- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايوندىق پارتكومنىڭ ساياسي كەڭەس قىزمەتى ءماجىلىسى وتكىزىلدى
ساياسي كەڭەستىڭ جۇرت تىلەگىن شوعىرلاندىرۋ، اقىل - كەڭەس بەرۋ، ەسە قوسۋ ورەسىن ۇزدىكسىز جوعارىلاتايىق
جاڭ چۇنشيان ماجىلىسكە قاتىناستى ءارى ءسوز سويلەدى
جاڭ لەي
2016.03.31 13:07 كەلۋ قاينارى : شينجياڭ گازەتى
ءتىلشىمىز جاڭ لەي 30 - ناۋرىزدا ۇرىمجىدەن حابارلايدى. اۆتونوميالى رايوندىق پارتكومنىڭ ساياسي كەڭەس قىزمەتى ءماجىلىسى 29 - ناۋرىز كۇنى تۇستەن كەيىن ۇرىمجىدە وتكىزىلدى، ءماجىلىس اۆتونوميالى رايوننىڭ سوڭعى جىلدارداعى ساياسي كەڭەس قىزمەتىن قورىتىندىلاپ، جاڭا جاعدايداعى ساياسي كەڭەس قىزمەتىن زەرتتەپ ورنالاستىردى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان ماجىلىسكە قاتىناستى ءارى ءسوز سويلەپ بىلاي دەپ باسا دارىپتەدى: باس شۋجي شي جينپيڭنىڭ ماڭىزدى سوزدەرىنىڭ، وتە - موتە، حالىق ساياسي كەڭەسى قىزمەتى جونىندەگى ماڭىزدى سوزدەرىنىڭ رۋحىن ىشكەرىلەي دايەكتىلەندىرىپ، رەفورما، وزگەرىس جاساۋعا، جاۋاپكەرشىلىكتى باتىل ارقالاۋعا، شىنايى ىستەپ، ناقتى ونىمدىلىككە قول جەتكىزۋگە تاباندى بولىپ، فۋنكتسيانى كاسىبي تۇرعىدا اتقارۋعا، مۇقيات اتقارۋعا، جاڭاشىلدىقپەن اتقارۋعا تاباندى بولىپ، شينجياڭ ساياسي كەڭەسىنىڭ جۇرت تىلەگىن شوعىرلاندىرۋ، اقىل - كەڭەس بەرۋ، ەسە قوسۋ ورەسىن ۇزدىكسىز جوعارىلاتۋ كەرەك.
جاڭ چۇنشيان بىلاي دەدى: پارتيانىڭ 18 - قۇرىلتايىنان بەرى شي جينپيڭ جولداس باس شۋجي بولعان پارتيا ورتالىق كوميتەتى حالىق ساياسي كەڭەسى ىستەرىنە بارىنشا ءمان بەرىپ، جۇڭگوشا سوتسياليزم ىستەرىنىڭ جالپى جاعدايى تۇرعىسىنان، حالىق ساياسي كەڭەسى قىزمەتىن كۇشەيتۋ جونىندە ءبىر قىدىرۋ جاڭا يدەيا، جاڭا تۇجىرىم، جاڭا تالاپتاردى العا قويدى. وتە - موتە، باس شۋجي شي جينپيڭنىڭ حالىق ساياسي كەڭەسى قۇرىلعاندىعىنىڭ 65 جىلدىعىن قۇتتىقتاۋ جينالىسىندا سويلەگەن ماڭىزدى سوزىندە حالىق ساياسي كەڭەسى قىزمەتىندەگى باعالى تاجىريبەلەر جاپپاي قورىتىندىلانىپ، سوتسياليستىك كەڭەستىك دەموكراتيانىڭ كەلەلى ستراتەگيالىق يدەياسى تەرەڭ پايىمدالىپ، حالىق ساياسي كەڭەسى قىزمەتىن ونان ارى جاقسى ىستەۋ جونىندە ناقتى تالاپتار قويىلدى، ول − حالىق ساياسي كەڭەسى ىستەرىنىڭ دامۋىن ىلگەرىلەتەتىن نەگىزگى ولشەم. ءبىز ونى، ءسوز جوق، ىشكەرىلەي ۇيرەنىپ، ءتۇسىنىپ، باتىل دايەكتى تياناقتاندىرۋىمىز كەرەك.
