- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ۇدەرە العا تارتىپ، دامۋعا ومىرشەڭدىك كۇش قوسايىق
− ۋاكىلدەر مەن مۇشەلەر شينجياڭنىڭ ومىرشەڭدىك كۇشىن تاسقىنداتۋدى تىلگە تيەك ەتتى
دۇڭ شاۋحۋا، سۇي يۇنيان، لي ياڭ
2016.03.10 15:45 كەلۋ قاينارى : شينجياڭ گازەتى
دۇنيە ءجۇزى ەنەرگيا بازارىنداعى اۋمالى - توكپەلى قۇبىلمالى جاعداي الدىندا، 2015 - جىلى شينجياڭ جينفىڭ عىلىم - تەحنيكا شەكتى جارنا سەرىكتەستىگى كىسى ءدان ريزا بولارلىقتاي جاۋاپ تاپسىردى: بىلتىر جينفىڭ عىلىم - تەحنيكا سەرىكتەستىگىنىڭ جالپى قارجىسى جىل باسىنداعىدان %14.95 ارتىپ، دۇنيە ءجۇزى بويىنشا جاڭادان تابىستاعان جابدىقتارىنىڭ اگراگات سيىمدىلىعى تىڭنان 7 ميلليون 940 مىڭ كيلوۆات ارتىپ، كاسىپ سالاسى بويىنشا ءۇرتىس 5 جىل 1 - ورىندى ساقتاعان، دۇنيە ءجۇزى بويىنشا 17 مەملەكەتتە جەل ەلەكتر گەنەراتورىن ورناتىپ، بۇكىل ەلىمىزدىڭ جەل ەلەكتر گەنەراتورىن ەكسپورت ەتۋ جالپى مولشەرىنىڭ تەڭ جارتىسىن يەلەگەن.
«وتكەن جىلى ءبىز <ءبىر بەلدەۋ، ءبىر جول> ستراتەگيالىق ورايىن مىقتى يگەرىپ، تاسىمال ۇلگىسىندە جاڭالىق اشۋ جونىندە ىزدەنىس جاساپ، سيفرلى ۇلگىگە قاراي ويىسىپ، فينانستىق جاڭالىقتى امالياتتا ايگىلەۋگە كىرىسىپ، اقىلدىق ميكروتوردان ۇلگى كورسەتۋ نىساندارىن ىلگەرىلەتتىك... جينفىڭ عىلىم - تەحنيكا سەرىكتەستىگىنىڭ اقاۋسىز دامۋ نىساناسىن جۇزەگە اسىردىق»، - دەدى مەملەكەتتىك حالىق قۇرىلتايىنىڭ ۋاكىلى، شينجياڭ جاڭا ەنەرگيا (توبى) شەكتى جاۋاپكەرلىك سەرىكتەستىگى پارتكومىنىڭ شۋجيى، باسالقاسى ۋ گاڭ.
رەفورما جاساعاندا عانا دامۋعا، جاڭالىق اشقاندا عانا قۇدىرەتتەنۋگە بولادى، شينجياڭ ەكونوميكاسى رەفورما، جاڭالىق اشۋ بارىسىندا دامۋ ومىرشەڭدىك كۇشىن تىنباي قوزعاۋى كەرەك. مىنە بۇل مەملەكەتتىك ەكى ءماجىلىس كەزىندە ۋاكىلدەر مەن مۇشەلەردىڭ قاداعالاي نازار اۋدارعان تاقىرىپتارىنىڭ ءبىرى.
دامۋ بارىسىنداعى قيىن ماسەلەلەردىرەفورما جاساۋ ارقىلى شەشۋ
ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى، شينجياڭنىڭ ەكونوميكاسى ءۇرتىس تەز دامىدى، الايدا دامۋ بارىسىندا ءدوپ كەلگەن قيىنشىلىقتارى دا از ەمەس. وسى قيىن ماسەلەلەردى قالاي شەشۋ جونىندە دامۋ ومىرشەڭدىك قۋاتىن تاسقىنداتۋ، دامۋ كومەسكى كۇشىن اشۋ، رەفورمانى جاپپاي تەرەڭدەتۋ ەڭ جاقسى تالعام بولىپ تابىلادى.
