىسىنىڭ، ەكونوميكالىق قىزمەت ءماجىلىسىنىڭ، وڭتۇستىك شينجياڭ قىزمەتى جونىندەگى ءماجىلىسىنىڭ جانە اۆتونوميالى رايوندىق حالىق قۇرىلتايى قىزمەت ءماجىلىسىنىڭ شەشىمدەرى مەن ورنالاستىرۋلارىن ىشكەرىلەي تياناقتاندىرۋ، قوعام ورنىقتىلىعى مەن باياندى تىنىشتىقتى قورعاۋ سىندى باس نىسانانى تىعىز توڭىرەكتەي، «بەستى ءبىر تۇلعالاندىرۋ» جالپى ورنالاستىرۋى مەن «ءتورتتى جاپپاي ورىنداۋ» ستراتەگيالىق ورنالاستىرۋىنان جازباي، جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلەتىن دامۋ سىندى دامۋ يدەياسىن دايەكتى تياناقتاندىرۋ، اۆتونوميالى رايوندىق پارتكومنىڭ «جەتىگە تاباندى بولۋ» جاڭا ۇستانىم، جاڭا شارالارىن دايەكتى تياناقتاندىرىپ، نەگىزگى زاڭ مەن زاڭداردا بەرىلگەن قىزمەت ۇقىعىن دەن قويا اتقارىپ، جاڭا قالىپقا ۇيلەسىپ، جاڭا قىزمەت رولىن ساۋلەلەندىرىپ، نەگىزگى زاڭ مەن زاڭداردىڭ بەدەلىن باتىل قورعاپ، سوتسياليستىك زاڭمەن جونگە سالۋ رۋحىن اسقاقتاتۋ، «13 - بەسجىلدىق» جوبا ءۇشىن جاقسى جاعداي، جاقسى باستاما باستاپ، جاپپاي دوڭگەلەك داۋلەتتى قوعام قۇرۋ ۇلى نىساناسىن ىسكە اسىرۋ ءۇشىن تىڭ ۇلەس قوسۋ.
ءبىرىنشى، پارتكومنىڭ شەشىمدەرى مەن ورنالاستىرۋلارىن باتىل دايەكتىلەندىرىپ، جاڭا داۋىردەگى حالىق قۇرىلتايى قىزمەتىنىڭ جاڭا بورىشىن ارقالاۋ. ج ك پ اۆتونوميالى رايوندىق 8 - كەزەكتى كوميتەتىنىڭ ونىنشى جالپى (كەڭەيتىلگەن) ءماجىلىسى پارتيا 18 - كەزەكتى ورتالىق كوميتەتىنىڭ بەسىنشى جالپى ءماجىلىسىنىڭ رۋحىن مۇقيات دايەكتى تياناقتاندىرىپ، «13 - بەسجىلدىق» جوبا مەزگىلىندەگى شينجياڭنىڭ ەكونوميكالىق، قوعامدىق دامۋىن جوعارى دەڭگەيدە جوبالاپ، ۇلى بولاشاق جوسپارىن كەسكىندەدى. اۆتونوميالى رايوندىق پارتكومنىڭ حالىق قۇرىلتايى قىزمەتى جونىندەگى ءماجىلىسى جاڭا داۋىردەگى حالىق قۇرىلتايى قىزمەتىنىڭ جاڭا بورىشىن ايقىنداپ، ءار دارەجەلى حالىق قۇرىلتايلارىنىڭ جانە ونىڭ تۇراقتى كوميتەتتەرىنىڭ فۋنكتسيالىق رولىن تولىق كورنەكتىلەندىرۋ جاڭا تالابىن ورتاعا قويدى. تۇراقتى كوميتەت اۆتونوميالى رايوندىق پارتكومنىڭ شەشىمدەرى مەن ورنالاستىرۋلارىن ىشكەرىلەي ۇيرەنىپ، دايەكتىلەندىرىپ، جاعدايدى