جاڭ چۇنشيان بىلاي دەپ اتاپ كورسەتتى: اۆتونوميالى رايوندىق پارتكوم حالىق ساياسي كەڭەسى ىستەرىنىڭ دامۋىنا ەجەلدەن باسا ءمان بەرىپ، ساياسي كەڭەس قىزمەتىن پارتكومنىڭ جالپى جاعداي قىزمەتىنە ەنگىزدى. سوڭعى جىلدارى ءار دارەجەلى ساياسي كەڭەس ۇيىمدارى وتانشىلدىق پەن سوتسياليزم تۋىن بيىك ۇستاپ، ىنتىماق جانە دەموكراتيا سىندى ەكى نەگىزگى تاقىرىپتان جازباي، ساياسي كەڭەسۋ، دەموكراتيالىق باقىلاۋ، ۇكىمەت ىسىنە ارالاسۋ، ۇكىمەت ءىسىن كەڭەسۋ فۋنكتسياسىن مۇقيات اتقارىپ، شينجياڭنىڭ رەفورما، دامۋ، ورنىقتىلىق ىستەرىنە ماڭىزدى ۇلەس قوستى.
جاڭا جاعدايدا شينجياڭنىڭ ساياسي كەڭەس قىزمەتىن ونان ارى جاقسى ىستەۋ جونىندە جاڭ چۇنشيان مىناداي 6 ءتۇرلى تالاپ قويدى:
ءبىرىنشى، دۇرىس ساياسي بەتالىستى قاشاندا مىقتى يگەرۋ كەرەك. ءار دارەجەلى ساياسي كەڭەس ۇيىمدارى پارتيانىڭ نەگىزگى نازارياسىن، نەگىزگى لۋشيانىن، نەگىزگى پروگرامماسىن، نەگىزگى تاجىريبەسىن، نەگىزگى تالابىن باتىل دايەكتىلەندىرىپ، يدەيادا، ساياسيدا، ارەكەتتە باستان - اياق شي جينپيڭ جولداس باس شۋجي بولعان پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، ساياسي تانىمدى، جالپى جاعداي تانىمىن، وزەك تانىمىن، ساپ تۇزەۋ تانىمىن كۇشەيتۋى كەرەك. پارتيا ورتالىق كوميتەتى مەن اۆتونوميالى رايوندىق پارتكومنىڭ شەشىم - ورنالاستىرۋلارىن باتىل دايەكتى اتقارىپ، قوعام ورنىقتىلىعى مەن باياندى تىنىشتىقتىڭ كوزدەۋ ءتۇيىنى مەن كۇش سالۋ تۇيىنىنە تاباندى بولىپ، ساياسي كەڭەس قىزمەتىنىڭ اۆتونوميالى رايوندىق پارتكوممەن باعىتتاس، بىلەكتەس، ۇندەس بولۋىن قامتاماسىز ەتۋ كەرەك.
ەكىنشى، قاشاندا وزەكتى ارقاۋ ەتە وتىرىپ اقىل - كەڭەس بەرىپ، ۇسىنىستار قويۋ كەرەك. قازىر جانە الداعى ءبىر مەزگىلدە شينجياڭنىڭ وزەكتى مىندەتى − قوعام ورنىقتىلىعى مەن باياندى تىنىشتىقتى جۇزەگە اسىرىپ، بەلگىلەنگەن مەرزىمدە جاپپاي دوڭگەلەك داۋلەتتى قوعام قۇرۋ. ءار دارەجەلى ساياسي كەڭەس ۇيىمدارى نازاردى نىسانا - مىندەتتەرگە شوعىرلاندىرىپ، كورنەكتى ماسەلەلەردى شەشۋدى كوزدەپ، ولقىلىقتار جونىندەگى تانىمدى كۇشەيتىپ، ىشكەرىلەي تەكسەرۋ - زەرتتەۋ جۇرگىزىپ، ۇكىمەت ءىسىن اقىلداسىپ، شينجياڭنىڭ رەفورما، دامۋ، ورنىقتىلىق ىستەرىن جەبەۋگە شىنايى ۇسىنىستار قويىپ، كەلەلى اقىل - كەڭەس بەرۋى كەرەك.
