- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اناردىڭ دانىندەي تىعىز بىرىگەيىك
شين شۋان
2016.03.31 12:59 كەلۋ قاينارى : شينجياڭ گازەتى
اۆتونوميالى رايوننىڭ «ۇلتتار ىنتىماعى، العاباسارلىعى جىلىنا» اتتانىسقا كەلتىرۋ جينالىسى 28 - ناۋرىز كۇنى جەڭىسپەن اشىلدى، جينالىس حابارى تال - تەرەكتى ايمالاي وپكەن كوكتەم سامالىنداي، قارا جەردى جىلىتقان كوكتەم شۋاعىنداي، كوڭىلدەرگە لەپ بەرگەن كوكتەم شاتتىعىنداي تيانشاننىڭ تۇستىگى مەن تەرىستىگىندەگى 23 ميلليون ءار ۇلت ۇلانىىنىڭ جۇرەگىن تەربەپ، شينجياڭداعى ءار ۇلت حالقىنىڭ كوركەم ومىرگە دەگەن ارمانى مەن اڭسارىنا دەم بەرە ءتۇستى.
«13 - بەسجىلدىق» جوبا اتقارىلا باستاعان العاشقى جىلى، جاپپاي دوڭگەلەك داۋلەتتى قوعام قۇرۋدىڭ شەشۋشى كەزەڭىنە قادام تاستاعان ەلەۋلى ساتتە، «ۇلتتار ىنتىماعى، العاباسارلىعى جىلى» قيمىلىنىڭ ورىستەتىلۋى شينجياڭ قىزمەتىندە ماڭىزدى كەزەڭدىك مانگە يە بولۋمەن بىرگە، مەملەكەتىمىزدىڭ ۇلتتار ىنتىماعى، العاباسارلىعى قىزمەتىندە جاسالعان ءساتتى ىزدەنىس سانالىپ، جاڭا كەزەڭدەگى شينجياڭدى گۇلدەندىرۋ، ورنىقتىرۋ، كوركەيتۋ ينجەنەرياسىنىڭ مازمۇنىن بايىتا تۇسەتىنى داۋسىز.
1
ۇلتتار ىنتىماعى − شينجياڭداعى ءار ۇلت حالقىنىڭ تىرشىلىك تىنىسى. شينجياڭدا ۇلتتار ىنتىماعى قىزمەتىن ويداعىداي جۇرگىزۋدىڭ ايرىقشا ماڭىزدى ءمانى بار، ول شينجياڭنىڭ قوعام ورنىقتىلىعى مەن باياندى تىنىشتىعىنىڭ باس نىساناسىنا، وتاننىڭ بىرلىگى مەن شەكارانىڭ مىزعىماستىعىنا، ۇلتتاردىڭ بەرەكە - بىرلىكپەن العا باسۋى مەن جۇڭحۋا ۇلتىنىڭ ۇلى گۇلدەنۋىنە قاتىستى.
كوپ جىلدان بەرى پارتيا ورتالىق كوميتەتى شينجياڭنىڭ ۇلتتار ىنتىماعى قىزمەتىنە ەرەكشە كوڭىل ءبولىپ كەلەدى. باس شۋجي شي جينپيڭ «شينجياڭدا ەڭ قيىن، ەڭ ۇزاققا جالعاساتىن ماسەلە − ۇلتتار ىنتىماعى ماسەلەسى» دەپ اتاپ كورسەتكەن بولاتىن. ءار ۇلت ءبىرىن - ءبىرى ءتۇسىنىپ، ءبىر - بىرىنە قۇرمەت ەتىپ، بىرىنە - ءبىرى باۋىرمال بولىپ، ءبىر - ءبىرىنىڭ قادىرىنە جەتىپ، ءبىر - بىرىنەن ۇلگى الىپ، ءبىرى - بىرىنە كومەكتەسىپ، اناردىڭ دانىندەي تىعىز بىرىگۋى قاجەت.
ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعاننان بەرى اۆتونوميالى رايوندىق پارتكوم ءار ۇلت ىنتىماقتاسا كۇرەس جۇرگىزۋ، بىرگە گۇلدەنىپ - كوركەيۋ تاقىرىبىن قاشاندا بەرىك يگەرىپ، جاڭا وي جۇلگەسى، جاڭا ءادىس، جاڭا شارالار ۇستىندە تىنباي ىزدەنىس جاسادى، ۇلتتار ىنتىماعى بۇل كۇندە ءار ۇلت جۇرتشىلىعىنىڭ ورتاق قۇندىلىعىنا اينالىپ كەلەدى.
− ۇدايى 6 جىلدى حالىق تۇرمىسى جىلى دەپ بەلگىلەپ، كوپ جىلدان بەرى قوردالانىپ قالعان جانە حالىق تۇرمىسىنا تىكە قاتىستى ماسەلەلەردى شەشىپ، جۇرتتىڭ قۇپتاۋىن الىپ جانە تىلەگىن بىرىكتىرىپ، ۇلتتار ىنتىماعىنىڭ حالىق قالاۋى نەگىزىن بەكەمدەدى جانە دامىتتى؛
− قاتاڭ سوققى بەرۋ ارناۋلى ارەكەتىن ۇزبەي جۇرگىزىپ، «ۇشقارىلىقتى الاستاۋدى» تەرەڭدەي ىلگەرىلەتىپ، نەگىزگى ساتىنىڭ نەگىزدىك قۇرىلىستارىن كۇشەيتتى، ورنىقتىلىق احۋالىندا وڭ، جاقسى، ءسۇيىنىشتى وزگەرىستەر جارىققا شىعارىپ، ۇلتتار ىنتىماعىنىڭ قوعامدىق نەگىزىن بەكەمدەدى جانە دامىتتى؛
− «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلىن قاتارىنان 3 جىل ورىستەتىپ، بۇقاراعا قالتقىسىز قىزمەت ەتىپ، ۇلتتاردىڭ ارالاسۋ، بايلانىسۋ، ءسىڭىسۋىن تەزدەتىپ، ۇلتتار ىنتىماعىنىڭ بۇقارالىق نەگىزىن بەكەمدەدى جانە دامىتتى؛
− «ۇلتتار ىنتىماعى، العاباسارلىعى قىزمەتى ەرەجەسىن» جاريالاپ جانە اتقارىپ، «جاڭا جاعدايداعى ۇلت قىزمەتىن نىعايتۋ جانە جاقسارتۋ تۋرالى پىكىر» شىعارىپ، ۇلتتار ىنتىماعىنىڭ زاڭدىق نەگىزىن بەكەمدەدى جانە دامىتتى؛
− از ۇلتتاردىڭ ءداستۇرلى مەرەكەلەرىن شينجياڭ بويىنشا رەسمي الەۋمەتتىك دەمالىس كۇنى ەتىپ بەلگىلەپ، «قوس ءتىل» اعارتۋىن ورنىقتى قاداممەن ىلگەرىلەتىپ، ءار ۇلت ءوزارا كىرىككەن قوعامدىق قۇرىلىم مەن الەۋمەتتىك اۋماق ورتاسىنىڭ قالىپتاسۋىن ىلگەرىلەتتى، ءار ۇلت كادر - جۇرتشىلىعى ءبىر - بىرىمەن ارالاسىپ - قۇرالاسىپ، ءار ۇلت ءبىر - بىرىنە بالداي باتىپ، سۋداي ءسىڭىپ، ۇلتتار ىنتىماعىنىڭ سەزىمدىك نەگىزىن بەكەمدەدى جانە دامىتتى.
− «ۇلتتار ىنتىماعى جونىندەگى تاربيە ايى» مەن ۇلتتار ىنتىماعى، العاباسارلىعى بويىنشا وزات ورىن قۇرۋ، وزات بولۋعا ۇمتىلۋ قيمىلدارىن ىشكەرىلەي ورىستەتتى، ۇلتتار ىنتىماعى، العاباسارلىعى بويىنشا ءبىر توپ ۇلگىلى ورىن مەن وزاتتار جارقىراي كوزگە ءتۇسىپ، ۇلتتار ىنتىماعىنىڭ يدەيالىق نەگىزى مەن پراكتيكالىق نەگىزىن بەكەمدەدى.
