- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شينجياڭنىڭ تەمىر جولدارىندا 15 - مامىردان باستاپ جىلدامدىق پەن تاسىمال قۋاتى جوعارىلاتىلادى
2016.04.20 16:04
ءۇرىمجى تەمىر جول مەكەمەسىنىڭ 15 - ساۋىردە اشقان اقپار جاريالاۋ ماجىلىسىنەن ۇعىسۋىمىزشا، 15 - مامىردان باستاپ ءۇرىمجى تەمىر جول مەكەمەسى جولاۋشى پويەزدەرىنىڭ جاڭا جۇمىس كەستەسىن اتقارىپ، شينجياڭ ىشىندەگى جولاۋشى پويەزدەرىنىڭ جىلدامدىعىن، تاسىمال قۋاتىن جاپپاي جوعارىلاتادى ەكەن. سول كەزدە رايونىمىزدا جاڭادان 10 جۇپ جولاۋشى پويەزى قوسىلىپ، جولاۋشى پويەزدەرىنىڭ كوبىنىڭ ساپار ۋاقىتى زور مولشەردە قىسقارتىلىپ، ايالدامالاردا توقتاۋ ۋاقىتى ونان ارى ساپالىلاندىرىلادى؛ بەلەت قوعامعا اشىق ساتىلىپ، جولاۋشىلاردىڭ ساپارىنا ءتىپتى قولايلىلىقتار تۋىلادى. پويەز بەلەتى 16 - ساۋىردەن باستاپ ينتەرنەتتە، تەلەفوندا، پويەز ۆوكزالدارىندا، سونداي - اق ۋاكىلەتتى ساتۋ ورىندارىندا، اۆتوماتتى ساتۋ ماشينالارىندا ساتىلادى.
جاڭادان 10 جۇپ جولاۋشى پويەزى قوسىلادى
جاڭا جۇمىس كەستەسى اتقارىلعان سوڭ، رايونىمىزدا 10 جۇپ جولاۋشى پويەزى قوسىلادى. بۇل رەتتە بۇرىنعى جىلدارداعىعا قاراعاندا ەڭ مول قوسىلىپ وتىر، قوسىلعان پويەز سانى قازىرگى جولاۋشى پويەزدەرىنىڭ (13 جۇپ) تورتتەن بىرىنە تەڭ.
جاڭادان قوسىلعان 2 جۇپ پويەز شينجياڭ سىرتىنا قاتىنايدى. اتاپ ايتار بولساق، ءۇرىمجى وڭتۇستىك ۆوكزالى مەن شىنجىن اراسىندا توتە قاتىنايتىنZ232/29،Z230/1كەزەكشى جۇردەك جولاۋشى پويەزدەرى جاڭادان قوسىلادى، وسىعان دەيىن، ۇرىمجىدەن بەيجيڭ، شاڭحاي، گۋاڭجوۋ، شىنجىن سىندى 4 ءىرى قالانىڭ بارىنە توتە پويەز قاتىنايتىن بولدى. ءۇرىمجى وڭتۇستىك ۆوكزالى مەن چيچيحار اراسىندا قاتىنايتىنK1082/3،K1084/1كەزەكشى جولاۋشى پويەزدەرى جاڭادان قوسىلادى، وسى جولاۋشى پويەزدەرىنىڭ قاتىناۋىمەن، ۇرىمجىدەن تيانجينگە، حاربينگە پويەز توتە قاتىنايتىن بولادى، سونداي - اق شينجياڭنان ساپارعا شىعاتىن بويەزدەر 27 ولكە ورتالىعى مەن توتە قاراستى قالانى قامتيىن بولادى.
شينجياڭ ىشىندە 8 جۇپ جولاۋشى پويەزى جاڭادان قوسىلىپ، جولاۋشىلاردىڭ ساپارىنا ءتىپتى جاقسى قولايلىلىقتار جاسالادى. اتاپ ايتار بولساق، سولتۇستىك شينجياڭ باعىتىندا 6 جۇپ پويەز جاڭادان قوسىلادى، ياعني ءۇرىمجى وڭتۇستىك ۆوكزالى مەن قارامايلى اراسىندا ءبىر جۇپ، ءۇرىمجى وڭتۇستىك ۆوكزالى مەن قۇلجا اراسىندا 3 جۇپ، ءۇرىمجى وڭتۇستىك ۆوكزالى مەن الاتاۋ ساعاسى اراسىندا ءبىر جۇپ، قارامايلى مەن بەيتۇن قالاسى اراسىندا ءبىر جۇپ. وڭتۇستىك شينجياڭ باعىتىندا 2 جۇپ جولاۋشى پويەزى جاڭادان قوسىلادى، ياعني ءۇرىمجى وڭتۇستىك ۆوكزالى مەن قاشقار اراسىندا ءبىر جۇپ، قاشقار مەن حوتان اراسىندا ءبىر جۇپ.لانجوۋ - شينجياڭ جوعارى جىلدامدىقتى تەمىر جولىنىڭ ءۇرىمجى وڭتۇستىك ۆوكزالى مەن قۇمىل اراسىندا سەنبى، جەكسەنبى كۇندەرى قاتىنايتىن جۇردەك پويەزدىڭ قاتارىنا بۇرىندارى ءار كۇنى ءبىر پويەز قوسىلسا، ەندى ءار كۇنى 2 پويەز قوسىلىپ، سەنبى، جەكسەنبى كۇندەرىندەگى ءار كۇنى ورتا ەسەپپەن 1226 ورىن قوسىلادى.