ءۇشىنشى، زەيىن - زەردە، كۇش - قۋاتتى شوعىرلاندىرۋدى قاشاندا ءتۇپ نەگىز ەتۋ كەرەك. ءار دارەجەلى ساياسي كەڭەس ۇيىمدارى مەن بارلىق ساياسي كەڭەس مۇشەلەرى اۆتونوميالى رايوننىڭ ۇلتتار ىنتىماعى، العاباسارلىعى جىلى جونىندەگى اتتانىسقا كەلتىرۋ جينالىسىنىڭ رۋحىن مۇقيات دايەكتى تياناقتاندىرىپ، ۇلتتار ىنتىماعىن ىلگەرىلەتۋگە، «ۇشقارىلىقتى الاستاۋدى» ىشكەرىلەي ىلگەرىلەتۋگە، بۇقارالىق قىزمەتتى جاقسى ىستەۋگە، سوتسياليستىك وزەكتى قۇن كوزقاراسى مەن شينجياڭ رۋحىن اسقاقتاتۋعا، شينجياڭدى ۇگىتتەۋگە ۇزدىكسىز تۇردە كۇش سالۋى كەرەك.
ءتورتىنشى، ۇكىمەت ءىسىن كەڭەسۋدىڭ ناقتى ونىمىنە قاشاندا باسا ءمان بەرۋ كەرەك. پارتيا ورتالىق كوميتەتى مەن اۆتونوميالى رايوندىق پارتكومنىڭ تالابىنا ساي، كەڭەستىك دەموكراتيانى فۋنكتسيانى اتقارۋدىڭ جالپى بارىسىنىڭ ارقاۋى ەتىپ، مازمۇن ۇلگىسىن ارناعا ءتۇسىرىپ، كەڭەس فورماسىن كەمەلدەندىرىپ، كەڭەسۋدى جيىلەتىپ، قاتىناسۋ ارنالارىن كەڭەيتىپ، كەڭەسۋ قيمىلدارىن ءتارتىپتى ۇيىمداستىرىپ، كەڭەسكە قاتىناسۋدىڭ مەحانيزمدەنگەن، ۇدايىلانعان تۇعىرىن قالىپتاستىرۋ كەرەك. ءار دارەجەلى پارتكومدار، وتە - موتە، باسشى كادرلار ءىس بولسا كوبىرەك اقىلداسۋعا، ىسكە جولىققاندا كوبىرەك اقىلداسۋعا، ءىس ىستەگەندە كوبىرەك اقىلداسۋعا تاباندى بولىپ، ساياسي كەڭەستى ماڭىزدى بۋىن رەتىندە شەشىم جاساۋ تارتىبىنە ەنگىزۋى كەرەك. ءار دارەجەلى پارتكومدار ۇكىمەتپەن، ساياسي كەڭەسپەن بىرلەسە وتىرىپ، جىلدىق كەڭەسۋ جوسپارىن جاساۋى ءارى ونى پارتكومنىڭ جىلدىق قىزمەتىنىڭ ماڭىزدى تۇيىندەرىنە ەنگىزۋى، ساياسي كەڭەس جەتىستىكتەرىن قابىلداۋ، تياناقتاندىرۋ، وعان جاۋاپ بەرۋ مەحانيزمىن قالىپتاستىرىپ، كەڭەس جەتىستىكتەرىنىڭ كادەگە جاراۋىن جەبەۋى كەرەك. بەسىنشى، دەموكراتيالىق باقىلاۋ فۋنكتسياسىن ساۋلەلەندىرۋگە