بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

«قىزىل كرەست قوعامىنىڭ 10 مىڭ وتباسىنا مەيىر باعىشتاۋ قيمىلى» شينجياڭدا باستالدى

2016.01.27 15:31     كەلۋ قاينارى : شينجياڭ گازەتى

  جۇڭگو قىزىل كرەست قوعامى ۇيىمداستىرعان 2016 - جىلعى «قىزىل كرەست قوعامىنىڭ 10 مىڭ وتباسىنا مەيىر باعىشتاۋ» قيمىلى 26 - قاڭتاردا شينجياڭدا باستالدى، كوكتەم مەرەكەسىنەن بۇرىن تۇتاس شينجياڭداعى ءار ۇلتتىڭ قيىنشىلىعى بار 6000 نان استام وتباسىنا حال سۇراۋ بۇيىمدارىن جەتكىزىپ بەرەدى.

  25 - قاڭتار تۇستەن كەيىن، ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى، جۇڭگو قىزىل كرەست قوعامىنىڭ باستىعى چىن جۋمەن جانە ونىڭ ساپارلاستارىمەن كەزدەستى.

  جاڭ چۇنشيان كەزدەسكەندە بىلاي دەدى: ۇزاق ۋاقىتتان بەرى جۇڭگو قىزىل كرەست قوعامى سالماقتى اۋرۋلاردان ساقتانۋ، قوعامدىق الەۋمەتتىك يگىلىك، قىزمەت وتەۋ جانە دەنساۋلىق ساقتاۋ، قۇتقارۋ سياقتى جاقتاردا شينجياڭعا زور قولداۋ جانە كومەك كورسەتىپ كەلدى. «قىزىل كرەست قوعامىنىڭ 10 مىڭ وتباسىنا مەيىر باعىشتاۋ» قيمىلى − جۇڭگو قىزىل كرەست قوعامىنىڭ ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرىپ، شينجياڭعا كومەكتەسۋ قىزمەتىن تياناقتاندىرۋداعى ناقتى ارەكەتى ءارى پارتيا ورتالىق كوميتەتى مەن بۇكىل ەل حالقىنىڭ شينجياڭعا جاساعان قامقورلىعى.