جىعا تانىپ، مىندەتتەردى ايقىنداپ، زاڭ بويىنشا مىندەت اتقارۋدىڭ كىرىسۋ ءتۇيىنى مەن شىعار ءتۇيىنىن ءدال تاۋىپ، شينجياڭنىڭ رەفورما، دامۋ، ورنىقتىلىق ىستەرىنە قىزمەت كورسەتۋ قابىلەتى مەن دەڭگەيىن ۇزدىكسىز جوعارىلاتۋ كەرەك. شينجياڭدى زاڭمەن جونگە سالۋعا، ىنتىماقتاسا شينجياڭدى ورنىقتىرۋعا، شينجياڭدى باياندى كوركەيتۋگە، «زورلىقتى كۇشكە قارسى تۇرىپ، زاڭمەن جونگە سالۋدى، ءتارتىپتى دارىپتەۋگە» تاباندى بولىپ، قوعام ورنىقتىلىعى مەن باياندى تىنىشتىقتى زاڭ بويىنشا قامتاماسىز ەتۋ جانە جەبەۋ كەرەك. جاڭا قالىپقا ۇيلەسىپ، جاڭا قالىپتى يگەرىپ، جاڭا قالىپقا جەتەكشىلىك ەتىپ، جاڭالىق اشا دامۋدان، سايكەستى دامۋدان، جاسىل دامۋدان، اشىق دامۋدان، بىرگە يگىلىككە كەنەلەتىن دامۋدان جازباي، رەفورمانى تەرەڭدەتۋ، ەسىك اشۋدى كەڭەيتۋ، دامۋدى جەدەلدەتۋ، حالىق تۇرمىسىن جاقسارتۋ سياقتى ءتۇرلى قىزمەتتەردى ءبىر تۇتاس جوسپارلاپ، ىلگەرىلەتىپ، كەدەيلەردى سۇيەمەلدەۋدىڭ قامال الۋ شايقاسىن جاقسى جۇرگىزىپ، جاپپاي دوڭگەلەك داۋلەتتى قوعام قۇرۋ ءۇشىن پارمەندى زاڭدىق كەپىل ازىرلەۋ كەرەك. وزەكتى ارقاۋ ەتىپ، جالپى جاعدايعا قىزمەت كورسەتىپ، رەفورما جاساۋ، جاڭالىق اشۋ رۋحىمەن حالىق قۇرىلتايى قىزمەتىن تىڭعىلىقتى ىستەپ، مىندەتتەردى اتقارۋ قابىلەتى مەن قىزمەت دەڭگەيىن ۇزدىكسىز جوعارىلاتىپ، حالىق قۇرىلتايى ءتۇزىمى مەن حالىق قۇرىلتايى قىزمەتىنىڭ داۋىرمەن بىرگە العا باسۋىن ىلگەرىلەتىپ، دامۋىن كەمەلدەندىرىپ، اۆتونوميالى رايوننىڭ حالىق قۇرىلتايى قىزمەتىندە جاڭا جاعداي اشۋ كەرەك.
ەكىنشى، زاڭ شىعارۋ ساپاسىن كۇش سالا جوعارىلاتىپ، زاڭ شىعارۋدىڭ جەتەكتەۋ، قولداۋ، قامتاماسىز ەتۋ جانە ىلگەرىلەتۋ رولىن تولىق ساۋلەلەندىرۋ. اۆتونوميالى رايوندىق پارتكوم ورتاعا قويعان شينجياڭدى زاڭمەن جونگە سالۋدا زاڭ شىعارۋدى وزەك ەتىپ، زاڭ شىعارۋدا ماڭىزدى ءتۇيىندى كورنەكتىلەندىرۋ، زاڭ شىعارۋدا شينجياڭنىڭ ءىس جۇزىندىك جاعدايىمەن بىرلەستىرۋ جالپىلىق تالابىن دايەكتىلەندىرىپ، لاڭكەستىككە قارسى تۇرىپ، ورنىقتىلىقتى قورعاۋ، «ۇشقارىلىقتى الاستاۋ» سياقتى ءتۇيىندى سالالارداعى زاڭ شىعارۋدى قۇلشىنا كۇشەيتىپ، جۇمىسپەن