- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
وزگەشە جابىلۋ سالتىن باستادى
2016.02.01 15:39 كەلۋ قاينارى : شينجياڭ حالىق راديو ستانسياسى تورابى
ساعات 13 تەن 30 مينۋت وتكەندە، سپورتشىلار سيمفونياسىنىڭ سۇيەمەلدەۋىندە، قولدارىنا «مەملەكەتتىك 13-كەزەكتى قىسقى سپورت جارىسىنا» قاتىناسقان 52 ۋاكىلدەر ۇيىرمەسىنىڭ تۋىن ۇستاعان تۋشىلار باسىن بۇلت شالعان قاراعايلى قاپتالدان قاتارلاسا ءتىزىلىپ تومەن زۋلاپ، وزگەشە جابىلۋ سالتىن باستادى.
مەملەكەت گيمىنى اۋەلەسىمەن، تۇتاس الاڭداعىلار بىرگە اسقاقتاتا شىرعاپ، بەس جۇلدىزدى نارت قىزىل تۋ جەلبىرەدى.
«مەملەكەتتىك 13-كەزەكتى قىسقى سپورت جارىسىن» ۇيىمداستىرۋ كوميسسياسىنىڭ اتقارۋشى مەڭگەرۋشىسى، اۆتونوميالى رايوننىڭ ءتوراعاسى شوكىرات زاكىر جابىلۋ سالتىندا ءسوز سويلەدى. ول ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى، شينجياڭ ءوندىرىس قۇرىلىس بيڭتۋانىنىڭ ءبىرىنشى شۋجيى، ءبىرىنشى ساياسي كوميسسارى جاڭ چۇنشيان، اۆتونوميالى رايوندىق پارتكوم، حالىق ۇكىمەتى جانە شينجياڭداعى ءار ۇلت حالىقى اتىنان، پارتيا ورتالىق كوميتەتىنىڭ، مەملەكەتتىك كەڭەستىڭ شينجياڭنىڭ مەملەكەتتىك 13-كەزەكتى قىسقى سپورت جارىسىن وتكىزۋىنە ەرەكشە قامقورلىق جاساعانىنا جانە مەملەكەتتىك دەنە-تاربيە باس مەكەمەسىنىڭ مۇقيات جەتەكشىلىك ەتكەنىنە العىسىن ءبىلدىرىپ، جارىسقا قاتىناسقان ءار قايسى ۋاكىلدەر ۇيىرمەسىنىڭ بەلسەنە سەلبەسۋى مەن سپورتشىلاردىڭ، جاتتىقتىرۋشىلاردىڭ، تورەشىلدەردىڭ تاماشا بەينەسىنە جانە ەرىكتىلەردىڭ، قوعام اماندىعىن قورعاۋشىلاردىڭ، قىزمەتكەرلەردىڭ قالتىقسىز قوسقان ۇلەسىنە راحمەت ايتتى.
شوكىرات زاكىر بىلاي دەدى: مەملەكەتتىك 13-كەزەكتى قىسقى سپورت جارىسى الاڭىندا، ەلىمىزدىڭ قار-مۇز ساڭلاقتارى وليمپيادا رۋحى مەن جۇڭحۋا دەنە-تاربيە رۋحىن كۇش سالا ساۋلەلەندىرىپ، قايسارلىقپەن ۇمتىلىپ، تاماشا بەت-بەينەسىن ايگىلەپ، وزىق دەڭگەيلى جارىس وتكىزىپ، ەلىمىزدىڭ قار-مۇز سپورتىنىڭ شۇعىلالى ناتيجەسىن بىرگە جاراتتى. سولتۇستىكتىكتىڭ قار-مۇز سپورتىن وڭتۇستىككە جەتكىزىپ، باتىسقا ىرگە كەڭەيتۋ ستراتەگياسىن ىشكەرىلەي اتقارىپ، 300 ميلليون ادامدى قار-مۇز سپورتىنا قاتىناسۋعا باستاپ، 2022-جىلعى بەيجيڭ قىسقى وليمپياداسىنا تاماشا جاعداي جاراتۋدا بەلسەندى جەبەۋ رولىن اتقاردى. ول، شينجياڭنىڭ وسى كەزەكتى قىسقى سپورت جارىسى مۇراسىنا ۇزدىكسىز مۇراگەرلىك ەتىپ، رۋحىن ۇزدىكسىز ساۋلەلەندىرىپ، ەلىمىزدىڭ قار-مۇز سپورتىنىڭ جەدەل دامۋىنا قۇلشىنىس جاساپ، تىڭ كۇش قوساتىنىن ايتتى.