ۇلتتار ىنتىماعى، العاباسارلىعى ىستەرىنىڭ بۇعان دەيىنگى تاجىريبەلەرىن قورىتىندىلاۋ نەگىزىندە، اۆتونوميالى رايوندىق پارتكوم ارنايى تۇردە ۇلتتار ىنتىماعى، العاباسارلىعى جىلى قيمىلىن ورىستەتۋدى ۇيعاردى. بۇل ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسىنىڭ، ورتالىقتىڭ ۇلت قىزمەتى ءماجىلىسىنىڭ جانە ورتالىقتىڭ بىرلىكساپ قىزمەتى ءماجىلىسىنىڭ رۋحىنىڭ ىشكەرىلەي دايەكتىلەنۋى، شينجياڭنىڭ ۇلتتار ىنتىماعى، العاباسارلىعى قىزمەتى جونىندە جاسالعان جان - جاقتى جوسپار جانە جوعارى دەڭگەيلى جوبا، كورنەۋ ماسەلەلەرگە جاۋاپ قايتارىپ، ۇلتتار ىنتىماعى، العاباسارلىعى ىستەرىنىڭ جاڭا جاعدايىن اشاتىن ماڭىزدى شارا، جاپپاي دوڭگەلەك داۋلەتتى قوعام قۇرۋدىڭ شەشۋشى كەزەڭىندە ءساتتى باستاما كوتەرىپ، شينجياڭنىڭ قوعام ورنىقتىلىعى مەن باياندى تىنىشتىعىن نەگىزىن بەكەمدەۋدىڭ تابيعي تالابى. 2
دامۋ − ۇلتتار ىنتىماعى قىزمەتىنىڭ تياناعى، ۇلتتىق وڭىرلەردەگى بارلىق ماسەلەنى شەشۋدىڭ تەتىگى.
قوعام ورنىقتىلىعى مەن باياندى تىنىشتىقتىڭ باس نىساناسىن دارىپتەپ، ۇلتتار ىنتىماعىنىڭ ماڭىزدىلىعىن باسا كورسەتۋدىڭ ماقساتى − ۇلتتار ىنتىماعىن جەبەۋ، حالىق تۇرمىسىن جاقسارتۋ، جۇرتتىڭ قۇپتاۋىن الۋدى دامۋدىڭ نىساناسى مەن تياناعى ەتىپ، دامۋ ارقىلى ىنتىماقتى نىعايتىپ، ىنتىماق ارقىلى دامۋعا كەپىلدىك ەتىپ، ءار ۇلتتىڭ بىرگە گۇلدەنۋى مەن قاتار العا باسۋىن ىسكە اسىرۋ.
ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعاننان بەرى اۆتونوميالى رايوندىق پارتكوم «بۇقارانى ماڭداي الدى ورىنعا قويىپ، حالىق تۇرمىسىن الدىمەن ويلاسۋ، نەگىزگى ساتىنى ماڭىزدى ساناۋدان» جازباي، قاتارىنان 6 جىلدى حالىق تۇرمىسى جىلى دەپ بەلگىلەپ، قازىنالىق شىعىستىڭ %70تەن استامىن حالىق تۇرمىسىن جاقسارتۋعا جۇمسادى، كاسىپتەنۋ، وقۋ - اعارتۋ، تۇرعىن ءۇي، دەنساۋلىق ساقتاۋ، قوعامدىق قامسىزداندىرۋ جانە جول، سۋ، ەلەكتر، گاز سياقتى جاقتاردا كوپ جىلدار بويى قوردالانعان كورنەۋ ماسەلەلەردى شەشىپ، دامۋدىڭ جەتىستىگىن شىن مانىندە ءار ۇلت جۇرتشىلىعىمەن ورتاقتاسىپ، جۇرتتىڭ تىلەگىن بىرىكتىرىپ، بەرەكە - بىرلىكتى نىعايتىپ، ۇلتتار ىنتىماعىنىڭ ماتەريالدىق نەگىزىن بەكەمدەي ءتۇستى.
2016 - جىلى اۆتونوميالى رايون قازىنالىق شىعىسقا اۋىر قىسىم تۇسكەن جاعدايدا دا، 7 - رەتكى حالىق تۇرمىسى جىلىن ۇزدىكسىز جولعا قويىپ، حالىق تۇرمىسى سالاسىندا 25 ءتۇر بويىنشا 100 ماڭىزدى جوبانى اتقارىپ، نەگىزگى ساتىعا، «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋعا»، ۇلتتار ىنتىماعىن جەبەۋگە ءتۇيىندى تۇردە بەيىمدەلدى.
