- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
وزەكتى ارقاۋ ەتىپ، سىندارلى اقىل - كەڭەس بەرىپ، قىزمەت مىندەتىن اتقارىپ، جاۋاپكەرشىلىكتى باتىلدىقپەن ارقالادى
− اۆتونوميالى رايوندىق پارتكومنىڭ 2010 - جىلعى ساياسي كەڭەس قىزمەتى ماجىلىسىنەن
2016.03.31 13:02 كەلۋ قاينارى : شينجياڭ گازەتى
«زەيىن - زەردەنى شوعىرلاندىرۋ، سىندارلى اقىل - كەڭەس بەرۋ، كۇش شىعارۋ» − ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشياننىڭ ساياسي كەڭەسكە قويعان وسى تالابى اۆتونوميالى رايوندىق ساياسي كەڭەستىڭ قىزمەتىنە باعدار كورسەتتى، ولشەم ازىرلەدى، جاڭا جاعدايدا ساياسي كەڭەس قىزمەتىن جاقسى ىستەۋدەگى سەنىم مەن بەكىمدى نىعايتتى.
اۆتونوميالى رايوندىق پارتكوم ساياسي كەڭەس قىزمەتىنە ەجەلدەن بەرى وسكەلەڭ نازار اۋداردى، جاڭ چۇنشيان شۋجي ساياسي كەڭەس قىزمەتىنە ايرىقشا كوڭىل ءبولدى، قولداۋ كورسەتتى، اۆتونوميالى رايوندىق پارتكومنىڭ 2010 - جىلى ساياسي كەڭەس قىزمەتى ءماجىلىسى اشىلعاننان بەرى جاڭ چۇنشيان شۋجي ساياسي كەڭەس قىزمەتىن كۇشەيتۋ جونىندە تالاي مارتە بەكىتۋ جاسادى.
بىرنەشە جىلدان بەرى اۆتونوميالى رايوندىق ساياسي كەڭەس پارتيانىڭ باسشىلىعىن قىزمەت مىندەتىن اتقارۋداعى ماڭداي الدى تالاپ ەتۋگە باستان - اياق تاباندى بولىپ، ساياسي كەڭەستىڭ وتانشىلدىق بىرلىكساپ ۇيىمىندىق ماڭىزدى رولىن تولىق ساۋلەلەندىرىپ، ورتاق تانىمدى كەڭىنەن قالىپتاستىردى؛ قىزمەت ءتۇيىنىن قوعام ورنىقتىلىعى مەن باياندى تىنىشتىققا اۋدارىپ، تۇراقتى كوميتەت ءماجىلىسىن اشىپ، كەلەلى ماسەلەلەر جونىندە سايكەستى ۇسىنىس بەردى؛ ايلىق كەڭەس اڭگىمە ءماجىلىسىن اشىپ، وندا ورتاعا قويىلعان كەڭەس - پىكىرلەرگە اۆتونوميالى رايوندىق پارتكوم، ۇكىمەت نازار اۋدارىپ، قابىلدادى...
ساياسي كەڭەس اۆتونوميالى رايوندىق 11 - كەزەكتى كوميتەتىنىڭ 1 - ماجىلىسىنەن بەرگى قىزمەت مىندەتىن اتقارۋ ەستەلىگىن پاراقتار بولساق، ونداعى ۇسىنىس جوبالار، تەكسەرۋ - زەرتتەۋ باياندامالارى تۇتاس شينجياڭداعى ءار دارەجەلى ساياسي كەڭەس ۇيىمدارى مەن ساياسي كەڭەس مۇشەلەرىنىڭ شينجياڭنىڭ ەكونوميكالىق، قوعامدىق دامۋىنا زەيىن - زەردەنى شوعىرلاندىرعان، اقىل - كەڭەس بەرگەن، كۇش قوسقان جاندى دا جالىندى امالياتىنا، تۇتاس شينجياڭداعى ءار دارەجەلى ساياسي كەڭەس ۇيىمدارى مەن ساياسي كەڭەس مۇشەلەرىنىڭ قىزمەت ءتۇيىنىن اۆتونوميالى رايوننىڭ وزەكتى قىزمەتىنە اۋدارىپ، فۋنكتسياسىن اتقارىپ، ساياسي كەڭەستىڭ كەڭەستىك دەموكراتيا اياق الىسىن ىلگەرىلەتىپ، ستيل مەن قابىلەت قۇرىلىسىن كۇشەيتىپ، ونىمدىلىكتى كوتەرۋ بارىسىنداعى نىق قادامىنا كۋا بولامىز.
