- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ادال ەڭبەك، اشتى تەر
ءدارياش شايمۇرات قىزى
2016.04.20 13:36 كەلۋ قاينارى : شينجياڭ گازەتى
كوپ ادامدار ەمىرەنە، ەلجىرەي ەسكە الاتىن 25 تۋرالى توقتالعاندا، گەرويىمىز ادال ماعزي ۇلى: 25 جاسىمدى ويلاسام، كوكىرەگىمدى مۇڭ تورلاپ، قيالىمدى قايعى جەڭەدى، - دەيدى.
1989 - جىلى قابا اۋدانى كولباي اۋىلى قاراشىلىك مەكتەبىنەن ورتالاۋ مەكتەپتى بىتىرگەن ادال اسكەري قوسىنعا قابىلدانىپ، 1992 - جىلى قابا اۋداندىق حالىقتىق قارۋلى بولىمگە ورنالاستى ءارى اسكەري قوسىندا ۇيرەنگەن ءۇي ەلەكتر جابدىقتارىن رەمونتتاۋ ونەرىن حالىقتىڭ قاجەتىنە جاراتۋدى ويلاپ، قىزمەتتەن قولى بوساي قالعاندا ەلەكتر جابدىقتارىن رەمونتتاۋ، ۇزىلگەن ەلەكتر سىمدارىن جالعاۋ جۇمىستارىمەن اينالىستى.
1994 - جىلى ءساۋىر ايىندا مەكەمە ۇيىمداستىرعان بۇقاراعا جاقسى ءىس ىستەپ بەرۋ قيمىلىنا قاتىناسقان ادال ءبىر اۋىلداسىنىڭ تەلەۆيزور انتەنناسىن جوندەيدى، ءۇي يەسى بىرنەشە ەرەسەك وقۋشىنى كومەككە شاقىرادى. ءاسىلى بۇل ءۇيدىڭ توبەسىندە تىم ەرتەدە ورناتىلعان جوعارى كەرنەۋلى توك سىمى بار ەكەن، جۇمىس بارىسىندا تەلەۆيزور انتەنناسىن ورناتقان اعاش قيسايىپ جوعارى كەرنەۋلى توك سىمىنا سوعىلادى دا، سىمدى ۇستاپ تۇرعان بالالاردىڭ ومىرىنە حاۋىپ تونەدى. بالانى امان الىپ قالۋدى ويلاعان ادال تەلەۆيزور انتەنناسى ورناتىلعان اعاشتى قۇشاقتاپ وزىنە قاراي تارتىپ قالعاندا، اعاشتىڭ باسىنداعى جاي تارتقىش جوعارى كەرنەۋلى توك سىمىنا تيەدى دە، ادالدى توك سوعادى. اۋىلداسى باقىت ءناسىپ ۇلى جەتىپ كەلىپ ادالدىڭ دەنەسىن توك سىمىنان اجىراتىپ، ۇلكەن حاۋىپتىڭ الدىن الادى. سونىمەن ادال وڭ اياعىن تىزەسىنەن تومەن، سول قولىنىڭ 5 ساۋساعىن كەسكىزىپ، 2 - دارەجەلى مۇگەدەككە اينالدى. سول كەزدە ادال 25 جاستا ەدى. ءبىر جىل بويى اۋرۋ ازابىمەن الىسقان سوڭ، تۋىس - تۋعاندارى مەن اۋىلداستارىنىڭ كومەگىندە ساۋىعىپ، الداعى تىرلىكتىڭ جارىمجانىنا اكەلەر اۋىرتپالىعىن جەڭۋدىڭ قامىنا كىرىسەدى.
