رايونىمىزدا 1408 كيلومەترلىك جوعارى قارقىندى تاس جول رەسمي پايدالانۋعا بەرىلدى

2016.03.04 15:59   كەلۋ قاينارى : ءتاڭىرتاۋ تورابى

　　تىلشىلەردىڭ اۆتونوميالى رايوندىق قاتىناس تاسىمال مەڭگەرمەسىنەن ۇعىسۋىنشا، 28 - اقپاننان باستاپ،G216تاس جول جەلىسىنىڭ ۋسايۋاننان داحۋاڭشانعا دەيىنگى بولەگى، كورلا - كۇشار تاس جولى سياقتىلاردى قامتىعان جالپى ۇزىندىعى 1408 كيلومەتر كەلەتىن جوعارى قارقىندى تاس جولدار تەكسەرۋدەن ءوتىپ، رەسمي پايدالانۋعا بەرىلدى.

　　جوعارى قارقىندى تاس جول قۇرىلىسىن تەكسەرىپ وتكىزىپ الۋ جۇمىسى قاتىناس تاسىمال مينيسترلىگىنىڭ «سالىنىپ بىتكەن (تاپسىرىپ بەرىلگەن) تاس جول قۇرىلىسىن تەكسەرىپ وتكىزىپ الۋ ادىسىنە» ساي، جوعارى قارقىندى تاس جول قۇرىلىسى سالىنىپ ءبىتىپ، تاپسىرىپ بەرىلگەننەن كەيىن، ءسوز جوق اۆتوكولىك قاتىناپ 2 جىلدان كەيىن، 3 جىل ىشىندە تەكسەرىپ وتكىزىپ الىنادى.

　　بۇل جولى تەكسەرىپ وتكىزىپ الىناتىن نىساندار G216 تاس جول جەلىسىندەگى ۋسايۋاننان داحۋاڭشانعا دەيىنگى جوعارى قارقىندى تاس جول، كورلا - كۇشار جوعارى قارقىندى تاس جولى، شيڭشيڭشيا - تۇرپان جوعارى قارقىندى تاس جولى (2 - مەرزىمدىك قۇرىلىسى)،S103 تاس جول جەلىسىندەگى ەۋىرعول ساعاسىنان ەۋىرعولعا دەيىنگى بولەگى، G315 تاس جول جەلىسىنىڭ ياركەن وزەنى كوپىرىندەگى تاس جول، S312 تاس جول جەلىسىندەگى شي - ان توعانىنان حۋاڭگۋ سۋ قويماسىنا دەيىنگى تاس جول، ليانيۇنگاڭ - قورعاس جوعارى قارقىندى تاس جولىنىڭ شيڭشيڭشيادان تۇرپانعا دەيىنگى بولەگىنىڭ وزگەرتىپ سالۋ قۇرىلىسى جانە شەكارا قورعانىس تاس جولىنىڭ وزگەرتىپ سالۋ قۇرىلىسى سياقتى 15 قۇرىلىس نىسانىن قامتيدى، قۇرىلىستىڭ جالپى ۇزىندىعى 1408.96 كيلومەترگە جەتىپ، جيىنى 19 ميلليارد 365 ميلليون 750 ميڭ يۋان قارجى قوسىلعان. بۇل جولى تەكسەرىپ وتكىزىپ الىنعان جوعارى قارقىندى تاس جولدار 28 - اقپاندا اۆتونوميالى رايوندىق تاس جول باسقارۋ مەكەمەسىنىڭ اسىراۋىنا، اۆتونوميالى رايوندىق جول ىستەرى مەكەمەسىنىڭ باسقارۋىنا رەسمي وتكىزىپ بەرىلدى.

　　كەلۋ قاينارى: «شينجياڭ گازەتى» - ءتاڭىرتاۋ تورابى