- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تۇڭعىش رەتكى «جالپى حالىقتىق مەملەكەت حاۋىپسىزدىگى تاربيەسى كۇنىنە» وراي، زاڭمەن جونگە سالۋ بىلىمدەرىنەن سىناۋ الۋ قيمىلى وتكىزىلدى
2016.04.20 16:03 كەلۋ قاينارى : ءتاڭىرتاۋ تورابى
15 - ءساۋىر − ەلىمىزدىڭ تۇڭعىش رەتكى «جالپى حالىقتىق مەملەكەت حاۋىپسىزدىگى تاربيەسى كۇنى». اۆتونوميالى رايوندىق پارتكومنىڭ تالابىنا ساي، ءار ۇلت ازاماتتارىنىڭ، اسىرەسە، مەملەكەت قىزمەتكەرلەرىنىڭ مەملەكەت حاۋىپسىزدىگى جونىندەگى زاڭ تانىمىن اناعۇرلىم جوعارىلاتۋ، تۇتاس قوعامدا «مەملەكەت حاۋىپسىزدىگىن قورعاۋ − بارلىق ادامنىڭ جاۋاپكەرشىلىگى» دەيتىن سالتتى قالىپتاستىرۋ ءۇشىن، اۆتونوميالى رايوننىڭ رايونىمىزدى زاڭمەن جونگە سالۋ قىزمەتىنە باسشىلىق ەتۋ گرۋپپاسى كەڭسەسى 15 - ءساۋىر تۇستەن بۇرىن رايونىمىزدان 300 مىڭ مەملەكەت قىزمەتكەرىن ءبىر ۋاقىتتا «جالپى حالىقتىق مەملەكەت حاۋىپسىزدىگى تاربيەسى كۇنىنە» وراي، زاڭمەن جونگە سالۋ بىلىمدەرىنەن سىناۋ الۋ قيمىلىنا قاتىناسۋعا ۇيىمداستىردى.
بۇل قيمىل جازباشا اشىق سىناۋ ۇلگىسىندە ءجۇرىلىپ، مەكەمە - ورىندار ءوز مەكەمە - ورنىنداعى كادرلار مەن جۇمىسشى - قىزمەتشىلەردەن سىناۋ الدى. سىناۋ سۇراۋلارى «مەملەكەت حاۋىپسىزدىگىن قورعاۋدىڭ قۇرىش قورعانىن بىرگە سوعايىق» دەگەندى نەگىزگى تاقىرىپ، «مەملەكەت حاۋىپسىزدىگى زاڭىن»، «لاڭكەستىككە قارسى تۇرۋ زاڭىن»، «تىڭشىلىققا قارسى تۇرۋ زاڭىن» سىناۋ مازمۇنى ەتتى.
سول كۇنى تۇستەن بۇرىن اۆتونوميالى رايوندىق پارتكومنىڭ بولىمدەرى، كوميتەتتەرى جەكە - جەكە كادرلار مەن جۇمىسشى - قىزمەتشىلەردى سىناۋعا ۇيىمداستىردى. كوپشىلىك سىناۋ بەرۋ ارقىلى مەملەكەت حاۋىپسىزدىگى تانىمىنىڭ اناعۇرلىم جوعارىلاعانىن، ۇيرەنۋدى ەمتيحان ارقىلى جەبەۋ كوپشىلىكتىڭ زاڭ ۇيرەنۋ بەلسەندىلىگىن، كادرلار مەن جۇمىسشى - قىزمەتشىلەردىڭ ساياسي جاۋاپكەرشىلىك سەزىمىن ارتتىرعانىن ايتتى.
تۇستەن بۇرىن ساعات 11 مولشەرىندە اۆتونوميالى رايوندىق اۋىل شارۋاشىلىعى مەڭگەرمەسىنىڭ ءماجىلىس زالىندا 153 قىزمەتشى دەن قويا سىناۋ بەرىپ جاتتى. ەمتيحان الاڭى ەرەكشە ءتارتىپتى كورىندى. «مەملەكەت حاۋىپسىزدىگى ءاربىر ادامعا سايادى. سىناۋ ارقىلى مەملەكەت حاۋىپسىزدىگى تانىمىمىز جوعارىلاۋمەن بىرگە، مەملەكەت حاۋىپسىزدىگىن قورعاۋ جاۋاپكەرشىلىك سەزىمىمىز بەن قىراعىلىعىمىز دا ارتا ءتۇستى»، - دەيدى اۆتونوميالى رايوندىق وسىمدىك قورعاۋ پۋنكتىنىڭ قىزمەتكەرى ۋاڭ لي.
ءۇرىمجى قالاسى جوعارى، جاڭا تەحنيكالىق اشۋ رايونى (جاڭا قالا رايونى) چاڭچۇن ورتا جولى اۋماعىن باسقارۋ كوميتەتىندەگى 100 قىزمەتكەر ءبىر ۋاقىتتا زاڭمەن جونگە سالۋ بىلىمدەرى سىناۋىنا قاتىناستى.
«مول بىلىمگە يە بولدىم. بۇرىن مەملەكەت حاۋىپسىزدىگىنە قاتىستى زاڭ بىلىمدەرگە كۇڭگىرتتەۋ بولاتىنمىن. ەمتيحان ارقىلى تانىمىم مەن قىراعىلىعىم ونان ارى ارتا ءتۇستى»، - دەيدى اۆتونوميالى رايوندىق وقۋ - اعارتۋ مەڭگەرمەسىنىڭ ەمتيحانى اياقتاعاننان كەيىن، اۆتونوميالى رايوندىق وقۋ - اعارتۋ شارت - جاعدايىن جابدىقتاۋ ورتالىعىنىڭ مەڭگەرۋشىسى ءانۋار وسمان.
سول كۇنى تۇستەن بۇرىن اۆتونوميالى رايوندىق باس جۇمىسشى ۇيىمىنىڭ 40تان استام ورگان كادرى دا سىناۋعا قاتىناستى. ەمتيحان اياقتاعان كەيىن، اۆتونوميالى رايوندىق باس جۇمىسشى ۇيىمى ۇگىت - تاربيە ءبولىمىنىڭ ورىنباسار باستىعى ياڭ يانچيڭ: مەملەكەت حاۋىپسىزدىگى توتەنشە ماڭىزدى. ورگان كادرلارى وي - سانانى قاشاندا سەرگەك ۇستاپ، تۋىس - تۋعاندارىن ارالاۋ، دوس - جاراندارىمەن بارىس - كەلىس جاساسۋ، ساياحاتتاۋ، عىلمي اۋىس - كۇيىس جاساۋ جاعىندا بارىنشا قىراعىلىقتى ساقتاۋ كەرەك، - دەدى.
سول كۇنى اۆتونوميالى رايون ۇيىمداستىرعان 3 باقىلاۋ گرۋپپاسى جەكە - جەكە اۆتونوميالى رايوندىق دامۋ - رەفورما كوميتەتىندە، قازىنا مەڭگەرمەسىندە، اۋىل شارۋاشىلىق مەڭگەرمەسىندە، وقۋ - اعارتۋ مەڭگەرمەسىندە، ءۇرىمجى قالاسىنىڭ تيانشان رايونىندا سىناۋ جاعدايىن باقىلادى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
