بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

سۇن چۇنلان شينجياڭدا تەكسەرۋ - زەرتتەۋ جۇرگىزگەندە

قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، شينجياڭنىڭ ۇلتتار ىنتىماعى قىزمەتىنىڭ تىڭ جەتىستىككە جەتۋىن ىلگەرىلەتۋدى باسا دارىپتەدى

2016.04.05 11:16     كەلۋ قاينارى : شينجياڭ گازەتى

  ءتىلشىمىز ياۋ تۇڭ 31 - ناۋرىزدا اقسۋدان حابارلايدى. ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت بىرلىكساپ ءبولىمىنىڭ باستىعى سۇن چۇنلان اۆتونوميالى رايوننىڭ «ۇلتتار ىنتىماعى، العاباسارلىعى جىلى» جونىندە اتتانىسقا كەلتىرۋ جينالىسىنا قاتىستى ءارى شينجياڭدا تەكسەرۋ - زەرتتەۋ جۇرگىزدى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، بيڭتۋاننىڭ ءبىرىنشى ساياسي كوميسسارى جاڭ چۇنشيان تەكسەرۋ - زەرتتەۋدە بىرگە بولدى. سۇن چۇنلان قوعام ورنىقتىلىعى مەن باياندى تىنىشتىقتىڭ باس نىساناسىن تىعىز ارقاۋ ەتىپ، پارتيا ورتالىق كوميتەتىنىڭ شينجياڭ قىزمەتى جونىندەگى ءبىرقاتار ماڭىزدى شەشىم - ورنالاستىرۋىن، اسىرەسە، باس شۋجي شي جينپيڭنىڭ ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە، ورتالىقتىڭ بىرلىكساپ قىزمەتى ماجىلىسىندە جانە ورتالىقتىڭ ۇلت قىزمەتى ماجىلىسىندە سويلەگەن ماڭىزدى سوزدەرىنىڭ رۋحىن ىشكەرىلەي، دايەكتى تياناقتاندىرىپ، شينجياڭنىڭ ۇلتتار ىنتىماعى قىزمەتىنىڭ تىڭ جەتىستىككە جەتۋىن ىلگەرىلەتۋدى باسا دارىپتەدى.

  سۇن چۇنلان جانە ونىڭ ساپارلاستارى ىلگەرى - كەيىن ءۇرىمجى قالاسىندا، قاشقار، اقسۋ ايماقتارىندا، بيڭتۋاننىڭ 3 - ديۆيزياسىندا تەكسەرۋ - زەرتتەۋ جۇرگىزىپ، اۋىل - قىستاقتاردى، الەۋمەتتىك اۋماقتاردى، مەكتەپتەردى، كاسىپورىنداردى، ءدىني ورىنداردى ارالاپ، ءار ۇلتتىڭ كادر - زيالى قاۋىمىنان، وقىتۋشى - وقۋشىلارىنان، بيڭتۋان قىزمەتشىلەرىنەن، ۇلگىلى وزاتتاردان، اۋىل - قىستاقتارداعى «ءتورت ءتۇرلى قارتتاردان»، «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلى بويىنشا قىستاقتارعا بارعان كادرلاردان، وتانشىل ءدىني قايراتكەرلەردەن حال سۇراپ، ولارمەن اڭگىمە وتكىزىپ جانە پىكىر اۋىسىپ، شينجياڭنىڭ ۇلتتار ىنتىماعىن جەبەۋ جونىندەگى تاجىريبەلەرىمەن، ادىستەرىمەن تەرەڭدەي تانىستى.

  سۇن چۇنلان قاشقار كونەشار اۋدانى توعزاق قالاشىعىنىڭ اياقمانگان قىستاعىندا ديقان ابدىقۇيىم روزىنىڭ ۇيىنە امانداسا باردى. بۇل 2 جىلدىڭ الدىندا باس شۋجي شي جينپيڭنىڭ تابانى تيگەن جەر ەدى. وتكەن 2 جىلدا قىستاقتا كوپتەگەن وزگەرىستەر جارىققا شىقتى، ۇلتتاردىڭ بەرەكە - بىرلىگى ونان سايىن نىعايىپ، ديقانداردىڭ تۇرمىسى بۇرىنعىدان دا شالقي ءتۇستى.