قامتۋ، ءبىلىم بەرۋ، ەمدەۋ، ەكولوگيالىق ورتانى قورعاۋ سياقتى «ولقى» سالالارداعى زاڭ شىعارۋدى كورنەكتىلەندىرۋ كەرەك. بيىل ۋاقىتتى مىقتى ۇستاپ، اۆتونوميالى رايوننىڭ لاڭكەستىككە قارسى تۇرۋ زاڭىن اتقارۋ ءادىسى، ءدىني ۇشقارىلىقتى الاستاۋ ەرەجەسى، ينتەرنەت حاۋىپسىزدىگى زاڭىن اتقارۋ ءادىسى سياقتى جەرگىلىكتى زاڭ - ەرەجەلەردى اقىلداسىپ جاساۋ كەرەك. رەفورماعا شەشىم قابىلداۋ مەن زاڭ شىعارۋعا شەشىم قابىلداۋدى ءوزارا ۇشتاستىرۋعا تاباندى بولىپ، زاڭ شىعارۋ، زاڭعا وزگەرىس ەنگىزۋدى، زاڭدى كۇشىنەن قالدىرۋدى، زاڭعا تۇسىنىك بەرۋدى ءوزارا بىرلەستىرىپ، تۇراقتى كوميتەتتىڭ 2016 - 2020 - جىلدارعا ارنالعان زاڭ شىعارۋ جوسپارىن بەلگىلەۋ جانە تياناقتاندىرۋ كەرەك. عىلمي زاڭ شىعارۋدى، دەموكراتيالىق زاڭ شىعارۋدى ىشكەرىلەي ىلگەرىلەتۋدى زاڭ شىعارۋ ساپاسىن جوعارىلاتۋدىڭ ءتۇبىرلى جولى ەتىپ، زاڭ شىعارۋ قىزمەتكەرىن، ادىلەت قىزمەتكەرلەرىن جانە مامان - وقىمىستىلاردى ءوزارا بىرلەستىرۋگە تاباندى بولىپ، ازاماتتاردىڭ زاڭ شىعارۋعا ءتارتىپتى تۇردە قاتىسۋ جولدارىن كەڭەيتىپ، قوعامدىق ورتاق تانىمدى كەڭىنەن شوعىرلاندىرۋ كەرەك. زاڭ شىعارۋ قىزمەتىنىڭ ءتۇزىلىسى مەن ءتارتىبىن كەمەلدەندىرىپ، حالىق قۇرىلتايىنىڭ زاڭ شىعارۋ قىزمەتىندەگى جەتەكشىلىك رولىن تولىق ساۋلەلەندىرىپ، زاڭ شىعارۋ جوباسىن دايىنداۋ، دالەلدەۋ، سايكەستىرۋ، قاراۋ، داۋىسقا سالۋ جانە زاڭ شىعارۋعا پىكىر جيناۋ مەحانيزمىن كەمەلدەندىرۋ كەرەك. زاڭ - ەرەجەلەردىڭ جەرگىلىكتى ەرەكشەلىگىن كۇش سالا كورنەكتىلەندىرىپ، زاڭ - ەرەجەلەردىڭ باعىتتامالىلىعىن، قولدانبالىلىعىن جانە اتقارۋعا جارامدىلىعىن كۇشەيتۋ كەرەك. شينجياڭدى زاڭمەن جونگە سالۋ مەن شينجياڭدى مورالمەن جونگە سالۋدى بىرلەستىرۋگە تاباندى بولىپ، زاڭمەن جونگە سالۋ ءتاسىلى ارقىلى مورالمەن جونگە سالۋدىڭ ءتارتىپ، قاعيدا قالىپتاستىرۋىنا مۇمكىندىك جاساپ، ونى قوعامدىق ولشەم دەڭگەيىنە جوعارىلاتۋ كەرەك. رايونعا بولىنگەن قالالار مەن اۆتونوميالى وبلىستاردىڭ جەرگىلىكتى زاڭ شىعارۋ قىزمەتىن بار كۇشپەن ىلگەرىلەتۋ كەرەك. زاڭ شىعارۋ قوسىنى قۇرىلىسىن ونان ارى كۇشەيتۋ كەرەك.