كۇش - قۋاتتى شوعىرلاندىرىپ، ىنتىماقتى جەبەپ، تىلەكتەردى توعىستىرىپ، مەكەندى بىرگە كوركەيتتى
اۆتونوميالى رايوندىق ساياسي كەڭەستىڭ مۇشەسى ۋي تيانجى ناۋقاس سەبەپتى كەدەيلەسكەن قازاق وتباسىنىڭ قيىنشىلىق قىسپاعىنان قۇتىلۋىنا 20 جىل بويى كومەكتەسىپ كەلدى: باستاپتا قارجى شىعارىپ، جاڭا ءۇي سالىپ بەردى، قوي ساتىپ الىپ بەردى، كەيىن كەلە وتاعاسىنىڭ قۇمىل قالاسىنان قىزمەت تابۋىنا جانە تۇراتىن جاي قاراستىرۋىنا كومەكتەستى، 2 بالاسىنا ورتا مەكتەپ وقىپ جاتقان كەزىنەن تارتىپ ۋنيۆەرسيتەتى تامامداپ، قىزمەتكە شىققانىنا دەيىن ءۇرتىس قارجىلاي كومەك كورسەتتى. شىڭگىل اۋداندىق ساياسي كەڭەستىڭ مۇشەسى ءامينا ساۋىت قىزى جاسى 50دى ەڭسەرگەن، وتباسى جاعدايى قوڭىرقالتا جەكە كاسىپكەر، الايدا ول تارتا جەپ، ۇنەمدەپ ىستەتىپ، نەشە جىل جيناعان 100 مىڭ يۋان اقشاسىنا اتا مەكەنى كىشى شىڭگىلگە بولات اسپا كوپىر سالىپ بەرىپ، ەكى جاعالاۋداعى 3 قىستاق ەگىنشى - مالشىلارىنا قولايلىلىق تۋدىرادى...
تاياۋ جىلدان بەرى ءار ۇلت، ءار سالا ساياسي كەڭەس مۇشەلەرى ۇلتتار ىنتىماعىن باستاماشىلىقپەن قورعاپ، ۇلتتار ىنتىماعىن بۇلدىرەتىن ءتۇرلى ءسوز - ارەكەتتەرمەن ايقىن تۋ ۇستاي وتىرىپ كۇرەس جاساپ، ءىس جۇزىندىك ارەكەتتەرى ارقىلى ءار ۇلتتىڭ بەرەكە - بىرلىگىن، ءبىر جاعادان باس، ءبىر جەڭنەن قول شىعارۋىن، جاراسىمدى دامۋىن ىلگەرىلەتىپ، پارتيا - توپتاردىڭ، ۇيىمداردىڭ، ءار ۇلتتىڭ، جىكتەردىڭ ۇلى ىنتىماعىن، ۇلى بىرىگۋىن جەبەدى.
اۆتونوميالى رايوندىق ساياسي كەڭەس كەڭسەسىنىڭ باستىعى 2016 - جىلى قاڭتار ايىندا ساياسي كەڭەس ورگانىنداعى كادرلار تۇراتىن مارالباسى اۋدانى دولاتباق اۋىلى قۇرعاقتەرەك قىستاعىنداعى «ءتورت ءتۇرلى قارت»، ءدىني قايراتكەر جانە بۇقارا ۋاكىلدەرىنەن 17 ادامنىڭ اتى قويىلعان حاتتى تاپسىرىپ الادى، حاتتا تۇتاس قىستاق تۇرعىندارى اتىنان قىستاقتا تۇراتىن كادر ۋىنگۇسۇم زانيدىننىڭ قىستاقتا تۇرۋ ۋاقىتىن تاعى ءبىر جىل ۇزارتۋدى تالاپ ەتكەن ارمان - تىلەكتەرى جازىلعان بولاتىن.
