- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شينجياڭ ۋاكىلدەر ۇيىرمەسى گرۋپپالارعا ءبولىنىپ ۇزدىكسىز تالقى جۇرگىزدى
نەگىزگى ساتىعا بەيىمدەۋدەي حالىق تۇرمىسى يدەياسىنان اۋىتقىماۋ كەرەك
ياۋ تۇڭ، جاڭ لەي
2016.03.10 15:47 كەلۋ قاينارى : شينجياڭ گازەتى
تىلشىلەرىمىز ياۋ تۇڭ، جاڭ لەي 9 - ناۋرىزدا بەيجيڭنەن حابارلايدى. مەملەكەتتىك 12 - كەزەكتى حالىق قۇرىلتايى 4 - ماجىلىسىنە قاتىناسقان شينجياڭ ۋاكىلدەر ۇيىرمەسى 9 - ناۋرىز كۇنى تۇستەن بۇرىن ۇكىمەت قىزمەتىنەن باياندامانى گرۋپپالارعا ءبولىنىپ تالقىلاپ، «13 - بەسجىلدىق» جوبا پروگرامماسىنىڭ جوبا نۇسقاسىن، جوسپار بايانداماسىن جانە مەجە ەسەپ بايانداماسىن قارادى.
جاڭ چۇنشيان، ەركىن يمىرباقى تالقىعا قاتىناستى.
ۋاكىل ياسىن تۇرسىن بىلاي دەدى: جوسپار بايانداماسى مەن مەجە ەسەپ بايانداماسىندا مەملەكەتتىڭ مەجە ەسەبى قايدا جۇمسالعانى، قالاي جۇمسالعانى ايدان انىق كورسەتىلگەن. وسى بىرنەشە جىلدا مەملەكەت پەن اۆتونوميالى رايوننىڭ نەگىزگى ساتىعا قوسقان ۇسىنىلىمى ۇزبەي ارتىپ، ءار ۇلت بۇقاراسىنىڭ، اسىرەسە، نەگىزگى ساتىداعى بۇقارانىڭ ءوندىرىس، تۇرمىس شارت - جاعدايى بارعان سايىن جاقساردى، نەگىزگى ساتىداعى پارتيا ۇيىمدارى دا بەكەمدەلە ءتۇستى. ءدال وسىنداي حالىق تۇرمىسى يدەياسىن جىل سايىن تاباندىلىقپەن جالعاستىرا بەرۋدى ءۇمىت ەتەمىن.
ۋاكىل نابۇلاش قوجاحۇن بىلاي دەدى: ۇكىمەت قىزمەتى بايانداماسىندا جاپپاي دوڭگەلەك داۋلەتتى قوعام قۇرۋدىڭ ءتۇرلى شارالارى العا قويىلىپ، حالىق تۇرمىسىن جاقسارتۋعا ءمان بەرىلىپ، شالعاي اۋىل - قىستاقتاردىڭ وقۋ - اعارتۋ، ەمدەۋ، قوعامدىق قامتاماسىزداندىرۋ ىستەرىنە پارمەندى قولداۋ كورسەتىلىپ، كوپتەگەن ناقتى ادىستەر ورتاعا تۇسكەن. نەگىزگى ساتىدان كەلگەن ۋاكىل سالاۋاتىممەن تەرەڭ شابىت الىپ وتىرمىن. مەن حۇنچيراپ كەدەنى ارقىلى تاشقورعان تاجىك اۆتونوميالى اۋدانىنىڭ ساياحاتىنا ەرەكشە ساياساتتىق قولداۋ كورسەتۋىن؛ تاشقورعاننىڭ تەڭىز دەڭگەيىنەن 5000 دا 6000 مەتر بيىك وڭىرلەرىندە جاسايتىن مالشىلاردىڭ ءوندىرىس، تۇرمىسىنا كومەك بەرۋ سەرپىنىن ارتتىرىپ، ۇستىرتتىك ناۋقاس تۋىلۋ جاعدايىنا ساي، زەينەتكەرلىك قامسىزداندىرۋ ساياساتىنا رەتتەۋ جۇرگىزۋدى ۇسىنىس ەتەمىن.
ۋاكىل سۇلتان جايناق بىلاي دەدى: شينجياڭنىڭ ۇزىننان - ۇزاققا سوزىلعان شەكارا سىزىعى بويىندا ءار ۇلت ەگىنشى - مالشىلارى جاسايدى، ولار ءوز كۇشتەرىنە سۇيەنىپ تىرشىلىكتەرىن كورىپ قانا قويماي، شەكارانى شارلاۋ، شەكارانى قورعاۋ جاۋاپكەرلىگىن ۇستىلەرىنە الىپ، شارت - جاعدايى جاپالى شەكارا ءوڭىردى قاجىماي - تالماي تاپجىلماي قورعاپ كەلەدى. مەن كەدەيلىكتەن قۇتىلدىرۋدان قامال الۋدا تۇرمىستىق كومەك قاراجاتتى ارتتىرۋ، شەكاراداعى تۇرعىنداردى شەكارا قورعاۋشىسىنا اينالدىرۋ سياقتى تاسىلدەر ارقىلى شەكارا وڭىردەگى ەگىنشى - مالشىلاردىڭ تۇرمىس شارت - جاعدايىن جاقسارتىپ، ولاردىڭ بۇكىل ەلىمىزدەگى، بۇكىل شينجياڭداعى ءار ۇلت بۇقاراسىمەن بىرگە كەدەيلىكتەن قۇتىلىپ، اۋقاتتانۋىنا، دوڭگەلەك داۋلەتتى ورەگە جەتۋىنە مۇمكىندىك جاساۋدى ۇسىنىس ەتەمىن.
