- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
رايونىمىزدىڭ ايەل ۋاكىلدەرى، ايەل مۇشەلەرى «جارتى الەمدىك» رولدارىن، ءسوز جوق، ساۋلەلەندىرەتىندىكتەرىن ايتتى
2016.03.08 16:13 كەلۋ قاينارى : ءتاڭىرتاۋ تورابى
وسى زامانعى مادەنيەتتى تاراتۋشى، ۇلتتار ىنتىماعى مەن قوعام ورنىقتىلىعىن ىلگەرىلەتۋشى، «قۇلىقتى جانۇيا» جانە كورىكتى شينجياڭنىڭ ۇلەسكەرى بولامىز. «8 - ناۋرىز» حالىقارالىق ەڭبەكشى ايەلدەر مەرەكەسى قارساڭىندا بۇكىل شينجياڭداعى ايەلدەر قاۋىمى ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانىنىڭ ءبىرىنشى شۋجيى، ءبىرىنشى ساياسي كوميسسارى جاڭ چۇنشياننىڭ حاتىن تاپسىرىپ الدى.
وسى حاتتى توردان، تەلەۆيزوردان، راديودان كورگەن، تىڭداعان بەيجيڭدە مەملەكەتتىك ەكى ماجىلىسكە قاتىناسىپ جاتقان شينجياڭدىق ايەل ۋاكىلدەر، ايەل مۇشەلەر ەرەكشە شابىت الدى. ولار اۆتونوميالى رايوندىق پارتكومنىڭ، ۇكىمەتتىڭ ايەلدەر قاۋىمىنا دەگەن قامقورلىعى مەن نازارىن ءتۇرلى جولدارمەن اپەكە - سىڭلىلەرىنە جەتكىزدى. مەملەكەتتىك حالىق قۇرىلتايىنىڭ ۋاكىلى، اۆتونوميالى رايوندىق ايەلدەر بىرلەستىگىنىڭ ءتوراعاسى حاسيەت ءالي: «جارتى الەمدىك» رولىمىزدى، ءسوز جوق، ساۋلەلەندىرەمىز، - دەدى تەبىرەنە.
جانى شۋاقتى، كوڭىلى شات ايەل بولامىز
حاسيەت ءالي بىلاي دەدى: «وسىنداي ءبىر ەرەكشە كۇندە جاڭ شۋجيدىڭ حاتى شينجياڭداعى ءار ۇلت ايەلدەرىنە جىلى شۋاق شاشتى. وسى حاتتى كورە سالعان زامان اپەكە - سىڭلىلەرىمە ءۇنحات ارقىلى جولدادىم، ولار ەرەكشە اسەرلەندى.
«ايەلدەر كۇن نۇرى استىنداعى ۇياڭ ءشوپ ەمەس، بوران - شاشىنداعى قايسار روزا گۇلى بولۋى كەرەك» ەكەندىگىن ايتقان ۋاكىل فۋ چۇنلي بىلاي دەدى: ايەل ۋاكىلدەردىڭ، ايەل مۇشەلەردىڭ جۇمىستاعى باسقا ايەلدەرگە قاراعاندا ءبىر بورىشى مەن جاۋاپكەرشىلىگى ارتىق، وسى بورىش ءۇشىن، ۇزدىكسىز ۇلەس قوسىپ، ابىرويلى ەڭبەك ەتىپ، جان - جاعىنا شۇعىلا شاشىپ، شاتتىق باعىشتاپ، وركەنيەتتى، زاماناۋي تۇرمىس ءتاسىلى ارقىلى ءتىپتى كوپ ادامعا ىقپال ەتۋى كەرەك.
مۇشە گو لينا بىلاي دەدى: «ايەلدەردىڭ كۇشىنە ەلەۋسىز قاراۋعا بولمايدى، ايەلدەر ءىسىنىڭ دامۋى، العا باسۋى ايەلدەرگە ابىروي مەن باقىت سيلاپ قانا قويماي، قوعامنىڭ العا باسۋىن جانە وسى زامانعى مادەنيەتتىڭ تارالۋىن ىلگەرىلەتتى. جانى شۋاقتى، كوڭىلى شات، اقىلدى ايەل، وسى زامانعى مادەنيەتتى تاراتۋشى بولىپ، وسى زامانعى وركەنيەت ۇرىعىن شار تاراپقا شاشۋىمىز كەرەك.
