بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

ءۇرىمجىنىڭ بيىلعى العاشقى توپتاعى 100 ءتۇيىندى نىساننىڭ قۇرىلىس جۇمىسى باستالدى

تۇتاس جىلدا 123 ميلليارد 20 ميلليون يۋان قارجى قوسىلىپ، 445 ءتۇيىندى نىسان سالىنادى

2016.04.14 13:46     كەلۋ قاينارى : ءتاڭىرتاۋ تورابى

  ءۇرىمجى قالاسىنىڭ 2016 - جىلعى العاشقى توپتاعى 100 ءتۇيىندى نىساننىڭ قۇرىلىس جۇمىسى 13 - ساۋىردە شوعىرلى تۇردە باستالدى، بۇعان 100 ميلليارد يۋان شاماسىندا قارجى ءبولىنىپ، ءۇرىمجى قالاسىنىڭ شوعىرلى تۇردە قۇرىلىس باستايتىن نىسانداردىڭ سانى مەن وعان بولىنگەن قارجىسىنىڭ كوپتىگى جاعىندا رەكورد جاراتتى.

  اۆتونوميالى رايوندىق پارتكومنىڭ ورىنباسار شۋجيى، ءۇرىمجى - سانجى پارتكومىنىڭ شۋجيى، ءۇرىمجى قالالىق پارتكومنىڭ شۋجيى جۋ حايلۇن قۇرىلىس باستاۋ سالتىنا قاتىناستى ءارى قۇرىلىستىڭ باستالعانىن جاريالادى.

  سول كۇنى قۇرىلىس باستاۋ سالتى نەگىزگى الاڭ مەن 9 بولىمشە الاڭدا ءبىر مەزگىلدە وتكىزىلدى. نەگىزگى الاڭ ءۇرىمجى ەكونوميكالىق، تەحنيكالىق اشۋ رايونىنداعى (توۋتۇنحى رايونى) ءۇرىمجى كوپ ۇلگىلى بىرلەسكەن تاسىمال كەدەندىك باقىلاۋ - باسقارۋ ورتالىعىندا بولدى.

  بۇل رەتتە العاشقى توپتا شوعىرلى تۇردە باستالعان ءتۇيىندى نىسان قۇرىلىستارىنىڭ بارلىعى جاڭادان سالىناتىن قۇرىلىستار، جىلدىق قوسىلعان قارجى 33 ميلليارد 500 ميلليون يۋان، بۇل 2016 - جىلعى بۇكىل قالاداعى ءتۇيىندى قۇرىلىس نىساندارىنا جىلدىق قارجى قوسۋ جوسپارىنىڭ %27ىن ۇستاپ، قالا نەگىزدىك قۇرىلعىلارى، وزىق جاساۋ كاسىبى، وسى زامانعى قىزمەت كورسەتۋ كاسىبى، حالىق تۇرمىسىن جاقسارتۋ سياقتى ءتۇيىندى سالالاردى قامىتعان، ول − ءۇرىمجى قالاسىنىڭ دامۋ تاسىلىنە بۇرىلىس جاساۋداعى، قۇرىلىمدى رەتتەۋدەگى، ولقىلىقتاردى تولدىرۋداعى، سەرپىندى ارتتىرۋداعى، حالىق تۇرمىسىنا تيىمدىلىك جاساۋداعى پارمەندى تۇتقا. ۇعىسۋعا قاراعاندا، بيىل ءۇرىمجى قالاسى ءتۇيىندى قۇرىلىس نىساندارىنان 445ىن بەلگىلەپ، بۇعان جالپى 523 ميلليارد 160 ميلليون يۋان قارجى قوسقان، بيىلعى جىلدىق جوسپارداعى قوسىلاتىن قارجى 123 ميلليارد 20 ميلليون يۋان ەكەن. ءساۋىردىڭ اياعىندا ءۇرىمجى قالاسىنىڭ بيىلعى ءتۇيىندى قۇرىلىس نىساندارىنىڭ قۇرىلىس باستاۋ سالىستىرماسى %86تەن اساتىندىعى مەجەلەندى.

  ءۇرىمجى كوپ ۇلگىلى بىرلەسكەن تاسىمال كەدەندىك باقىلاۋ - باسقارۋ ورتالىعى نىسانى − ءۇرىمجى حالىقارالىق قۇرلىق پورتى رايونىنىڭ ماڭىزدى نىسانى جانە جەتەكشى ينجەنەرياسى، نىسانعا ءبىر ميلليارد يۋان شاماسىندا قارجى بولىنەدى، جەر اۋدانى 395 مۋ، بيىل شىلدە ايىندا اياقتالىپ جابىق تيجارات باستالاتىندىعى جوسپارلانىپ وتىر. نىسان سالىنىپ بولعان سوڭ، شىعىس - باتىس باعىتتاعى حالىقارالىق زات اينالىمىنىڭ تەڭىز جولى - تەمىر جول، تاس جول - تەمىر جول، قۇرلىق، اۋە بىرلەسكەن تاسىمالى ىسكە قوسىلادى، سونىمەن قاتار زاتتى كەدەننەن وتكىزۋدە «ءبىر رەتتە ءوتىنىش ەتۋ، ءبىر رەتتە تەكسەرىپ وتكىزىپ الۋ، ءبىر رەتتە قويا بەرۋ» جۇزەگە اسىرىلىپ، ءۇرىمجى قالاسىنىڭ سىرتقا ەسىك اشۋ ورەسىن جوعارىلاتۋ، ءۇرىمجى حالىقارالىق قۇرلىق پورتى رايونىن اشۋ قۇرىلىسى جانە جىبەك جولى ەكونوميكالىق بەلدەۋى وزەكتى رايونىنىڭ «بەس ۇلكەن ورتالىعىن» قۇرۋ جاقتارىندا ماڭىزدى رولىن ساۋلەلەندىرەدى.

  سونىمەن ءبىر مەزگىلدە ءۇرىمجىنىڭ ءاربىر رايونىنداعى (اۋدان) 9 بولىمشە الاڭدا، سانتۇنبەي جولىن باتىسقا قاراي سوزۋ ينجەنەرياسى، شينجياڭ كۇنلۇن بالون شەكتى سەرىكتەستىگىنىڭ جىل سايىن ءبىر ميلليون 200 مىڭ بولات سىمدى بالون ءوندىرۋ بويىنشا تەحنيكا جاڭالاۋ نىسانى (ەكىنشى مەرزىم)، جوعارى، جاڭا تەحنيكا اشۋ رايونىنىڭ (جاڭا قالا رايونى) ونەركاسىپ باقشاسى، سونداي - اق سولتۇستىك اۋماقتاعى باتىسقا كەڭەيتىلەتىن جول نىسانى، قالانىڭ وڭتۇستىگى ەكونوميكا - ساۋدا سەلبەستىك رايونىنىڭ نەگىزدىك قۇرىلعى قۇرىلىس نىسانى، بانفاڭگوۋ وزەنى «شى - ىرليان كولىنىڭ» ەكى جاعاسىنداعى سايدى وڭاۋ، سونداي - اق تاسقىندى ءبولۋ قۇبىر ينجەنەرياسى سياقتى ءتۇيىندى نىسانداردىڭ دا قۇرىلىسى باستالدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.