- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
مەملەكەتتىك ساياسي كەڭەستىڭ شينجياڭداعى مۇشەلەرى ءوز بورىشتارىن وتەۋمەن ابىگەر
2016.03.03 14:03 كەلۋ قاينارى : ءتاڭىرتاۋ تورابى
2 - اقپاندا بەيجيڭگە كەلىپ جەتكەن مەملەكەتتىك ساياسي كەڭەستىڭ شينجياڭداعى مۇشەلەرى الدا اشىلاتىن ساياسي كەڭەس مەملەكەتتىك 12 - كەزەكتى كوميتەتىنىڭ 4 - ءماجىلىسىن قارسى الۋ ءۇشىن ۇسىنىس جوبا دايىنداپ قاۋىرت قاربالاستىققا ءتۇستى. ءتىلشىمىز «13 - بەسجىلدىق» جوبادان باستاما جاراتاتىن جىلى مۇشەلەر نەلەرگە نازار اۋدارىپ وتىر؟ مىندەت بورىشتارىن قالاي وتەمەكشى؟ قانداي كەلەلى تاقىرىپتاردى مەملەكەتتىڭ شەشىم جاساۋىنا ۇسىنباقشى؟ دەگەن سۇراقتار جونىندە ساياسي كەڭەس مۇشەلەرىن اڭگىمەگە تارتتى.
دامۋعا بۇكىل ەل تۇرعىسىنان باس قاتىردى
«مەملەكەتتىڭ كەدەيلەردى دالمە - ءدال سۇيەمەلدەۋ جاعىندا شينجياڭعا قولداۋ كورسەتۋ سەرپىنىن ءتىپتى دە كۇشەيتۋىن، وسى زامانعى مال شارۋاشىلىعىنا جان - جاقتى رەفورما جۇرگىزۋدى سىناقتان وتكىزۋ رايونى قۇرىلىسىن ىلگەرىلەتۋىن ءۇمىت ەتەمىن»، - دەدى مۇشە جياڭ پيڭان، ول بۇل جولعى ماجىلىسكە 7 ءتۇرلى ۇسىنىس جوبا دايىندادى، ۇسىنىس جوبالاردىڭ مازمۇنىن بەس ساۋساعىنداي قانىق يگەرگەن ول تىلشىلەردىڭ سۇراۋىنا ىركىلمەي، تولىق، ەگجەي - تەگجەيلى جاۋاپ بەردى.
ءتىلشىنىڭ ۇعىسۋىنشا، مۇشەلەر «13 - بەسجىلدىق» جوبا، كەدەيلىكتەن قۇتىلدىرۋدان قامال الۋ شايقاسى، قامداۋ - قاجەتسىنۋ جاعىنداعى رەفورما، «ءبىر بەلدەۋ، ءبىر جول» سياقتى تولعاقتى تۇيىندەردى، ءتۇيىندى تاقىرىپتاردى توڭىرەكتەي وتىرىپ سىندارلى ۇسىنىس - پىكىر بەرمەكشى ەكەن.
مۇشە بۋاجار ابدۇللا دا وڭتۇستىك شينجياڭداعى كەدەيلەردى دالمە - ءدال سۇيەمەلدەۋگە بەلسەندى نازار اۋدارىپ، شارۋالار سەلبەستىك كووپەراتيۆىن جانە جەتەكشى كاسىپورىنداردى دامىتۋ جونىندە ۇسىنىس جوبا دايىنداپ الا كەلىپتى، «شينجياڭ ءوز كۇشىنە سۇيەنىپ ءومىر ءسۇرۋى، ءتۇرلى ءادىس - امالداردى قولدانىپ شارۋالاردى اۋقاتتاندىرۋى كەرەك»، - دەدى ول، بۋاجار جىبەك جولى ەكونوميكالىق بەلدەۋىنىڭ وزەكتى رايون قۇرىلىسىن ىلگەرىلەتۋدى توڭىرەكتەي وتىرىپ، شينجياڭنىڭ شەكارا ساۋداسىنىڭ ۇلگىسىنە بۇرىلىس جاساپ، دەڭگەيىن جوعارىلاتۋدىڭ جولىن قاراستىرىپ، ءوز ۇسىنىسىن العا قويىپ، شينجياڭنىڭ توڭىرەكتەگى وڭىرلەرمەن تەڭ يگىلىككە كەنەلۋىنە جار سالىپ، ۇندەۋ تاستاماقشى.
تاشقورعان تاجىك اۆتونوميالى اۋدانىنان كەلگەن مۇشە داميت ديۋانا اتا مەكەنىنىڭ ەكولوگيالىق ورتاسى، اۋىل - قىستاقتارداعى قارتتاردى كۇتىمگە الۋ سياقتى ماسەلەلەردى شەشۋ جونىندەگى ءوز ويىن ورتاعا قويۋمەن بىرگە، جاعدايعا بۇكىل ەلدىڭ دامۋ ستراتەگياسىنان كوز جىبەرىپ، جۇڭگونى توڭىرەكتەگى پاكيستان، قىرعىزستان، تاجىكستان سياقتى ەلدەرمەن تەمىر جول ارقىلى بايلانىستىرۋ جونىندە ۇسىنىس بەرمەكشى.
