- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاڭ چۇنشيان ۇرپاقتارعا كوڭىل ءبولۋ قىزمەتىن جاقسى ىستەۋ جونىندە ماڭىزدى بەكىتپە جازدى
جاقسى جەتەكشى، ۇگىتشى، زەرتتەۋشى بولىپ، ءار ۇلت جاس وسپىرىمدەرىنىڭ اقاۋسىز ءوسىپ - جەتىلۋىن جەبەيىك
2016.03.29 14:49 كەلۋ قاينارى : ءتاڭىرتاۋ تورابى
اۆتونوميالى رايوندىق ۇرپاقتارعا كوڭىل ءبولۋ قىزمەتى كوميتەتى قۇرىلعاندىعىنىڭ 25 جىلدىعىن اتاپ ءوتۋ جانە ۇرپاقتارعا كوڭىل ءبولۋ قىزمەتى جونىندەگى اۆتونوميالى رايوندىق ماداقتاۋ - سيلاۋ جينالىسى 28 - ناۋرىزدا ۇرىمجىدە اشىلدى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى ساياسي كوميسسارى جاڭ چۇنشيان ماڭىزدى بەكىتپە جازىپ، اۆتونوميالى رايوندىق پارتكوم اتىنان جۇڭگو ۇرپاقتارعا كوڭىل ءبولۋ قىزمەتى كوميتەتىنىڭ شينجياڭعا زور قولداۋ كورسەتكەنىنە شىن جۇرەكتەن العىس ايتتى، ماداقتالىپ - سيلانعان وزات كوللەكتيۆتەر مەن وزاتتاردى قىزۋ قۇتتىقتادى، بۇكىل رايونىمىزداعى ۇرپاقتارعا كوڭىل ءبولۋ ىسىمەن اينالىسىپ وتىرعان ساقا جولداستاردان جانە ۇرپاقتارعا كوڭىل ءبولۋ قىزمەتى كوميتەتىندەگى كادرلاردان شىنايى حال سۇرادى.
مەملەكەتتىك حالىق قۇرىلتايى تۇراقتى كوميتەتىنىڭ بۇرىنعى ورىنباسار باستىعى، جۇڭگو ۇرپاقتارعا كوڭىل ءبولۋ قىزمەتى كوميتەتىنىڭ مەڭگەرۋشىسى گۋ شيۋليان، جۇڭگو ۇرپاقتارعا كوڭىل ءبولۋ قىزمەتى كوميتەتىنىڭ ۇنەمىلىك ىستەرگە جاۋاپتى ورىنباسار مەڭگەرۋشىسى ۋ تاۋ شينجياڭعا ارنايى كەلىپ جينالىسقا قاتىناستى. جاڭ چۇنشيان 27 - ناۋرىز كۇنى تۇستەن كەيىن گۋ شيۋليانمەن جانە ونىڭ سەرىكتەرىمەن كەزدەستى.
جاڭ چۇنشيان بەكىتپەسىندە بىلاي دەپ اتاپ كورسەتتى: جاس وسپىرىمدەر − مەملەكەت پەن ۇلتتىڭ بولاشاعى جانە ءۇمىتى، ۇرپاقتارعا كوڭىل ءبولۋ قىزمەتىن جاقسى ىستەۋ جۇڭحۋا ۇلتىنىڭ ۇلى گۇلدەنۋىنە سايادى. اۆتونوميالى رايوندىق ۇرپاقتارعا كوڭىل ءبولۋ قىزمەتى كوميتەتى قۇرىلعان 25 جىلدان بەرى، اۆتونوميالى رايوندىق پارتكومنىڭ باسشىلىعىندا، جۇڭگو ۇرپاقتارعا كوڭىل ءبولۋ قىزمەتى كوميتەتىنىڭ كۇش سالا قولداۋىندا، بۇكىل شينجياڭداعى ءار دارەجەلى ۇرپاقتارعا كوڭىل ءبولۋ قىزمەتى كوميتەتتەرى مەن «بەس ءتۇرلى قارتتار» پارتيا ىستەرىنە دەگەن شەكسىز ادالدىقپەن، وزەكتى ارقاۋ ەتىپ، جالپى جاعدايعا قىزمەت ەتىپ، كوكىرەك تولى قىزۋ ىنتامەن بويداعى قايراتىن ارناپ، ناقتى ارەكەتتەرى ارقىلى ءار ۇلت جاس وسپىرىمدەرىنىڭ ءوسىپ - جەتىلۋىندە ماڭىزدى رولدارىن ساۋلەلەندىردى.