2 جىلدان بەرى اۆتونوميالى رايوندىق پارتكومنىڭ ءبىر تۇتاس ورنالاستىرۋى بويىنشا شينجياڭنىڭ ءار دارەجەلى ساياسي كەڭەس ۇيىمدارىنداعى 1900دەن استام ساياسي كەڭەس مۇشەسى جانە 630دەن استام ساياسي كەڭەس كادرى تۇتاس شينجياڭداعى 14 ايماق، وبلىس، قالالارداعى 1066 قىستاققا بارىپ، «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلىن ىشكەرىلەي ورىستەتىپ، بۇقارامەن بىرگە تاماقتانىپ، بىرگە تۇرىپ، بىرگە ەڭبەك ىستەپ، مۇمكىندىكتىڭ بارىنشا حالىقتىڭ كوڭىل تورىنەن ورىن الىپ، بۇقارانىڭ قالاۋىنان شىقتى.
اۆتونوميالى رايوندىق ساياسي كەڭەس پارتيا - توپتاردىڭ، ۇيىمداردىڭ سەلبەستىگىن كۇشەيتۋدى ماڭىزدى قىزمەت ەتىپ، دەموكراتيالىق پارتيا - توپتاردىڭ، ساۋدا - ونەركاسىپشىلەر بىرلەستىگىنىڭ، حالىقتىق ۇيىمداردىڭ جانە پارتيادا، توپتا جوق قايراتكەرلەردىڭ دەموكراتيالىق ۇقىعىنا تولىق قۇرمەت ەتىپ، كەڭەسۋ جوسپارى سىندى ماڭىزدى ىستەردى اقىلداسىپ جاساۋدا ولاردىڭ پىكىر - ۇسىنىستارىن الۋعا باسا ءمان بەرىپ، ولاردىڭ قىزمەت مىندەتىن ۇتىمدى اتقارۋىنا بەلسەنە تەكشە جاراتىپ، اۆتونوميالى رايوننىڭ رەفورما، دامۋ، ورنىقتىلىعى ءۇشىن اقىل - پاراساتتارى مەن كۇش - قۋاتتارىن ارناۋىنا قولايلىلىق تۋدىردى.
جاۋاپكەرشىلىكتى باتىلدىقپەن ارقالاپ، سىندارلى اقىل - كەڭەس بەرىپ، جاراسىمدىلىقتى جەبەپ، باياندى تىنىشتىقتى قورعادى
مەملەكەتتىك ساياسي كەڭەستىڭ شينجياڭداعى مۇشەسى، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى 12 - ناۋرىز كۇنى ساياسي كەڭەس مەملەكەتتىك 12 - كەزەكتى كوميتەتىنىڭ 4 - ماجىلىسىندە «<ۇشقارىلىقتى الاستاۋدى> ىشكەرىلەي جەبەپ، مەملەكەتتىڭ حاۋىپسىزدىگىن كۇش سالا قورعايىق» تاقىرىبىندا ءسوز سويلەپ، مەملەكەتتىڭ ەڭ جوعارى ۇكىمەت ءىسىن كەڭەسۋ تەكشەسىندە، ءدىني ۇشقارىلىق يدەياسى «وسپەسىنىڭ» ءتۇبىن ءۇزىپ، مەملەكەتتىڭ حاۋىپسىزدىگىن قورعاپ، «ءبىر بەلدەۋ، ءبىر جول» ستراتەگياسىنىڭ ءساتتى اتقارىلۋىنا كەپىلدىك ەتۋدى العا قويدى.تاياۋ جىلداردان بەرى اۆتونوميالى رايوندىق ساياسي كەڭەس قوعامدىق ورنىقتىلىق پەن باياندى تىنشىتىق سىندى باس نىسانانى ارقاۋ ەتىپ، «ءۇش ءتۇرلى كۇشكە» سوققى بەرۋ، ءدىني ۇشقارى يدەيانىڭ كەۋلەپ كىرۋىنەن، ءدىننىڭ جاراسىمدىلىق فاكتورىنا ىقپال كورسەتۋىنەن ساقتانۋ، حاۋىپسىز شينجياڭ قۇرىلىسىنا تالداۋ جاساۋ، ونى ىلگەرىلەتۋ سىندى تاقىرىپتار اياسىندا ءتۇرلى تەكسەرۋ - زەرتتەۋ جۇرگىزىپ، «ساياسي كەڭەستىڭ ۇنامدى ءۇنىن» تاراتتى.
