- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قيمىلى جونىندە جازىلعان بايىمداۋ بويىنشا: «اۋىل-قىستاقتا قاجىرلىلىقپەن ناقتى ىستەر ىستەپ، قىستاق تۇرعىندارىن باقىتقا بولەپ، ريزالىعىنا يە بولدى» دەگەن 4-ءبولىمى
2016.02.29 14:22 كەلۋ قاينارى : شينجياڭ حالىق راديو ستانسياسى تورابى
بيىلعى شاعان مەرەكەسى اۆتونوميالى رايوندىق دامۋ-رەفورما كوميتەتىنىڭ يىڭسار اۋدانى توپلىق اۋىلى 3-قىستاعىنا 2-توپتا بارعان كادر شىن ۋىنجۇن جونىنەن العاندا ماڭگىلىك ۇمتىلماس كۇندەر بولدى.ول جاڭا جىلدا توساتتان ءوزى تۇرعان قىستاق پارتيا ياچەيكاسىنىڭ شۋجيى ءازىمشانىڭ تەلەفونىن الدى، ءازىمشا ۇرىمجىگە كەلىپ وعان شاعانشىلاي بارماقشى ەكەن. مۇنى شىن ۋىنجۇن مۇلدە ويلاپ كورمەگەن ەدى. ول: «وسىنشاما ۇزاق جىلدان بەرى مەن باسقالارعا،باسقالاردا ماعان شاعانشىلادى، الايدا بۇل جولعىداي تەبىرەنىپ كورمەپپىن، ەكەۋىمىز جولىققاندا قۇشاقتاسىپ كورىستىك. كۇن سۋىق بولعاندىقتان، ول تۇماۋراتىپ قالىپتى، سونىمەن ساۋدا سارايىنا بارىپ، وعان جۇننەن توقىلعان سىم ساتىپ الىپ بەردىم»،-دەدى.
شىن ۋىنجۇن، قىستاقتا ءبىر جىل تۇرعاندا قىزمەت گرۋپپاسىنىڭ قىستاق تۇرعىندارىنىڭ قيىنشىلىعىن شەشۋگە، قىستاق پارتيا ياچەيكاسىنىڭ نەگىزىن كۇشەيتىپ، بەدەلىن ورناتۋعا شىن پەيىلمەن كومەكتەسىپ، قىستاقتاعىلارمەن قويۋ دوستىق ورناتقانىن ايتىپ: «ءبىر جىلدا نەداۋىر كوپ جۇمىس ىستەلدى، بىرىنشىدەن، ءبىر قۇدىقتىڭ سۋىمەن نەشە ءجۇز مۋ جەردى سۋارۋعا بولادى ەكەن، ءبىراق ول قۇدىققا توك تارتىلماپتى، توك تارتىلعاننان كەيىن قسىتاق تۇرعىندارىنىڭ ءار جىلعى كىرىسى 200 مىڭ يۋان ارتادى. ەكىنشىدەن، قىستاقتا ۇنەمى توك توقتايدى. سونىمەن قىستاقتاعى بارلىق توك جولىن تۇگەل جاڭالادىق»،-دەدى.
شىن ۋىنجۇن سياقتى، تۇتاس رايونىمىزدىڭ ءار دارەجەلى سان مىڭداعان قىستاققا بارعان قىزمەت گرۋپپاسى قىستاق تۇرعىندارىنىڭ ناقتى قيىنشىلىقتارىن تاباندىلىقپەن، شىن پەيىلمەن شەشىپ، ولاردىڭ كىرىستى ارتتىرىپ اۋقاتتانۋىنا كومەكتەستى. «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قيمىلى ورىستەتىلگەن تۇڭعىش جىلى، ياعني 2014-جىلى جەر-جەردەگى قىزمەت گرۋپپاسى اۋىل-قىستاق جولدارىن، ەلەكتر تورابىن جاڭالاۋ، حالىقتى اۋقاتتاندىرىپ بەيقۇت ءۇي سالۋ سياقتى حالىق تۇرمىسى نىسانىنان 9 مىڭنان استامىن جۇرگىزدى، 2015-جىلى تۇتاس رايونىمىزداعى 9 مىڭ 611 قىستاق تاعى قىستاق دارەجەلى حالىققا تيىمدىلىك جەتكىزەتىن حالىق تۇرمىسى ينجەنەرياسىنا 4 ميلليارد 770 ميلليون يۋان ارناۋلى قارجى شىعارىپ، ءاربىر قىستاقتا 500 مىڭ يۋانعا تۋرا كەلەتىن نىسان بولۋىنا كەپىلدىك ەتتى.