  ۇيعۇردىڭ سيلى قوناقتارعا كورسەتەتىن سيى بويىنشا ابدىقۇيىم سۇن چۇنلانعا دوپپا كيگىزدى. سۇن چۇنلان قوناق، جاتىن، اس بولمەلەرىن، مال قوراسىن، جەمىس باعىن تەگىس ارالاپ، وتباسىنىڭ ءوندىرىس - تۇرمىس جاعدايىمەن تاپتىشتەپ تانىستى. اۋلادا سۇن چۇنلان جەرگىلىكتى كادرلارمەن، قىستاق تۇرعىندارىمەن اڭگىمە دۇكەن قۇرىپ، سىر ءبولىستى. قىستاق تۇرعىندارى پارتيا مەن ۇكىمەتكە دەگەن الجارىلقاپ العىستارىن توكپەلەپ، «پارتيانىڭ حالىققا ءتيىمدى ساياساتتارى ەرەكشە جاقسى، ديقانداردىڭ تۇرمىسى ايرىقشا توق، ۇلتتاردىڭ ىنتىماعى توتەنشە بەرىك» دەستى. سۇن چۇنلان شينجياڭنىڭ ۇلتتار ىنتىماعى قىزمەتىن جاقسى ىستەۋ ءۇشىن، جۇڭحۋا ۇلتى ورتاق تۇلعاسى تانىمىن كۇش سالا نىعايتىپ، ەكونوميكا مەن قوعامنىڭ ءتىپتى جاقسى، ءتىپتى جەدەل دامۋىن ىلگەرىلەتىپ، حالىق تۇرمىسىن بار كۇشپەن قامتاماسىز ەتىپ جانە جاقسارتىپ، ۇلتتار ىنتىماعىنىڭ يدەيالىق، ماتەريالدىق جانە قوعامدىق نەگىزدەرىن بەكەمدەۋ كەرەك دەپ باسا دارىپتەدى.

  اقسۋ قالاسى لانگار ءمالىسىنىڭ چاۋياڭ الەۋمەتتىك اۋماعىنا كوپ ۇلت ارالاس قونىستانعان. ۇزاقتان بەرى ءار ۇلتتىڭ ادامدارى كورشى - قولاڭدارمەن تاتۋ - ءتاتتى، بەرەكەلى ءوتىپ، ءبىر - بىرىنە قول ۇشىن بەرىپ كەلەدى، بۇندا ۇلتتار ىنتىماعىنىڭ ۇلگىسىنە اينالعان جاندار از ەمەس. سۇن چۇنلان الەۋمەتتىك اۋماق تۇرعىندارىنىڭ ۋاكىلدەرىمەن اڭگىمە وتكىزىپ، پىكىر ءبولىستى. لي دىكۇي مەن امەرجان يۇنۇس وتباسى 20 نەشە جىلدان بەرى ءبىر - بىرىنە قاراسىپ - قارايلاسىپ، ءبىر ءۇيدىڭ ادامىنداي تاتۋ - ءتاتتى ءوتىپ كەلەدى، ورگۇل وشۇر اپايدىڭ باۋىرىنا سالىپ العان حانزۋ قىزى بۇل كۇندە جوعارى مەكتەپتە وقيدى، وتانشىل ءدىني قايراتكەر مامەت سادىر دىنگە سەنەتىن جاماعاتتى تۋرا سەنىمنەن كوز جازباۋعا باستاپ كەلەدى... ۇلتتار ىنتىماعى جونىندەگى بۇقارا ورتاسىندا ورىن العان قاراپايىم، ءبىراق اسەرلى حيكايالار وتىرعان جۇرتتىڭ بارلىعىنىڭ كوڭىلىن باۋراپ اكەتتى. سۇن چۇنلان: ءار ۇلتتىڭ ادامدارى كوبىرەك دوستاسىپ جانە بارىس - كەلىس جاساپ، سۇيىسپەنشىلىكتەرىن ورتاقتاستىرىپ، ءوزارا سەنىمدى بەكەمدەپ، ۇلتتاردىڭ بەرەكە - بىرلىگىن كوز قاراشىعىنداي ايالاپ، ۇلتتار ىنتىماعىنىڭ جاعىمدى ەنەرگياسىن ۇزدىكسىز قۋاتتاندىرا بەرۋى كەرەك، - دەدى.اياقمانگان قىستاعى مەن چاۋياڭ الەۋمەتتىك اۋماعىندا سۇن چۇنلان نەگىزگى ساتىنىڭ نەگىزىن كۇشەيتۋ جانە «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلىنىڭ ورىستەتىلۋ جاعدايىمەن ءتۇيىندى تۇردە تانىستى. ول نەگىزگى ساتى قىزمەتىنىڭ ناتيجەلەرى قوس باعىتتى بولادى، ءبىز ءارى بۇقاراعا قىزمەت ەتەمىز، ءارى نەگىزگى ساتىدان ءنار الامىز. ءار دارەجەلى كادرلار باستاماشىلدىقپەن ۇلتتار ىنتىماعىن نىعايتۋدىڭ ۇلگىسى، بۇقارانى باقىتقا بولەۋدىڭ باستاۋشىسى بولىپ، پارتيانىڭ شينجياڭنىڭ نەگىزگى ساتىسىنداعى بۇقارالىق نەگىزىن ۇزدىكسىز بەكەمدەۋى كەرەك دەپ باسا دارىپتەدى.