«اۋىلدىڭ قازىرگى وزگەرىستەرى اۋىز تولتىرىپ ايتارلىقتاي، بۇقارانىڭ تۇرمىسى كۇننەن - كۇنگە تۇزەلىپ، جاقسى كۇندەر تەك باقىتقا باستاي بەرمەك». اۆتونوميالى رايوننىڭ 60 جىلدىق مەرەي تويى قارساڭىندا، كۇشارداعى اپەكەلى - ءسىڭلىلى كەستەشى قىزدار «جۇڭگو ارمانىنا قاتار قانات قاعايىق» دەپ اتالعان كانۋا كەستەسىن باس شۋجي شي جينپيڭگە ۇسىنىپ، ۇلى جۇڭگو ارمانىنا دەگەن تىلەگى مەن باس شۋجيگە دەگەن العىسىن ايشىقتاپ جەتكىزدى.
حالىق تۇرمىسىنداعى ناقتى اتقارىلعان ىستەر بۇقارانىڭ تابىس سەزىمىن كوتەرۋمەن بىرگە، ۇلتتار ىنتىماعى، العاباسارلىعىنا بەرىلگەن ەڭ جاقسى تۇسىندىرمەگە اينالدى.
3
ۇلتتار ىنتىماعىن نىعايتۋدىڭ ۇزاققا اپاراتىن جانە ءتۇبىرلى شاراسى − مادەنيەت بىردەيلىگىن كۇشەيتىپ، جۇڭحۋا ۇلتى ورتاق قوعامداستىعى تانىمىن جەتىلدىرۋ. بۇل شينجياڭنىڭ ۇلتتار ىنتىماعى قىزمەتىنىڭ ستراتەگيالىق ءتۇيىنى.
مادەنيەت بىردەيلىگى − ەڭ تۇپكىلىكتى بىردەيلىك، ۇلتتار ىنتىماعىنىڭ ءتۇپ تامىرى، ۇلتتار تاتۋلىعىنىڭ تىنىسى. شينجياڭ − كوپ ۇلتتى، كوپ ءدىندى، كوپ مادەنيەتتى ءوڭىر، مادەنيەت بىردەيلىگى ماسەلەسىن شەشۋ ايرىقشا ماڭىزدى جانە شەشۋشى ءمان الادى. ءار ۇلت جۇرتشىلىعىن جۇڭحۋا مادەنيەتىن ءار ۇلتتىڭ بىرگە جاراتقانىنا تولىق كوز جەتكىزۋگە جەتەكتەپ، مادەنيەت بىردەيلىگى ارقىلى مەملەكەت تانىمىن، ازاماتتىق تانىمدى، جۇڭحۋا ۇلتى ورتاق قوعامداستىعى تانىمىن ۇزبەي كۇشەيتۋ؛ ءار ۇلت جۇرتشىلىعىنىڭ وتاننىڭ ۇزاق تاريحى مەن شۇلەن مادەنيەتىنەن جانە جۇڭحۋا ۇلتىنىڭ ۇلى گۇلدەنۋىنىڭ تاريحي ساپارىنان رۋحاني كۇش سالىپ، «بەس تانىمدى» كۇشەيتۋگە جەتەكتەۋ كەرەك. تاربيەنى قارشادايدان، بالا باقشادان باستاپ، «جۇڭحۋانى سۇيەمىن» دەگەن اسقاق سەنىمدى بالالاردىڭ ءسابي جۇرەگىنە ۇيالاتىپ، سوتسياليستىك وزەكتى قۇن كوزقاراسىن كەلەر ۇرپاقتىڭ ساناسىنا ءسىڭىرىپ، كوڭىلىنە مىقتاپ ورنىقتىرۋ كەرەك. جۇرەك پەن جۇرەك − الەمدەگى ەڭ قاشىق ەكى نۇكتە، الەمدەگى ەڭ جاقىن ەكى نۇكتە دە جۇرەك پەن جۇرەك. ءار ۇلتتىڭ ءبىر - بىرىنە بالداي باتىپ، سۋداي ءسىڭۋى − ۇلتتار ىنتىماعىن جەبەۋدىڭ ارقاۋى مەن تەتىگى. قونىس، تۇرمىس، جۇمىس، وقۋ، اس - سۋ، كيىم - كەشەك، ساۋىق - سايران، توي - تومالاق سياقتى كۇندەلىكتى كۇيبەڭنەن باستاپ، ءار ۇلتتى ءوندىرىس، تۇرمىس، جۇمىس، وقۋ بارىسىندا ءبىرىن - ءبىرى تۇسىنۋگە، ءبىر - بىرىنە قۇرمەت ەتۋگە، ءبىرى - بىرىنە باۋىرمال بولۋعا، ءبىرىن - ءبىرى قادىر تۇتۋعا، ءبىر - بىرىنەن ۇلگى الۋعا، بىرىنە - ءبىرى كومەكتەسۋگە جەتەكتەپ، ۇلتتاردىڭ سۇيىسپەنشىلىگىن ۇزدىكسىز تەرەڭدەتۋ كەرەك.
