بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

بيىل رايونىمىز جوعارى مەكتەپ تاۋىسقان وقۋشىلاردان 4000 ادامدى تاڭداپ، شينجياڭعا باعىتتامالى كومەكتەسەتىن ولكە، قالالارعا تاربيەلەۋگە جىبەرەدى

2016.04.19 16:00     كەلۋ قاينارى : ءتاڭىرتاۋ تورابى

  اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنەن ۇعىسۋىمىزشا، جوعارى مەكتەپتەردەن وقۋ تاۋىسىپ، ءالى جۇمىسقا ورنالاسا الماعان وقۋشىلاردىڭ ورنىقتى كاسپتەنۋىن اناعۇرلىم جەبەۋ ءۇشىن، رايونىمىز جۋىقتا «ادەتتەگى جوعارى مەكتەپتەردەن وقۋ تاۋىسقان وقۋشىلاردى شينجياڭعا باعىتتامالى كومەكتەسەتىن ولكە، قالالارعا تاربيەلەۋگە تاڭداپ جىبەرۋ جونىندەگى اۆتونوميالى رايوننىڭ 2016 - جىلعى ارەكەت جوسپارىن» العا قويىپ، بيىل تولىق كۇندىك ادەتتەگى جوعارى مەكتەپتەردەن وقۋ تاۋىسىپ، ءالى جۇمىسقا ورنالاسا الماعان وقۋشىلاردان 4000 ادامدى تاڭداپ، تاربيەلەۋدى جوسپارعا الىپتى.

  جوعارى مەكتەپتەردەن وقۋ تاۋىسقان شينجياڭدىق وقۋشىلاردى شينجياڭعا باعىتتامالى كومەكتەسەتىن ولكە، قالالارعا جىبەرىپ تاربيەلەۋ قىزمەتى كەلەلى حالىق تۇرمىسى ينجەنەرياسى، حالىق تىلەگى ينجەنەرياسى، سونداي - اق ۇلتتار ىنتىماعى ينجەنەرياسى. بيىل رايونىمىز شينجياڭنان سىرت جەردە تاربيەلەۋ مەن شينجياڭدا تاربيەلەۋدى ۇشتاستىرىپ، ءال - اۋقاتى تومەن وتباسىلارىن، وڭتۇستىك شينجياڭداعى 3 ايماق، ءبىر وبلىستى جانە جوعارى مەكتەپتەردەن وقۋ تاۋىسقان از ۇلت وقۋشىلارىن ءتۇيىن ەتىپ، 2010 - جىلدان بەرى تولىق كۇندىك ادەتتەگى جوعارى مەكتەپتەردەن وقۋ تاۋىسىپ، ءالى جۇمىسقا ورنالاسا الماعان وقۋشىلاردان 4000 ادامدى تاڭداپ، شينجياڭعا باعىتتامالى كومەكتەسەتىن ولكە، قالالارعا تاربيەلەۋگە جىبەرەدى (كاسىپورىندارعا باعىتتاي وتىرىپ 2500 ادام، دەربەس شارۋاشىلىق قۇرۋعا باعىتتاي وتىرىپ 1500 ادام تاربيەلەيدى)، مۇندا كاسىپورىندارعا جانە نەگىزگى ساتىداعى ءىسورىندارعا جۇمىسقا ورنالاستىرۋ نەمەسە دەربەس شارۋاشىلىق قۇرۋ نەگىزگى باعىت ەتىلەدى. ۇعىسۋعا قاراعاندا، بيىل تاربيەلەنەتىن وبيەكتىلەر مىنالار ەكەن: 2010 - جىلدان بەرى تولىق كۇندىك ادەتتەگى جوعارى مەكتەپتەردەن وقۋ تاۋىسىپ، ءالى جۇمىسقا ورنالاسپاعان وقۋشىلار، مۇندا جوعارى مەكتەپ تاۋىسقان انا ءتىلى حانزۋ ءتىلى ەمەس وقۋشىلاردىڭ مەملەكەتتىك ورتاق ءتىل دەڭگەيى (MHK) از ۇلتتاردىڭ حانزۋ ءتىلى ورەسى ەمتيحانىنىڭ 3 - دارەجەسىنىڭ B ساتىسىنا جەتۋ جانە ودان اسۋ كەرەك؛ جوعارى مەكتەپ تاۋىسىپ، اۋدان، قالا، اۋىل - قالاشىقتارداعى (ءمالى باسقارماسى) الەۋمەتتىك يگىلىك جۇمىس ورىندارىنا قابىلدانىپ جۇمىس ىستەپ جاتقاندار؛ جوعارى مەكتەپ تاۋىسىپ، «ۇشكە كومەك بەرىپ، ءبىردى سۇيەمەلدەۋ» جانە «ستۋدەنتتەردىڭ باتىس بولەك جوسپارى» ەرىكتىلەرى بويىنشا نەگىزگى ساتىعا بارىپ، قىزمەت وتەۋ مەرزىمىن تولتىرىپ، باعالاۋدا تولىمدى بولعاندار.

  ساياسات بەلگىلەمەسىنە ساي، اتالعان وقۋشىلاردىڭ تاربيەلەۋگە قاتىناسقان مەزگىلى قىزمەت ستاجى رەتىندە ەسەپتەلەدى، تۇرمىستىق قوسىمشا قاراجات بەرىلەدى، باس اماندىعىن توسىن شىرعالاڭنان قامسىزداندىرۋىنا ءبىر تۇتاس قاتىناستىرىلادى. ولار كاسىپورىنعا بارىپ جۇمىسقا ورنالاسقاننان كەيىن، جەكەنىڭ تاپسىراتىن نەگىزگى زەينەتكەرلىك قامسىزداندىرۋ قاراجاتى، نەگىزگى ەمدەلۋ قامسىزداندىرۋ قاراجاتى جانە جۇمىسسىزداردى قامسىزداندىرۋ قاراجاتىنا ەڭ ۇزاق بولعاندا 3 جىلدىق تولىق قوسىمشا قاراجات بەرىلەدى. سونىمەن بىرگە، جەر - جەر تاربيەلەۋدە تولىمدى بولعان وقۋشىلاردى شارۋاشىلىق قۇرۋ بويىنشا باۋلۋ بازاسىنا الدىمەن جىبەرىپ، باعىتتامالى تۇردە قولداۋ كورسەتىپ، كاسىپتىك جاقتان جەتەكتەيدى، شارۋاشىلىق قۇرۋىنا كەپىلدىك قارىز اقشامەن قولداۋ كورسەتۋ تەبىنىن ارتتىرىپ، ءتيىمدى سالىق ساياساتىنان يگىلىكتەنۋىن سايكەستىرەدى، ءىس جۇزىندىك جاعدايعا قاراي، شارۋاشىلىق قۇرۋدا تابىسقا جەتكەندەرگە بەلگىلى دارەجەدە سيلىق بەرەدى. تاربيەلەۋدە تولىمدى بولىپ باعالانىپ، جەكە كاسىپپەن شۇعىلدانعانداردان 3 جىل ىشىندە باسقارۋ، تىزىمگە الدىرۋ جانە كۋالىك سياقتى قاتىستى اكىمشىلىك اقىلار كەشىرىم ەتىلەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.