«اۋىل - قىستاقتارداعى 80 - ، 90 - جىلداردا تۋىلعان شوعىرعا باعىتتالعان زاڭمەن جونگە سالۋ تاربيەسى مەن كاسىپتەندىرۋ بويىنشا قىزمەت وتەۋدىڭ باياندى قىزمەت مەحانيزمىن ورناتىپ، قوعامنىڭ باياندى تىنىشتىعىنا ىقپال كورسەتەتىن كومەسكى فاكتورلاردى تۋ باستان جونگە سالۋ»؛ «وڭتۇستىك شينجياڭداعى از ۇلت بۇقاراسىنىڭ مادەنيەت ساپاسى مەن وقۋ - اعارتۋدى قابىلداۋ دەڭگەيىن جوعارىلاتۋ ءۇشىن 9 جىلدىق مىندەتتى وقۋ - اعارتۋدى ناقتى تياناقتاندىرۋ، وڭتۇستىك شينجياڭنىڭ 3 ايماق، ءبىر وبلىسىندا 12 جىلدىق مىندەتتى وقۋ - اعارتۋدى تەز ارادا تەگىن تياناقتاندىرۋ»؛ «شينجياڭنىڭ لاڭكەستىككە قارسى كۇرەس جاساۋ ەرەكشەلىگىنە ۇيلەسەتىن، زورلىقتى كۇش لاڭكەستىك قىلمىستارىنا قاتاڭ سوققى بەرەتىن جەرگىلىكتى زاڭ - ەرەجە جاساۋ»... مىنە وسىنداي ۇسىنىستاردا جالپى جاعداي تىعىز ارقاۋ ەتىلگەن.
«قوعامدىق ورنىقتىلىق پەن باياندى تىنىشتىقتى»، «شينجياڭدى زاڭمەن جونگە سالۋدى» تاقىرىپ ەتكەن تۇراقتى كوميتەت ءماجىلىسىن اشىپ، اۆتونوميالى رايوندىق پارتكومعا ىلگەرىندى - كەيىن 14 ۇسىنىس جوبا تاپسىردى. «اۆتونوميالى رايوننىڭ ىنتىماقتى، ورنىقتىلىق جالپى جاعدايىن باتىل قورعاۋ قاۋلىسىن» شىعارىپ، زورلىقتى كۇش لاڭكەستىك قىلمىستارىنا قاتاڭ سوققى بەرۋ، شينجياڭنىڭ قوعامدىق ورنىقتىلىعىن قورعاۋ جونىندە ۇندەۋ تاستادى... مىنە وسىنداي ءىس - ارەكەتتەر جاۋاپكەرشىلىكتى باتىلدىقپەن ارقالاۋ جاعدايىن جۇزەگە اسىردى.
