بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

«اپەكە - سىڭلىلەردىڭ ەڭسە كوتەرۋىنە، اي جامالىن اسىرۋىنا، بايۋىنا مۇمكىندىك جاسايمىز»

− شينجياڭ ايەل كادرلار مەكتەبىنىڭ ءار ۇلت وقۋشىلارىن ءوز كۇشتەرىمەن بايۋعا تاربيەلەگەنى جايلى اڭگىمە

گۋان ليچيۇڭ، ءلالا ءحىلىل 

2016.04.14 14:33     كەلۋ قاينارى : شينجياڭ گازەتى

  31 - ناۋرىزدا 22 جاستاعى ارزىگۇل مامەت سۇيىنشىلەپ شينجياڭ ايەل كادرلار مەكتەبىنە، جىلى «جانۇياسىنا» قايتا ورالدى. اقسۋ قالاسى ايكول قالاشىعى سايماي ءمالىسى قىستاعىندا تۇراتىن، ءبىر جىلدىڭ الدىنداعى ۇياڭ قىر قىزىنىڭ جۇزىنەن قازىر وزىنە سەنىمدىلىك پەن اشىق - جارقىندىق مەن مۇندالايدى. «ۇستازىمنىڭ ماعان تورت جاساۋدى ۇيرەتكەنىنىڭ ارقاسىندا، مەن قىستاقتان تورت - پراندىك دۇكەنىن اشىپ، قازىر ايىنا 3000 يۋان تابىس تاۋىپ، اكە - شەشەمنىڭ ناۋقاسىن كورسەتە الاتىن بولدىم!»، - دەدى ارزىگۇل مامەت تىلشىگە قۋانا.

  شينجياڭ ايەل كادرلار مەكتەبىندە حانزۋ، ۇيعۇر، قازاق سىندى 5 ۇلتتان شىققان ۇستازدار شاكىرتتەرىنە ىقىلاس قويا ءبىلىم بەرىپ، شىنايى تىلەك، ناعىز سۇيىسپەنشىلىكپەن ونەر ۇيرەتەدى، ولاردىڭ تاربيەسى مەن جەتەكشىلىگىندە، ارزىگۇل مامەت سياقتى جاسىقتىقتى، ءوزىن قوراشسىنۋدى تاستاپ، ەڭسە كوتەرىپ ءوز جولىن تاپقان، اي جامالىن اسىرىپ، بايۋ جولىنا ءتۇسىپ، ءومىردىڭ كەرەمەتىنەن ءدام تاتقان ايەلدەر كۇن سايىن كوبەيۋدە.

  ۇعىنىقتى سوزدەرمەن 2 قيسىندى انىق ءتۇسىندىردى

  1 - ساۋىردە ءتىلشى شينجياڭ ايەل كادرلار مەكتەبىنەن روشانگۇل ابدىرەيىم مۇعالىمدى جولىقتىردى، بۇل كەزدە ول حوتان ايماعىن 2 اي ارالاپ لەكسيا سويلەپ، ساباق بەرىپ، ۇرىمجىگە ەندى ورالىپتى. 2 - ناۋرىزدا قاراقاش اۋدانى قاراساي قالاشىعىندا لەكسيا سويلەگەن ءساتى ەسىنە تۇسسە، ول قازىر دە تولقىپ، تەبىرەنىپ كەتەدى ەكەن.

  «وتان − ءبىزدىڭ انامىز، انامىز ەسەن، تىنىش بولسا عانا ءبىز باقىتتى ءومىر كەشە الامىز. ويلاپ كورىڭىزدەرشى، اتا - انامىز اۋىرىپ قالسا، ءبىزدىڭ كۇنىمىز نە بولماق؟». روشانگول ابدىرەيىمنىڭ لەكسياسىن ەستۋگە قالاشىقتا 1000نان استام بۇقارا جينالدى.

  روشانگول ابدىرەيىم لەكسيا سويلەۋشى عانا ەمەس، ول تورت - پراندىك جاساۋدى ۇيرەتەتىن ۇستاز. ول تۇستەن بۇرىن 55 وقۋشىعا تورت - پراندىكتەر جاساۋ شەبەرلىگىن ۇيرەتسە، تۇستەن كەيىن ولارعا حانزۋ تىلىندە «ءبىزدىڭ شينجياڭ جاقسى جەر» ءانىن ۇيرەتىپ، ءان ءماتىنىن ءبىر - بىرلەپ ءتۇسىندىرىپ، قالاي دىبىستاۋعا جەتەكتەيدى. 6 كۇننەن كەيىن، قالاشىق ۇكىمەت «8 - ناۋرىز» مەرەكەسىنە قويىلىم ۇيىمداستىرعان كەزدە روشانگۇل ابدىرەيىم «حور ۇيىرمەسىن» باستاپ، ساحناعا كوتەرىلدى!