ءۇشىنشى، قوعام نازارىنا بەلسەنە ءۇن قاتىپ، باقىلاۋ قىزمەتىن كۇشەيتۋ جانە جاقسارتۋ. باس شۋجي شي جينپيڭ «حالىق قۇرىلتايى ءتۇزىمىنىڭ ماڭىزدى پرينسيبى مەن ءتۇزىمىن جوبالاۋدىڭ نەگىزگى تالابى − ءارقانداي مەملەكەت ورگانى مەن ونىڭ قىزمەتكەرلەرىنىڭ ۇقىعىن، ءسوز جوق، شەكتەۋ جانە باقىلاۋ» دەپ كورسەتتى. تۇراقتى كوميتەت نەگىزگى زاڭ مەن زاڭدار جۇكتەگەن باقىلاۋ جاۋاپكەرشىلىگىن شىنايى ارقالاپ، رەفورما، دامۋ، ورنىقتىلىق ىستەرىنە ساياتىن ماڭىزدى ماسەلەلەر مەن حالىق بۇقاراسى كوڭىل ءبولىپ وتىرعان قولامتالى، قيىن ماسەلەلەردى كورنەكتىلەندىرىپ، باقىلاۋ قىزمەتىن باعىتتامالى تۇردە كۇشەيتۋ جانە جاقسارتۋ كەرەك. ءبىرىنشى، ورتالىقتىڭ باعىت - ساياساتتارىن، اۆتونوميالى رايوندىق پارتكومنىڭ كەلەلى قىزمەت ورنالاستىرۋلارىن جانە ۇكىمەت ۋادە ەتكەن ىستەردى تياناقتاندىرۋ احۋالىن باقىلاۋدى كۇشەيتىپ، ورتالىق پەن اۆتونوميالى رايوندىق پارتكومنىڭ كەلەلى شەشىمدەرى مەن ورنالاستىرۋلارىنىڭ دايەكتى تياناقتانۋىن ىلگەرىلەتۋ كەرەك. ەكىنشى، «13 - بەسجىلدىق» جوبانىڭ اتقارىلۋ جانە وسى رەتكى ماجىلىستەگى قارارلاردىڭ تياناقتانۋ جاعدايىنا باقىلاۋدى كۇشەيتىپ، وسى رەتكى ماجىلىستە بەلگىلەنگەن قىزمەت نىسانالارى مەن ماڭىزدى ىستەردى باقىلاۋدى نىعايتىپ، ۇكىمەتتى، حالىق سوتى مەكەمەسىن، حالىق پروكۋراتۋراسىن قىزمەتتەردى تياناقتاندىرۋدى مىقتى ۇستاۋعا قۋزاپ جانە وعان قولداۋ كورسەتىپ، ماجىلىستە بەلگىلەنگەن ءتۇرلى مىندەتتەردىڭ تولىق تابىسپەن ورىندالۋىنا كەپىلدىك ەتۋ كەرەك. ءۇشىنشى، جاڭا مەجە ەسەپ زاڭىنىڭ تالابىنا قاتاڭ بويسۇنىپ، مەجە ەسەپتى، سوڭعى ەسەپتى تەكسەرۋ، باقىلاۋ قىزمەت مەحانيزمىن كەمەلدەندىرىپ، مەجە ەسەپتى، سوڭعى ەسەپتى تەكسەرۋدى جانە باقىلاۋدى كۇشەيتىپ، قازىنالىق باقىلاۋدا تەكسەرىپ انىقتالعان ماسەلەلەردى رەتتەۋ - وڭاۋ جاعدايىن قۋزاستىرۋدى، تياناقتاندىرۋدى كۇشەيتىپ، ۇكىمەتتى مەجە ەسەپتى قاتاڭ اتقارۋىن، مەجە ەسەپتى اشىق ۇستاۋىن ىلگەرىلەتۋگە قۋزاۋ كەرەك. ءتورتىنشى، اۆتونوميالى رايوننىڭ ءدىن ىستەرىن باسقارۋ ەرەجەسى سياقتى