شينجياڭنىڭ ۇلتتار ىنتىماعى، العاباسارلىعى ىستەرىن ىلگەرىلەتۋ ءۇشىن، ءسوز جوق، ۇلتتار سۇيىسپەنشىلىگىنىڭ ۇندەس نۇكتەسى مەن جۇرتشىلىق مۇددەسىنىڭ ورتاق نۇكتەسىن ءداپ باسىپ يگەرۋ، ماڭىزدى سالا مەن جوعارى دەڭگەيلى جوباعا باسا نازار اۋدارۋمەن بىرگە، ۇساق ىستەردى قالت جىبەرمەي، تۇيتكىلدى ماسەلەلەردى شەشۋ قاجەت.
ۇلتتار ىنتىماعى، العاباسارلىعى جىلىنىڭ قيمىل جوسپارىنا كوز جىبەرسەك، 27 ناقتى شارا بىردەن كوز تارتادى، بۇل شارالاردىڭ بارلىعى دا بۇقارانىڭ تىنىس - تىرشىلىگىمەن، جۇرتشىلىقتىڭ ءتول مۇددەسىمەن تىعىز قابىسىپ جاتىر −
وڭىردەگى ءار ۇلتتىڭ تەرەزەسى تەڭ بولۋىنا كەپىلدىك ەتۋ؛ باسشى كادرلار باستاماشى، جوعارى تومەنگە ۇلگى بولۋ؛ ءبىر توپ ءار ۇلت كادرىن دايىنداۋ جانە تاڭداپ ءوسىرۋ؛ ەسىك اشۋدىڭ قاجەتىنە وراي، پاسپورت بەرۋ - باسقارۋ رەفورماسىن تەرەڭدەتۋ؛ از ۇلت جۇرتشىلىعىنا بەرىلەتىن كۋالىكتەردىڭ ءبىر ءىزدى، ءبىر تۇتاس بولماۋ ماسەلەسىن ويداعىداي شەشۋ، شينجياڭداعى ءار ۇلت كادر - جۇرتشىلىعىنىڭ ىشكى ولكەلەرگە ىسساپارمەن بارۋىنا ءتىپتى ىڭعايلى جاعداي جاساۋ؛ ىشكى ولكەلەرگە ارناۋلى قىزمەتكەر جىبەرىپ، شينجياڭدىقتارعا قىزمەت ەتۋ، ولاردى باسقارۋدى كۇشەيتۋ؛ تۇتاس شينجياڭ بويىنشا اۋىل - قىستاق جەرىن اداقتاۋ؛ از ۇلت ءتىل - جازۋىنداعى اۋدارما قىزمەتىن كۇشەيتۋ؛ بالالار شيپاگەرلەرىن تاربيەلەۋدى كۇشەيتۋ؛ قاشقارداعى ۇلتتىق بوياۋى قانىق كوزەشى جارباسى تۇرعىن ۇيلەرىن قورعاۋ؛ ءار ۇلتتىڭ ونەر دارىندىلارىن تاربيەلەۋ؛ ۇلتتاردىڭ ءداستۇرلى مادەنيەتىن قورعاپ، انا تىلدە شىعارماشىلىق جۇرگىزۋگە قولداۋ كورسەتۋ...