قاشاندا باسا ءمان بەرۋ كەرەك. ءار دارەجەلى پارتكومدار، ۇكىمەتتەر جانە تاراۋلار، ورىندار حالىق ساياسي كەڭەسىنىڭ پىكىر - ۇسىنىستارىنا قۇلاق اسىپ، ءار دارەجەلى ساياسي كەڭەستىڭ دەموكراتيالىق باقىلاۋ ءتۇزىمى قۇرىلىسىن كۇشەيتۋىن بارىنشا قولداپ، ساياسي كەڭەستىڭ دەموكراتيالىق باقىلاۋىن سانالى تۇردە قابىلداۋى كەرەك. ءار دارەجەلى ساياسي كەڭەس ۇيىمدارى دەموكراتيالىق باقىلاۋدى ونان ارى كۇشەيتىپ، دەموكراتيالىق باقىلاۋدىڭ رولىن تولىق ساۋلەلەندىرىپ، پىكىر - ۇسىنىستاردى مۇقيات ءارى جاۋاپتى تۇردە ورتاعا سالىپ، باقىلاۋدىڭ ونىمدىلىگىن شىن مانىندە ارتتىرۋى كەرەك. ساياسي كەڭەس مۇشەلەرى دەموكراتيالىق باقىلاۋدى ورىستەتۋ جونىندەگى قوعامدىق جاۋاپكەرشىلىك سەزىمىن شىن مانىندە كۇشەيتىپ، باقىلاۋعا باتىل بولۋ مەن شەبەر بولۋدى ۇشتاستىرىپ، كەڭەسۋ بارىسىندا باقىلاۋدى دا ىسكە اسىرىپ، زاڭ بويىنشا باقىلاۋى، پاراساتتى تۇردە باقىلاۋى كەرەك.
التىنشى، تەكسەرۋ - زەرتتەۋدى قاشاندا نەگىزگى جۇمىس رەتىندە تانۋ كەرەك. ءار دارەجەلى ساياسي كەڭەس پەن ساياسي كەڭەس مۇشەلەرى تەكسەرۋ - زەرتتەۋدى كۇشەيتۋگە جانە جاقسارتۋعا باسا ءمان بەرىپ، نازاريا ارقىلى جەتەكشىلىك ەتۋگە، ماسەلە ارقىلى جەتەكشىلىك ەتۋگە، اماليات ارقىلى جەتەكشىلىك ەتۋگە تاباندى بولىپ، تاقىرىپتاردى مۇقيات تاڭداپ، ىشكەرىلەي تەكسەرىپ - زەرتتەپ، ناقتى جاعدايدى بايقاپ، شىنايى سويلەپ، ناقتى شارالار قاراستىرۋى كەرەك. ءار ۇلت، ءار سالاداعى مۇشەلەر شىندىقتى ءىس جۇزىنەن ىزدەۋگە تاباندى بولىپ، ءبىرىنشى شەپكە، نەگىزگى ساتىعا بارىپ، ناقتى جاعدايدى ىشكەرىلەي ۇعىسىپ، زەرتتەۋدى، دالەلدەۋدى كۇشەيتىپ، فاكتپەن سويلەپ، ساندى مالىمەتتەر ارقىلى تالداۋ جاساپ، ماسەلەنىڭ ءدال تابىلۋىن، سەبەپتىڭ انىقتالۋىن، ۇسىنىستىڭ شىنايى قويىلۋىن قامتاماسىز ەتۋى كەرەك.