سونىمەن بىرگە، شينجياڭداعى ءار دارەجەلى ساياسي كەڭەس ۇيىمدارى مەن ساياسي كەڭەس مۇشەلەرى «بەس كىلتتى» جان - جاقتى قولدانىپ، دۇرىس سەنىم ارقىلى ءدىني ۇشقارىلىقتىڭ ءورىسىن تارىلتۋعا، مادەنيەت جاعىنداعى تولىقتاۋعا، زاڭمەن جونگە سالۋ ارقىلى شەكتەۋگە، عىلىمدى جالپىلاستىرۋعا تاباندى بولىپ، «ۇگىت - لەكسيا ۇيىرمەسىنىڭ»، «ۇگىتشىلەردىڭ» رولىن تولىق ساۋلەلەندىرىپ، ءدىني ۇشقارىلىق يدەيانىڭ زيانىن جان - جاقتى ۇگىتتەپ، نەگىزگى اعىم ءۇنىنىڭ نەگىزگى ساتىعا جەتىپ، دەر كەزىندە جاۋعان جاڭبىر سياقتى حالىقتىڭ قالاۋىنان شىعىپ، «ۇشقارىلىقتى الاستاۋدى» ىلگەرىلەتۋ بارىسىندا ساياسي كەڭەس بىرلىكسابىنىڭ بۇقارالىق قىزمەتتەگى ابزالدىلىعى مەن رولىن ساۋلەلەندىردى.
شوگەل ىزدەنىس جاساپ، امالياتتا باتىلدىقپەن ايگىلەپ، ناقتى ونىمدىلىككە ءمان بەرىپ، كەڭەس ۇلگىسىنە جاڭالىق ەنگىزدى
23 - ناۋرىز تۇستەن بۇرىن اۆتونوميالى رايوندىق ساياسي كەڭەستە مەرەيلى دۋمانعا شومعان اڭگىمە ءماجىلىسى وتكىزىلدى. ماجىلىسكە قاتىناسقان ساياسي كەڭەس مۇشەلەرى، ماماندار جانە 7 فۋنكتسيالىق تاراۋدىڭ، ءىشىنارا نەگىزگى ساتى ساياسي كەڭەستەرىنىڭ جاۋاپتىلارى «ءداستۇرلى قىستاقتاردى قورعاۋ» نەگىزگى تاقىرىبى توڭىرەگىندە سىندارلى اقىل - كەڭەستەر بەرىپ، جابىلا ءسوز الدى ءارى ۇسىنىس - پىكىرلەر بەردى، بۇل اۆتونوميالى رايوندىق ساياسي كەڭەستىڭ 2014 - جىلى ايلىق كەڭەس اڭگىمە ءماجىلىسىن ورناتقاننان بەرى وتكىزگەن 19 - رەتكى ايلىق كەڭەس ءماجىلىسى.
اۆتونوميالى رايوندىق ساياسي كەڭەس 2014 - جىلدان باستاپ ساياسي كەڭەس كەڭەستىك دەموكراتيا ۇلگىسىنە ىزدەنىس جاساۋ اياق الىسىن ۇزبەي جەدەلدەتتى، اۆتونوميالى رايوندىق پارتكوم جانە قوعامداعى ءار سالا بۇعان باسا نازار اۋدارىپ، وڭ باعا بەردى.
