بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

يۇي جىڭشىڭ، ۋاڭ چيشان، جاڭ گاۋلي مەملەكەتتىك حالىق قۇرىلتايى ماجىلىسىنە قاتىناسقان ءىشىنارا ۋاكىلدەر ۇيىرمەسىنىڭ تالقىسىنا قاتىناستى

2016.03.14 13:12     كەلۋ قاينارى : ءتاڭىرتاۋ تورابى

  شينحۋا اگەنتتىگىنىڭ 11 - ناۋرىزدا بەيجيڭنەن بەرگەن حابارى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى يۇي جىڭشىڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ءتارتىپ تەكسەرۋ كوميتەتىنىڭ شۋجيى ۋاڭ چيشان، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى جاڭ گاۋلي 11 - ناۋرىزدا مەملەكەتتىك 12 - كەزەكتى حالىق قۇرىلتايىنىڭ 4 - ماجىلىسىنە قاتىناسقان ءىشىنارا ۋاكىلدەر ۇيىرمەسىنىڭ تالقىسىنا قاتىناستى.

  يۇي جىڭشىڭ يۇننان ۋاكىلدەر ۇيىرمەسىنىڭ تالقىسىنا قاتىناستى. يۇي جىڭشىڭ يۇنناننان ورتالىق كوميتەتتىڭ تالابى مەن باس شۋجي شي جينپيڭنىڭ ماڭىزدى سوزدەرىنىڭ رۋحىن مۇقيات دايەكتى تياناقتاندىرىپ، تىڭ دامۋ يدەياسى ارقىلى دامۋعا جەتەكشىلىك ەتۋدەن جازباي، جاپپاي دوڭگەلەك داۋلەتتى قوعام قۇرۋ كۇرەس نىساناسىن ۋاعىندا ورىنداۋدى ءۇمىت ەتتى. يۇي جىڭشىڭ مىنانى باسا دارىپتەدى: يۇننان − كوپ ۇلت قونىستانعان شەكارا ولكە، ۇلت ماسەلەسىن جۇڭگوشا ەرەكشەلىكتە شەشۋدىڭ دۇرىس جولىنان جازباي، «ءۇشتىڭ ءبىر - بىرىنەن ايرىلا الماۋ»، «بەس ورتاق تانىم» يدەياسىن كۇشەيتىپ، ۇلتتار ىنتىماعى تاربيەسىن ىشكەرىلەي ورىستەتىپ، ءار ۇلت حالقىنىڭ قارىم - قاتىناسىن، اۋىس - كۇيىسىن، توعىسۋىن نىعايتۋى، ءار ۇلت حالقى جۇڭحۋا ۇلتى ۇلى شاڭىراعىندا ەتەنە بايلانىستا بولىپ، ءبىر - بىرىنە كومەك كورسەتۋى كەرەك. كەدەيلەردى دالمە - ءدال سۇيەمەلدەۋدەن، كەدەيلىكتەن ناقتاپ قۇتىلدىرۋدان جازباي، جان سانى ءبىرشاما از ۇلتتاردى، «سوتسياليستىك قوعامعا توتە اياق باسقان ۇلتتاردى» سۇيەمەلدەۋ تەبىنىن ارتتىرىپ، ۇلتتىق رايوندارداعى قاۋىمدى كەدەيلىكتەن ەرتەرەك قۇتىلدىرۋ كەرەك. مەملەكەتتىڭ ورتاق ءتىل − جازۋ اعارتۋىنا اناعۇرلىم باسا ءمان بەرىپ، از ۇلتتاردىڭ مادەنيەت، وقۋ - اعارتۋ ورەسىن جوعارىلاتىپ، ولاردىڭ وسى زامانعى وركەنيەتكە بەت الۋىنا كومەكتەسۋ كەرەك.