− اۋرۋمەن ارپالىسقاندا ومىردەن تۇڭىلگەن كەزدەرىم بولدى. جانىمدى جاراقاتقا جەڭدىرمەۋگە كوپتىڭ اقىلى، كومەگى مەدەۋ بولدى. سول كەزدە قازىرگى جان جارىم ءاليا جۇما قىزىمەن ماحابباتتاسىپ جۇرگەن ەدىم، جانىم جارالانعاندا ول شىن سۇيەنىش بولدى، شەكسىز قۋات سيلادى. «جارىمجان بولدىم، وبالىڭا قالمايىن، ءوز تالعامىڭا ەرىك بەرەمىن»، - دەپ ەدىم، ول: «ولاي دەمە، جان اشىر تۋىس - تۋعانىمىز، مەيىربان ەل - جۇرتىمىز بار، قيىنشىلىق تارتپايمىز. وزىڭمەن بىرگە ءومىر وتكىزىپ، قيىنشىلىقتى بىرگە ارقالاۋعا رازىمىن»، - دەدى. سونىمەن شاڭىراق كوتەردىك. سودان بەرى 20 جىل بولدى. ءاليانىڭ ماحابباتقا دەگەن ادالدىعى مەن جاۋاپكەرلىگى تىرلىگىمنىڭ التىن ارقاۋىنا اينالدى، - دەيدى ادال. ءومىردى ءماندى وتكىزۋدىڭ كىلتى ماعىنالى ەڭبەك ەتۋ ەكەنىن بىلەتىن ادال. 1995 - جىلى قابا اۋدانىنىڭ اقشي قالاشىعىنان شاعىن ءۇي مايلاپ الىپ، وتباسى ەلەكتر جابدىقتارىن رەمونتتاۋ دۇكەنىن اشىپ، ساۋساقتارىنىڭ كەمدىگىنە قاراماي قولمەن عانا ىستەلەتىن جۇمىستان ناتيجە شىعارۋعا قارمانىپتى. «مەن بۇل كاسىپكە قانىقپىن، ال جۇرت اراسىندا بۇل كاسىپتەن حابارى بارلار از، ونىڭ ۇستىنە بۇل كاسىپكە قاجەتى تۇسەتىندەر كوپ، سول كەزدە ماعان لايىقتىسى دا وسى جۇمىس بولدى. العاشتا قولىم جاقسى يكەمگە كەلمەۋشى ەدى، ىستەي كەلە بابىن تاپتىم. ساتسىزدىككە جولىققاندىعىم ءۇشىن قولدان كەلىپ تۇرعان ونەردى تاستاۋعا قيمادىم، - دەدى.
ءوزىنىڭ يقۋاتىنا قاراي كاسىپ باستاعان ادالدىڭ جىلدىق كىرىسى سول كەزدىڭ وزىندە 10 مىڭ يۋاننان اسىپتى دا، كاسىپ كولەمىن ۇلعايتۋىنا، وزىنە بولعان سەنىمىن بەكەمدەۋىنە دانەكەر بولىپتى. كەلەسى جىلى دۇكەنىن ۇلكەيتىپ، ىنىسىمەن بىرلەسىپ شاعىن وتباسى جابدىقتارىن ەنگىزىپ، ەگىنشى - مالشىلارعا ءتيىمدى باعادا ساتۋدى قوسا ىستەپتى. تەحنيكاعا جەتىك، قىزمەت وتەۋى ىنتالى، ساتقان زاتىنىڭ باعاسى لايىقتى بولعاندىقتان ەلەكتر جابدىقتارىن الماقشى بولعاندار الدىمەن ادالدى ىزدەيتىن بولىپتى دا، بىرنەشە جىل ىشىندە بازاردا ىرىقتى ورىندى يەلەپتى. كاسىپتە ناتيجە جاراتۋعا بولاتىنىن اڭعارعان ادال 1998 - جىلى قولىندا بار اقشاسىنا سەنىمدى قارىز كووپەراتيۆىنەن 30 مىڭ يۋان قارىز الىپ قوسىپ مونشا سالادى، ول كەزدەردە اۋىل - قالاشىقتاردا مونشاحانا جالپىلاسا قويماعاندىقتان بۇل جۇمىسى دا تابىستى بولادى. بۇدان سوڭعى قۇلشىنىستا ادال 150 مىڭ يۋاندى اينالىمعا سالىپ، قۇرىلىسقا قاجەتتى ماتەريالدار جانە جىلىتۋ اسپاپتارىن ساتادى. سونىمەن بىرگە جۇمىسسىز جۇرگەن بىرنەشە ازاماتتى ەرتىپ، اۋىل - قىستاقتاردى ارالاپ، ەگىنشى - مالشىلاردىڭ ۇيىنە پار ورناتۋ، ساتۋ ءبىر تۇلعالانعان تيجارات جۇيەسىن قالىپتاستىردى.