«رەفورمانى جاپپاي تەرەڭدەتۋدى» نەگىزگى تاقىرىپ ەتكەن ساياسي كەڭەس اۆتونوميالى رايوندىق 11 - كەزەكتى كوميتەتى تۇراقتى كوميتەتىنىڭ 7 - ءماجىلىسىن اشىپ، ۇكىمەت ءىسىن ارناۋلى كەڭەسىپ، جىبەك جولى ەكونوميكالىق بەلدەۋى وزەكتى رايونىن قۇرۋ، اكىمشىلىك تەكسەرىپ - بەكىتۋ ءتۇزىمى رەفورماسىن تەرەڭدەتۋ سياقتى 7 ۇسىنىس جوبانى قالىپتاستىرىپ، رەفورمانى جەبەۋدە شەشىم جاساۋ، اقىل - كەڭەس بەرۋ رولىن ساۋلەلەندىردى؛ «شينجياڭدى زاڭمەن جونگە سالۋدى» نەگىزگى تاقىرىپ ەتكەن ساياسي كەڭەس اۆتونوميالى رايوندىق 11 - كەزەكتى كوميتەتى تۇراقتى كوميتەتىنىڭ 10 - ءماجىلىسىن اشىپ، ۇكىمەت ءىسىن ارناۋلى كەڭەسىپ، زاڭمەن جونگە سالىناتىن شينجياڭ قۇرۋعا اقىل - پاراساتىن ارنادى؛ تيانشان 1 - ءنومىرلى مۇزارتىندا جاراتىلىستىق قورىق قۇرۋ جونىندە ارناۋلى كەڭەسىپ، دەموكراتيالىق باقىلاۋ قىزمەتىن كۇشەيتۋگە ىزدەنىس جاسادى؛ «شينجياڭنىڭ دارىندى جەتىلدىرۋىن» نەگىزگى تاقىرىپ ەتكەن ساياسي كەڭەس اۆتونوميالى رايوندىق 11 - كەزەكتى كوميتەتى تۇراقتى كوميتەتىنىڭ 11 - ءماجىلىسىن اشىپ، ۇكىمەت ءىسىن ارناۋلى كەڭەسىپ، اۆتونوميالى رايوندىق پارتكومنىڭ «دارىندىلار جاعىنداعى قۋاتتى رايون» ستراتەگيالىق ورنالاستىرۋىن ءىس جۇزىندىك ارەكەتى ارقىلى دايەكتى تياناقتاندىردى.اۆتونوميالى رايوندىق ساياسي كەڭەس 2014 - جىلى ساياسي كەڭەس قىزمەتى جىلدىق جوسپارىن تۇڭعىش رەت جاساپ، 2 جىلدان بەرى 26 تۇردەگى ساياسي كەڭەس جوسپارىن، «ساياسي كەڭەس جوسپارىن جاساۋ جانە تياناقتاندىرۋ جونىندەگى ۋاقىتشا اتقارۋ ءادىسىن» جاساپ، اۆتونوميالى رايوندىق پارتكوم تۇراقتى كوميتەتىنىڭ بەكىتۋىنە جانە اتقارۋعا ۇيىمداستىرۋىنا جولداپ، ساياسي كەڭەستىڭ كەڭەس قيمىلدارى اۆتونوميالى رايوندىق پارتكومنىڭ ورنالاستىرۋلارىن ءتىپتى دە ايگىلەي ءتۇسىپ، ساياسي كەڭەس قيمىلدارى ءتىپتى دە قاتاڭ، ءتىپتى دە جۇيەلى بولا ءتۇستى.
اۆتونوميالى رايوندىق ساياسي كەڭەس 2014 - جىلى اقپاندا تۇڭعىش رەتكى ايلىق كەڭەس اڭگىمە ءماجىلىسىن اشتى. ۇلتتىق شيپاگەرلىك، ءدارى - دارمەك ىستەرىن دامىتۋ، ونەركاسىپ باقشا رايوندارىنىڭ ەنەرگيا ۇنەمدەۋ، جاراقسىز زاتتاردى شىعارۋدى ازايتۋ، ت. ب توڭىرەگىندە 19 رەت ايلىق كەڭەس اڭگىمە ءماجىلىسىن اشىپ، كەڭەس نەگىزگى تاقىرىبى نەگىزىنەن جالپى جاعدايعا ساياتىن «كىشى - گىرىم ماسەلەلەردەن» باستاپ كىرىسىپ، اۆتونوميالى رايوندىق پارتكوم مەن حالىق ۇكىمەتى كەڭەس پىكىرلەرگە نازار اۋدارىپ جانە ونى قابىلداپ، سۇبەلى ناتيجەگە قول جەتىپ، ساياسي كەڭەس قىزمەتىندەگى جارقىن تۇيىنگە اينالدى.
كۇش قوسىپ، شەبەرلىكپەن ءىس تىندىرىپ، دامۋدى كوزدەپ، ەكونوميكالىق، قوعامدىق دامۋعا قىزمەت كورسەتتى
ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان 2014 - جىلدىڭ سوڭىندا «شينجياڭدى ەڭ تازا جەر ەتىپ قۇرۋ» سىندى ەكولوگيالىق وركەنيەت قۇرىلىسى تاقىرىبىن العا قويدى ءارى وسى قىزمەتتى «ۇكىمەتتىڭ جاۋاپتى بولۋىنا تاپسىرۋدى» اتاپ كورسەتتى.