  ۋاڭ چيشان گۇيجوۋ ۋاكىلدەر ۇيىرمەسىنىڭ تالقىسىنا قاتىناستى. ۋاڭ چيشان مىنانى اتاپ كورسەتتى: ساپ تۇزەۋ كەرەك، ول ءۇشىن پارتيا ۋستاۆىمەن، پارتيا ەرەجەسىمەن جانە باس شۋجي شي جينپيڭنىڭ ماڭىزدى سوزدەرىمەن سالىستىرىپ، پارىقتاردى تاۋىپ، ورتالىقتىڭ رۋحىن دۇرىس يگەرىپ، امالياتپەن تىعىز ۇشتاستىرىپ، دايەكتى تياناقتاندىرۋ ءادىسىن تابۋ كەرەك. كەدەيلەردى سۇيەمەلدەۋدەن قامال الۋ شايقاسىنىڭ تەتىگى ءار دارەجەلى پارتيا ۇيىمدارىنىڭ، نەگىزگى ساتى پارتيا ياچەيكالارىنىڭ جاۋىنگەر قامالىندىق رولىن ساۋلەلەندىرۋ، پارتيالى كادرلار بۇقارانىڭ مۇددەسىن ويلاۋ ارقىلى بۇقارانى اتتانىسقا كەلتىرۋى مەن ۇيىمداستىرۋىندا. عىلمي رۋح ورناتىپ، ادامدى نەگىز ەتىپ، شارۋالاردىڭ تىلەگىنە قۇرمەت ەتىپ، ورتالىقتىڭ كەدەيلەردى سۇيەمەلدەۋ جاعىنداعى ابزال ساياساتتارىن ناقتاپ تياناقتاندىرۋ قاجەت. وسىزامانداندىرۋدىڭ ۇيتقىسى − ادامداردى وسىزامانداندىرۋ. كەدەيلەردى دالمە - ءدال سۇيەمەلدەۋدە سۇيەمەلدەيتىن قارجى بولۋ، مۇنان دا ماڭىزدىسى، عىلىم - تەحنيكا جانە دارىندىلار ارقىلى سۇيەمەلدەۋ، قان بەرۋمەن بىرگە، قان جاساپ، ادامداردىڭ ساپاسىن جوعارىلاتۋ كەرەك. پارتيانى جاپپاي قاتاڭ جونگە سالۋ تۇلعالىق جاۋاپكەرشىلىگىن تياناقتاندىرىپ، ناقتى شارالار قولدانىپ، باقىلاۋدى كۇشەيتىپ، جاۋاپكەرشىلىكتى باتىل قۋزاپ، بۇقارانىڭ ماڭايىنداعى بۇرىس ستيلدەر مەن جەمقورلىقتى وڭاۋ كەرەك. كەدەيلەردى سۇيەمەلدەۋ قارجىسىنا سۇقتانعانداردى قاتاڭ جازالاپ، زورلىقپەن يەمدەنۋ، تارتىپ الۋ، جالعان مالىمەت بەرۋ، الداپ الۋ، تۋىس - تۋعان، دوس - جاراندارىن جارىلقاۋ، قيانات جاساۋ، باسقاعا پايدالانۋ سياقتى جايتتەردى، ءسوز جوق، قاتاڭ تەكسەرىپ ءبىر جايلى ەتىپ، حالىقتىڭ ءتۇبىرلى مۇددەسىن قورعاپ، بۇقارانى دامۋ جەتىستىكتەرىنەن بىرگە يگىلىكتەندىرىپ، پارتيانىڭ بيلىك جۇرگىزۋىنىڭ ساياسي نەگىزىن بەكەمدەۋ كەرەك.

  جاڭ گاۋلي شانشي ۋاكىلدەر ۇيىرمەسىنىڭ تالقىسىنا قاتىناستى. جاڭ گاۋلي شانشيدەن باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي دايەكتىلەندىرىپ، جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككىە كەنەلەتىن دامۋ يدەياسى ارقىلى دامۋعا جەتەكشىلىك ەتۋدەن جازباي، «بەستى تىڭعىلىقتى ورىنداۋ» تالابىن ناقتاپ تياناقتاندىرىپ، شانشيدىڭ توپ جارۋ، توپتان وزۋىنىڭ تىڭ داستانىن جازۋدى ءۇمىت ەتتى. «ءبىر بەلدەۋ، ءبىر جول» قۇرىلىسىنا بەلسەنە، ىرىقتىلىقپەن ات سالىسىپ، ىشكى قۇرلىقتىق وڭىرلەردەن سىرتقا ەسىك اشۋدىڭ تىڭ ءورىسىن اشۋدى جەدەلدەتۋ؛ قامداۋ جاعىنداعى قۇرىلىمدىق رەفورمانى بارىنشا ىلگەرىلەتىپ، ەكونوميكانىڭ باياندى، اقاۋسىز دامۋىن جەبەۋ؛ جاڭالىق اشا دامۋ ستراتەگياسىن اتقارىپ، كاسىپ سالاسى دەڭگەيىن رەتتەۋ، ساپالىلاندىرۋ، دارەجەسىن ءوسىرۋ؛ عىلمي جوبالاۋدى، ءبىر تۇتاس جوبالاپ سايكەستىرۋدى كۇشەيتىپ، جاڭاشا قالا - قالاشىقتاندىرۋ مەن اۋىل شارۋاشىلىعىن وسىزامانداندىرۋدى ىلگەرىلەتۋ؛ ەكولوگيانى الدىمەن ويلاستىرۋدان جازباي، جاسىل دامۋدى جەبەپ، قورشاعان ورتانى قورعاۋ مەن ەكولوگيالىق قۇرىلىستى مىقتى يگەرۋ؛ كەدەيلەردى سۇيەمەلدەۋدەن قامال الۋ شايقاسىن باتىل جۇرگىزىپ، توڭكەرىستىك بايىرعى رايونداردى كەدەيلىكتەن قۇتىلدىرىپ، دوڭگەلەك داۋلەتتى ورەگە جەتكىزۋ اياق الىسىن جەدەلدەتىپ، شانشيدىڭ ەكونوميكالىق، قوعامدىق دامۋىن تاعى دا تىڭ دەڭگەيگە كوتەرۋ كەرەك.

  كەلۋ قاينارى: شينجياڭ گازەتى - ءتاڭىرتاۋ تورابى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.