بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

جاڭ چۇنشيان ءۇرىمجى قالاسىنىڭ مىندەتتى اعاش ەگۋ قيمىلىنا قاتىسقاندا

تازا شينجياڭ قۇرىلىسىن كۇش سالا ىلگەرىلەتىپ، حالىق جۇرتشىلىعىنا ءتىپتى جاقسى تۇرمىس ورتاسىن ازىرلەۋدى باسا دارىپتەدى

ياۋ تۇڭ، لي شيڭ

2016.04.18 13:50     كەلۋ قاينارى : شينجياڭ گازەتى

  ءتىلشىمىز ياۋ تۇڭ، لي شيڭ 15 - ساۋىردە ۇرىمجىدەن حابارلايدى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، بيڭتۋاننىڭ ءبىرىنشى ساياسي كوميسسارى جاڭ چۇنشيان 15 - ءساۋىر تۇستەن بۇرىن ءۇرىمجى قالاسىنىڭ مىندەتتى اعاش ەگۋ قيمىلىنا قاتىسقاندا «ەكولوگيانى الدىمەن ەسكەرۋگە، قورشاعان ورتانى قورعاۋعا قاشاندا تاباندى بولىپ، اتا مەكەنىمىزدى جاسىلداندىرىپ جانە كورىكتەندىرىپ، تازا شينجياڭ قۇرىلىسىن كۇش سالا ىلگەرىلەتىپ، حالىق جۇرتشىلىعىنا ءتىپتى جاقسى تۇرمىس ورتاسىن ازىرلەۋدى» باسا دارىپتەدى.

  بارشا تابيعات جاندانعان كوكتەم مەزگىلى − اعاش ەگىپ، ورمان ءوسىرۋدىڭ وڭتايلى كەزى. جاڭ چۇنشيان مەن اۆتونوميالى رايوننىڭ پارتيا، ۇكىمەت، ارميا ورىندارىنىڭ جانە بيڭتۋاننىڭ باسشىلارى ءۇرىمجى قالاسى اينالمالى ەكولوگيالىق شەڭبەرىنىڭ شىعىس باعىتتاعى جاسىل تابيعات بەلدەۋىنىڭ ۇلانباي اعاش ەگۋ تۇيىنىندە ءۇرىمجى قالالىق 32 - باستاۋىش مەكتەپتىڭ پيونەرلەرى جانە ءار ۇلت كادر - جۇرتشىلىعى، اسكەري ءبولىمنىڭ كوماندير - جاۋىنگەرلەرى سياقتى 1500دەن اسا اداممەن بىرگە اعاش ەگىپ، قاعىر تاۋدى جاسىلداندىرۋعا ات سالىستى.

  ءۇرىمجى قالاسى اينالمالى ەكولوگيالىق شەڭبەرىنىڭ شىعىس باعىتتاعى جاسىل تابيعات بەلدەۋىنىڭ جالپى ۇزىندىعى 83.8 كيلومەتر، جوسپار بويىنشا، تاس جولدىڭ ەكى جاعاسىنداعى 500 مەتر اۋماقتاعى سىنا ءتارىزدى جەر قۇرىلىمى كادەگە جاراتىلىپ، «كوپ ساتىلى، جەلىلەنگەن، كۇردەلى فۋنكتسيالى» ەكولوگيالىق توسقاۋىل جاسالادى. باتىس باعىتتاعى اينالمالى جوعارى جىلدامدىقتى تاس جول سالىنىپ بولعاننان كەيىن، ونىڭ دا ەكى جاعاسى جاسىلداندىرىلىپ، شىعىس پەن باتىس باعىتتاعى ورمان بەلدەۋى تۇتاستىرىلىپ، ءۇرىمجى قالاسىن وراپ جاتقان اينالمالى ەكولوگيالىق شەڭبەر قالىپتاستىرىلادى. ۇلانباي اعاش ەگۋ ءتۇيىنى − اينالمالى ەكولوگيالىق شەڭبەر قۇرىلىسىنىڭ تاجىريبە ءوڭىرى، بۇگىن، قالىڭ جۇرتشىلىق وسىندا 30 مىڭ تۇپكە جۋىق قالامشا وتىرعىزدى.