ماجىلسكە قۇندى ۇسىنىس جوبا تاپسىرۋعا قۇلشىندى
12 - اقپان ساعات 12، تۇسكى تاماق كەزى بولسا دا مۇشە قاليمان جاتاعىندا ۇسىنىس جوباسىن تۇزەتۋمەن، وڭدەۋمەن قاربالاس بولدى. «ءبىر جىلدان بەرى مەن ۇنەمى ۇسىنىس جوبامەن قاتىستى تاراۋلارمەن بايلانىس جاساپ، امال - شارا ويلاپ، وي جەلىمدى رەتكە سالدىم، مەن شينجياڭنىڭ دامۋى، حالىقتىڭ باقىتى ءۇشىن ءوز ۇلەسىمدى قوسۋ ءۇشىن ماجىلسىكە ەڭ قۇندى ۇسىنىس جوبا تاپسىرۋىم كەرەك»، - دەدى ول.
قاليمان بەيجيڭگە قىزمەت اۋىستىرىپ بارعانىنا ءبىر جىلدان اسسا دا، ول اتا مەكەنى شينجياڭنىڭ ەسىكتى ايقارا اشىپ، قاۋىرت دامۋىنا ەرەكشە نازار اۋداردى، ءتىلشى وعان تىلشىلىك ىستەمەكشى بولىپ جاتاعىنا كەلگەندە ول ءبىر ۇسىنىس جوباعا وزگەرىس ەنگىزىپ جاتىر ەكەن، ول الگىندە عانا مۇشە گو لينامەن تىلدەسىپ، وسى ۇسىنىستى بىرلەسىپ تاپسىرماقشى بولعاندىعىن ايتتى.
«ماجىلسكە ەڭ جاقسى ۇسىنىس جوبا تاپسىرىپ، شينجياڭ حالقىن باقىتقا جەتكىزۋ ءۇشىن قۇلشىنۋىمىز كەرەك. «بۇل رەت وقۋ - اعارتۋ، ەكونوميكا جونىندە ۇسىنىس جوبا دايىندادىم، وسىعان جارتى جىل دايىندالىپ، قازىر ۇسىنىس جوبالاردى ەڭ سوڭعى رەت وزگەرتىپ، كەمەلدەندىرىپ جاتىرمىن»... مۇشەلەر جاتاقتارىندا ماتەريال كورىپ، ۇسىنىس جوبالارىن كەمەلدەندىرۋمەن قاۋىرت قاربالاس.
كورىكتى شينجياڭدى ويداعىداي ۇگىتتەيىك
مۇشەلەر تۇسكەن قونالقىدا ۇسىنىس جوبالارمەن تانىسىپ، مۇشەلەرمەن پىكىر اۋىستىردىم، ۇسىنىس جوبالار قوعام، ەكونوميكا، مادەنيەت، حالىق تۇرمىسى، اۋىل شارۋاشىلىعى، كولىك قاتىناسى، وقۋ - اعارتۋ، قورشاعان ورتانى قورعاۋ، مەملەكەتتى زاڭمەن جونگە سالۋ سياقتى سان سالاعا قاتىستى، مۇشەلەردىڭ تانىستىرۋى دا تولىق، جۇيەلى، ىستىق سەزىمگە تولى.
مۇشە فاتيما ماحمۇت − ادۆوكات، ول وسى جولى 17 ۇسىنىس جوبا اكەلىپتى، ونىڭ ىشىندە زاڭ شىعارۋ جانە زاڭعا وزگەرىس ەنگىزۋ تۋرالى ۇسىنىس جوبالار دا از ەمەس. مەملەكەتتىڭ دەمەۋىمەن «جيەيۋ حانىشا» اتتى كينو فيلم ءتۇسىرۋ تۋرالى ۇسىنىس جوبا نازارىمدى اۋداردى. ول جيەيۋ حانىشانىڭ ءومىر جولى مەن ۇلەسىن تانىستىرا كەلىپ: شينجياڭ ءالميساقتان جۇڭگونىڭ بولىنبەس ءبىر بولىگى، ءار ۇلت بىرگە قورعاپ، بىرگە گۇلدەندىرگەن كيەلى مەكەن، كينو ونەرى ارقىلى الەمگە «جۇڭگو حيكاياسىنان» سىر شەرتىپ، دۇنيە جۇزىنە شينجياڭنىڭ تاريحى مەن مادەنيەتىن ۇگىتتەۋگە بولادى، − دەدى.
مۇشە فاتيما ماحمۇتتىڭ ايتۋىنشا، شينجياڭدى ويداعىداي ۇگىتتەۋ تۋرالى ۇسىنىستار بەرۋمەن قاتار، مۇشەلەردىڭ وزدەرى دە ۇزدىك «وبراز ەلشىسى» بولۋى، مەملەكەتتىك ەكى ماجىلىسكە بۇكىل ەل نازار اۋدارادى، مۇشەلەر الەمگە اشىلعان وسى تەرەزە ارقىلى دۇنيە جۇزىنە كورىكتى شينجياڭنىڭ كەلبەتىن ايگىلەۋى كەرەك.
ءدىن سالاسىنداعى مۇشە ابىليميت احمەتوللا مەملەكەتتىك ساياسي كەڭەستىڭ شينجياڭدا تۇراتىن مۇشەلەرىنىڭ بورىشتارى تۋرالى شەشىلە سويلەپ: ەكى ءماجىلىستىڭ جاعىمدى جاڭالىقتارىنان تۋعان اۋىلىما <سالەمدەمە> الا قايتۋمەن بىرگە، ءماجىلىس كەزىندە اۋىلىمىزدىڭ دامۋى مەن وزگەرىستەرىن، قول جەتكەن تولاعاي تابىستارىمىزدى تانىستىرامىن، - دەدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