  جايشىلىقتا ۇياڭ، تارتىنشاق، كوپ ورتادا اۋىز اشىپ سويلەۋدەن ۇيالاتىن اپەكە - سىڭلىلەر ساحناعا ادەمىلەپ جاسانىپ، اتلاس كويلەكتى مالىنا كيىپ، نىق سەنىممەن، جارقىن جۇزبەن ساحناعا تۇرا قالىپ، «ءبىزدىڭ شينجياڭ جاقسى جەر» ءانىن تامىلجىتا شىرقاعان كەزدە، كورەرمەننىڭ تاڭدانىستان اۋىزدارى اشىلىپ قالدى!

  ايەلدەردىڭ، قىزداردىڭ كوبى ءومىرى ساحناعا شىعىپ، حانزۋ تىلىندە ءاۋ دەپ ءان ايتىپ كورمەگەن بولاتىن. وتىرعانداردىڭ شاتىرلاتا سوققان شاپالاق داۋىسى مەن بارەكەلدى ۇندەرىن ەستىگەن اپەكە - سىڭلىلەر تەبىرەنىستەن جىلاپ جىبەردى.

  شينجياڭ ايەل كادرلار مەكتەبىنىڭ باستىعى ءبىلقىز ءيمىن بىلاي دەدى: «ءبىر رەتكى لەكسيانىڭ باس - اياعى 2 ساعات ۋاقىتتا، ءبىزدىڭ ۇستازدارىمىز ۇعىنىقتى تىلمەن، الۋان تاسىلمەن 2 قيسىندى، ياعني نەنىڭ سۇلۋلىق، نەنىڭ سيىقسىزدىق ەكەنىن؛ نەنىڭ ىزگىلىك، نەنىڭ زۇلىمدىق ەكەنىن؛ نەنىڭ زاڭدى، نەنىڭ زاڭسىز ەكەنىن تۇسىندىرۋگە كۇش سالىپ، جۇرتشىلىقتى ءدىني ۇشقارى يدەياعا قارسى تۇرىپ، ۇلتتار ىنتىماعىن قورعاپ، جاراسىمدى وتباسىن قۇرۋعا جەتەكتەدى».

  ۇعىسۋىمىزشا، بۇكىل شينجياڭداعى ءار دارەجەلى ايەل كادرلاردى تاربيەلەۋ جۇمىسىن جاقسى ورىنداۋدان تىس، شينجياڭ ايەل كادرلار مەكتەبىنىڭ ۇستازدارى توپ - توبىمەن اتىز باستارىنا، اۋىل ۇيلەرىنىڭ اۋلالارىنا بارىپ، ونەرگە تاربيەلەۋدى ارقاۋ ەتىپ، قالىڭ ايەلدەر قاۋىمىنا «ۇشقارىلىقتى الاستاۋ» ۇگىت - تاربيەسىن جۇرگىزگەن، سونداي - اق نەگىزگى ساتىدان ءبىر توپ ۇگىت - تاربيەشى باۋلىپ شىققان. 2015 - جىلدىڭ وزىندە، مەكتەپ 40تان استام اۋدان، قالا، اۋىل - قىستاقتا 100 رەتتەن استام لەكسيا ۇيىمداستىرعان، وسى ەڭبەكتىڭ ناتيجەسىندە 160 مىڭنان استام بۇقارا ءتالىم العان.

  «ءبىر داعار ۇن ءبىر وتباسىن بايۋعا باستايدى» ينجەنەرياسى

  31 - ناۋرىزدا شينجياڭ ايەل كادرلار مەكتەبىنىڭ 4 - قاباتىنا شىققان كەزدە، تورت - پراندىكتەردىڭ حوش ءيىسى ءتىلشىنى باۋراپ اكەتتى. ءتاتتى ءيىستى قۋالاي وتىرىپ، جۇڭگوشا، باتىسشا تورت - پراندىك جاساۋ ساباقحاناسىنا كىرگەن ءتىلشى ۇستازدىڭ شاكىرتتەرىنە كىلەگەي ارالاستىرۋدى ۇيرەتىپ جاتقانىن كوردى. اشىق - جارقىن وقۋشىلار ءتىلشىنى جاڭا دايىندالعان ۇلتتىق پراندىك - تورتتاردىڭ ءدامىن تاتۋعا ۇسىنىس ەتتى.