زاڭ - ەرەجەلەردىڭ اتقارىلۋ جاعدايىن باقىلاپ - تەكسەرىپ، شينجياڭدى زاڭمەن جونگە سالۋ قۇرىلىسىن ىلگەرىلەتىپ، مەملەكەتتىڭ زاڭ ءتۇزىلىسىنىڭ ءبىر تۇتاستىعىن، ابىرويىن جانە بەدەلىن قورعاۋ كەرەك. بەسىنشى، حالىق تۇرمىسىن جاقسارتۋ، قوعامدىق دامۋ، ءدىني جاراسىمدىلىق، ىنتىماقتىلىق، ورنىقتىلىق، ەكولوگيالىق وركەنيەت قۇرىلىسى سياقتى ماڭىزدى ماسەلەلەردى كورنەكتىلەندىرىپ، قىزمەت باقىلاۋىن كۇشەيتۋ كەرەك. التىنشى، حالىق سوتى مەكەمەسى مەن حالىق پروكۋراتۋراسىنىڭ قىزمەتىن زاڭدىق جاقتان باقىلاۋدى كۇشەيتىپ، ادىلەت ورگاندارىنىڭ ادىلەت بيلىگىن جۇرگىزۋ مەحانيزمىن كەمەلدەندىرۋىن ىلگەرىلەتىپ، ادىلەت ادىلدىگى مەن قوعامدىق ادىلدىكتى، تۋراشىلدىقتى جەبەۋ كەرەك. جەتىنشى، ولشەمدى حۇجاتتاردى ارحيۆتە ساقتاپ تەكسەرۋدى كۇشەيتىپ، زاڭ ءتۇزىلىسىنىڭ ءبىر تۇتاستىعى مەن اكىمشىلىك بۇيرىقتاردىڭ ىركىلىسسىزدىگىن قورعاۋ كەرەك. سەگىزىنشى، تەكسەرۋ - زەرتتەۋدى كۇشەيتىپ، باعالى، سالماقتى تەكسەرىپ - زەرتتەۋ مالىمەتتەرىن بەلسەنە ورتاعا قويىپ، اۆتونوميالى رايوندىق پارتكومنىڭ شەشىم قابىلداۋدا پايدالانۋىنا ازىرلەپ، حالىق ۇكىمەتى، حالىق سوتى مەكەمەسى، حالىق پروكۋراتۋراسى قىزمەتىنە قولداۋ كورسەتۋ كەرەك. باقىلاۋ قىزمەت مەحانيزمىندە جاڭالىق اشىپ، زاڭنىڭ اتقارىلۋىن تەكسەرۋ، ارناۋلى تاقىرىپتا قۋزاستىرۋ، ريزا بولۋ دەڭگەيىن باعالاۋ، ىزىنە ءتۇسىپ باقىلاۋ، جالعاستىرىپ باقىلاۋ سياقتى كوپ ءتۇرلى باقىلاۋ تاسىلدەرىنەن جان - جاقتى پايدالانىپ، حالىق قۇرىلتايىنىڭ باقىلاۋ قىزمەتىنىڭ باعىتتامالىلىعى مەن ناقتى ونىمدىلىگىن ونان ارى كۇشەيتۋ كەرەك.
ءتورتىنشى، ۋاكىلدەر قىزمەتىنىڭ تاسىلىندە جاڭالىق اشىپ، ۋاكىلدەردىڭ رولىن تولىق ساۋلەلەندىرۋ. تۇراقتى كوميتەت مۇشەلەرىنىڭ ۋاكىلدەرمەن بايلانىس جاساۋ تۇزىمىندە تاباندى بولىپ جانە ونى تەرەڭدەتىپ، ۋاكىلدەر ينتەرنەت تۇعىرىنىڭ رولىن تولىق ساۋلەلەندىرىپ، ۋاكىلدەردىڭ دەموكراتيالىق كەڭەسۋ رولدارىن ساۋلەلەندىرۋگە باسا ءمان بەرىپ، حالىق تىلەگىنە ءتىپتى دە جاقسى قۇلاق ءتۇرىپ، حالىق پاراساتىن شوعىرلاندىرۋ كەرەك. ۋاكىلدەردىڭ كەڭەس جوبالارى مەن ۇسىنىستارىن مۇقيات ءبىر جاقتى ەتۋدى ۋاكىلدەردىڭ زاڭ بويىنشا مىندەت اتقارۋىن، ۋاكىلدىك رولدارىن تولىق ساۋلەلەندىرۋىن قولداۋدىڭ شەشۋشى بۋىنى رەتىندە قاراپ، ىزىنە ءتۇسىپ قۋزاپ تەكسەرۋ سەرپىنىن كۇشەيتىپ، ءبىر جاقتى ەتۋ ونىمدىلىگى مەن ساپاسىن جوعارىلاتۋ كەرەك. وڭتۇستىك شينجياڭداعى نەگىزگى ساتى ۋاكىلدەرىن ماڭىزدى ءتۇيىن ەتكەن تاربيەلەۋ قىزمەتىن كۇشەيتىپ، ۋاكىلدەردىڭ ساپاسى مەن مىندەت اتقارۋ قابىلەتتەرىن كۇش سالا جوعارىلاتۋ كەرەك. ۋاكىلدەردىڭ مىندەت اتقارۋى بويىنشا ىنتالاندىرۋ - تەجەۋ مەحانيزمىن قۇرۋ جولىندا ىزدەنىس جاساپ، ۋاكىلدەردىڭ مىندەت اتقارۋ دەڭگەيىن جوعارىلاتۋ كەرەك. حالىق ۇكىمەتىنىڭ، حالىق سوتى مەكەمەسىنىڭ، حالىق پروكۋراتۋراسىنىڭ كەلەلى شەشىمدەر مەن قىزمەتتەردە ۋاكىلدەردىڭ پىكىرىن الۋىن ونان ارى ىلگەرىلەتىپ، ۋاكىلدەردىڭ ءبىلۋ ۇقىعىن، ۇكىمەت ىستەرىنەن حاباردار بولۋ ارنالارىن كەڭەيتۋ كەرەك. نەگىزگى ساتى حالىق قۇرىلتايلارىنىڭ «ۋاكىلدەر ءۇيىن» قۇرۋ، كەمەلدەندىرۋ، ۋاكىلدەردى حالىق بۇقاراسىنا قىزمەتىنەن ەسەپ بەرۋگە ۇيىمداستىرۋ سياقتى جاقسى تاجىريبەلەرى مەن جاقسى ادىستەرىن بەلسەنە قورىتىندىلاپ جانە جالپىلاستىرىپ، ۋاكىلدەردىڭ قىزمەت تاسىلىندە ونان ارى جاڭالىق اشۋ كەرەك. ءار دارەجەلى حالىق قۇرىلتايىنىڭ ۋاكىلدەرى ەكونوميكانىڭ دامۋىن جەبەۋدىڭ، ۇلتتار ىنتىماعىن نىعايتۋدىڭ، ءدىني ۇشقارىلىقتى تەجەۋدىڭ، قوعام ورنىقتىلىعىن قورعاۋدىڭ ىلگەرىلەتۋشىلەرى جانە ىسكە اسىرۋشىلارى بولۋعا قۇلشىنىپ، بۇقاراعا ۇگىت جۇرگىزۋ، بۇقارانى تاربيەلەۋ قىزمەتىن بەلسەنە جاقسى ىستەپ، قوعام ورنىقتىلىعى مەن باياندى تىنىشتىقتى قورعاۋدىڭ قۇدىرەتتى بىرىككەن كۇشىن قالىپتاستىرۋ كەرەك. ورتالىق پەن اۆتونوميالى رايوندىق پارتكومنىڭ ورنالاستىرۋى بويىنشا، اۋداندىق، اۋىلدىق حالىق قۇرىلتايلارىنىڭ كەزەك اۋىستىرىپ سايلاۋ قىزمەتىن مۇقيات، تىڭعىلىقتى ىستەپ، داۋىس جيناۋدان، سايلاۋدا پارا بەرۋدەن باتىل ساقتانىپ، سايلاۋ قىزمەتىنىڭ اۋقىمى ءادىل، ستيلى دۇرىس بولۋىنا كەپىلدىك ەتۋ كەرەك.