«قازىر ءبىز قامداۋ جاعىنداعى قۇرىلىمدىق رەفورماعا توتەنشە ءمان بەرىپ وتىرمىز، بۇل − كاسىپورىننىڭ ەكونوميكانى تىڭنان ارتتىرۋ، تىڭ قوزعاۋشى كۇش باعىشتاۋ جاعىنداعى تىڭ وي جەلىسى»، - دەدى ۋ گاڭ. ەلىمىزدەگى ەلەكتردەن پايدالانۋ مولشەرى تومەندەۋ سياقتى ءتيىمسىز جاعداي الدىندا، شينجياڭ ەنەرگيا توبى شارۋاشىلىق جۇرگىزۋ ءتاسىلىن دەر كەزىندە رەتتەپ، جاڭا ەنەرگيامەن، تازا ەنەرگيامەن، جىلۋمەن قامداۋ سياقتى تىڭ كاسىپ ۇلگىلەرى ارقىلى جاڭا ەنەرگيا ۇلگىسىنىڭ ۇيتقىلىق باسەكەلىك قۋاتىن ارتتىردى.
اۆتونوميالى رايوننىڭ اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىمەن ۇشتاستىرىپ، شيننىڭيۋان توبى جوڭىشقا، قىزىل ميا سياقتى وزىندىك ەرەكشەلىكتەگى اۋىل شارۋاشىلىق ونىمدەرىن ەگۋدى نەگىز ەتۋدى جوبالاپ، جاڭا ەنەرگيا مەن وسى زامانعى اۋىل شارۋاشىلىعىن ۇشتاستىرۋداي دامۋ تىڭ ۇلگىسىن ورناتۋ جونىندە ىزدەنىس جاسادى. «بۇل نىسانا جۇزەگە اساتىن بولسا، ءبىز <پارنيكتەردى ەلەكترمەن قامداۋ، جوعارى ونىمدىلىكتى ەگىمشىلىك> سياقتى وسى زامانعى اۋىل شارۋاشىلىعىندا تابىسقا جەتۋدىڭ تىڭ ۇلگىسىن امالياتتا ايگىلەي الامىز»، - دەدى ۋ گاڭ.
بيىل رايونىمىز رەفورما قىزمەتىن جاپپاي تەرەڭدەتۋمەن بىرگە، «جان - جاقتى، ىشكەرىلەي جۇرگىزۋ، جاڭالىق اشۋ، امالياتتا ايگىلەۋ» جاعىنا كۇش سالدى. مەملەكەتتىك حالىق قۇرىلتايىنىڭ ۋاكىلى، اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى دۇڭ شينگۋاڭ بىلاي دەدى: رەفورمانى باياندى، پارمەندى ىلگەرىلەتىپ، رەفورمادا ۇزدىكسىز تىڭ تابىسقا قول جەتكىزۋ كەرەك.
«ءبىر بەلدەۋ، ءبىر جول» دامۋ ورايىنان پايدالانىپ، رەفورمانى ەكونوميكالىق، قوعامدىق دامۋداعى ەڭ زور قوزعاۋشى كۇش قاينارى ەتۋدەن جازباي، قامداۋ جاعىنداعى قۇرىلىمدى رەفورمانى ارقاۋ ەتىپ، ءار سالانىڭ جەتەكشىلىك رول اتقاراتىن رەفورمالارىن مىقتى يگەرىپ، رەفورما جاساۋ، ەسىك اشۋدى اناعۇرلىم تولىق سەنىممەن جانە باتىلدىقپەن ىلگەرىلەتۋ كەرەك.
تەبىندەي دامۋداعى ومىرشەڭدىك كۇشتە جاڭالىق اشۋ
«جاڭالىق اشۋ، مەيلى تەحنيكادا جاڭالىق اشۋ، الدە تۇزىمدە جاڭالىق اشۋ بولسىن، بارلىعى قوعامعا زور ومىرشەڭدىك كۇش باعىشتايدى، بارلىعى كاسىپ سالاسى قۇرىلىمىن رەتتەۋگە، ەكونوميكانىڭ ومىرشەڭدىك كۇشى مەن قوعامنىڭ ومىرشەڭدىك كۇشىن ارتتىرۋعا پايدالى»، - دەدى مەملەكەتتىك ساياسي كەڭەستىڭ شينجياڭداعى مۇشەسى، شينجياڭ ادۆوكاتتار قوعامىنىڭ ورىنباسار باستىعى فان شياۋيان.
فان شياۋيان: شينجياڭ كوپ نەگىزدى مادەنيەت شوعىرلى ۇشتاسقان جەر بولعاندىقتان، مادەنيەتتىڭ توعىسۋى ويلاۋ فورماسىن ءار الۋانداندىرۋمەن بىرگە، تۇرلىشە مادەنيەتتىڭ اسەرىنەن جاسامپازدىققا جول اشىلادى. ءبىز مىنە وسىنداي باسىمدىعىمىزدى تولىق ساۋلەلەندىرىپ، يدەيانى ونان ارى ازات ەتىپ، شينجياڭنىڭ جاڭالىق اشا وتىرىپ دامۋىن جەبەۋىمىز كەرەك. تاماشا قوعامدىق اۋقىم ازىرلەپ، جاڭالىق اشۋ اعىمىن قالىپتاستىرۋىمىز، وتە - موتە، جاستاردىڭ اراسىندا جاڭالىق اشۋدى زور كۇشپەن دارىپتەۋىمىز، جاستاردى جاڭالىق اشۋعا جىگەرلەندىرۋىمىز كەرەك، - دەدى.
مەملەكەتتىك ساياسي كەڭەستىڭ شينجياڭداعى مۇشەسى، جۇڭگو دەموكراتيالىق وداعى شينجياڭ رايوندىق كوميتەتىنىڭ مەڭگەرۋشىسى، اۆتونوميالى رايوندىق عىلىم - تەحنيكا مەڭگەرمەسىنىڭ ورىنباسار باستىعى چىن چي: ءبىز داۋىرمەن تەڭ ىلگەرىلەپ، ماسەلەگە جاڭالىق اشۋ يدەياسىمەن وي جۇگىرتىپ، ماسەلەنى جاڭالىق اشۋ يدەياسىمەن شەشۋىمىز، شينجياڭنىڭ قارىشتاپ دامۋى مەن باياندى تىنىشتىعىن جەبەۋىمىز كەرەك. دامۋ قارقىنى تەز، قوعامى ءبىرشاما تىنىش، جالپى جاعدايى ءبىرشاما جاقسى جەرلەردە يدەياداعى جاسامپازدىق ماڭىزدى ورىندا تۇرادى، - دەدى.
چىن چي: قازىر شينجياڭ جاڭالىق اشۋ سيپاتتى شينجياڭ قۇرىلىسىن جەدەل ىلگەرىلەتىپ جاتقاندىقتان، ۇكىمەت شارت - جاعداي ازىرلەپ، يگىلىك قۇرۋشىنى، جاڭالىق اشۋشىنى وزىندىك قۇنى تومەن، اۋەلى، وزىندىك قۇن جۇمسالمايتىن يگىلىك قۇرۋ مۇمكىندىگىنە يە ەتۋى كەرەك. سوندا يگىلىك قۇرسام دەپ جۇرگەن تالاي ادامنىڭ ونىمدەرىن الاڭسىز ءوندىرىپ، بازاردان باق سىناۋىنا كومەكتەسە الامىز، - دەيدى.
مەملەكەتتىك ساياسي كەڭەستىڭ شينجياڭداعى مۇشەسى، شينجياڭ مەيكى قارجى قوسۋ توبى شەكتى سەرىكتەستىگىنىڭ ديرەكتورى فىڭ دۇڭميڭ: ەكونوميكالىق قۇرىلىمدى جاڭارتۋ جانە ونىڭ دەڭگەيىن ءوسىرۋ ءۇشىن، ءسوز جوق، جاسامپازدىقتى قوزعاۋشى كۇش ەتۋ، جاسامپازدىقپەن دەمەۋ كەرەك. قيىنشىلىقتان قورقۋدىڭ كەرەگى جوق، جاڭالىق اشۋ بارىسىندا بەلگىلى شەكتەمەگە ۇشىراعاندا عانا قوزعاۋشى كۇش پايدا بولادى، بۇل قاتىناستىڭ قاجەتىنەن ۇشاقتىڭ بارلىققا كەلگەنى سياقتى دۇنيە. وسى تۇرعىدان العاندا، ارتتا قالدىق دەپ الاڭداۋدىڭ وقاسى جوق، اۋەلى، ءتىپتى دە جاقسى ورايعا كەز كەلۋىمىز ابدەن مۇمكىن، - دەيدى.
رەفورمانىڭ ولجاسى حالىقتى يگىلىككە كەنەلتتى
اۆتونوميالى رايونىمىز ءار ۇلت جۇرتشىلىعىنىڭ يگىلىككە كەنەلۋ سەزىمىن جوعارىلاتۋدى رەفورمانىڭ شىعار ءتۇيىنى جانە تابان تىرەر تياناعى ەتىپ، رەفورمانىڭ مۇمكىندىگىن بۇقارا نازار اۋدارىپ وتىرعان تۇيىندەردەن، بۇقارانىڭ تۇرمىسىنداعى قيىن تۇيىندەردەن قاراستىرۋدان جازباي، بۇقارانىڭ رەفورمانىڭ ولجاسىنان كوبىرەك كەنەلۋىنە وراي جاراتتى.
