- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاڭ چۇنشيان بۇكىل شينجياڭداعى ءار ۇلت ايەلدەرىنە حات جولداپ وسى زامانعى مادەنيەتتىڭ تاراتۋشىسى، ۇلتتار ىنتىماعى مەن قوعام ورنىقتىلىعىنىڭ جەبەۋشىسى، «قۇلىقتى جانۇيا» مەن كوركەم شينجياڭنىڭ ۇلەسكەرى بولۋدى ءۇمىت ەتتى
2016.03.08 16:09 كەلۋ قاينارى : ءتاڭىرتاۋ تورابى
جاڭ چۇنشيان
2016 - جىلى 7 - ناۋرىز
«8 - ناۋرىز» حالىقارالىق ەڭبەكشى ايەلدەر مەرەكەسى قارساڭىندا، ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانىنىڭ ءبىرىنشى شۋجيى، ءبىرىنشى ساياسي كوميسسارى جاڭ چۇنشيان 7 - ناۋرىزدا بۇكىل شينجياڭداعى ايەلدەرگە حات جولداپ، كوپشىلىككە مەرەكەلىك سالەم جولداپ، ىزگى تىلەكتەر تىلەدى. بۇكىل شينجياڭداعى ءار ۇلت، ءار سالا ايەلدەرىنىڭ وسى زامانعى مادەنيەتتىڭ تاراتۋشىسى، ۇلتتار ىنتىماعى مەن قوعام ورنىقتىلىعىنىڭ جەبەۋشىسى، «قۇلىقتى جانۇيا» مەن كوركەم شينجياڭنىڭ ۇلەسكەرى بولىپ، شينجياڭدى كوركەيتىپ، وتان ارمانىن جۇزەگە اسىرۋعا كۇش - قۋات، ۇلەس قوسۋىن ءۇمىت ەتتى.
حاتتىڭ تولىق مازمۇنى تومەندەگىدەي:
بۇكىل شينجياڭنىڭ ءار ۇلت، ءار سالاسىنداعى ايەل باۋىرلاستار:
106 - رەتكى «8 - ناۋرىز» حالىقارالىق ەڭبەكشى ايەلدەر مەرەكەسى قارساڭىندا وزدەرىڭە مەرەكەلىك سالەم جولداپ، ىزگى تىلەكتەر تىلەيمىن!
ايەلدەر − زاتتىق وركەنيەت پەن رۋحاني وركەنيەتتىڭ جاراتۋشىسى، قوعامدىق دامۋ مەن العا باسۋدى جەبەۋدەگى ماڭىزدى كۇش. ۇزاق ۋاقىتتان بەرى اۆتونوميالى رايوندىق پارتكوم مەن حالىق ۇكىمەتى ايەلدەر ىسىنە باستان - اياق ايرىقشا ءمان بەرىپ، ايەلدەر ىستەرىنىڭ دامۋىنا كوڭىل ءبولىپ، قولداۋ كورسەتىپ كەلدى، سونىمەن بۇكىل شينجياڭداعى ايەلدەر ىستەرى ايتارلىقتاي ىلگەرىلەۋشىلىككە قول جەتكىزدى. قالىڭ ايەل قاۋىمى قوعامنىڭ ورنىقتىلىعى مەن باياندى تىنىشتىعى سىندى باس نىسانانى مىقتاپ ارقاۋ ەتىپ، داۋىرگە لايىق، جاۋاپكەرشىلىكتى ارقالايتىن، ۇلگىلى، ىسكەر ايەل بولۋعا تالپىنىپ، «جارتى الەمدىك» رولدارىن تولىق ساۋلەلەندىرۋى كەرەك.
بيىلعى جىل − جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزۋ كەزەڭىندەگى العاشقى جىل، اۆتونوميالى رايوننىڭ «13 - بەسجىلدىق» جوباسىندا شينجياڭنىڭ الداعى 5 جىلدىق دامۋ نىسانا مىندەتتەرى ايقىن العا قويىلدى، بولاشاق جارقىن، كىسىنى جىگەرلەنە العا ۇمتىلۋعا جەبەيدى. ءبىراق باقىت كوكتەن تۇسپەيدى، ۇلى نىسانانى كوركەم رەالدىققا اينالدىرۋ ءۇشىن بۇكىل شينجياڭداعى قالىڭ ايەل باۋىرلاستاردى قامتىعان ءار ۇلت حالقى بىرگە قۇلشىنۋى كەرەك.