جاڭ چۇنشيان بۇكىل شينجياڭداعى ءار دارەجەلى ۇرپاقتارعا كوڭىل ءبولۋ قىزمەتى كوميتەتتەرىنىڭ جانە «بەس ءتۇرلى قارتتاردىڭ» باس شۋجي شي جينپيڭنىڭ ماڭىزدى سوزدەرىنىڭ رۋحىن، وتە - موتە، ۇرپاقتارعا كوڭىل ءبولۋ قىزمەتى جونىندەگى ماڭىزدى نۇسقاۋىنىڭ رۋحىن ىشكەرىلەي دايەكتى تياناقتاندىرىپ، جۇڭگو ۇرپاقتارعا كوڭىل ءبولۋ قىزمەتى كوميتەتى قۇرىلعاندىعىنىڭ 25 جىلدىعىن اتاپ ءوتۋ جانە ۇرپاقتارعا كوڭىل ءبولۋ قىزمەتى جونىندەگى مەملەكەتتىك ماداقتاۋ - سيلاۋ جينالىسىنىڭ تالابىنا ساي، شينجياڭنىڭ قوعام ورنىقتىلىعى مەن باياندى تىنىشتىعى باس نىساناسى توڭىرەگىندە جاس وسپىرىمدەردى تاربيەلەۋ، جەتەكتەۋ، ولارعا كوڭىل ءبولۋ، ايالاۋ سىندى ماڭىزدى ءتۇيىندى مىقتى يگەرىپ، جاقسى جەتەكشى، ۇگىتشى، زەرتتەۋشى بولىپ، ءار ۇلت جاس وسپىرىمدەرىنىڭ اقاۋسىز ءوسىپ - جەتىلۋىن جەبەۋىن ءۇمىت ەتتى.
جاڭ چۇنشيان بىلاي دەپ باسا دارىپتەدى: ءار دارەجەلى پارتكومدار، ۇكىمەتتەر ۇرپاقتارعا كوڭىل ءبولۋ قىزمەتىنە باسشىلىق پەن قولداۋدى اناعۇرلىم كۇشەيتىپ، ساقا جولداستاردىڭ وزگەشە باسىمدىعى مەن رولىن تولىق ساۋلەلەندىرىپ، بۇكىل شينجياڭنىڭ ۇرپاقتارعا كوڭىل ءبولۋ ىستەرىنىڭ ءتىپتى جاقسى دامۋىن ىلگەرىلەتىپ، «شينجياڭدى كوركەيتۋ، وتان ارمانىن ورىنداۋ» جولىندا جاڭا ءارى ءتىپتى زور ۇلەس قوسۋى كەرەك.
گۋ شيۋليان جينالىستا ءسوز سويلەپ بىلاي دەپ اتاپ كورسەتتى: اۆتونوميالى رايوندىق ۇرپاقتارعا كوڭىل ءبولۋ قىزمەتى كوميتەتى قۇرىلعان 25 جىلدان بەرى، اۆتونوميالى رايوندىق پارتكومنىڭ، ۇكىمەتتىڭ پارمەندى باسشىلىعىندا، بۇكىل رايونداعى «بەس ءتۇرلى قارتتار» قوسىنى كۇن سايىن ءوسىپ، جاس وسپىرىمدەر اراسىندا مۇرات - سەنىم، توڭكەرىستىك ءداستۇر، ۇلت جاراسىمدىلىعى، ۇشقارىلىقتى الاستاۋ تاربيەسى قيمىلدارىن تاباندىلىقپەن ورىستەتتى، ۇرپاقتارعا كوڭىل ءبولۋ قىزمەتى نىق قاداممەن دامىپ، جاس وسپىرىمدەردىڭ يدەيا - ءمورال قۇرىلىسى قىزمەتىندە كورنەكتى ناتيجەگە قول جەتىپ، قوعامنىڭ جاپپاي القاۋىنا بولەندى. بۇكىل شينجياڭداعى ءار دارەجەلى ۇرپاقتارعا كوڭىل ءبولۋ قىزمەتى كوميتەتتەرى جالپى جاعدايعا قىزمەت ەتۋدى، جاس وسپىرىمدەرگە قىزمەت ەتۋدى، جاس وسپىرىمدەردىڭ ءوسىپ - جەتىلۋ امالياتىن تياناق ەتىپ، «بەس ءتۇرلى قارتتار» مەن جاس وسپىرىمدەردى جاپپاي ۇيىمداستىرىپ، اتتانىسقا كەلتىرىپ، ۇرپاقتارعا كوڭىل ءبولۋ قىزمەتىنىڭ جاڭا جاعدايىن اشۋعا قۇلشىنۋى كەرەك.
اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ ساياسي كوميسسارى سۇن جينلۇڭ جينالىسقا قاتىناستى ءارى ءسوز سويلەدى. ول بۇكىل شينجياڭداعى ءار دارەجەلى ۇرپاقتارعا كوڭىل ءبولۋ قىزمەتى كوميتەتتەرىنىڭ ورتالىق پەن اۆتونوميالى رايوندىق پارتكومنىڭ كەلەلى شەشىمدەرى مەن ورنالاستىرۋلارىن باتىل دايەكتىلەندىرىپ، ۇرپاقتارعا كوڭىل ءبولۋ قىزمەتىن جاقسى ىستەۋ جاۋاپكەرشىلىك سەزىمى مەن بورىشتىلىق سەزىمىن شىن مانىندە ارتتىرىپ، جاس وسپىرىمدەردىڭ يدەيا - ءمورال قۇرىلىسىن اناعۇرلىم كۇشەيتىپ، جاس وسپىرىمدەردىڭ زاڭدى ۇقىق - مۇددەسىن قورعاۋ قىزمەتىنە بەلسەنە ات سالىسىپ، ۇلتتار ىنتىماعى جونىندەگى ۇگىت - تاربيە قيمىلدارىن تىڭعىلىقتى ورىستەتىپ، تاماشا قوعامدىق مادەنيەت ورتاسىن ىشكەرىلەي قالىپتاستىرىپ، وزىندىك قۇرىلىستى شىن مانىندە كۇشەيتىپ، ۇرپاقتارعا كوڭىل ءبولۋ قىزمەتىندە تىڭ دامۋعا ۇزدىكسىز قول جەتكىزۋىن ءۇمىت ەتتى.
جينالىستا اۆتونوميالى رايوندىق ۇرپاقتارعا كوڭىل ءبولۋ قىزمەتى كوميتەتى قۇرىلعان 25 جىلدان، وتە - موتە، سوڭعى 5 جىلدان بەرى قول جەتكىزگەن قىزمەت ناتيجەلەرى، نەگىزگى تاجىريبەلەر مەن اسەرلەر قورىتىندىلاندى ءارى كەلەسى قادامداعى قىزمەتتەر جونىندە پىكىر - ۇسىنىستار ورتاعا سالىندى. قۇلجا قالالىق ۇرپاقتارعا كوڭىل ءبولۋ قىزمەتى كوميتەتى سياقتى 99 كوللەكتيۆ جانە ۋاڭ حۋايۇن سياقتى 217 جولداس ۇرپاقتارعا كوڭىل ءبولۋ قىزمەتىندەگى اۆتونوميالى رايوندىق وزات كوللەكتيۆ جانە وزات دەگەن داڭقتى اتاققا يە بولدى، ءامينا عاپپار سياقتى 7 جولداس جانە جۇڭگو سىرتقى ترانسپورت، چاڭجياڭ سۋ تاسىمال توبى شينجياڭ شەكتى سەرىكتەستىگى سياقتى 15 كوللەكتيۆ اۆتونوميالى رايوننىڭ ۇرپاقتارعا كوڭىل ءبولۋ قىزمەتىنىڭ داڭق مەدالىن جانە مەيىر باعىشتاۋ، ۇلەس قوسۋ مەدالىن الدى.
اۆتونوميالى رايون باسشىلارىنان شوكىرات زاكىر، نايىم ياسىن، چى جۇن، پىڭ جيارۇي، دۇڭ شينگۋاڭ، تيان ۋىن جوعارىداعى قيمىلدارعا قاتىناستى. اۆتونوميالى رايوننىڭ قاتىستى تاراۋلارىنىڭ جاۋاپتىلارى جانە ايماقتىق، وبلىستىق، قالالىق ۇرپاقتارعا كوڭىل ءبولۋ قىزمەتى كوميتەتتەرىنىڭ، وركەنيەت كەڭسەلەرىنىڭ جاۋاپتىلارى جينالىسقا قاتىناستى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
