مەملەكەتتىك ساياسي كەڭەستىڭ شينجياڭدا تۇراتىن مۇشەلەرى ۇرىمجىگە قايتىپ ورالدى

2016.03.17 14:35   كەلۋ قاينارى : حالىق تورابى

　　مەملەكەتتىك ساياسي كەڭەستىڭ شينجياڭدا تۇراتىن مۇشەلەرى ساياسي كەڭەس مەملەكەتتىك 12 – كەزەكتى 4 – ماجىلىسىنە قاتىناسىپ، ءماجىلىس كۇنتارتىپتەرىن ويداعىداي ورىنداپ، 15 – ناۋرىزدا مول تابىسپەن ۇرىمجىگە جەتتى.

　　حالىق تورابى، 17 – ناۋرىز، بەيجيڭ. ءتاڭىرتاۋ تورابىنىڭ حابارلاۋىنشا، ساياسي كەڭەس مەملەكەتتىك 12 – كەزەكتى كوميتەتىنىڭ 4 – ماجىلىسىنە قاتىناسقان شينجياڭدا تۇراتىن مۇشەلەرى ءماجىلىسىتىڭ بارلىق كۇنتارتىپتەرىن ويداعىداي ورىنداپ، مول تابىسپەن، شينجياڭنىڭ دامۋىنا دەگەن زور سەنىممەن، 15 – ناۋرىزدا ۇشاققا وتىرىپ ۇرىمجىگە جەتتى.

　　مەملەكەتتىك ساياسي كەڭەس مۇشەسى بۋاجار ابلا اۋەجايدا تىلشىلىكتى قابىلداعاندا بىلاي دەدى: ءماجىلىس مەزگىلىندە ءبىز 13 – بەسجىلدىق جوسپار جونىندە تالقى وتكىزىپ، شينجياڭنىڭ ءىس جۇزىندىك جاعدايىمەن بىرلەستىرە وتىرىپ، جاپپاي دوڭگەلەك داۋلەتتى قوعام قۇرۋ، سونداي – اق كەدەيلەردى سۇيەمەلدەۋ قىزمەتى قاتارلى جاقتارعا تالداۋ جاسادىق، وسى بارىستا مىندەتىمىزدىڭ اسا اۋىر ەكەنىن سەزىندىك. بۇدان بىلاي، ءبىز شينجياڭدا «ۇشقارىلىقتى الاستاۋ»، كەدەيلەردى ارنايى سۇيەمەلدەۋ جانە قامداۋ جاعىنداعى رەفورما قاتارلى قىزمەتتەردى توڭىرەكتەي وتىرىپ، ىشكەرىلەي تەكسەرۋ جۇرگىزىپ، نەگىزگى ساتىدان ماتەريال توپتاپ، قۇندى ۇسىنىس جوبالاردى بەرىپ، رەفورمانى تەرەڭدەتۋدى ىلگەرىلەتۋگە كۇش قوساتىن بولامىز.

　　كەلۋ قاينارى: حالىق تورابى