ماحاببات ەلشىسى، ىزگىلىك جارشىسى
مۇشە گو لينا بىلاي دەدى: «اۆتونوميالى رايوندىق پارتكومنىڭ، ۇكىمەتتىڭ ايەلدەر قاۋىمىنىڭ رولىنا وڭ باعا بەرگەنىنە، جاڭ شۋجيدىڭ مەرەكەلىك تىلەۋىنە العىس ايتامىن. ايەلدەر، وتە - موتە، انالار ماحابباتتىڭ ەلشىسى، ىزگىلىكتىڭ جارشىسى، وسى ەرەكشەلىكتەرىن، ءسوز جوق، ساۋلەلەندىرىپ، وتباسىنداعىلاردى، جانىنداعىلاردى ورگە ۇمتىلۋعا، ىزگىلىككە جەتەكتەپ، ۇلتتار ىنتىماعىن جەبەپ، قوعام ورنىقتىلىعىن قورعاۋى كەرەك.
ۋاكىل گۇلنۇر مامەت اۆتونوميالى رايوندىق ەكونوميكا جانە ينفورماتسيالاندىرۋ كوميتەتىنىڭ «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قىزمەت گرۋپپاسىنىڭ قۇرامىندا مەكىت اۋدانى عازكول اۋىلىنىڭ قاماكول قىستاعىنا تۇسكەن ەدى. قىستاقتا تۇرۋ قىزمەتى ەندى عانا باستالعانىمەن ول «ۇشقارىلىقتى الاستاۋ» تۋرالى لەكسيا جاساۋ، اۋىل - قىستاق ايەلدەرىن ءۇي جۇمىستارىن ىستەۋ ىستەرىنە تاربيەلەۋ سياقتى كوپتەگەن قيمىلدار جونىندە جوبا جاساپ ۇلگىرىپتى.
ۋاكىل گۇلنۇر مامەت بىلاي دەدى: اۋىل - قىستاق ايەلدەرىنىڭ بۇل قيمىلدارعا قاتىناسۋ ىنتاسى ەرەكشە جوعارى، ولاردىڭ كوز اياسى بارعان سايىن كەڭەيىپ، رۋحاني كۇيى بارعان سايىن جاقسارىپ كەلەدى، وسىنداي جاقسى جاعداي مەن كۇي كىسىنى راسىندا قۋانتادى. مۇنىڭ ءوزى شينجياڭ ايەلدەرىنىڭ تاماشا رۋحاني كۇيىن كورسەتىپ تۇرعان جوق پا؟ مەنشە، شينجياڭ ايەلدەرى، ءسوز جوق، ۇلتتار ىنتىماعى مەن قوعام ورنىقتىلىعىن جەبەۋشى بولا الادى.
ۇلى ۇستاز، وتباسىنىڭ ۇيتقىسى
كورىكتى شينجياڭ قۇرۋ ميلليونداعان «قۇلىقتى جانۇيالاردىڭ» سۇيەۋىنە مۇقتاج. مۇشە پان شياۋيان بىلاي دەدى: «حاتتا قالىڭ ايەلدەر قاۋىمىنىڭ <قۇلىقتى جانۇيا> مەن كورىكتى شينجياڭنىڭ ۇلەسكەرى بولۋى ءۇمىت ەتىلدى، بۇل ءۇشىن ءوزىمدى ەرەكشە ماقتانىش ەتىپ، بويىمدى قىزمەتكە دەگەن كۇشتى سەرپىن كەرنەدى. انا − بالانىڭ ۇستازى، ايەل − وتباسىنىڭ ۇيتقىسى، <قۇلىقتى جانۇيا> مەن كورىكتى شينجياڭنىڭ ۇلەسكەرى بولۋ ايەلدەر قاۋىمىنىڭ قوعامداعى انالىق، ايەلدىك ەرەكشە رولدارىن ساۋلەلەندىرۋىنە مۇقتاج.
مۇشە بۇاجار ابىلا بىلاي دەدى: شينجياڭدىق ايەل رەتىندە، شينجياڭنىڭ وبرازىنا ۋاكىلدىك ەتۋ ساناسىن ورناتىپ، شينجياڭ ەرەكشەلىگىنە يە تاربيەنى وتباسى تۇرمىسىنا ءسىڭىرىپ، وتباسى تاربيەسىندە بالالاردىڭ ۇلتتار ىنتىماعى ساناسىن جەتىلدىرۋىنە باسا ءمان بەرىپ، ءار ۇلت بالاقايلارىنىڭ بىرگە ۇيرەنىپ، بىرگە ەسەيىپ، شينجياڭنىڭ باياندى تىنىشتىعىنا تاماشا نەگىز قالاۋىنا مۇمكىندىك جاساۋىمىز كەرەك.
مۇشە بۇاجار ابىلا: ءار كاسىپ، ءار سالادا شايقاس جاساپ جاتقان ايەلدەر قاۋىمى ونان ارى قۇلشىنا قىزمەت ىستەپ، شينجياڭدى كوركەيتۋگە ۇلەس قوسۋىمىز كەرەك، - دەدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
