- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جۇڭگولىق، شەتەلدىك اقپارات قۇرالدارىنىڭ تىلشىلەرى شينجياڭعا نازار اۋداردى، شينجياڭعا سالەم ايتتى
شينجياڭنىڭ بارعان سايىن دامۋىنا تىلەكتەستىك ءبىلدىردى
ياۋ تۇڭ، جاڭ لەي، لي ياڭ
2016.03.09 16:47 كەلۋ قاينارى : شينجياڭ گازەتى
8 - ناۋرىز كۇنى ءتۇستىڭ الدىندا حالىق سارايىنىڭ شىعىس زالىندا شينجياڭ ۋاكىلدەر ۇيىرمەسىنىڭ تالقىسى جۇڭگولىق، شەتەلدىك اقپارات قۇرالدارىنا اشىق ۇستالدى.
تالقىنىڭ باستالعانىنا 2 ساعاتتان استام ۋاقىت بار بولسا دا، جۇڭگولىق، شەتەلدىك تىلشىلەر ساعات تۇسكى ءبىر بولماي جاتىپ زالعا كىرىپ جايعاستى.
تالقى باستالىسىمەن تىلشىلەردىڭ سۋرەت تۇسىرگەن، ءتىلتاقتادا ءارىپ تەرگەن دىبىستارى جامىراي باستادى. ولار شينجياڭنىڭ دامۋىنداعى ءاربىر جايدى قالت جىبەرمەي بىلگىسى كەلەتىن سياقتى. ورىن شەكتى بولعاندىقتان، ءبىرتالاي ءتىلشى جەرگە وتىرا سالىپ، جازا باستادى.
ا ق ش - تىق بويجەتكەن حاننا گاردنەر − «بۇگىنگى ا ق ش گازەتىنىڭ» جۇڭگودا تۇراتىن ءتىلشىسى، ونىڭ حانزۋشا اتى لەي يۇن. جىبەك جولىنا قاتتى قىزىققان ول بىلتىر شينجياڭعا 2 رەت كەلىپ، ءۇرىمجى، حوتان، قاشقار، قورعاستاردا بولىپ قايتىپتى. «سولتۇستىك شينجياڭعا قاراعاندا، وڭتۇستىك شينجياڭنىڭ كەي جەرلەرى كەدەيلەۋ ەكەن، دەسەدە، الگىندە ۋاكىلدەردىڭ وڭتۇستىك شينجياڭدا كەدەيلىكتەن قۇتىلدىرۋ اياق الىسى كۇش سالا تەزدەتىلىپ جاتقانى تۋرالى ايتقانىن ەستىدىم، بۇل وي وتە جاقسى»، - دەدى حاننا.
ءبىر ساعاتقا جۋىق جالعاسقان تالقى اياقتالعان سوڭ، تىلشىلەر ءتورت كوزبەن كۇتكەن سۇراق سۇراۋ كەزەڭى باستالدى. زالداعى تىلشىلەر بارىن سالىپ سۇراق سۇراۋ ورايىنا قول جەتكىزۋگە ۇمتىلدى. ءبىر ساعاتتان استام ۋاقىتتا ۋاكىلدەر ءار سۇراۋعا تايساقتاماي مۇقيات جاۋاپ بەردى. «كانىگى تىلشىلەر» اسا ىجداعاتتىلىقپەن ولاردىڭ ءسوزىن قالت جىبەرمەي ەستەلىككە الىپ وتىردى.
حالىق گازەتىنىڭ ءتىلشىسى ياڭ يۋانفان «12 - بەسجىلدىق» كەزىندە شينجياڭنىڭ ەكونوميكالىق، قوعامدىق دامۋىندا بۇرىن بولماعان جەتىستىكتەرگە قول جەتكەنىن تىلگە الىپ، الداعى 5 جىلدا شينجياڭ حالقىنىڭ تۇرمىسىنىڭ ونان ارى جاقساراتىنىنا، ۇلتتاردىڭ ىنتىماقتاسا العا باسىپ، بىرگە گۇلدەنىپ داميتىنىنا، شينجياڭنىڭ بولاشاعىنىڭ ءتىپتى جارقىن بولاتىنىنا سەنەتىندىگىن ايتتى.
ورتالىق حالىق راديو ستانسياسىنىڭ ءتىلشىسى چاڭ پىڭسىن: ەلەكتروندىق ساۋدا سالاسىندا ءتىپتى كوپ ساۋداگەرلەردىڭ شينجياڭعا بارىپ، شينجياڭنىڭ ەرەكشە اۋىل شارۋاشىلىق ونىمدەرىن بۇكىل دۇنيە جۇزىنە ساتىپ، جۇرتتىڭ شينجياڭنىڭ قانشاما جاقسى ەكەنىن بىلۋىنە مۇمكىندىك جاساۋىن ءۇمىت ەتەمىن، - دەدى.
«<ءبىر بەلدەۋ، ءبىر جول> قۇرىلىسىنىڭ تەرەڭدەۋىنە وراي، شياڭگاڭدىق ساۋداگەرلەر دە شينجياڭعا، شينجياڭداعى ورايعا ءتىپتى نازار اۋدارا باستادى» دەگەن شياڭگاڭ ۋىنحۇي گازەتىنىڭ ءتىلشىسى ۋاڭ شياۋشۋە ءوزىنىڭ شينجياڭدى كوبىرەك تانىستىرىپ، شينجياڭعا ءتىپتى كوپ سەلبەسە دامۋ ورايىن جەتكىزەتىنىن ايتتى.
شينجيڭ گازەتىنىڭ ءتىلشىسى ما جۇنباۋ: شينجياڭنىڭ ۇلتتارىنىڭ بەرەكەلى، قوعامىنىڭ ورنىقتى بولۋىن، ەكونوميكاسىنىڭ ونان ارى دامي ءتۇسۋىن، حالىقتىڭ تۇرمىسىنىڭ بارعان سايىن جاقسارۋىن ءۇمىت ەتەمىن، - دەپ اعىنان اقتارىلدى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