  جاڭ چۇنشيان ءۇرىمجى قالاسىنىڭ قاتىستى باسشىلارىنىڭ جاسىلداندىرۋ جۇمىسى جونىندە بەرگەن مالىمەتىن مۇقيات تىڭداعاننان كەيىن، قولىنا كۇرەك الىپ، اعاش ەگۋ تۇيىنىنە كەلدى. اعاش ەگىپ جاتقان ءار ۇلت كادر - جۇرتشىلىعى جاڭ چۇنشيان شۋجيدى كورىپ، ايرىقشا تەبىرەنىپ، شاتىرلاتا شاپالاق سوقتى. جاڭ چۇنشيان ولارعا قول بۇلعاپ قۇرمەت ءبىلدىردى دە، ءۇرىمجى قالاسىنىڭ، اۆتونوميالى رايوندىق ورمان شارۋاشىلىعى مەڭگەرمەسىنىڭ جاۋاپتىلارىمەن، سونداي - اق پيونەرلەرمەن بىرگە توپىراق كۇرەپ، سۋ تاسىپ، قاربالاس جۇمىسقا كىرىستى.

  جاڭ چۇنشيان 10 ءتۇپ قىزىل جاپىراقتى تاس الما قالامشاسىن ەكتى، ول پيونەرلەرمەن بىرگە سۋ تاسي ءجۇرىپ، ولاردىڭ وقۋ جانە تۇرمىس جاعدايىن تاپتەشتەپ ۇعىستى، ولارعا جاقسى وقىپ، ەڭبەكتى ءسۇيىپ، كوپ ءبىلىم الىپ، قابىلەتتەرىن ۇشتاپ، قورشاعان ورتانى قورعاۋدى ادەتكە اينالدىرىپ، شينجياڭدى ونان سايىن كورىكتەندىرۋدى قاداعالاي تاپسىردى.

  ەڭبەك ارەدىگىندە، جاڭ چۇنشيان مىندەتتى اعاش ەگۋگە قاتىسقان ۋاقىتشا قىزمەت اتقارۋشى كادرلارمەن، «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلى بويىنشا قىستاققا (الەۋمەتتىك اۋماق) تۇسكەن قىزمەت گرۋپپاسىنىڭ كادرلارىمەن، ءار ۇلت جۇرتشىلىعىمەن شۇيىركەلەسە اڭگىمەلەسىپ، ءۇرىمجى قالاسى داۋان اۋماعىن باسقارۋ كوميتەتىنىڭ ءتۇرلى قىزمەتىنىڭ ورىستەتىلۋ احۋالىن سۇراپ، باستاۋىش ۇيىمدار قۇرىلىسىنىڭ جاعدايىن ۇعىستى. جاڭ چۇنشيان: بۇقارالىق قىزمەتتى ويداعىداي جۇرگىزۋ قابىلەتىن ونان سايىن جوعارىلاتىپ، جاۋاپكەرشىلىكتى قاتايتىپ، تياناقتاندىرۋدى بار كۇشپەن يگەرىپ، «ۇلتتار ىنتىماعى، العاباسارلىعى جىلى» بويىنشا العا قويىلعان 27 ءتۇرلى ءتۇيىندى شارانى تولىقتاي، تىڭعىلىقتى تياناقتاندىرۋ، ناقتى ىستەردى بىردەن - بىردەن تياناقتاندىرۋ ارقىلى، بۇكىل قوعامدى ۇلتتار ىنتىماعى، العاباسارلىعى بويىنشا وزات ورىن قۇرۋ، وزات بولۋ قىزمەتىنە ات سالىسۋعا جەتەكتەۋ كەرەك، - دەدى. ول: قالالار الەۋمەتتىك اۋماق قىزمەتىن ويداعىداي يگەرۋى، اۋىل - قىستاقتار قىستاق دارەجەلى ۇيىمداردىڭ شەپ قۇرىلىسىنا ءمان بەرۋى، نەگىزگى ساتىنىڭ نەگىزىن ونان سايىن بەكەمدەپ، باستاۋىش ۇيىمداردىڭ جۇرت تىلەگىن توعىستىرۋ رولىن ساۋلەلەندىرىپ، كورىكتى شينجياڭ قۇرۋدىڭ قۇدىرەتتى بىرىككەن كۇشىن قالىپتاستىرۋ كەرەك، - دەپ باسا دارىپتەدى.