  سۇن چۇنلان قاشقار ەكونوميكالىق اشۋ رايونىندا، اقسۋداعى توقىماشىلىق ونەركاسىپ باقشاسى، ەلەكتروندىق ساۋدا باقشاسى، كوكونىس مايساسىن كوبەيتۋ بازاسى مەن كاسىپتىك مەكتەپتە قىزمەت تەكسەرىپ، جەرگىلىكتى جۇمىسشى، ديقاندارمەن، وقىتۋشى - وقۋشىلارمەن شۇيىركەلەسە اڭگىمەلەستى. ول وقۋ - اعارتۋ مەن كاسىپتەندىرۋدى كورنەكتى ورىنعا قويىپ، كاسىپتىك اعارتۋدىڭ باعىتتامالىلىعى مەن ونىمدىلىگىن كۇشەيتىپ، ەڭبەككۇشتى كوپ قاجەتسىنەتىن سالالار مەن قىزمەت كورسەتۋ سالاسىن ۇزدىكسىز تۇردە دامىتىپ، ءار ۇلت بۇقاراسىنىڭ مادەنيەت ساپاسىنىڭ كوتەرىلۋى مەن كاسىپتەنۋ قابىلەتىنىڭ كۇشەيۋىنە كومەكتەسىپ، دامۋ جەتىستىكتەرىن ورتاق يگىلىككە اينالدىرۋدى باسا دارىپتەدى.

  سۇن چۇنلان قاشقارداعى ايتكار مەشىتىندە وتانشىل ءدىني قايراتكەرلەرمەن امانداسىپ، شينجياڭنىڭ ءدىني سالاسىنىڭ وتاننىڭ بىرلىگىن، ۇلتتاردىڭ ىنتىماعىن، دىندەردىڭ تاتۋلىعىن قورعاۋعا قوسقان ماڭىزدى ۇلەسىن تولىق تۇراقتاندىردى، ولاردىڭ وتاندى، ءدىندى ءسۇيۋ داڭقتى ءداستۇرىن ۇزدىكسىز ساۋلەلەندىرىپ، ءدىننىڭ سوتسياليستىك قوعامعا بەيىمدەلۋىن بەلسەندى تۇردە ىلگەرىلەتىپ، حاق سەنىم، دۇرىس جولدى دارىپتەپ، ۇشقارى يدەيالاردىڭ ساندىراق - شاتپاقتارىنا تويتارىس جاساپ، دىنگە سەنەتىن قالىڭ بۇقارانىڭ اقىل - پاراساتى مەن كۇش - قۋاتىن ءوندىرىستى دامىتىپ، تۇرمىستى جاقسارتۋعا جۇمىلدىرۋىن ءۇمىت ەتتى.