كوپ ادامدار ەمىرەنە، ەلجىرەي ەسكە الاتىن 25 تۋرالى توقتالعاندا، گەرويىمىز ادال ماعزي ۇلى: 25 جاسىمدى ويلاسام، كوكىرەگىمدى مۇڭ تورلاپ، قيالىمدى قايعى جەڭەدى، - دەيدى.
1989 - جىلى قابا اۋدانى كولباي اۋىلى قاراشىلىك مەكتەبىنەن ورتالاۋ مەكتەپتى بىتىرگەن ادال اسكەري قوسىنعا قابىلدانىپ، 1992 - جىلى قابا اۋداندىق حالىقتىق قارۋلى بولىمگە ورنالاستى ءارى اسكەري قوسىندا ۇيرەنگەن ءۇي ەلەكتر جابدىقتارىن رەمونتتاۋ ونەرىن حالىقتىڭ قاجەتىنە جاراتۋدى ويلاپ، قىزمەتتەن قولى بوساي قالعاندا ەلەكتر جابدىقتارىن رەمونتتاۋ، ۇزىلگەن ەلەكتر سىمدارىن جالعاۋ جۇمىستارىمەن اينالىستى.
1994 - جىلى ءساۋىر ايىندا مەكەمە ۇيىمداستىرعان بۇقاراعا جاقسى ءىس ىستەپ بەرۋ قيمىلىنا قاتىناسقان ادال ءبىر اۋىلداسىنىڭ تەلەۆيزور انتەنناسىن جوندەيدى، ءۇي يەسى بىرنەشە ەرەسەك وقۋشىنى كومەككە شاقىرادى. ءاسىلى بۇل ءۇيدىڭ توبەسىندە تىم ەرتەدە ورناتىلعان جوعارى كەرنەۋلى توك سىمى بار ەكەن، جۇمىس بارىسىندا تەلەۆيزور انتەنناسىن ورناتقان اعاش قيسايىپ جوعارى كەرنەۋلى توك سىمىنا سوعىلادى دا، سىمدى ۇستاپ تۇرعان بالالاردىڭ ومىرىنە حاۋىپ تونەدى. بالانى امان الىپ قالۋدى ويلاعان ادال تەلەۆيزور انتەنناسى ورناتىلعان اعاشتى قۇشاقتاپ وزىنە قاراي تارتىپ قالعاندا، اعاشتىڭ باسىنداعى جاي تارتقىش جوعارى كەرنەۋلى توك سىمىنا تيەدى دە، ادالدى توك سوعادى. اۋىلداسى باقىت ءناسىپ ۇلى جەتىپ كەلىپ ادالدىڭ دەنەسىن توك سىمىنان اجىراتىپ، ۇلكەن حاۋىپتىڭ الدىن الادى. سونىمەن ادال وڭ اياعىن تىزەسىنەن تومەن، سول قولىنىڭ 5 ساۋساعىن كەسكىزىپ، 2 - دارەجەلى مۇگەدەككە اينالدى. سول كەزدە ادال 25 جاستا ەدى. ءبىر جىل بويى اۋرۋ ازابىمەن الىسقان سوڭ، تۋىس - تۋعاندارى مەن اۋىلداستارىنىڭ كومەگىندە ساۋىعىپ، الداعى تىرلىكتىڭ جارىمجانىنا اكەلەر اۋىرتپالىعىن جەڭۋدىڭ قامىنا كىرىسەدى.