«مەملەكەتتىك 13-كەزەكتى قىسقى سپورت جارىسىن» ۇيىمداستىرۋ كوميسسياسىنىڭ مەڭگەرۋشىسى، مەملەكەتتىك دەنە-تاربيە باس مەكەمەسىنىڭ باستىعى ليۋ پىڭ قىسقى سپورت جارىسىنىڭ جابىلۋ سالتىندا ءسوز سويلەپ، كوركەم شينجياڭنىڭ بۇكىل ەلىمىز حالقىنا ءساتتى، ەسىكتى ايقارا اشقان، حالىققا ءتيىمدى، ۇنەمىشىل دە پاك قار-مۇز سپورت جارىسىن وتكىزگەنىن، وسى رەتكى قىسقى سپورت جارىسى ەلىمىزدىڭ قار-مۇز سپورتى تاريحىنا ءسان قوسىپ، وزگەشە اسەر قالدىرعانىن ايتا كەلىپ، مەملەكەتتىك دەنە-تاربيە باس مەكەمەسى مەن مەملەكەتتىك 13-كەزەكتى قىسقى سپورت جارىسىن ۇيىمداستىرۋ كوميسسياسى اتىنان اۆتونوميالى رايوندىق پارتكوم مەن حالىق ۇكىمەتىنە، سونداي-اق رايونىمىزداعى ءار ۇلت حالىقىنا شىن جۇرەكتەن العىس ايتتى.
ليۋ پىڭ بىلاي دەدى: وسى كەزەكتى قىسقى سپورت جارىسىنىڭ ءساتتى وتكىزىلۋى ـــ ەلىمىزدىڭ دەنە-تاربيە ىستەرىنە ىشكەرىلەي رەفورما جاساۋ مەن قار-مۇز سپورتىن بار كۇشپەن دامىتۋدىڭ ماڭىزدى جەتىستىگى، 2022-جىلعى بەيجيڭ وليمپياداسىنا دايىندالۋداعى ءبىر رەتكى ماڭىزدى جاتتىعۋ، ەلىمىزگە دەنە-تاربيە جاعىنداعى ءبىر توپ ۇزدىك ارتقى شەپ دارىندىلارى مەن ۇيىمداستىرۋ، باسقارۋ دارىندىلارىن تاربيەلەپ، ەلىمىزدىڭ قار-مۇز سپورتىنىڭ تۇتاس دەڭگەيىن اناعۇرلىم جوعارىلاتتى؛ قار-مۇز مادەنيەتىن بارىنشا جالپىلاستىرىپ جانە ۇگىتتەپ، بۇقارانى دەنە شىنىقتىرىپ قار-مۇز سپورتىمەن اينالىسۋعا جەبەپ، قار-مۇز سپورتى كاسىبىنە تىڭ دامۋ ورايىن جاراتىپ، رايونىمىزدىڭ ەكونوميكاسى مەن قوعامىنىڭ دامۋى، ۇلتتار ىنتىماعى، شەكارانى بەكەمدەۋىنە ناقتى ۇلەس قوسىپ، 300 ميلليون حالىقتىڭ قار-مۇز سپورتىنا قاتىناسۋ نىساناسىن ورىنداۋىنا كومەكتەسىپ، ۇلگىلىك رول اتقارىپ، ەلىمىزدىڭ «13-بەسجىلدىق» پلان كەزىندە قار-مۇز سپورتىن بارىنشا دامىتۋىنىڭ تىڭ داستانىن جازدى، 2020-جىلى مەملەكەتتىك 14-كەزەكتى قىسقى سپورت جارىسىندا باس قوسۋىمىزعا مۇمكىندىك جاسادى.