جاڭ چۇنشيان بىلاي دەپ باسا دارىپتەدى: پارتيانىڭ حالىق ساياسي كەڭەسى قىزمەتىنە باسشىلىعىن شىن مانىندە كۇشەيتۋ كەرەك. ءار دارەجەلى پارتكومدار جالپى جاعدايدى تەگىس مەڭگەرۋ، تاراپتاردى سايكەستىرۋ پرينسيبىنە ساي، ساياسي كەڭەس قىزمەتىنە باسشىلىقتى ونان ارى كۇشەيتىپ جانە جاقسارتىپ، ساياسي كەڭەستىڭ فۋنكتسيانى زاڭ بويىنشا، ەرەجە بويىنشا اتقارۋىنا تاماشا شارت - جاعداي ازىرلەۋى كەرەك. ساياسي كەڭەستىڭ فۋنكتسيانى اتقارۋىن بارىنشا قولداپ، ءار دارەجەلى ساياسي كەڭەستەردىڭ پارتيا باسشىلىق گرۋپپالارىنىڭ باسشىلىق ۇيتقىلىق رولىن تولىق ساۋلەلەندىرىپ، ساياسي كەڭەس مۇشەلەرى مەن ساياسي كەڭەس ورگانى سىندى «ەكى قوسىن» قۇرىلىسىنا باسا ءمان بەرىپ، ساياسي كەڭەستىڭ فۋنكتسيانى اتقارۋىنىڭ تاماشا ورتاسىن قالىپتاستىرۋعا كۇش سالۋ كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ءماجىلىستى باسقاردى ءارى ءسوز سويلەدى. ول بىلاي دەدى: جەر - جەر، تاراۋلار ءماجىلىس رۋحىن جەدەل جەتكىزىپ، ۇيرەنۋ، ۇگىتتەۋ جانە دايەكتى تياناقتاندىرۋ قىزمەتىن جاقسى ىستەۋى كەرەك. ءار دارەجەلى پارتكومدار، ۇكىمەتتەر ءار دارەجەلى ساياسي كەڭەستەردىڭ فۋنكتسيانى اتقارۋىن قولداپ، ساياسي كەڭەستىڭ قىزمەت ىستەۋىنە ءتيىمدى شارت - جاعداي ازىرلەۋى كەرەك. ءار دارەجەلى ساياسي كەڭەس ۇيىمدارى ىنتىماق جانە دەموكراتيا سىندى ەكى نەگىزگى تاقىرىپتان جازباي، جاڭا دامۋ يدەياسىنا تاباندى بولىپ، قوعام ورنىقتىلىعى مەن باياندى تىنىشتىق باس نىساناسى توڭىرەگىندە، كەڭەستىك دەموكراتيانى فۋنكتسيانى اتقارۋدىڭ بۇكىل بارىسىنا ءسىڭىرىپ، دەموكراتيالىق پارتيا - توپتاردىڭ، ۇيىمداردىڭ، ءار ۇلت، ءار سالا قايراتكەرلەرىنىڭ اقىل - پاراساتى مەن كۇشىن جاپپاي ۇيىستىرىپ، اۆتونوميالى رايوننىڭ رەفورما، دامۋ، ورنىقتىلىق ىستەرىنە ءتىپتى زور ۇلەستەر قوسۋى كەرەك.
ماجىلىستە اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى اۆتونوميالى رايوندىق پارتكومنىڭ «حالىق ساياسي كەڭەسىنىڭ كەڭەستىك دەموكراتيا قۇرىلىسىن اناعۇرلىم كۇشەيتۋ جونىندەگى اتقارۋ پىكىرىنە (پىكىر الۋ نۇسقاسى)» تۇسىنىك جاسادى.
نايىم ياسىن، چى جۇن، جۋ حايلۇن، ەركىنجان تۇراحۇن، شيۇڭ شۋانگو، شۇي حايرۇڭ، عانبيات سابىكەي ۇلى، لي شۋەجۇن، ەركىن تۇنياز، ما شۋەجۇن، پىڭ جيارۇي ماجىلىسكە قاتىناستى.
اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ، اۆتونوميالى رايوندىق جوعارى حالىق سوتى مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ، اۆتونوميالى رايوندىق پارتكومنىڭ بولىمدەرى مەن كوميتەتتەرىنىڭ، اۆتونوميالى رايونداعى كوميتەت، كەڭسە، مەڭگەرمە، مەكەمەلەردىڭ، دەموكراتيالىق پارتيا - توپتاردىڭ شينجياڭ رايوندىق كوميتەتتەرىنىڭ قاتىستى باسشىلارى، ايماقتىق، وبلىستىق، قالالىق پارتكومداردىڭ، ساياسي كەڭەستەردىڭ نەگىزگى جاۋاپتىلارى، اۋداندىق، قالالىق، رايوندىق ساياسي كەڭەستەرىڭ ءتوراعالارى ماجىلىسكە قاتىناستى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