  ورمان ءوسىرىپ، ورتانى جاسىلداندىرۋعا ايالداعاندا، جاڭ چۇنشيان باس شۋجي شي جينپيڭنىڭ ەكولوگيالىق وركەنيەت قۇرىلىسىن كوپ مارتە دارىپتەگەنىن ايتتى. تۇتاس شينجياڭداعى ءار ۇلت حالقىنىڭ جاپپاي قاتىناسۋى، بەلسەندى قۇلشىنىسىنىڭ ارقاسىندا، شينجياڭنىڭ ەكولوگيالىق وركەنيەت قۇرىلىسى تىڭ ىلگەرىلەۋشىلىككە قول جەتكىزىپ، جۇرت جۇرەگىنە جول تارتتى.

  جاڭ چۇنشيان مىنانى اتاپ كورسەتتى: ەكولوگيانى باستى ورىنعا قويىپ، قورشاعان ورتانى قورعاۋدى كۇشەيتىپ، اتا مەكەنىمىزدى جاسىلداندىرۋ، كوركەيتۋدەن جازباي، تازا شينجياڭ قۇرىلىسىن بار كۇشپەن ىلگەرىلەتىپ، حالىق جۇرتشىلىعىنا اناعۇرلىم تاماشا تۇرمىس ورتاسىن جاراتۋىمىز كەرەك.

  اعاش ەگۋ قيمىلىنا جۇرتشىلىق شىنايى كىرىستى. شوكىرات زاكىر، نۇرلان ءابىلماجىن ۇلى، چى جۇن، جۋ حايلۇن، پىڭ يۇڭ، شيۇڭ شۋانگو، شۇي حايرۇڭ، عانيبات سابىكەي ۇلى، لي شۋەجۇن، ەركىن تۇنياز، ما شۋەجۇن، پىڭ جيارۇي، سونداي - اق اۆتونوميالى رايوندىق حالىق قۇرىلتايى، ۇكىمەت، ساياسي كەڭەس، شينجياڭ اسكەري رايونى، بيڭتۋان باسشىلارى اعاش ەگۋگە قاتىناسقان كادر - جۇرتشىلىعىمەن جانە پيونەرلەرمەن بىرگە قالامشالاردى وتىرعىزدى جانە سۋاردى. كوپ وتپەي مۇنداعى جۇرتشىلىق قاعىر دالاعا قاز - قاتار قالامشالاردى وتىرعىزىپ ۇلگىردى.

  ۇعىسۋعا قاراعاندا، «12 - بەسجىلدىق» كەزىندە تۇتاس شينجياڭدا جاڭادان ارتقان تابيعي ورمان 100 ميلليون مۋعا، جاساندى ورمان 11 ميلليون 820 مىڭ مۋعا، ورماننىڭ كومكەرىلىمى %4.04تەن %4.7كە جوعارىلاعان ەكەن. ءۇرىمجى قالاسى مەملەكەتتىك ەكولوگيالىق باۋ - باقشالى قالا قۇرۋ قىزمەتىن باستاعاننان بەرى، قاعىر تاۋدى جاسىلداندىرۋدان تىس، باسقا كورسەتكىشتەردى دە قۇرۋ ولشەمىنەن اسىرعان. بۇدان كەيىن قالانىڭ قورشامالى ەكولوگيالىق شەڭبەرىن قۇرۋمەن بىرگە، ءۇرىمجى قالاسى 8 قاعىر تاۋدى جاسىلداندىرۋ، وزگەرتۋدى جوعارىلاتۋ قىزمەتىن ءتۇيىندى ىستەپ، مەملەكەتتىك ەكولوگيالىق باۋ - باقشالى قالا بولۋعا قۇلشىنادى ەكەن.

  15 - ساۋىردە ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان باستاعان باسشىلار ءۇرىمجى قالاسىنىڭ شىعىس باعىتتاعى جاسىل تابيعات بەلدەۋىندەگى ۇلانباي اعاش ەگۋ تۇيىنىنە كەلىپ، پيونەرلەرمەن جانە ءار ۇلت كادر، بۇقاراسىمەن بىرگە ءۇرىمجى قالاسىنىڭ مىندەتتى اعاش ەگۋ قيمىلىنا قاتىناستى. سۋرەتتى ءتىلشىمىز لۋ مين - ي تۇسىرگەن

  كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.