ءبىر جىلدان كەيىن «تازا شينجياڭ» تانىمى جۇرت جۇرەگىنە تەرەڭ ۇيالاپ، شينجياڭداعى ءار ۇلت حالقى تازا شينجياڭ قۇرىلىسىنا شىنايى ات سالىسىپ، شينجياڭنىڭ جەر - جەرىنىڭ ەكولوگيالىق ورتاسى جاقسارا ءتۇستى... اۆتونوميالى رايوندىق ساياسي كەڭەس باس بولىپ يگەرگەن تازا شينجياڭ قۇرىلىسى قىزمەتى تيانشان الابىندا جاپپاي ورىستەتىلدى.
«بۇكىل ساياسي كەڭەس بولىپ جۇمىلىپ» «تازا شينجياڭ» قۇرىلىسىن ىلگەرىلەتۋ − اۆتونوميالى رايوندىق ساياسي كەڭەستىڭ بورىشتى، جاۋاپكەرشىلىكتى باتىلدىقپەن ارقالاپ، قايراتتانا ۇمتىلىپ، فۋنكتسياسىن اتقارۋىنىڭ ۇلگىسى. سوڭعى جىلدارى اۆتونوميالى رايوندىق ساياسي كەڭەس «تازا شينجياڭ» قۇرىلىسى، مۇناي، تابيعي گاز بايلىعىن وزىق تەحنيكامەن بارلاۋ - اشۋ، ەرەكشە اس - سۋ كاسىبىنىڭ دامۋىن جەدەلدەتەتۋ، ت. ب قىزمەتىندە جاۋاپكەرشىلىكتى باتىلدىقپەن ارقالاپ، امالياتتا باتىلدىقپەن ايگىلەپ، ىرىقتى ءىس تىندىرىپ، اقىل - كەڭەس بەرۋ ساپاسىن جوعارىلاتۋعا كۇش سالىپ، شىن سويلەپ، ناقتى شارا قولدانىپ، ءىس - ارەكەتى دۇرىس بولىپ، «ساياسي كەڭەستىڭ ۇنامدى ءۇنىن» تاراتتى.
اۆتونوميالى رايوندىق ساياسي كەڭەس مادەنيەت - تاريح ماتەريالدارى قىزمەتىنە جاڭالىق ەنگىزىپ، ونى ىلگەرىلەتىپ، از ۇلتتاردىڭ 100 جىلدىق شەجىرەسىن، شينجياڭنىڭ «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلى جونىندەگى ناقتى ەستەلىكتەردى، جاپون شاپقىنشىلارىنا قارسى سوعىس جىلدارىنداعى ىستەرگە، باتىس بولىكتى قاۋىرت اشۋعا، اعا بۋىندارعا قاتىستى تاريحي دەرەكتەردى ءتۇيىندى جيناپ قۇراستىردى. ءىشىنارا باسىلىمدار ەلىمىزدىڭ شەكارا ءوڭىر مادەنيەت - تاريح كىتاپتارىنىڭ بەتاشارى بولسا، ءىشىنارا باسىلىمدار شينجياڭنىڭ جاپون شاپقىنشىلارىنا قارسى سوعىس مەزگىلىندەگى تاريحي دەرەكتەردەگى اقتاڭداقتى تولتىرىپ، ساياسي كەڭەستىڭ تاريح ماتەريالداردى ساقتاۋ، ۇكىمەت ىسىنە اقىل - كەڭەس بەرۋ، ىنتىماقتاستىرۋ، ادام تاربيەلەۋ رولىن تولىق ساۋلەلەندىردى.
