- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جۇدىرىقتاي جۇمىلسا قۇشاعىمىز بولىنبەي، بولاشاقتىڭ كۇن نۇرى تۇرسىن قالاي توگىلمەي
جاڭ چۇنشياننىڭ بۇكىل شينجياڭداعى ايەلدەرگە جولداعان حاتى
2016.03.09 16:43 كەلۋ قاينارى : شينجياڭ گازەتى
8 - ناۋرىز − حالىقارالىق ەڭبەكشى ايەلدەر مەرەكەسى، مەملەكەتتىك 12 - كەزەكتى حالىق قۇرىلتايى 4 - ماجىلىسىنە قاتىناسىپ جاتقان شينجياڭ ۋاكىلدەر ۇيىرمەسىندەگى ايەل ۋاكىلدەر مەرەكەلىك كيىمدەرىن كيىپ، ۇيىرمەنىڭ تۇستەن بۇرىنعى جالپى جيىنىنا قاتىناستى. جيىن اقىرلاسا بەرە، ولار ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشياندى قاۋمالاي قورشاپ، جاڭ چۇنشياننىڭ كەشە بۇكىل شينجياڭداعى ايەلدەرگە حات جولداعانىنان اسەرلەنگەندىكتەرىن ايتىپ، جۇرەك جاردى سۇيىسپەنشىلىكتەرىن جەتكىزدى.
جاڭ چۇنشيان جۇرتشىلىققا مەرەكەلىك سالەم جولداپ، قۇتتى بولسىن ايتتى. ول بىلاي دەدى: ايەلدەر − شينجياڭنىڭ ەكونوميكالىق، قوعامدىق دامۋىنىڭ ماڭىزدى كۇشى، ايەل ۋاكىلدەر شينجياڭ ۋاكىلدەر ۇيىرمەسىنىڭ سۇلۋ كارتيناسى، سىزدەردىڭ قۇلشىنا تۇسۋلەرىڭىزدى ءۇمىت ەتەمىن، سىزدەر جۇدىرىقتاي جۇمىلساڭىزدار شينجياڭنىڭ بولاشاعى شەكسىز نۇرلى بولادى.
«جاڭ شۋجي، ءسىز كەشە ءبىز ايەلدەرگە حات جولدادىڭىز، ءبارىمىز بۇدان قاتتى اسەرلەنىپ، ىستىق ىقىلاستى مەيىرگە بولەندىك! ايەل ۋاكىلدەر بەيجيڭدە وسى حاتتى وقىعان سوڭ، سىزگە كوڭىلدەگى سوزدەرىن ايتقىسى كەلدى»، - دەدى مەملەكەتتىك حالىق قۇرىلتايىنىڭ ۋاكىلى، اۆتونوميالى ريوندىق ايەلدەر بىرلەستىگىنىڭ ءتوراعاسى قاسيەت ءالي جاڭ چۇنشيانعا.
ايگىلى ءبيشى، ۋاكىل ءدىلنار ابدوللا جاڭ چۇنشياننىڭ قولىن ۇستاپ تۇرىپ: وسىناۋ ادەمى مەرەكەدە جۇرتشىلىققا ءبىر ءان ايتىپ بەرەيىن، - دەدى ءوزى تىلەنىپ.
«ماقۇل، ماقۇل، ماقۇل» دەپ جاڭ چۇنشيان قۋانا باس يزەدى، جۇرتشىلىق شاپالاق سوعىپ قۋانا قارسى الدى.
«ەرلەرگە بولىپ ءبىز سەرىك، جالىندى جىگەرمەن تەر توگىپ، كۇللى الەمدى گۇل تەڭىزىندە تەربەدىك...» بويدى بالقىتار اسەم اۋەن ايەلدەردىڭ قالتقىسىز، قايسار، ءوزىن ارنايتىن وبرازىن كەستەلەدى، جۇرتشىلىق ءان اۋەنىنە ەلىتىپ، ايرىقشا اسەرلەندى، ايەل ۋاكىلدەردىڭ كەيبىرەۋىنىڭ كوزىنە جاس ىركىلدى.
جاڭ چۇنشيان بۇل ءاننىڭ ءسوزى دە، اۋەنى دە جاقسى ەكەن، ايەلدەر مەن ەرلەردىڭ جۇرەك ءسوزىن ايتىپتى دەپ ماقتادى.
ءار ۇلت ايەل ۋاكىلدەرى جاڭ چۇنشياندى قاۋمالاي، سوڭعى جىلداردا شينجياڭ ايەلدەرىنىڭ ومىرىندە، قىزمەتىندە بولعان وزگەرىستەردى تالاسا - تارماسا ايتىپ جاتتى.
«سوڭعى جىلدارى اۆتونوميالى رايوننىڭ ايەلدەرگە نازار اۋدارۋى كۇشەيە ءتۇسىپ، ايەلدەر ءىسىن قولدايتىن ءبىرتالاي ينجەنەريا اتقارىلدى، شينجياڭداعى ايەلدەر مەن بالالاردىڭ ءومىر ساپاسى، دەنساۋلىق ساقتاۋ، ەمدەلۋ، ءبىلىم دەڭگەيى ايتارلىقتاي جاقساردى»، - دەدى ۋاكىل قاسيەت ءالي.