بەسىنشى، زاڭمەن جونگە سالۋ ۇگىت - تاربيەسىن تىڭعىلىقتى ىلگەرىلەتىپ، بۇكىل قوعامدا زاڭمەن جونگە سالۋدىڭ تاماشا اۋقىمىن قالىپتاستىرۋ. نەگىزگى زاڭدى وزەك ەتكەن، زاڭمەن جونگە سالىناتىن شينجياڭ قۇرىلىسىن تاقىرىپ ەتكەن زاڭمەن جونگە سالۋ ۇگىت - تاربيەسىن بار كۇشپەن ىلگەرىلەتىپ، اۆتونوميالى رايوننىڭ «7 - بەسجىلدىق» زاڭ جالپىلاستىرۋ قىزمەتىن جان - جاقتى ىلگەرىلەتىپ، زاڭمەن جونگە سالۋ يدەياسىمەن جانە زاڭمەن جونگە سالۋ تاسىلىمەن رەفورمانى تەرەڭدەتۋ، دامۋدى جەبەۋ، قايشىلىقتاردى شەشۋ، ورنىقتىلىقتى قورعاۋ قابىلەتىن ۇزدىكسىز جوعارىلاتۋ كەرەك. نەگىزگى زاڭ الدىندا سەرت بەرۋ ءتۇزىمىن جاپپاي اتقارىپ، مەملەكەت قىزمەتكەرلەرىن نەگىزگى زاڭعا ادال بولۋعا، نەگىزگى زاڭعا بويسۇنۋعا، نەگىزگى زاڭدى قورعاۋعا ىنتالاندىرۋ جانە تاربيەلەۋ كەرەك. از ۇلت ءتىل - جازۋىنداعى زاڭ - ەرەجەلەردى قۇراستىرۋ - اۋدارۋ قىزمەتىن كۇشەيتۋ كەرەك. زاڭمەن جونگە سالۋ ۇگىت - تاربيەسىندە ىشكەرىلەي جاڭالىق اشىپ، «زاڭمەن جونگە سالىناتىن شينجياڭ . تيانشانعا ساپار» سىندى زاڭدى ۇگىتتەۋ، زاڭدى باقىلاۋ كولەمدى قيمىلىن ۇزدىكسىز ىشكەرىلەي ورىستەتىپ، زاڭمەن جونگە سالۋ رۋحىن بار كۇشپەن اسقاقتاتىپ، ءار ۇلت كادر - بۇقاراسىن نەگىزگى زاڭ مەن زاڭدارعا قاتاڭ بويسۇنۋعا، ازاماتتىق ۇقىعى مەن بورىشىن زاڭ بويىنشا اتقارۋعا باستاپ، بۇكىل قوعامدا جۇرتتىڭ ءبارى زاڭ ۇيرەنەتىن، زاڭدى بىلەتىن، زاڭعا بويسۇناتىن، زاڭ بويىنشا ءىس جۇرگىزەتىن، بىرەر ىسكە جولىققاندا زاڭعا جۇگىنەتىن، ماسەلەنى شەشكەندە زاڭ قولداناتىن، قايشىلىقتاردى شەشۋدە زاڭعا سۇيەنەتىن اۋقىم قالىپتاستىرۋ كەرەك.
التىنشى، ساياسي تاباندىلىق جانە قابىلەت قۇرىلىسىن ءتۇيىن ەتىپ، تۇراقتى كوميتەتتىڭ ءوز قۇرىلىسىن كۇشەيتۋ. پارتيا ورتالىق كوميتەتىنىڭ، اۆتونوميالى رايوندىق پارتكومنىڭ كەلەلى شەشىمدەرى مەن ورنالاستىرۋلارىن جانە باس شۋجي شي جينپيڭنىڭ ماڭىزدى سوزدەرىنىڭ رۋحىن ۇيرەنۋدى ونان ارى تەرەڭدەتىپ، پارتيانىڭ لۋشيان، باعىت، ساياساتتارىن دايەكتىلەندىرۋ سانالىلىعى مەن تاباندىلىعىن ونان ارى كۇشەيتۋ كەرەك. نەگىزگى زاڭ مەن زاڭدار تۋرالى بىلىمدەردى ۇيرەنۋدى كۇشەيتىپ، حالىق قۇرىلتايى قىزمەتىندە ۇكىمەت ءىسىن كەڭەسۋ قاعيداسى مەن ءتارتىبىن جەتىك ءبىلىپ، قىزمەتكەرلەرگە جۇيەلى تاربيە جۇرگىزۋ ارقىلى ولاردىڭ قىزمەت قابىلەتى مەن مىندەتتەرىن اتقارۋ قابىلەتتەرىن ۇزدىكسىز جوعارىلاتۋ كەرەك. ستيل قۇرىلىسى مەن پاكتىك قۇرىلىسىن ۇزدىكسىز كۇشەيتىپ، «ۇشتە قاتاڭ، ۇشتە شىنايى