مەملەكەتتىك حالىق قۇرىلتايىنىڭ ۋاكىلى، شينجياڭ ءتۇستى مەتال ونەركاسىبى (توپ) شەكتى جاۋاپكەرشىلىك سەرىكتەستىگى شينشين كەن شارۋاشىلىعى جارنا سەرىكتەستىگى فۋكاڭ مەتال قورىتۋ زاۆودى تەكسەرۋ پۋنكتىنىڭ قىزمەتكەرى ارزىگۇل قۇراحۇن: حالىقارادا جانە ەل ىشىندە ءتۇرلى فاكتورلاردىڭ ىقپالىنا ءدوپ كەلگەندىكتەن، كاسىپورىننىڭ ەكونوميكالىق ونىمدىلىگى ۇزبەي تومەندەسە دە، رەفورمانى جاپپاي تەرەڭدەتۋ مەن جاڭالىق اشۋ كاسىپورىننىڭ وزەكتى باسەكەلىك قۋاتىن نىعايتاتىن بولادى. وسى ارقىلى وراسان زور ومىرشەڭدىك كۇش پايدا بولادى دەپ قارايمىن. رەفورما جاساۋ، ەسىك اشۋ سەرپىنىنىڭ ۇزبەي ارتۋىنا ىلەسە، شينجياڭنىڭ بولاشاقتاعى ەكونوميكالىق دامۋىنىڭ بارىنشا جاقسارىپ، بۇقارانىڭ ءتىپتى دە باي، باقىتتى تۇرمىس وتكىزەتىنىنە سەنەمىن، - دەيدى.
دۇڭ شينگۋاڭ: شينجياڭنىڭ اۋىل شارۋاشىلىعىنىڭ دامۋى بۇكىل ەلدىڭ كوپتەگەن جەرلەرىمەن ۇقساس، اۋىل شارۋاشىلىعى ونىمدەرىنىڭ باعاسى قوس قىسىمعا ۇشىراپ، اۋىل شارۋاشىلىعى ونىمدەرىنىڭ پايداسى تومەن بولىپ، شارۋالار مول ءونىم العانىمەن كىرىسىن ارتتىرا الماي وتىر. سوندىقتان اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن زور كۇشپەن العا ىلگەرىلەتىپ، بازاردىڭ تىڭ قاجەتىنە ساي، شينجياڭنىڭ ەرەكشە باسىمدىعىمەن جانە عىلىم - تەحنيكادان جاڭالىق اشۋداعى قىزمەت وتەۋمەن ۇشتاستىرىپ، قۇرىلىمدى رەتتەپ، ساپانى جوعارىلاتىپ، ونىمدىلىكتى ارتتىرىپ، ەكولوگيالىق، جاسىل، ورگانيكالىق ونىمدەر ءوندىرىسىن جەدەل دامىتىپ، اۋىل شارۋاشىلىعى عىلىم - تەحنيكاسىندا شينجياڭدىق ەرەكشەلىككە يە جاڭالىق اشۋ جولىمەن ءجۇرىپ، شارۋالار كىرىسىنىڭ ۇزبەي ارتۋىنا قوزعاۋشىلىق ەتىپ، جاپپاي دوڭگەلەك داۋلەتتى قوعام قۇرۋ نىساناسىن جۇزەگە اسىرۋ كەرەك، - دەدى.
فىڭ دۇڭميڭ: ىشكەرىدەگى دامىعان ولكە، قالالارمەن سالىستىرعاندا، شينجياڭنىڭ ەكونوميكالىق، قوعامدىق دامۋىندا بەلگىلى پارىق بار. سوندىقتان ءبىز رەفورما جاساۋ، ەسىك اشۋ سەرپىنىن ونان ارى ارتتىرۋىمىز كەرەك. دامۋى ءبىرشاما ارتتا قالعان وڭىرلەردە رەفورما جاساۋ، ەسىك اشۋ ىستەرىن تاباندىلىقپەن جۇرگىزگەن سايىن، جەرگىلىكتى ورىندى سونشالىق كوپ، اناعۇرلىم زور يگىلىككە كەنەلتۋگە بولادى، - دەدى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