اۆتونوميالى رايوندىق ساياسي كەڭەس بۇقارا نازار اۋدارىپ وتىرعان ماسەلەلەردى كوكەيدە بەرىك ساقتاپ، حالىق ءۇشىن كەڭەس بەرىپ، حالىق ءۇشىن ۇسىنىس قويىپ، حالىق ءۇشىن ءادىس - امال كورسەتىپ، حالىق ءۇشىن كۇش قوستى. سوڭعى جىلدارى اۆتونوميالى رايوندىق پارتكومنىڭ «حالىق تۇرمىسىن الدىمەن ويلاسۋ، بۇقارانى ماڭداي الدى ورىنعا قويۋ، نەگىزگى ساتىنى ماڭىزدى ساناۋ» تالابىن دەن قويا دايەكتىلەندىرىپ، حالىق ءۇشىن مىندەت اتقارۋعا تاباندى بولىپ، كاسىپتەندىرۋ، وقۋ - اعارتۋ، ەمدەۋ، قوعامدىق قامتاماسىزداندىرۋ سياقتى ءار ۇلت بۇقاراسىنىڭ ءتول مۇددەسىنە تىعىز قاتىستى ماسەلەلەردى مىقتاپ ارقاۋ ەتىپ، بەلسەنە اقىل - كەڭەس بەردى. جوعارى مەكتەپتەردەن وقۋ تاۋىسقان قىز ستۋدەنتتەردى كاسىپتەندىرۋ، كاسىپتىك وقۋ - اعارتۋ مەن كاسىپتىك ونەرگە باۋلۋدى كۇشەيتۋ، ءۇرىمجى قالاسى اتموسفەراسىنىڭ بىلعانۋىن وڭاۋدى، اۋىل - قىستاقتارداعى ارتىق ەڭبەككۇشتەردى باسقا سالالارعا ويىستىرىپ كاسىپتەندىرۋدى جەدەلدەتۋ، اۋىل شارۋاشىلىعىندا جوعارى ءونىمدى سۋ ۇنەمدەۋ، ت. ب تاقىرىپتار توڭىرەگىندە ىشكەرىلەي تەكسەرۋ - زەرتتەۋ جۇرگىزىپ، حالىق تۇرمىسىن قۇرىلىسىن ىلگەرىلەتۋگە اقىل - كەڭەس بەرىپ، تياناقتاندىرۋعا دەم بەردى. تۇرمىسىندا قيىنشىلىعى بار ءار ۇلت بۇقاراسىنىڭ ءوندىرىس، تۇرمىسىنا باسا نازار اۋدارىپ، سيىر، قوي ەتى قوسىمشا قاراجاتىن بەرۋ سەرپىنىن ارتتىرۋ، شەكاراداعى از ۇلت رايوندارىنىڭ بەيقۇت ءۇي سالىپ، حالىقتى اۋقاتتاندىرۋ، مالشىلاردى وتىرىقتاندىرىپ، مال شارۋاشىلىعىن گۇلدەندىرۋ ينجەنەريالىق قۇرىلىسىن جەدەلدەتۋ، مالشىلاردىڭ جايلىم ۇقىق - مۇددەسىن قورعاۋدى كۇشەيتۋ جاعىندا بەرگەن ۇسىنىستارىن اۆتونوميالى رايوندىق پارتكوم قابىلدادى جانە تياناقتاندىردى.
ءار سالاداعى ءار ۇلت ساياسي كەڭەس مۇشەلەرى شينجياڭنىڭ ەكونوميكالىق، قوعامدىق دامۋ ىستەرىنە تىكەلەي ات سالىستى جانە جارىققا شىققان قۋانارلىق وزگەرىستەرگە كۋا بولدى. اۆتونوميالى رايوندىق ساياسي كەڭەس، سونداي - اق ساياسي كەڭەس قۇرامىنداعى پارتيا - توپتار، ۇيىمدار، ءار سالاداعى ءار ۇلت قايراتكەرلەرى شينجياڭداعى ءار ۇلت حالقىمەن بىرگە العا باسىپ، شۇعىلالى ناتيجەلەرگە قول جەتكىزىپ، شۇعىلالى داستان جازدى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
