- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەاتر بارىنەن ماڭىزدى
2016.02.29 14:22 كەلۋ قاينارى : شينجياڭ حالىق راديو ستانسياسى تورابى
«بيڭتۋان ەستەلىگى» اتتى درامادا جاڭا جۇڭگو قۇرىلعان العاشقى كەزدەگى بيڭتۋاننىڭ اسكەري تىڭ يگەرۋ جاۋىنگەرلەرىنىڭ قۇبا ءشولدى بەتكە الىپ، تىڭ يگەرىپ، شەكارانى قورعاعان اڭگىمەسى باياندالعان. درامادا چىڭ يۇڭگى باس كەيىپكەردىڭ رولىن سومدايدى، 2013-جىلى ماۋسىمدا دارما تۇڭعىش رەت ءساتتى قويىلدى، ءارى اسكەري تىڭ يگەرۋ ساقا جاۋىنگەرلەرى مەن كورەرمەندەردىڭ ءبىر اۋىزدان جاقسى باعاسىنا يە بولدى. شىحىزى قالالىق پارتكوم ۇگىت ءبولىمىنىڭ باستىعى يان پيڭ بىلاي دەدى: ويىن اياقتاعاننان كەيىن، ساقا جاۋىنگەرلەر كوزىنە جاس الىپ، ساحناعا تۋرا تارتىپ، چىڭ يۇڭگىمەن قول الىستى، ولار وزدەرىنىڭ سول كەزدەگى جاستىق شاعىن، اڭگىمەسىن ءوز اينىندە جەتكىزىپ ورىنداعاندارىنا العىس ءبىلدىردى.
بۇل دراما چىڭ يۇڭگىنىڭ ەڭ سوڭعى تۋىندىسى. 2012-جىلى ماۋسىمدا، شىحىزى قالالىق ءان-بي دراما ۇيىرمەسى مەن شىحىزى قالالىق حىنان تەاترى ۇيىرمەسى بىرلەسىپ وسى دراماعا جاتتىققاندا، چىڭ يۇڭگىنىڭ بەزى ءىسىنىپ، وكپەسىندە وسپە بار ەكەندىگى انىقتالادى. قىزمەتتەستەرى وعان دەرەۋ ىشكەرىلەي تەكسەرىلۋدى ۇسىنىس ەتكەندە، ول بۇدان باس تارتادى. حىنان تەاترى ۇيىرمەسىنىڭ باستىعى چىن ۋىنجۇڭ بىلاي دەدى: ول ءدال وسى كەزدە ىشكەرىلەي تەكسەرىلۋگە كەتسەم تۇتاس تەاتردىڭ جاتتىعۋ ۋاقىتىنا اسەر ەتەتىنىن، سونىمەن بىرگە ارتيست اۋىستىرسا جاڭادان شىققان ارتيسكە قىسىمنىڭ زور تۇسۋىنەن الاڭدايتىنىن ايتتى.ءسويتىپ، چىڭ يۇڭگى ناۋقاس ازابىنا توزە ءجۇرىپ تاباندىلىقپەن جاتتىقتى. جاتتىعۋ ارالىعىندا، چىڭ يۇڭگى ۇنەمى پيونينونىڭ ۇستىنە قويىلعان تاباقتان ءدارى تالقانىن الىپ، ىشەتىن. چىن ۋىنجۇڭ بىلاي دەدى: بۇرىن چىڭ يۇڭگى جولداس جاتتىققان كەزدە باسقالارمەن پىكىر اۋىستىرۋدى جاقسى كورەتىن، ناۋقاستانعاننان كەيىن دوستارىمەن كوپ اڭگىمەلەسپەيتىن بولدى، سەبەبى ول شارشاپ قالماۋدى ويلادى، ۇيتكەنى ءار رەت جاتتىعۋ اياقتاعاندا ول قارا تەرگە مالشىنىپ، ءوڭى بوزارىپ كەتەتىن.
«بيڭتۋان ەستەلىگى» اتتى وسى دراماعا جاتتىعۋدان ساحنادا ورىندالىپ اياقتالعانعا دەيىن، چىڭ يۇڭگىنىڭ ناۋقاسى بايقالعانىنا جارىم جىل وتەدى. سول جىلى قاراشادا، چىڭ يۇڭگى شيپاحاناعا جاتادى، بۇل كەزدە ونىڭ ناۋقاسى وكپە راگىنىڭ ورتا كەزەڭىنە وتكەن ەدى. الايدا وپەراتسيا جاساتىپ، ەكى رەت حيميالىق ەمدەۋ جۇرگىزگەندە، چىڭ يۇڭگى «بيڭتۋان ەستەلىگىن» ۇرىمجىدە قويۋ مىندەتىن تاپسىرىپ الادى، جوعارى دارەجەلى باسشىلار ودان ويىن قويۋعا قاتىناسا الاتىن-المايتىنىن سۇراعاندا ول ءارى-ءسارى بولماستان، قاتىناسا الامىن! ـ-دەدى، ءسۇيتىپ چىڭ يۇڭگى ناۋقاستان السىرەگەن دەنەسىن سۇيرەپ، وسى رەتكى ويىن قويۋ مىندەتىن تاماشا ورىندايدى. ويىن اياقتاعاندا، چىڭ يۇڭگىنىڭ ۇستىندەگى كيىم تۇگەل تەرگە مالشىنىپ سۋ بولىپ كەتكەن ەدى.يان پيڭ تىلشىگە چىڭ يۇڭگىنىڭ ۇنەمى تەاتردى بارىنەن ماڭىزدى ورىنعا قويۋ ارتيستىڭ نەگىزگى جاۋاپكەرلىگى دەيتىنىن ايتا كەلىپ بىلاي دەدى: چىڭ يۇڭگى ءوزى ورىنداعان بيڭتۋان ەستەلىگىندەگى سياقتى بيڭتۋاندىقتاردىڭ قالتىقسىز ۇلەسىن، ءورىس اشا العا باسۋىن بەينەلەدى. چىڭ يۇڭگى راسىندا ءبىزدىڭ بيڭتۋاندىقتاردىڭ ۇلگىسى. ول دۇنيەدەن وزسا دا، ونىڭ رۋحى ماڭگى جاسايدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