− اۋرۋمەن ارپالىسقاندا ومىردەن تۇڭىلگەن كەزدەرىم بولدى. جانىمدى جاراقاتقا جەڭدىرمەۋگە كوپتىڭ اقىلى، كومەگى مەدەۋ بولدى. سول كەزدە قازىرگى جان جارىم ءاليا جۇما قىزىمەن ماحابباتتاسىپ جۇرگەن ەدىم، جانىم جارالانعاندا ول شىن سۇيەنىش بولدى، شەكسىز قۋات سيلادى. «جارىمجان بولدىم، وبالىڭا قالمايىن، ءوز تالعامىڭا ەرىك بەرەمىن»، - دەپ ەدىم، ول: «ولاي دەمە، جان اشىر تۋىس - تۋعانىمىز، مەيىربان ەل - جۇرتىمىز بار، قيىنشىلىق تارتپايمىز. وزىڭمەن بىرگە ءومىر وتكىزىپ، قيىنشىلىقتى بىرگە ارقالاۋعا رازىمىن»، - دەدى. سونىمەن شاڭىراق كوتەردىك. سودان بەرى 20 جىل بولدى. ءاليانىڭ ماحابباتقا دەگەن ادالدىعى مەن جاۋاپكەرلىگى تىرلىگىمنىڭ التىن ارقاۋىنا اينالدى، - دەيدى ادال. ءومىردى ءماندى وتكىزۋدىڭ كىلتى ماعىنالى ەڭبەك ەتۋ ەكەنىن بىلەتىن ادال. 1995 - جىلى قابا اۋدانىنىڭ اقشي قالاشىعىنان شاعىن ءۇي مايلاپ الىپ، وتباسى ەلەكتر جابدىقتارىن رەمونتتاۋ دۇكەنىن اشىپ، ساۋساقتارىنىڭ كەمدىگىنە قاراماي قولمەن عانا ىستەلەتىن جۇمىستان ناتيجە شىعارۋعا قارمانىپتى. «مەن بۇل كاسىپكە قانىقپىن، ال جۇرت اراسىندا بۇل كاسىپتەن حابارى بارلار از، ونىڭ ۇستىنە بۇل كاسىپكە قاجەتى تۇسەتىندەر كوپ، سول كەزدە ماعان لايىقتىسى دا وسى جۇمىس بولدى. العاشتا قولىم جاقسى يكەمگە كەلمەۋشى ەدى، ىستەي كەلە بابىن تاپتىم. ساتسىزدىككە جولىققاندىعىم ءۇشىن قولدان كەلىپ تۇرعان ونەردى تاستاۋعا قيمادىم، - دەدى.
ءوزىنىڭ يقۋاتىنا قاراي كاسىپ باستاعان ادالدىڭ جىلدىق كىرىسى سول كەزدىڭ وزىندە 10 مىڭ يۋاننان اسىپتى دا، كاسىپ كولەمىن ۇلعايتۋىنا، وزىنە بولعان سەنىمىن بەكەمدەۋىنە دانەكەر بولىپتى. كەلەسى جىلى دۇكەنىن ۇلكەيتىپ، ىنىسىمەن بىرلەسىپ شاعىن وتباسى جابدىقتارىن ەنگىزىپ، ەگىنشى - مالشىلارعا ءتيىمدى باعادا ساتۋدى قوسا ىستەپتى. تەحنيكاعا جەتىك، قىزمەت وتەۋى ىنتالى، ساتقان زاتىنىڭ باعاسى لايىقتى بولعاندىقتان ەلەكتر جابدىقتارىن الماقشى بولعاندار الدىمەن ادالدى ىزدەيتىن بولىپتى دا، بىرنەشە جىل ىشىندە بازاردا ىرىقتى ورىندى يەلەپتى. كاسىپتە ناتيجە جاراتۋعا بولاتىنىن اڭعارعان ادال 1998 - جىلى قولىندا بار اقشاسىنا سەنىمدى قارىز كووپەراتيۆىنەن 30 مىڭ يۋان قارىز الىپ قوسىپ مونشا سالادى، ول كەزدەردە اۋىل - قالاشىقتاردا مونشاحانا جالپىلاسا قويماعاندىقتان بۇل جۇمىسى دا تابىستى بولادى. بۇدان سوڭعى قۇلشىنىستا ادال 150 مىڭ يۋاندى اينالىمعا سالىپ، قۇرىلىسقا قاجەتتى ماتەريالدار جانە جىلىتۋ اسپاپتارىن ساتادى. سونىمەن بىرگە جۇمىسسىز جۇرگەن بىرنەشە ازاماتتى ەرتىپ، اۋىل - قىستاقتاردى ارالاپ، ەگىنشى - مالشىلاردىڭ ۇيىنە پار ورناتۋ، ساتۋ ءبىر تۇلعالانعان تيجارات جۇيەسىن قالىپتاستىردى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