  تىلشىمەن ىلەسە بارعان مەكتەپتىڭ كادرلاردى تاربيەلەۋ ءبولىمىنىڭ مەڭگەرۋشىسى ءادالات ساتتاردىڭ تانىستىرۋىنشا، بۇل − مەكتەپ ورتاعا قويعان «ءبىر داعار ۇن ءبىر وتباسىن بايۋعا باستايدى» ينجەنەرياسى ەكەن. ءبىر داعار ۇندى كوزگە ىلمەي قويماڭىز، ۇستازدىڭ قولىندا ول سان قۇبىلا الادى: ونان تورت، پراندىك جاساۋعا بولادى، ونى قىلداي ەتىپ سوزىپ، قانشا قايناتساڭ دا قارلىقپايتىن جۇمىرتقا كەسپەسىنە اينالدىرۋعا بولادى. «ءبىز شاكىرتتەرگە ءار كۇنى ۇيدە تاماق جاساپ جۇرە بەرسەڭدەر اقشا تابا المايسىڭدار. سەن ونەر ۇيرەنسەڭ، ءوزىڭ دايىنداعان تورت - پراندىكتەردى بازارعا ساتساڭ، تابىسىڭا ءبىر ۇلەس قوسىلادى دەيمىز».

  6 - قاباتتاعى اجارلاندىرۋ، تەرى كۇتىمدەۋ پراكتيكالىق كلاسىندا، رايحانگۇل باۋدۇن ۇستاز شاكىرتتەرىنە شاش بۇيرالاۋ ونەرىن ۇيرەتىپ جاتىر ەكەن. جاس شاكىرتتەردىڭ اراسىندا حوتان ايماعىنان كەلگەن 43 جاستاعى يۇرىمحان ۋجيابدوللا كوزگە ايرىقشا كورىنەدى. بۇرالاڭ ءومىر ساپارى تۋرالى ايتسا، ول كوز جاسىنا ىرىق بەرەدى ەكەن. 3 ۇلى بار يۇرىمحاننىڭ ۇلكەن ۇلى 8 جاس كەزىندە، كۇيەۋىنىڭ ميىنا توسىننان قان قۇيىلىپ، ومىردەن وزىپتى. سودان بەرى يۇرىمحان قوسىمشا جۇمىستار، ۋاقىتتىق جۇمىستار ىستەپ، كوپ بەينەت شەگىپ، ۇلدارىن ەسەيتىپ ادام قاتارىنا قوسىپتى. سۇلۋلىقتى جانى سۇيەتىن يۇرىمحان بالا كۇنىنەن شاش اسەمدەۋشى بولۋدى ارماندايدى ەكەن. بۇنى بىلگەن بالالارى اقشا قۇراپ، انالارىن وسى تاربيەلەۋ كلاسىنا جىبەرىپتى. «بۇرىن جۇمىستى تىرشىلىك ءۇشىن ىستەسەم، ەندىگى ۇيرەنۋىم − ارمانىمنىڭ سوڭىنا ءتۇسۋ! ءداۋىر وزگەردى، سوعان ساي ايەلدەر دە يدەياسىن وزگەرتكەنى ءجون. ءوزىڭ اقشا تابا الساڭ، ءوز - وزىڭە سەنىمدىلىگىڭ ارتادى!»، - دەيدى يۇرىمحان قۋانىشپەن.

  شينجياڭ ايەل كادرلار مەكتەبىندەگى ءار شاكىرتتىڭ باسىنان جىگەردى جانيتىن اڭگىمە تابىلادى. مەكتەپ پارتكومنىڭ شۋجيى يىن شياۋجۋاننىڭ تانىستىرۋىنشا، سوڭعى جىلدارى مەكتەپ مەكتەپتە تاربيەلەۋ جانە اۋىلدارعا بارىپ ءبىلىم بەرۋ سياقتى تاسىلدەردەن پايدالانىپ، قالا - قالاشىق الەۋمەتتىك اۋماقتارىنداعى جۇمىسسىز وتىرعان ايەلدەر مەن كەدەي ەگىن، مال شارۋاشىلىق وڭىرلەرىندەگى ايەلدەردەن جيىنى 8000نان استام ادام تاربيەلەگەن، شاكىرتتەردىڭ «ەكى كۋالىگىنىڭ» تولىمدىلىق مولشەرى ٪100كە جەتكەن. مۇنىڭ ىشىندە، ٪90تەن استام شاكىرت ءبىر دە ەكى قولدانىلمالى ونەر يگەرىپ، قايتالاي جۇمىسقا ورنالاسقان؛ %30 وقۋشى دەربەس شارۋاشىلىق قۇرعان، شاعىن، ۇساق كاسىپورىنشىعا، دۇكەن يەسىنە اينالعان.