  جاڭ چۇنشيان بىلاي دەدى: شينجياڭ ءشول - جازيرا، اشىق اسپان، كۇن نۇرى سياقتى وزگەشە ابزال بايلىعىنا سۇيەنىپ، دەنساۋلىق جانە زەينەتكەرلىك قامسىزداندىرۋ كاسىبىن بارىنشا دامىتۋدا. جىبەك جولى ەكونوميكالىق بەلدەۋىندەگى وزەكتى رايون قۇرۋدان پايدالانىپ، شينجياڭ جۇڭگوشا، باتىسشا شيپاگەرلىك پەن ۇيعۇر شيپاگەرلىگى ەرەكشەلىگىن ساۋلەلەندىرىپ، ەمدەۋ، دەنساۋلىق ساقتاۋ، زەينەتكەرلىك قامسىزداندىرۋ، ساياحات كاسىبى ءوزارا ۇشتاسقان حالىقارالىق ەمدەۋ، قىزمەت وتەۋ ورتالىعىن قۇرىپ شىعادى. اۆتونوميالى رايوندىق پارتكوم، شينجياڭدى ەڭ تازا وڭىرگە اينالدىرىپ، جاڭاشا قالا - قالاشىقتاندىرۋدى جەدەل ىلگەرىلەتۋمەن بىرگە، «قىستاقتارى كوركەم، قىستاق تۇرعىندارى باي، قىستاق سالتى تاماشا» كورىكتى اۋىل - قىستاق قۇرۋعا قۇلشىنۋدى العا قويدى. جۇڭگو قىزىل كرەست قوعامنىڭ پارتيا 18 - كەزەكتى ورتالىق كوميتەتىنىڭ بەسىنشى جالپى ماجىلىسىندە العا قويىلعان 5 ۇلكەن دامۋ يدەياسىمەن ۇشتاستىرىپ، ەمدەۋ، قىزمەت وتەۋدى جوعارى دەڭگەيدە جوبالاۋ، دارىندىلاردى باۋلۋ سياقتى جاقتاردا ۇزدىكسىز قولداۋ كورسەتىپ، جىبەك جولى ەكونوميكالىق بەلدەۋىندەگى وزەكتى رايوننان ەمدەۋ، قىزمەت وتەۋ ورتالىعىن قۇرۋعا ۇلەس قوسۋدى ءۇمىت ەتەمىن. چىن جۋ بىلاي دەدى: قىزىل كرەست قوعامى − پارتيا مەن ۇكىمەتتىڭ گۋمانيتارلىق سالادا بۇقارامەن بايلانىس جاسايتىن دانەكەرى ءارى كوپىرى. سوڭعى جىلداردان بەرى، شينجياڭ قىزىل كرەست قوعامى اپات، شۇعىل جاعدايعا توتەپ بەرۋ، كومەك كورسەتۋ، قۇتقارۋ سياقتى جاقتاردا ماڭىزدى رول اتقاردى. جۇڭگو قىزىل كرەست قوعامى اپاتتان قۇتقارۋ، اپاتتان قۇتقارۋعا دايىندالۋ جۇيەسى قۇرىلىسى، وسپىرىمدەردىڭ سالماقتى اۋرۋىن ەمدەۋ، ەمدەۋ قوسىنىن جەتىلدىرۋ سياقتى جاقتاردا، بۇكىل ەلىمىز بايلىعىمەن باعىتتامالى تۇردە سايكەسىپ، شينجياڭنىڭ ءىس جۇزىندىك جاعدايىمەن ۇشتاستىرىپ، جىبەك جولى ەكونوميكالىق بەلدەۋى وزەكتى رايونىندا ەمدەۋ قىزمەت وتەۋ ورتالىعىن قۇرۋ قۇرىلىسىن ىلگەرىلەتتى.

  26 - قاڭتار تۇستەن بۇرىن، رايونىمىزدا «قىزىل كرەست قوعامىنىڭ 10 مىڭ وتباسىنا مەيىر باعىشتاۋ» قيمىلى سانجى حۇيزۋ اۆتونوميالى وبلىسىنا جەتتى. بيىل شينجياڭ قىزىل كرەست قوعامى ءبىر ميلليون 550 مىڭ يۋاننىڭ زاتتىق - ماتەريالىن توپتاپ، تۇتاس شينجياڭداعى قيىنشىلىعى بار 6000نان استام ءار ۇلت وتباسىلارىنان حال سۇرايدى.

  قيىنشىلىعى بار وتباسىلارىنا بارىپ حال سۇراعاندا چىن جۋ بىلاي دەدى: ءار دارەجەلى قىزىل كرەست قوعامدارى وسى رەتكى ورايدى مىقتى يگەرىپ، پارتيا مەن ۇكىمەتتىڭ گۋمانيتارلىق سالاداعى دانەكەرلىك رولىن تولىق ساۋلەلەندىرىپ، پارتيا مەن ۇكىمەتتىڭ قامقورلىعىن، قوعامداعى ءار سالانىڭ مەيىرىن جانە قىزىل كرەست قوعامىنىڭ مەيىر باعىشتاۋ رۋحىن سان مىڭداعان وتباسىلارىنا جەتكىزىپ، تۇتاس رايونىمىزداعى قىزىل كرەست قوعامىنىڭ قۇتقارۋ، كومەك بەرۋ قىزمەتىن ونان ارى تەرەڭدەتۋى كەرەك.

  اۆتونوميالى رايوننىڭ باسشىلارىنان شوكىرات زاكىر، نايىم ياسىن، عانيبات سابىكەي ۇلى، مانەن زەينەل ۇلى، تيان ۋىن جانە جۇڭگو قىزىل كرەست قوعامى پارتگرۋپپاسىنىڭ شۋجيى، ورىنباسار باستىعى شۇي كى جوعارىداعى قيمىلداردا بىرگە بولدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.