ايەلدەر قاۋىمىنىڭ وسى زامانعى مادەنيەتتىڭ تاراتۋشىسى بولۋىن ءۇمىت ەتەمىن. سۇڭعىلا ايەلدەر تۇرمىستى ءماندى دە ءساندى، كوڭىلدى وتكىزە بىلەدى. ءار ۇلت ايەلدەرى وسى زامانعى شينجياڭدىق بولۋعا تالپىنىپ، وسى زامان تانىمىن ورناتىپ، دۇرىس، وركەنيەتتى تۇرمىس فورماسىن ارداقتاپ، نىق سەنىمگە تولى جايدارلىعىمەن، تال بويىنا قۇپ جاراسقان كيىمىمەن، اق جارقىن پوزيتسياسىمەن «ۇشقارىلىقتى الاستاۋدى» العا ىلگەرىلەتۋدەگى، قوعامدىق سالتقا جەتەكشىلىك ەتۋدەگى وزگەشە رولىن ساۋلەلەندىرىپ، ايرىقشا ۇلەس قوسۋى كەرەك.
ايەلدەر قاۋىمىنىڭ ۇلتتار ىنتىماعى مەن قوعام ورنىقتىلىعىنىڭ جەبەۋشىسى بولۋىن ءۇمىت ەتەمىن. ايەل زاتى − ماحابباتتىڭ، سۇيىسپەنشىلىكتىڭ ەلشىسى، ىزگىلىكتىڭ سيمۆولى. ءار ۇلت ايەلدەرى ىزگى نيەتتى، العاباسار بولىپ، وتباسى بەرەكەسىن ساقتاپ، كورشى - قولاڭمەن ىنتىماقتى بولىپ، ۇلتتار ىنتىماعى مەن قوعامنىڭ ورنىقتىلىعىن جەبەۋى كەرەك. ۇلتتار ىنتىماعىنا انا ماحابباتىمەن ءنار بەرىپ، ءوزىنىڭ ءسوز - ارەكەتىمەن شينجياڭنىڭ كوركەمدىگىن ايگىلەپ، شينجياڭنىڭ جاقسىلىعىن ۇگىتتەپ، شينجياڭنىڭ يگى ءىسىن تاراتىپ، ۇلتتار ىنتىماعى مەن قوعام ورنىقتىلىعىنىڭ قۇدىرەتتى وڭ ەنەرگياسىن ۇيىستىرۋى كەرەك.
ايەلدەر قاۋىمىنىڭ «قۇلىقتى جانۇيا» مەن كوركەم شينجياڭنىڭ ۇلەسكەرى بولۋىن ءۇمىت ەتەمىن. انا − ەڭ ۇلى ۇستاز، وتباسىنىڭ ارقاۋى. شينجياڭدى كوركەيتۋگە سان مىڭداعان «قۇلىقتى جانۇيا» تىرەك بولۋى ءتيىس. ءار ۇلت ايەلدەرى مەيىربان انا، وپالى ايەل، اياۋلى جار بولا ءبىلىپ، ءسوز - ارەكەتىنە كوڭىل ءبولىپ، ءوز باسىمەن ۇلگى كورسەتىپ، تاماشا وتباسىلىق جوسىن ورناتىپ، «قۇلىقتى جانۇيا» قۇرۋعا قۇلشىنۋى كەرەك. ءداۋىردىڭ تالابىنا ۇيلەسىپ، «قولىمنان كەلەدى» دەيتىن رۋحتى ساۋلەلەندىرىپ، جاۋاپكەرشىلىكتى باتىلدىقپەن ارقالاپ، ءوز قىزمەت ورىندارىندا ەر ازاماتتاردان قالىسپاي ەسەلى ەڭبەك ەتىپ، شينجياڭدى كوركەيتۋگە، وتان ارمانىن جۇزەگە اسىرۋعا ءوزىنىڭ ءبىر كىسىلىك ۇلەسىن قوسۋى كەرەك.
بۇكىل شينجياڭدى ءار ۇلت ايەلدەرىنىڭ مەرەكەسىنىڭ مەرەيلى، دەنساۋلىقتارىنىڭ مىقتى، قىزمەتتەرىنىڭ تابىستى، وتباسىلارىنىڭ باقىتتى بولۋىن تىلەيمىن! «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