بولۋ» تاقىرىپتىق تاربيەسىنىڭ تابىستارىن بەكەمدەپ، تەرەڭدەتىپ، مەملەكەت بيلىك ورگانىنىڭ حالىق ءۇشىن ناقتى جۇمىس ىستەيتىن پاك، تاماشا وبرازىن قورعاۋ كەرەك. قاشاندا تاماشا رۋحاني بەينەنى ساقتاپ، قۇلشىنا ىسكە كىرىسىپ، باتىلدىقپەن جاۋاپكەرشىلىك ارقالاپ، حالىق قۇرىلتايى قىزمەتىنىڭ دەڭگەيى مەن ناقتى ءونىمىن ونان ارى جوعارىلاتۋىمىز كەرەك. حالىق قۇرىلتايىنىڭ كادرلار قوسىنىن كۇشەيتىپ، ساياسيدا تاباندى، ستيلى جاقسى، قابىلەتى مىعىم، كوڭىل كۇيى ورنىقتى بولۋ تالابىن سانالى تۇردە امالياتتا ايگىلەپ، ءتۇسىنۋ قابىلەتىن، اتقارۋ قابىلەتىن جانە تياناقتاندىرۋ قابىلەتىن كۇش سالا جوعارىلاتىپ، حالىق قۇرىلتايىنىڭ شينجياڭ ەرەكشەلىگىنە يە جاقسى كادرى بولۋعا تالپىنۋ كەرەك. حالىق قۇرىلتايىنىڭ ۇگىتى، ارىز - تالاپ سياقتى ءتۇرلى قىزمەتتەردى ونان ارى كۇشەيتىپ، ورگاننىڭ قىزمەت ونىمدىلىگىن جوعارىلاتىپ، تۇراقتى كوميتەتتىڭ زاڭ بويىنشا قىزمەت ۇقىعىن اتقارۋىن ءتىپتى دە ساپالى قىزمەت كورسەتۋمەن جانە كەپىلمەن قامتاماسىز ەتۋ كەرەك.
ءار دارەجەلى حالىق قۇرىلتايى قىزمەتى مەن قۇرىلىسىن ونان ارى ىلگەرىلەتۋ كەرەك. اۆتونوميالى رايوندىق پارتكومنىڭ حالىق قۇرىلتايى قىزمەتى جونىندەگى ءماجىلىسىنىڭ رۋحى مەن «اۆتونوميالى رايوندىق حالىق قۇرىلتايى تۇراقتى كوميتەتىنىڭ پارتيا باسشىلىق گرۋپپاسىنىڭ اۋداندىق، اۋىلدىق حالىق قۇرىلتايلارىنىڭ قىزمەتىن جانە قۇرىلىسىن كۇشەيتۋ تۋرالى اتقارۋ پىكىرىن» ۇيرەنۋدى، ۇگىتتەۋدى جانە سوعان تاربيەلەۋدى كۇشەيتۋ، سونىمەن بىرگە، ونى دايەكتى تياناقتاندىرۋ جاعدايىنا قۋزاۋ - تەكسەرۋ جۇرگىزىپ، ءار دارەجەلى حالىق قۇرىلتايىنىڭ، اسىرەسە، اۋداندىق، اۋىلدىق حالىق قۇرىلتايلارىنىڭ فۋنكتسيالىق رولدارىن ءتىپتى دە جاقسى ساۋلەلەندىرۋىن ىلگەرىلەتۋ كەرەك.
ۋاكىلدەر! تاريحتىڭ جاڭا باستاماسىندا تۇرعان اسەم شينجياڭ مۇمكىندىككە، ۇمىتكە، ءار ۇلت حالقى سەنىمگە، ۇمىتكە تولى. ءبىز شي جينپيڭ باس شۋجي بولعان پارتيا ورتالىق كوميتەتىنىڭ توڭىرەگىنە بۇرىنعىدان دا تىعىز توپتاسىپ، اۆتونوميالى رايوندىق پارتكومنىڭ پارمەندى باسشىلىعىندا، وزگەرىس ەنگىزىپ، رەفورما جاساپ، جاۋاپكەرشىلىكتى باتىلدىقپەن ارقالاپ، قايسارلىقپەن العا ىلگەرىلەپ، جۇمىستى تىڭعىلىقتى ىستەپ، جاڭا قالىپقا ۇيلەسىپ، تىڭ تابىستاردى ايگىلەپ، جاڭا جاعداي اشىپ، زاڭمەن جونگە سالىناتىن شينجياڭ قۇرىلىسىن، جاپپاي دوڭگەلەك داۋلەتتى قوعام قۇرۋدى ىلگەرىلەتۋ ءۇشىن قۇلشىنا كۇرەسەيىك! «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