جولاۋشى پويەزدەرىنىڭ سانى مولايتىلعان سوڭ، رايونىمىزدىڭ تەمىر جول تاسىمال قۋاتى بارىنشا جوعارىلاتىلادى. ءۇرىمجى تەمىر جول مەكەمەسىنىڭ ورىنباسار باستىعى فان ۋيبين جۇمىس كەستەسى رەتتەلگەننەن كەيىن، بۇكىل مەكەمە بويىنشا قالىپتى جىلدامدىقتاعى جولاۋشى پويەزدەرىنىڭ كۇندىك ورتاشا ارتقان جالپى تاسىمال قۋاتىنىڭ 17 مىڭ 242 ورىنعا جەتىپ، ارتۋ مولشەرىنىڭ %22.6 بولعاندىعىن ايتتى.
وسى رەتتە شينجياڭ ىشىندەگى جىلدامدىعى تەزدەتىلگەن جولاۋشى پويەزدەرىنىڭ بەلەت باعاسى وزگەرمەيدى.
شينجياڭدا قاتىنايتىن جولاۋشى پويەزدەرىنىڭ جىلدامدىعى جاپپاي تەزدەتىلەدى
فان ۋيبيننىڭ تانىستىرۋىنشا، شينجياڭنىڭ تەمىر جول تاراۋى پويەز جول جەلىلەرىن رەتكە سالىپ، قاشقار جولاۋشى پويەزدەرىنىڭ دايىندىق ورنىن سالۋ، تاسىمال جۇيەسىن ساپالىلاندىرۋ سياقتى جولدارمەن شينجياڭدا قاتىنايتىن جولاۋشى پويەزدەرىنىڭ جىلدامدىعىن جاپپاي تەزدەتىپ، 59 جۇپ جولاۋشى پويەزىنىڭ قاتىناۋ ۋاقىتىن جاپپاي قىسقارتادى، شينجياڭنىڭ شىعىس، وڭتۇستىك، سولتۇستىك باعىتتارىنا قاتىنايتىن كەزەكشى پويەزدەردى قامتىعان %50تەن استام جولاۋشى پويەزدەرىنىڭ جىلدامدىعى جاپپاي تەزدەتىلەدى.
پويەز بەلەتىن ۋاكىلەتتى ساتۋدى قوعامعا جالپىلاستىرادى
ءار ۇلت حالقىنىڭ بەلەت ساتىپ الۋىنا بارىنشا قولايلىلىق جاراتۋ ءۇشىن، ءۇرىمجى تەمىر جول مەكەمەسى مامىردان باستاپ، پويەز بەلەتىن ۋاكىلەتتى ساتۋ ورىندارىن كاسىپورىن ۇلگىسىندە تيجارات جۇرگىزەتىن ەتىپ، بەلەتىن ساتۋدى بۇكىل قوعام كولەمىندە جالپىلاستىرۋدى جوسپارلادى. بيىل جىل سوڭىنان بۇرىن، بەلەت ساتاتىن تەرەزەلىك ورىندار مەن اۆتوماتتى بەلەت ساتۋ ماشينالارىنىڭ سانى 1000نان اسىپ، شينجياڭداعى ءارقايسى ايماق، وبلىستاردى، قالا، اۋداندارداعى الەۋمەتتىك اۋماقتار مەن اۋىل - قالاشىقتاردى تۇگەل قامتيدى، بەلەت ساتۋ جونىنەن قىزمەت وتەۋ نەگىزگى ساتىلارعا ەڭ سوڭعى ءبىر شاقىرىمعا دەيىن جەتكىزىلىپ، ءار ۇلت حالقىنىڭ «بەلەت ساتىپ الۋ قيىن» ماسەلەسىن شەشەدى، سونىمەن بىرگە قوعامدى كاسىپتەنۋ ورايىمەن قامدايدى.
فان ۋيبيننىڭ تانىستىرۋىنشا، كەلەسى قادامدا، شينجياڭنىڭ تەمىر جول تاراۋى وڭتۇستىك شينجياڭ تەمىر جولى مەن لانجوۋ - شينجياڭ جوعارى قارقىندى تەمىر جولىن جالعاستىراتىن تەمىر جول قۇرىلىسىن، شينجياڭنىڭ وڭتۇستىك، سولتۇستىك باعىتتارىنا قاتىنايتىن تەمىر جول جەلىلەرىن رەتكە سالۋدى، قۇلجا جولاۋشى پويەزدەرىن تەكسەرۋ - رەمونتتاۋ بازاسى قۇرىلىسىن تەزدەتىپ، شينجياڭدا قاتىنايتىن جولاۋشى پويەزدەرىنىڭ قاتىناۋ ۋاقىتىن ۇزدىكسىز قىسقارتادى جانە كەزەكشى پويەز سانىن كوبەيتۋگە شارت جاعداي جاراتادى، تەمىر جول تاراۋى جولاۋشى تاسىمال جۇيەسىندە «جىلدام، قولايلى، يكەمدى» قىزمەت وتەۋ ولشەمىن جۇرگىزىپ، ءار ۇلت حالقىنىڭ ساپارعا شىعۋ شارت - جاعدايىن جاقسارتىپ، شينجياڭنىڭ قوعام ورنىقتىلىعى مەن باياندى تىنىشتىعىن ىسكە اسىرۋ ءۇشىن تىڭ ۇلەس قوسادى ەكەن.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