ۋاكىل گۇلنۇر مامەت وقۋ - اعارتۋ قىزمەتكەرى، بيىل ول اۆتونوميالى رايوننىڭ «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلىنا قاتىسىپ، قىستاقتا تۇراتىن قىزمەت گرۋپپاسىنىڭ باستىعى مىندەتىن ارقالادى، ەكى ماجىلىستەن قايتقان سوڭ، قىستاققا قايتاتىن ول: بيىلعى «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلىنداعى 80گە جۋىق قىزمەت گرۋپپاسىنىڭ باستىعى مىندەتى ايەل جولداستارعا جۇكتەلدى، ايەلدەر اۆتونوميالى رايوننىڭ ەكونوميكالىق، قوعامدىق دامۋىندا، نەگىزگى ساتىنىڭ ۇيىمدىق قۇرىلىسىندا اناعۇرلىم ماڭىزدى رول كورسەتۋدە، - دەدى.
ۋاكىل رايحانگۇل يمىر سوڭعى جىلدارى ماشاقاتتى قۇلشىنىستارى ارقىلى شالعاي وڭىردەگى اۋىل - قىستاق قىزىنان ايەلدەردى ەڭبەك سۇيەرلىكپەن بايۋعا جەتەلەيتىن وسى زامان ايەلىنە اينالىپ، جۇرتشىلىقتىڭ ىقىلاسىنا بولەندى. ول: جاڭ چۇنشيان شۋجيدىڭ حات جازىپ ايەلدەردى جىگەرلەندىرگەنى ماعان كۇشتى شابىت سيلادى. مەن ونان ارى قۇلشىنىپ، ءتىپتى دە كوپ ايەلدەردىڭ وسى زامانعى ءومىر سالتىن ۇستانۋىنا، قوعامداعى باعاسى مەن ورنىن جوعارىلاتىپ، جارتى الەمدىك رولدارىن شىنايى كورنەكتىلەندىرۋىنە ىقپال جاسايمىن، - دەدى.
ايەل ۋاكىلدەردىڭ بەلسەنە العا باسقان ءورشىل رۋحاني كەلبەتىن كورگەن جاڭ چۇنشيان ايرىقشا قۋاندى. ول بىلاي دەدى: «قالىڭ ايەلدەر قاۋىمى قاجىرلى ەڭبەك ەتۋ، قاجىماي قۇلشىنۋ ارقىلى شينجياڭنىڭ ەكونوميكالىق، قوعامدىق دامۋىندا، حالىق تۇرمىسىنىڭ جاقسارۋىندا جارتى الەمدىك رولىن ايگىلەدى. اۆتونوميالى رايوندىق پارتكوم، ۇكىمەت ايەلدەر ىسىنە بۇرىنعىداي ءمان بەرىپ جانە قولداۋ كورسەتىپ، ساياسي جاقتا تولىق قامقورلىق كورسەتىپ جانە سەنىم ارتىپ، ءتۇرلى شارالار ارقىلى ايەلدەردىڭ قوعامدىق ورنىن جوعارىلاتادى. سىزدەردىڭ وسى زامان مادەنيەتىنىڭ تاراتۋشىلاردان، ۇلتتار ىنتىماعى مەن قوعام ورنىقتىلىعىن جەبەۋشىلەردەن، «قۇلىقتى جانۇيانىڭ» جانە كوركەم شينجياڭنىڭ ۇلەس قوسۋشىلارىنان بولىپ، ءتىپتى دە كوپ ايەلدەردى وسى زامانعى شينجياڭدىق بولۋعا جەتەكتەۋلەرىڭىزدى ءۇمىت ەتەمىن.
جارتى ساعات ۋاقىت بىلىنبەي وتە شىقتى، جۇرتشىلىق جاڭ چۇنشيانعا قيماستىقپەن حوش ايتتى. ولار جاڭ چۇنشياندى بىرگە سۋرەتكە تۇسۋگە ۇسىنىس ەتىپ، ەستەن كەتپەس تاماشا ساتتەن ەستەلىك قالدىردى.
«8 - ناۋرىز» حالىقارالىق ەڭبەكشى ايەلدەر مەرەكەسى كۇنى، شينجياڭ ۋاكىلدەر ۇيىرمەسىنىڭ جالپى جيىنى اياقتاعاننان كەيىن، جاڭ چۇنشيان بەيجيڭدە مەملەكەتتىك حالىق قۇرىلتايىنىڭ مەملەكەتتىك 12 - كەزەكتى حالىق قۇرىلتايىنىڭ 4 - ماجىلىسىنە قاتىناسىپ جاتقان رايونىمىزداعى ايەل ۋاكىلدەرىنىڭ مەرەكەسىن قۇتتىقتادى، سونداي - اق كوپشىلىكپەن ىستىق ىقىلاسپەن اڭگىمەلەستى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