  شاتتىق شالقىعان ۇلكەن شاڭىراق

  28 - ناۋرىزدا اۆتونوميالى رايون «ۇلتتار ىنتىماعى، العاباسارلىعى جىلى» قيمىلىنا جۇمىلدىرۋ جينالىسىن اشتى. جينالىستا وتىرعان ءبىلقىز ءيمىن ايرىقشا تەبىرەندى: «مەكتەبىمىز بۇكىل شينجياڭداعى ءار دارەجەلى ايەل كادرلاردىڭ جانە ءار ۇلت ايەلدەرىنىڭ ۇگىت - تاربيە جۇمىسىن جانە ونەرگە تاربيەلەۋ قىزمەتىن موينىنا الىپ وتىر، ءبىز ۇلتتار ىنتىماعى ءۇشىن، ءسوز جوق، ونەگە كورسەتۋىمىز كەرەك!».

  ءىس جۇزىندە، از ۇلت وقىتۋشى - قىزمەتكەرلەر مەكتەپ قىزمەتكەرلەرىنىڭ ٪83ىن قۇرايتىن مەكتەپ شاتتىق شالقىعان ۇلكەن شاڭىراق. 2015 - جىلدىڭ سوڭىندا، مەكتەپ جالپىلىق ىستەر ءبولىمىنىڭ باستىعى لي ۋيحۇڭ شەشەسى اۋىر ناۋقاسپەن توسەك تارتىپ جاتقان جاعدايدا دا، قاشقاردىڭ نازارباق قالاشىعى جوعارعى موللازدا قىستاعىندا تۇرۋدى ىرىقتىلىقپەن تالاپ ەتەدى. وتباسىنىڭ ەرەكشە جاعدايىن ويلاعان مەكتەپ ونىڭ ورنىنا باسقا بىرەۋدى جىبەرمەك بولادى. «شەشەم اۋىرىپ قالعان سوڭ، كوپشىلىك جابال جىلۋ جيىپ بەردى، اۋەلى، شيپاحاناعا بارىپ شەشەمە قارايلاسىپ تۇردى، مەن بۇدان قاتتى اسەرلەندىم. مەن بارماسام، ورنىما باسقا ادام بارۋى كەرەك. مەن بارا الامىن!» دەگەن لي ۋيحۇڭ ەش ءارى - ءسارى بولماستان مەكتەپ باسشىلارىنا ءوتىنىش قاعاز تاپسىردى.

  «ءسىڭلىم، ءبىر كەتسەڭ ءبىر جىل تۇراسىڭ، شەشەڭ مەن قىزىڭدى بىزگە تاپسىر. الاڭدايتىن ءىسىڭ بولسا ايت، ءبىز شەشىم ەتۋدىڭ امالىن قاراستىرامىز»، - دەدى ءبىلقىز ءيمىن لي ۋيحۇڭ جولعا شىعار الدىندا ونىڭ قولىن ۇستاپ تۇرىپ. وسى كەزدە ىشكى تولقىنىسىن باسا الماعان، تابيعاتى قايسار لي ۋيحۇڭنىڭ ەكى كوزىنەن ىستىق جاس دومالاپ ءتۇستى. «مەن ءبارىمىز ءبىر وتباسىنىڭ ادامىنداي سەزىندىم، ويتكەنى ىزگى كۇلكى، ادال جانار ۇلتقا بولىنبەيدى»، - دەدى لي ۋيحۇڭ تولعانىسپەن.

  «ءبىز اۆتونوميالى رايوننىڭ <ۇلتتار ىنتىماعى، العاباسارلىعى جىلى> قىزمەتىنىڭ ورنالاستىرۋىنا بىرلەستىرىپ، 17 تاقىرىپ بەلگىلەپ، بۇكىل شينجياڭدا ۇگىت - لەكسيا جاساماقپىز. ءبىز بۇكىل شينجياڭداعى قىستاقتا تۇراتىن قىزمەت گرۋپپالارىنا باستىق بولعان 77 ايەل تۇرعان قىستاققا كومەكتەسىپ، ءار قىستاقتان، كەمىندە، 50 ادامدى كەدەيلىكتەن قۇتىلدىرامىز!»، - دەيدى ءبىلقىز نىق سەنىممەن. «ءبىز اناعۇرلىم كوپ اپەكەلى - سىڭلىلەردىڭ ەڭسە كوتەرۋىنە، اي جامالىن اسىرۋىنا، بايۋىنا مۇمكىندىك جاسايمىز!».

  كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.