ليۋ پىڭ «مەملەكەتتىك 13-كەزەكتى قىسقى سپورت جارىسىنىڭ تابىسپەن» جابىلعانىن جاريالادى. «مەملەكەتتىك 13-كەزەكتى قىسقى سپورت جارىسىنىڭ» ءانى اساقتاتا شىرقالدى، مەملەكەتتىك 13-كەزەكتى قىسقى سپورت جارىسىنىڭ تۋى باياۋ ءتۇسىرىلىپ، قاسيەتتى الاۋ ءسوندىرىلدى. مەملەكەتتىك 14-كەزەكتى قىسقى سپورت جارىسى 2020-جىلى ىشكى موڭعۇلدا وتكىزىلەدى. جابىلۋ سالتىندا، ىشكى موڭعۇل اۆتونوميالى رايونىنىڭ ورىنباسار ءتوراعاسى ليۋ شينيۋە مەملەكەتتىك قىسقى سپورت جارىسىنىڭ تۋىن وتكىزىپ الدى. جابىلۋ سالتىنىڭ دەنە-تاربيە ويىن ءنومىرى باستالدى.
جابىلۋ سالتىنداعى دەنە-تاربيە ويىنىنا قاتىناسقان 10 مىڭنان ارتىق ارتيست تۇگەل ەگىن-مال شارۋاشىلىق رايونى، ورتا-باستاۋىش مەكتەپ پەن ءارقايسى دەنە-تاربيە قوعامىنان كەلگەن، ولار ەلىمىزدىڭ ءىشى-سىرتىنان كەلگەن كورەرمەندەرگە رايونىمىزدىڭ جاستار مەن ورەندەر سپورتىن جانە حالىقتىق دەنە شىنىقتىرۋ سپورتىن تانىستىرىپ، دەنە-تاربيە سپورتىنىڭ كەرەمەتىن ايگىلەپ، ناقتى ءىس-ارەكەتى ارقىلى 300 ميلليون حالىقتىڭ قار-مۇز سپورتىنا قاتىناسۋىنا كومەكتەسىپ، دەنساۋلىق احاۋسىزدىعىنا ۇلەس قوستى.
تارتىمدى ويىن نومىرلەرى مەملەكەتتىك 13-كەزەكتى قىسقى سپورت جارىسىنىڭ جابىلۋ سالتىن جوعارى ورلەۋگە كوتەردى، جۇرت قۋانىش قۇشاعىنا شومدى، ءبىر-بىرىنە قيماستىقپەن قوشتاستى.
«مەملەكەتتىك 13-كەزەكتى قىسقى سپورت جارىسىن» ۇيىمداستىرۋ كوميسسياسىنىڭ ورىنباسار مەڭگەرۋشىسى، اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى حۋاڭ ۋي جابىلۋ سالتىن باسقاردى.
«مەملەكەتتىك 13-كەزەكتى قىسقى سپورت جارىسىن» ۇيىمداستىرۋ كوميسسياسىنىڭ ورىنباسار مەڭگەرۋشىسى، مەملەكەتتىك دەنە-تاربيە باس مەكەمەسى باستىعىنىڭ كومەكشىسى گاۋ جىدان، «مەملەكەتتىك 13-كەزەكتى قىسقى سپورت جارىسىن» ۇيىمداستىرۋ كوميسسياسىنىڭ ورىنباسار مەڭگەرۋشىسى، اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى لي شۋەجۇن جەكە-جەكە دەنە-تاربيە ءمورال سيلىعى، جارىسقا قاتىناسۋ ەستەلىك سيلىعى جانە ۇزدىك ەرىكتىلەردى ماداقتاپ سيلاۋ، ەرىكتىلەر قىزمەتىندەگى وزات كوللەكتيۆ پەن وزاتتارعا قاتىستى ۇيعارىمدى وقىدى. مەملەكەتتىك دەنە-تاربيە باس مەكەمەسى مەن قاتىستى ورىنداردىڭ باسشىلارىنان ياڭ شۋ-ءان، زوۋ شياۋپيڭ، لي يىڭچۋان؛ اۆتونوميالى رايوننىڭ جانە شينجياڭ ءوندىرىس-قۇرىلىس بيڭتۋانىنىڭ باسشىلارىنان جۋ حايلۇن، ليۋ چينچي، جۋ چاڭجيە، تيان ۋىندەر جابىلۋ سالتىنا قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
