- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايونىمىز بيىل اۋىل - قىستاق جاڭاشا سەلبەسىپ ەمدەۋىنىڭ قامتاماسىزداندىرۋ دەڭگەيىن تاعى دا قاۋىرت جوعارىلاتادى
سالماقتى اۋرۋلاردىڭ ەمدەلۋ اقىسىن قامسىزداندىرۋدان كوتەرۋ سالىستىرماسى %50تەن اسىرىلادى
2016.03.10 15:42 كەلۋ قاينارى : شينجياڭ گازەتى
3 - ناۋرىزدا قاشقار كونەشار اۋدانى وپال قالاشىعى قۇمباق قىستاعىنىڭ تۇرعىنى ياقۇپ زۇنۇن قاريا جۇبايىمەن بىرگە بارىپ اۋىل - قىستاق جاڭاشا سەلبەسىپ ەمدەۋىنە قاتىناسۋعا قاجەتتى قارجىنى تولەپ قايتتى. ياقۇپ قاريا: بۇل اقشانى كوبىرەك تاپسىرساق مەملەكەتتىڭ تولىقتاما قاراجاتى دا كوبەيەدى. اۋىل - قىستاق جاڭاشا سەلبەسىپ ەمدەۋى شەشۋشى كەزدە جانعا اراشاشى بولادى. بۇل ءبىزدىڭ وتباسىمىزدىڭ ءار جىلعى ەڭ ماڭىزدى «ۇسىنىلىمى»، - دەيدى.
ەگىن، مال شارۋاشىلىق رايوندارىنداعى جاڭاشا سەلبەسىپ ەمدەۋ قىزمەتى ءۇرتىس 7 جىل اۆتونوميالى رايونىمىزدىڭ ءتۇيىندى حالىق تۇرمىسى ينجەنەرياسىنىڭ قاتارىنا قوسىلىپ، سەلبەسىپ ەمدەۋگە قاتىناسقان ەگىنشى - مالشىلاردىڭ جان باسىنا تۋرا كەلەتىن جىلدىق ورتاشا قارجى توپتاۋ دەڭگەيى مەن قامتاماسىزداندىرۋ ورەسى ورنىقتى جوعارىلادى. اۋداندى (قالا، رايون) بىرلىك ەتە وتىرىپ جالپى بەتتىك قامتۋ اياسىنا ەنگىزدى، قازىر بۇكىل رايون بويىنشا قامتۋ اياسىنا العان ادام سانى ەڭ كوپ نەگىزدىك ەمدەۋ قامسىزداندىرۋىنا اينالدى.
اۆتونوميالى رايوندىق دەنساۋلىق ساقتاۋ، جوسپارلى تۋىت كوميتەتىنىڭ ورىنباسار مەڭگەرۋشىسى ايشام يۇنۇستىڭ ايتۋىنشا، بيىل اۆتونوميالى رايون اۋىل - قىستاق جاڭاشا سەلبەسىپ ەمدەۋى بويىنشا قازىنادان ادام باسىنا ورتا ەسەپپەن بەرىلەتىن تولىقتاما قاراجات ولشەمىن ۇزدىكسىز جوعارىلاتىلادى ەكەن.
ەگەر اۋىل - قىستاق جاڭاشا سەلبەسىپ ەمدەۋ ءتۇزىمى ەگىنشى - مالشىلاردىڭ دەنساۋلىعىن قامتاماسىزداندىراتىن «تاماشا ءدارى» دەسەك، وندا سالماقتى اۋرۋلاردى ەمدەۋ جاعىنان قامتاماسىزداندىرۋ قيىن - قىستاۋ كەزدە جاندى الىپ قالاتىن «شيپالى دارىدەن» اۋمايدى. ايشام يۇنۇس: سالماقتى اۋرۋلاردى قامتاماسىزداندىرۋدىڭ ءونىمدى مەحانيزمىن ورناتۋ شارۋالاردىڭ «اۋرۋ سەبەبىنەن قايتا كەدەيلەسۋىندەگى، اۋرۋ سەبەبىنەن كەدەيلەسۋىندەگى» ماڭىزدى فاكتوردى مىقتاپ يگەرگەندىك. سالماقتى اۋرۋعا شالدىققان ەگىنشى - مالشىلاردىڭ شيپاگەرگە كورىنۋ، ەمدەلۋ اۋىرتپالىعىن ءونىمدى جەڭىلدەتۋ ءۇشىن، اۆتونوميالى رايونىمىز ەگىنشى - مالشىلارعا قاراتا 22 ءتۇرلى 64 سالماقتى اۋرۋدى قامتاماسىزداندىرۋ قىزمەتىن جاپپاي ورىستەتۋمەن بىرگە، اۋىل - قىستاق جاڭاشا سەلبەسىپ ەمدەۋى بويىنشا سالماقتى اۋرۋلاردى قامسىزداندىرۋدىڭ سىناق ءتۇيىنى قىزمەتىن جاپپاي قانات جايدىردى. 2015 - جىلى بۇكىل رايون بويىنشا سالماقتى اۋرۋعا شالدىققان 12 مىڭ 400 ادام ەمدەلىپ، ءىس جۇزىندىك تولەم بەرۋ سالىستىرماسى %85.19كە جەتىپ، 29 مىڭ 500 ادام سالماقتى اۋرۋ قامسىزداندىرۋىنان يگىلىكتەنىپ، جالپى 91 ميلليون 148 مىڭ 700 يۋان تولەم بەرىلگەن. بيىل اۆتونوميالى رايونىمىز ەگىنشى - مالشىلارعا قاراتىلعان سالماقتى اۋرۋلاردى ەمدەۋ جاعىنان قامسىزداندىرۋ قىزمەتىن ۇزدىكسىز جاقسى ىستەيدى، اۋىل - قىستاق جاڭاشا سەلبەسىپ ەمدەۋى بويىنشا سالماقتى اۋرۋلاردى قامسىزداندىرۋدىڭ ادام باسىنا تۋرا كەلەتىن ورتاشا قارجى توپتاۋ دەڭگەيىن ونان ارى جوعارىلاتىپ، سالماقتى اۋرۋلاردىڭ ەمدەلۋ اقىسىن قامسىزداندىرۋدان كوتەرۋ سالىستىرماسىن %50تەن اسىرادى، - دەدى.
ۇعىسۋعا قاراعاندا، اۆتونوميالى رايون بيىل ەمدەۋ قامسىزداندىرۋىنىڭ تولەم فورماسىنىڭ رەفورما سەرپىنىن ارتتىرىپ، اۋرۋدىڭ ءتۇرى، ادام باسى، قىزمەت وتەۋ بىرلىگى، اۋرۋى بويىنشا قاتىستى توپتاعىلارعا دياگنوز قويۋ سياقتى توعىسپالى تولەم فورماسىن اتقارىپ، اۋدان دارەجەلى شيپاحانالارداعى الدىن الا تولەۋ تۇزىمىنە ساي اقى تولەپ ەمدەلىپ شىققانداردىڭ سانى پرينسيپتىك جاقتان %05تەن تومەن بولمايدى ەكەن. سونىمەن بىرگە باسقارۋدى، قىزمەت وتەۋدى ونان ارى جاقسارتىپ، اۋىل - قىستاق جاڭاشا سەلبەسىپ ەمدەۋى بويىنشا ولكە اتتاپ ەمدەلۋدى اداقتاۋ جانە وزگە جەردە دەر كەزىندە ەسەپ جاساۋ سىناق ءتۇيىنى قىزمەتىن ۇزدىكسىز جۇيەگە تۇسىرەدى ەكەن.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
