بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

اۆتونوميالى رايون كەدەيلەردى سۇيەمەلدەۋ قىزمەتى جونىندە اقپار جاريالاۋ ءماجىلىسىن اشتى

2016.01.27 15:34     كەلۋ قاينارى : شينجياڭ گازەتى

  «13 - بەسجىلدىق» جوبا كەزىندە، شينجياڭ «01 ارناۋلى ارەكەت» اتقارىپ، كەدەيلىكتەن قۇتىلدىرۋدان قامال الۋ شايقاسىن كۇش سالا جەڭىسپەن جۇرگىزەدى.

  اۆتونوميالى رايوننىڭ كەدەيلەردى سۇيەمەلدەۋ قىزمەتى جونىندەگى اقپار جاريالاۋ ءماجىلىسى 22 - قاڭتار كۇنى ءتۇستىڭ الدىندا ۇرىمجىدە وتكىزىلدى. اۆتونوميالى رايوندىق كەدەيلەردى سۇيەمەلدەۋ كەڭسەسى پارتيا باسشىلىق گرۋپپاسىنىڭ شۋجيى، مەڭگەرۋشى ما چىڭ اقپار جاريالاۋ ماجىلىسىندە بىلاي دەدى: شينجياڭنىڭ كەدەيلىكتەن قۇتىلدىرۋدان قامال الۋ شايقاسىنىڭ جاعدايى مەن مىندەتىن تولىق ەسكەرە وتىرىپ، نىسانا ارقىلى جەتەكشىلىك ەتۋ مەن ماسەلە ارقىلى جەتەكشىلىك ەتۋدىڭ بىرلىگىنە، جان - جاقتى ورنالاستىرۋ مەن ماڭىزدى تۇيىندەردى كورنەكتىلەندىرۋدى سايكەستىرۋگە، ستراتەگيالىق سيپاتى مەن يكەمدىلىگىن ۇشتاستىرۋعا تاباندى بولىپ، كەدەيلەردى سۇيەمەلدەۋ بايلىعىن تولىق جيناقتاي كەلىپ، اۆتونوميالى رايون «10 ارناۋلى ارەكەتتى» اتقارۋدى ۇيعاردى.

  «10 ارناۋلى ارەكەت» ەكى بولىمگە بولىنەدى. كەدەيلىكتەن قۇتىلدىرۋ نىساناسىن ارقاۋ ەتىپ، ەرەكشە كاسىپتەر ارقىلى جەتەكتەۋ، باسقا كاسىپ سالالارىنا ويىستىرىپ كاسىپتەندىرۋ، كەدەيلەردى سۇيەمەلدەۋ بويىنشا باسقا جەرلەرگە كوشىرۋ، ەكولوگيالىق تولەم بەرۋ جولىمەن كەدەيلىكتەن قۇتىلدىرۋ، وقۋ - اعارتۋ ارقىلى كەدەيلەردى سۇيەمەلدەۋ، قوعامدىق قامتاماسىزداندىرۋدى تومەنگى شەكتەن تۇسىرمەۋ، حالىق تۇرمىسىن جاقسارتۋ، كەدەرگىلەردى بۇزۋ سياقتى 8 ارناۋلى ارەكەتتى اتقارۋ ارقىلى، كەدەيلەر قاۋىمىنىڭ كەدەيلىكتەن قۇتىلۋىنا، بىرتىندەپ اۋقاتتانۋىنا مۇمكىندىك جاسالادى؛ شينجياڭنىڭ قوعام ورنىقتىلىعى مەن باياندى تىنىشتىعىن ارقاۋ ەتىپ، كەدەيلەردى سۇيەمەلدەۋ مەن اقىل - پاراسات ارقىلى سۇيەمەلدەۋدى قاتار جۇرگىزۋگە تاباندى بولىپ، شەكارا وڭىردە كەدەيلەردى سۇيەمەلدەۋ، وسى زامانعى مادەنيەت ارقىلى جەتەكتەۋ سىندى 2 ارناۋلى ارەكەتتى اتقارىپ، ءدىني ۇشقارىلىققا وسى زامانعى مادەنيەتپەن سوققى بەرىپ، كىرىستەرىنىڭ ارتۋىن دا، وي - ساناسىنىڭ اشىلۋىن دا قامتاماسىز ەتەدى.ما چىڭ بىلاي دەدى: «10 ارناۋلى ارەكەتتى» ءساتتى اتقارۋ ءۇشىن، اۆتونوميالى رايون قازىنا، فينانس، مال - مۇلىك پايداسى، جەردەن پايدالانۋ، دارىندىلار، شابىتتاندىرۋ سياقتى «6 ساياساتتى» بەلگىلەپ، پارمەندى سۇيەنىش ەتەدى. كەدەيلىكتەن قۇتىلدىرۋدان قامال الۋ مەزگىلىندە اۆتونوميالى رايون قازىناسىنىڭ كەدەيلەردى سۇيەمەلدەۋگە ءبولىنىپ وتىرعان قازىرگى قارجى نەگىزىندە، قولداۋ سەرپىنىن ۇزدىكسىز ارتتىرىپ، اۆتونوميالى رايوننىڭ قازىنادان كەدەيلەردى سۇيەمەلدەۋگە ارناۋلى بولىنەتىن سايكەستى قارجى كولەمىن ءبىرشاما ارتتىرىپ، ۇكىمەتتىڭ قارجى سالۋ سۋبيەكتتەرىن جانە جەتەكشى رولىن شىن مانىندە كۇشەيتەدى ءارى كەدەي اۋدانداردىڭ كەدەيلىك قالپاعىن الىپ تاستاۋى بويىنشا سيلاۋ ءتۇزىمىن ورناتىپ، كەدەيلىك قالپاعىن الدىمەن الىپ تاستاعان كەدەي اۋدانداردى بەلگىلى ولشەم بويىنشا سيلاۋدى ۇيعاردى.