وسى ايتىلعان شارالار اۆتونوميالى رايوندىق پارتكومنىڭ يدەيانى، ماسەلەنى، امالياتتى جەتەكشى ەتۋگە تاباندى بولۋ جونىندەگى ايقىن پوزيتسياسىنىڭ كورىنىسى، اۆتونوميالى رايوندىق پارتكومنىڭ بەلسەندى جۇمىس جۇرگىزىپ، ماسەلەدەن جالتارماي، ماسەلەنى ۇلكەن - ۇساق دەپ بولمەيتىن ىسكەرلىك رۋحىنىڭ كۋاسى.
ءار ۇلت كادر - جۇرتشىلىعى كۇشتى اڭىس بىلدىرگەن كورنەۋ ماسەلەلەردى تابۋ مەن شەشۋدى ۇلتتار ىنتىماعى، العاباسارلىعى جىلىنداعى ماڭىزدى مىندەت ەتىپ، ۇلتتار ىنتىماعى، العاباسارلىعى ىستەرىن دامۋدى جەبەۋمەن، حالىق تۇرمىسىنا تيىمدىلىك جاساۋمەن ۇشتاستىرىپ، تۇيتكىلدى ماسەلەلەردى شەشۋ ارقىلى جۇرتتىڭ تاربيە قابىلداۋى مەن العىس بىلدىرۋىنە مۇمكىندىك تۋدىرىپ، وڭاي قول جەتپەگەن كوركەم ءومىردىڭ قادىرىنە جەتىپ، ۇلتتار ىنتىماعىنىڭ ءدانىن جۇرتتىڭ كوڭىل جايلاۋىنا سەبە ءبىلۋ كەرەك.
ىنتىماق − تىلەكتەر مەن بىلەكتەردى بىرىكتىرەدى.
پارتيا مەن مەملەكەتتىڭ قامقورلىعى مەن ءۇمىتىن ارقالاپ، ءار ۇلتتىڭ پاراسات - پايىمى مەن كۇش - قۋاتىن بىرىكتىرگەن شينجياڭنىڭ ۇلت ىستەرى جاڭا تاريحي بەلەسكە كوتەرىلدى. شينجياڭداعى ءار ۇلت ۇلاندارى اناردىڭ دانىندەي تىعىز بىرىگىپ، ءبىر جاعادان باس، ءبىر جەڭنەن قول شىعارىپ، جۇدىرىقتاي جۇمىلسا، ءسوز جوق، شينجياڭنىڭ ەكونوميكالىق، قوعامدىق دامۋى مەن باياندى تىنىشتىعىنا، شينجياڭداعى ءار ۇلت حالقىنىڭ بەيمارال تىرشىلىك ەتۋىنە، جۇڭحۋا ۇلتىنىڭ ۇلى گۇلدەنۋى مەن جۇڭگو ارمانىن ىسكە اسىرۋعا قۇدىرەتتى كۇش ازىرلەي الادى.
لوپ اۋدانى شينجياڭدا ۇلتتار ىنتىماعىندا ەڭ ەرتە ۇلگىلى اۋدان بولىپ باعالانعان اۋدان، بۇل جەردە ءار ۇلت حالقى ۇزاق ۋاقىتتان بەرى بەرەكە - بىرلىكتە بولىپ، تاتۋ - ءتاتتى ءومىر كەشىرىپ، كورىكتى مەكەندى بىرگە كوركەيتىپ كەلەدى. سۋرەتتە: لوپ اۋدانى كۇيباق اۋىلى جالعىزباق قىستاعىنداعى ءار ۇلت حالىق بۇقاراسى الۋان گۇل قۇلپىرا شەشەك اتقان كوكتەمدە گۇلدەرگە كوز مەيىرىن قاندىرىپ، ۇلتتار ىنتىماعى جونىندە دوستاسۋ قيمىلىن وتكىزىپ، ءبي بيلەپ، اۆتونوميالى رايوننىڭ «ۇلتتار ىنتىماعى، العاباسارلىعى جىلى» قيمىلىنا بەلسەندى ءۇن قوستى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