ۋاكىل ۋاڭ جيان مىنانى ۇسىنىس ەتتى: مەملەكەت ارناۋلى تۇردە وڭتۇستىك شينجياڭدى دامىتۋ قورىن قۇرۋى، وڭتۇستىك شينجياڭعا قان قۇيۋ سيپاتتى قولداۋ كورسەتۋى كەرەك. وڭتۇستىك شينجياڭعا قارجى قوسىپ، شارۋاشىلىعىن كوركەيتكەن جەرگىلىكتى كاسىپورىنداردى قارجى جاعىنان قولداپ، وڭتۇستىك شينجياڭنىڭ ونەركاسىپتەنۋ دەڭگەيىن جوعارىلاتىپ، جۇمىسقا ورنالاستىرۋعا، كاسىپ سالاسىن دامىتۋعا جەبەۋشىلىك ەتۋ كەرەك.
ۋاكىل تالعات ۇسەن ۇلى بىلاي دەدى: كەدەيلىكتەن قۇتىلدىرۋدان قامال الۋ مىندەتى اۋىر، ءسوز جوق، ۋاقىت كەستەسىنە ساي ارەكەت جوسپارىن، اتقارۋ جوباسىن بەلگىلەپ، كەدەيلەردى سۇيەمەلدەۋ، وركەندەتۋدى ونەركاسىپتەندىرۋمەن، قالا - قالاشىقتاندىرۋمەن، ەگىن، مال شارۋاشىلىعىن وسىزامانداندىرۋمەن جانە ينتەرنەت ىستەرىمەن تىعىز ۇشتاستىرىپ، بۇكىل قوعامدى كەدەيلەردى سۇيەمەلدەۋ، وركەندەتۋ ءىسىن قولداۋعا ات سالىستىرىپ، كەدەيلەردى كەدەيلىكتەن ەرتەرەك قۇتىلدىرىپ، ءار ۇلت بۇقاراسىن ءتىپتى جاقسى تۇرمىسقا كەنەلتۋ كەرەك.
ۋاكىل گۇلنۇر مامەت بىلاي دەدى: كاسىپتىك وقۋ - اعارتۋ باسقا دا وقۋ - وقىتۋ فورماسىمەن ءبىر - ءبىرىن تولىقتاپ، جالپى حالىقتىڭ كاسىپتىك تەحنيكالىق ونەرىن جوعارىلاتۋ، جۇمىسقا ورنالاسۋدى جەبەۋ، كەدەيلىكتەن قۇتىلدىرۋدان قامال الۋعا دەم بەرۋ سىندى جاقتاردان بەلسەنە رول اتقارادى. مەملەكەت پەن اۆتونوميالى رايوننىڭ مۇنان بىلاي وقىتۋشىلار كۇشىن سومداۋ، ەرەكشە ساياسات سياقتى جاقتاردان ءالى دە كاسىپتىك وقۋ - اعارتۋدىڭ دامۋىن قولداۋدى ءۇمىت ەتەمىن.
لي شۋەجۇن، دۇڭ شينگۋاڭ، مامەتيمىن ياسىن، فۋ پۋيان، چين جۇڭ، ابدۇللا ابباس، ءادىل وشۇر، ماردان مۇحيت، شي ۋىنحاي سىندى ۋاكىلدەر جاستار، ورەندەر دەنە تاربيەسى، كەدەيلەردى سۇيەمەلدەۋ، وركەندەتۋ، قالا، اۋىلدى سايكەستى دامىتۋ، ەگىنشى - مالشىلاردىڭ كىرىسىن ارتتىرۋ، ءۇرىمجى حالىقارالىق اۆياتسيا تورابى قۇرىلىسى، ەكولوگيانى قالپىنا كەلتىرۋ، ماقتا نىسانالى باعا رەفورماسى، ەرەكشە ەگىن شارۋاشىلىعى ونىمدەرىن ساتۋ سياقتى جاقتاردان ۇسىنىس بەردى.
مەملەكەتتىك دامۋ - رەفورمالاۋ كوميتەتى، قازىنا مينيسترلىگى سياقتى كوميتەتتەر مەن مينيسترلىكتەرگە قاتىستى مەكەمەلەردىڭ جاۋاپتى جولداستارى پىكىر - ۇسىنىستاردى تىڭدادى.
شينجياڭ ۋاكىلدەر ۇيىرمەسى 9 - ناۋرىزدا ۇكىمەت قىزمەتىنەن باياندامانى گرۋپپالارعا ءبولىنىپ ۇزدىكسىز تالقىلاپ، پىكىر اۋىستىردى. سۋرەتتى ءتىلشىمىز لۋ مين - ي تۇسىرگەن
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