  بۇدان سىرت، كەدەيلىكتەن قۇتىلدىرۋدان قامال الۋ شايقاسىن جەڭىسپەن جۇرگىزۋگە ۇيىمدىق جاقتان كەپىلدىك ەتۋ ءۇشىن، اۆتونوميالى رايون «9 مەحانيزمدى»، ياعني كەدەيلەردى دالمە - ءدال سۇيەمەلدەۋ مەحانيزمىن، ۇيىمدىق جاقتان قامتاماسىز ەتۋ مەحانيزمىن، تىك باعىتتى بىرلەسىپ قيمىلداۋ مەحانيزمىن، كولدەنەڭ باعىتتى سەلبەستىك مەحانيزمىن، قوسىندى قامتاماسىز ەتۋ مەحانيزمىن، قوعامدى اتتانىسقا كەلتىرۋ مەحانيزمىن، كەدەيلەردى سۇيەمەلدەۋ جونىندەگى ۇگىت مەحانيزمىن، كەدەيلەردى سۇيەمەلدەۋدى باعالاۋ مەحانيزمىن، تەكسەرۋ، باعالاۋ، جاۋاپكەرشىلىكتى قۋزاستىرۋ مەحانيزمىن بەلگىلەدى. بۇگىندە اۆتونوميالى رايوندىق پارتكوم، ۇكىمەت 12ايماق، وبلىسپەن، 35 كەدەي اۋدانمەن، سونداي - اق اۆتونوميالى رايوندىق كەدەيلەردى سۇيەمەلدەۋ، وركەندەتۋگە باسشىلىق ەتۋ گرۋپپاسىنىڭ مۇشە ورىندارىمەن كەدەيلىكتەن قۇتىلدىرۋدان قامال الۋ بويىنشا جاۋاپكەرشىلىك حاتىنا قول قويىپ وتىر. ايماق، وبلىستار دا اۋىلدارمەن، قىستاقتارمەن دارەجە بويىنشا جاۋاپكەرشىلىك حاتىنا قول قويىپ، ساتىلار بويىنشا قىسىم ءتۇسىرىپ، قىزمەت جاۋاپكەرشىلىگىن تياناقتاندىرادى.

  ما چىڭ بىلاي دەدى: كەدەيلىكتەن قۇتىلدىرۋدان قامال الۋ ءۇشىن، اۆتونوميالى رايون تومەنگى نىسانانى بەلگىلەدى، ونىڭ باستى مازمۇنى: اۋىل - قىستاقتاعى كەدەيلەر قاۋىمىنىڭ ىشەر استان، كيەر كيىمنەن تارىقپاۋىن ورنىقتى تۇردە ىسكە اسىرۋ؛ مىندەتتى وقۋ - اعارتۋمەن، نەگىزدىك ەمدەۋمەن، تۇرعىن ۇيمەن قامتاماسىز ەتۋ؛ كەدەي وڭىرلەردەگى شارۋالاردىڭ جان باسىندىق قولداعى تابىسىنىڭ ارتۋ مولشەرى بۇكىل شينجياڭنىڭ ورتاشا ورەسىنەن جوعارى بولۋ؛ الەۋمەتتىك قىزمەتتىڭ نەگىزگى سالاسىنداعى كورسەتكىش بۇكىل ەلدىڭ ورتاشا ورەسىنە جاقىنداۋ؛ وزەگى: بۇكىل شينجياڭداعى قازىرگى ولشەمنىڭ استىنداعى اۋىل - قىستاقتاعى 2 ميلليون 610 مىڭ كەدەيدىڭ تۇگەل كەدەيلىكتەن قۇتىلۋىن قامتاماسىز ەتۋ، 3029 كەدەي قىستاقتىڭ تۇگەل كەدەيلىك تىزىمىنەن شىعۋىن قامتاماسىز ەتۋ، 35 ءتۇيىندى كەدەي اۋداننىڭ تۇگەل كەدەيلىك قالپاعىن الۋىن قامتاماسىز ەتۋ، وڭتۇستىك شينجياڭداعى 3 ايماق، ءبىر وبلىستاعى وڭىرلىك تۇتاس كەدەيلىك ماسەلەسىنىڭ شەشىلۋىن قامتاماسىز ەتۋ.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.