حوتان قالاسىنىڭ جييا اۋىلى اتلاس قىستاعىندا شينجياڭ ينجەنەريا ينستيتۋتىنان قىستاققا بارعان قىزمەت گرۋپپاسى قىستاقتان تاۋىق فەرماسىن قۇردى، جارتى جىلداي سىناۋ ارقىلى تاۋىق فەرماسى قىستاق كوللەكتيۆىنىڭ كىرىسىن 100 مىڭ يۋان ارتتىردى. سىناق ءتۇيىنى ءساتتى بولۋ نەگىزىندە، قىزمەت گرۋپپاسى كەدەيلەردى سۇيەمەلدەۋدىڭ تاماشا ۇلگىسىن قولدانىپ، باعىمشىلىقپەن شۇعىلدانعىسى كەلەتىن 11 وتباسىن تاڭداپ، ولارعا اسىل تۇقىمدى تاۋىق تاراتتى، ءارى تەحنيكالىق جاقتان جەتەكتەپ، قىستاق تۇرعىندارىنىڭ اۋلا شارۋاشىلىعىن دامىتۋىن قولدادى. قىستاق تۇرعىنى مامەت تۇرسىن: «تۇڭعىش توپتا 100 تاۋىق باقتىق. كادرلار تاۋىق باعۋ تەحنيكاسىن، ىندەتتەن ساقتانۋ بىلىمدەرىن ۇنەمى ءتۇسىندىرىپ تۇرادى، كوكتەم كەلىسىمەن تاۋىقتى بازارعا شىعارىپ ساتۋعا بولادى. كەم دەگەندە ءبىر مىڭ يۋاننان ارتىق كىرىس كىرەدى»،-دەدى.
تاشقورعان تاجىك اۆتونوميالى اۋدانى رايونىمىزداعى تەڭىز دەڭگەيىنەن ەڭ بيىك اۋدان. وسى ارانىڭ جاراتىلىستىق شارت-جاعدايى ناشار، نەگىزگى قۇرىلعى قۇرىلىسى مەشەۋ. وتكەن جىلى ءۇرىمجى كەدەنىنىڭ ەكىنشى توپتاعى قىزمەت گرۋپپاسى تاشقورعان اۋدانىنىڭ ءۋارشيدى قىستاعىنا بارعاننان كەيىن ەكى اي ىشىندە ءبىر سەمەنت كوپىر سالدى، سونىمەن بالالار وقۋعا بارعاندا ەندىگارى 20 نەشە كيلومەترلىك تاۋ جولىن باسپايتىن بولدى، سونداي-اق بۇل جەرگىلىكتى ەكولوگيالىق ساياحاتتىڭ دامۋىن جەبەدى. قىزمەت گرۋپپاسىنىڭ باستىعى ۋىن گىنشۇي: «كوپىر سالىنعاننان كەيىن، بالالاردىڭ وقۋعا بارۋ ماسەلەسى شەشىلدى. مۇنىڭ شارۋالار تاعامجايىنىڭ كىرىسىن ارتتىراتىندىعىن ويلاماپپىز»،-دەدى.
قىستاقتا ءبىر جىل تۇرعان ۋىن گىنشۇي تابىسقا قول جەتكىزگەندەي بولدى، الايدا ونىڭ كوكەيتەستىلىگى اناعۇرلىم كۇشەيىپ، جەرگىلىكتى بۇقارانى تەزارادا اۋقاتتاندىرۋ ەڭ ۇلكەن ارمانىنا اينالدى. سونىمەن ونىڭ ءوتىنىش ەتۋىندە ول تاعى دا ءۇشىنشى توپتاعى قىزمەت گرۋپپاسىنا قوسىلدى، بيىل ول بۇقاراعا كومەكتەسىپ، كىرىستى ارتتىراتىن 7 نىساندى الىپ قىستاققا بارىپ تاعى ءبىر جىل قىزمەت ىستەمەك.كەدەيلەردى سۇيەمەلدەۋدە الدىمەن اقىل-پاراسات جاعىنان سۇيەمەلدەۋ كەرەك، ءار دارەجەلى قىزمەت گرۋپپاسى وندىرىستەگى قيىن ماسەلەلەردى شەشۋدەن سىرت، تاعى ۇزاق بولاشاقتى تياناق ەتىپ، وقۋ-اعارتۋدان باستاپ، ۇرپاقتاردىڭ ءبىلىمدى دە سانالى ادام بولىپ جەتىلۋىنە مۇمكىندىك جاسادى. اۆتونوميالى رايوندىق بانكە باقىلاۋ مەكەمەسىنىڭ حوتان اۋدانى تاۋال اۋىلى ھوڭ قىستاعىنا بارعان قىزمەت گرۋپپاسى قىستاقتان جاسى تولعان 45 بالانى سارالاپ، ولاردى حوتان اۋداندىق قوس ءتىل تاجىريبە ورتا مەكتەبىنە تەگىن وقۋعا جىبەردى. قىزمەت گرۋپپاسى سوڭعى جىلدارى سىرتقا شىعارۋ جانە سىرتتان ەنگىزۋ سياقتى ادىستەر ارقىلى قىستاقتاعى بالالارعا قوس ءتىل ۇيرەتۋدى جوسپارلادى. قىزمەت گرۋپپاسىنىڭ باستىعى مامەتيمىن تۇرسۇن: «وقۋ-اعارتۋ ـــــ نەگىز، ون نەشە جىلدان كەيىن بالالار ستۋدەنتكە اينالسا، سول كەزدە ھوڭ قىستاعىنىڭ وزگەرىسى اناعۇرلىم زور بولادى»،-دەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