  بيڭتۋاننىڭ 3 - ديۆيزياسىندا سۇن چۇنلان بيڭتۋاننىڭ پارتيا، اكىمشىلىك كادرلارىمەن اڭگىمە وتكىزدى. ول مىنانى اتاپ كورسەتتى: شينجياڭ ءوندىرىس - قۇرىلىس بيڭتۋانى − قوعام ورنىقتىلىعى مەن باياندى تىنىشتىقتى قورعاۋداعى ماڭىزدى كۇش، سوندىقتان ورنىقتىرعىش، دومنا پەش، ۇلگى رايونى رەتىندەگى رولىن ءتىپتى جاقسى ساۋلەلەندىرىپ، تىڭ يگەرۋ مەن شەكارانى ساقتاۋدىڭ، وزگەشە باسقارۋ ءتۇزىلىسى مەن بازار مەحانيزمىنىڭ، بيڭتۋان مەن جەرگىلىكتى ورىنداردىڭ كەلەلى قاتىناسىن ويداعىداي شەشىپ، بيڭتۋان ءتۇزىلىسىنىڭ وزگەشە ارتىقشىلىعى مەن دامۋ مۇمكىندىگىن تولىقتاي اشىققا شىعارۋ كەرەك.

  ءۇرىمجى قالاسىندا سۇن چۇنلان مامان - وقىمىستىلارمەن اڭگىمە وتكىزدى. قوعامدىق عىلىم سالاسىنداعى لي شياۋشيا، گۇلنار وبۇل، دىلمۇرات، تۇرعۇنجان تۇرسۇن، لا ديشىڭ سياقتى 5 مامان جۇڭحۋا ۇلتى ورتاق تۇلعاسى تانىمىن جەتىلدىرۋ، ۇلتتاردىڭ ارالاسۋىن، ىشتەسۋىن، توعىسۋىن نىعايتۋ، «قوس ءتىل» اعارتۋىن كۇشەيتۋ، ءدىني ۇشقارى يدەيالارعا قارسى تۇرۋ، ۇلتتار ىنتىماعىنا زاڭدىق كەپىلدىك ازىرلەۋ، ت.ب تۋرالى ۇسىنىس - پىكىر بەردى. سۇن چۇنلان مۇقيات ەستەلىك الىپ، ءالسىن - ءالى ءسوز قىستىرىپ، قاتىستى جاعدايلاردى سۇراپ - ءبىلىپ وتىردى، ول مامانداردىڭ ۇلتتار ىنتىماعى دەگەن ماڭىزدى تاقىرىپقا ۇزدىكسىز نازار اۋدارىپ، كەڭ اۋقىمدى تەكسەرۋ - زەرتتەۋ جۇرگىزىپ، بەلسەندى اقىل - كەڭەستەر ۇسىنۋىن ءۇمىت ەتتى.

  سۇن چۇنلان قاشقار كونە قالا رايونىنىڭ قورعالۋ، كەشەندى جونگە سالىنۋ جاعدايىمەن دە تانىستى.

  ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت بىرلىكساپ ءبولىمىنىڭ باستىعى سۇن چۇنلان ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، بيڭتۋاننىڭ ءبىرىنشى ساياسي كوميسسارى جاڭ چۇنشياننىڭ سەرىك بولۋىمەن 31 - ناۋرىزدا اقسۋ ايماعىندا تەكسەرۋ - زەرتتەۋ جۇرگىزدى. سۋرەتتە: جاڭ چۇنشيان، سۇن چۇنلان سياقتى باسشىلار اقسۋ ايماقتىق ورتا دارەجەلى كاسىپتىك تەحنيكا مەكتەبىندە بەتتىك جوبالاۋ ماماندىعى بويىنشا پراكتيكالىق وقىتۋ ساباعىنىڭ جاعدايىمەن تانىستى. سۋرەتتى لۋ مين - ي تۇسىرگەن

  كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.